Frjáls verslun - 01.01.1980, Page 18

lækkun á gjöldum ''
Sjálfstæðismál að losna undan
einokuninni
— Hvernig hafa samskiptin
gengið við hið Stóra norræna?
Hafa þau á einhvern hátt verið
erfið?
,,Já og nei. Frá árinu 1960 hefur
félagið haft einkaleyfi á fjarskipt-
um við landið og hefur auk þess
haft algjört sjálfræði á taxtanum.
Við höfum margsinnis reynt að fá
lagfæringar á honum og lækkun.
Stundum hefur það tekist og
stundum ekki.
Stóra norræna á stóran hlut í
jarðstöðinni, var skuldbundið til
þess að leggja fram allt að 10 mill-
jónum dala til byggingar stöðvar-
innar. Eftir 1986 getum við þó
keypt hlut félagsins ef við viljum."
Ódýr jarðstöð
— Hvað er áætlað að stöðin
kosti?
,,Það er alltaf erfitt að áætla
kostnað í þessu verðbólguþjóðfé-
lagi. Ég gæti þó trúað að kostn-
aðurinn væri um 5 milljónir dala,
annars er mjög erfitt með allan
samanburð, veltur á því hvað
reiknað er með í dæminu. Ég tel þó
að jarðstöðin sé ein af þeim allra
ódýrustu sem um getur. Henni er
mjög haglega stjórnað. Stöðvar-
stjórinn verður aðeins í hálfu starfi
við hana, mun á móti starfa við
önnur verkefni hjá símanum.
Vaktir verða fjórskiptar og aðeins
einn maður á hverri og stöðinni
verður stjórnað með fjarstýringu
frá mælistofu landsímans. Slíkt
fyrirkomulag veit ég að er aðeins
viðhaft í einu landi öðru,
Dóminíkanska lýðveldinu.
Ég hef komið inn í svipaðar
jarðstöðvar í Bandaríkjunum, þar
sem 40 manns störfuðu og í Nor-
egi starfa 17 manns við álíka stöð.
354—91—82300, Frjálst framtak,
góðan daginn!
Næsta haust má búast við að
bylting verði í símamálum lands-
manna og þeirra sem sambandi
vilja ná hingað. Maður staddur í
Evrópu og vill ná sambandi við
skrifstofu Frjáls framtaks tekur því
bara upp símann þar sem hann er
staddur og velur eftirfarandi núm-
er, 354, þ.e. landsnúmer (slands,
91, svæðisnúmer Reykjavíkur, og
82300, sem er síminn hjá fyrirtæk-
inu og þá heyrist svarað: ,,Frjálst
framtak, góðan daginn!"
fólk
$imar
82300
82302
BYGGINGAVÖRUR
Þegaryður
vantar bygg-
inga- eða garð-
vörur, smáar
eða stórar,
ódýrar eða
dýrar, er næst-
um öruggt, að
þær fást hjá
okkur. Þér
finnið óvíða
annað eins úr-
val. Og það er
valið af
reynslu.
Við tökum þátt
í að leysa úr
viðfangsefnum
og vandamál-
um yðar á
þessu sviði
með persónu-
legri aðstoð,
hvort sem þér
komið eða
hringið.
KAUPFÉLAG EYFIRÐINGA Byggingavörudeild
18