Frjáls verslun - 01.09.1979, Blaðsíða 25

Bifrost ht. Gámaflutningar í
austur og vestur
Bifröst siglir nú austur um hat en Bergiind vestur
„A hjólum yfir hafið“, auglýsir
skipafélagið Bifröst. Sérfróðir
menn í „skipabransanum" eru
vantrúaðir margir hverjir á að
slíkir flutningar verði nokkru sinni
raunhæfirtil og frá Islandi, heldur
aðeins á styttri flutningaieiðum.
„Við höfum þó flutt á þennan
hátt'', uþþlýsti Steinn Sveinsson,
skrifstofustjóri Bifrastar í viðtali við
FV. Hann sagði að þá væri trukk-
urinn skilinn eftir í landi, en tengi-
vagninn með gámana yrði eftir í
skipinu, tilbúinn að aka í land á
erlendri grund með trukki, sem
sendur væri um borð til að ná í
tengivagninn og draga hann á
áfangastað. Þetta hefur verið gert
með fisk, sem sendur var frá
Hafnarfirði til fiskmarkaða í Cux-
haven í V—Þýzkalandi. Ferðin
tekur fjóra sólarhringa, en fiskur-
inn er geymdur í sérstökum gám-
um sem taka 20 tonn og í þeim er
hægt að kæla afurðirnar eða frysta
að vild. Þeir Bifrastarmenn segjast
hafa trú á þessum flutningamáta,
enda auglýsa þeir stíft. Þeir aðilar,
sem flutt hafa á „hjólum yfir hafið“
eru einkum islenzka umboðssalan
hf. og íslenzka útflutningsmið-
stöðin hf. Fluttur hefur verið nýr
fiskur, rækja, humar, grálúöa, karfi
og hörpudiskur, en útflutningur
mun háður leyfum stjórnvalda
hverju sinni.
Varan ævinlega
í gámum
Steinn Sveinsson kvað Bifröst
bjóða upp á alla gámaflutninga
auk alls annars konar flutnings.
Vara sem bærist félaginu væri
ævinlega sett í gáma, ef hún bær-
ist ekki þannig. Kæli og frystigám-
arnir hafa mikið veriö notaðir til
flutninga á nýju grænmeti og
ávöxtum frá Ameríku, en héðan
með landbúnaðar- og fiskafurðir.
M/s Bifröst er bílaflutningaskiþ
með fjórum þilförum. Hins vegar
hentar það vel sem flutningaskip
fyrir gáma. Þá er hægt að stúfa
gámunum upp úr og niður úr í lest
skipsins, og vinnuaðstaða fyrir
lyftara er með ágætum.
Gámaskip
á leigu
Félagið hefur nú tekið á leigu
eitt stærsta flutningaskip íslend-
inga, m/s Berglindi, en skipið er
byggt sem gámaflutningaskip.
Með þessu skrefi hyggjast Bifrast-
armenn einbeita sér að Evrópu-
höfnum einnig. M/s Berglind mun
sigla á Ameríkuhafnir, m/s Bifröst
til Evrópu.
Steinn Sveinsson sagði að að-
staða félagsins í Hafnarfjarðar-
höfn væri með miklum ágætum.
Þar hefðu þeir eigin bryggju fyrir
skipið ásamt athafnasvæði og
vöruskemmum í næsta nágrenni.
Mjög greiðlega gengur að ferma
skipið og afferma. Sem dæmi tók
hann að nú á dögunum tók skipið
211 bifreiðar í Evrópuhöfn. Var
skipið lestað á þrem tímum. I
Hafnarfirði tók losunin aðeins
hálftíma lengri tíma.
Gámaflutningar það
sem koma skal
Sambandið áformar
breytingar á flutn-
ingatækni sinni
„Þetta er hlutur sem á eftir að
koma. Við höfum ekki haft aóstöðu
til gámaflutninga i Reykjavíkur-
höfn og þess vegna höfum við
þurft að aka með vörurnar langt
inn í land, raunar er vöruafgreiðsla
okkar á þremur stöðum. Nú er hins
vegar að skapast við Holtabakka
aðstaða til þessara hluta sem við
munum fá afnot af, en enn hefur
ekkert verið ákveðið með hvers
konar flutningatækni við munum
taka uþp, en þessi mál eru öll í
deiglunni hjá okkur", sagði Axel
Gíslason, framkvæmdastjóri
skipadeildar Sambands íslenskra
samvinnufélaga í viðtali viö Frjálsa
verzlun.
Axel sagði að aðstaðan í landi
væri undirstaöa þess að hægt
væri að breyta skipaflota félags-
ins. Það hefðu þeir þó gert og
hefur þremur skiþanna verið
breytt fyrir gámaflutninga og þar á
meðal frystigáma.
Axel kvaðst vonast til þess að í
lok þessa árs eða byrjun þess
næsta verði fyrsti áfangi þeirra
framkvæmda sem nú væri unnið
að við Holtagarða tilbúinn. Þá
myndi veróa tekin ákvörðun um
endurnýjun skiþaflotans, þ.e.
hvers konar skip verða keypt.
Axel sagði að ef farið væri út í
gámaflutninga enn frekar þá væri
það dýr framkvæmd sem réttlæta
þyrfti með meiri afköstum skip-
anna og jafnframt þyrfti jöfn nýting
að vera fyrir hendi á öllum höfnum.
25