Frjáls verslun - 01.07.1988, Qupperneq 10

HEYRTOG SEÐ
Rekstur Volvo sam-
steypunnar sænsku skilar
góðum hagnaði og
fyrirtækið eflist nú með
hverju árinu. I fljótu bragði
mætti ætla að það sé
velgengni Volvo bíla á
markaðinum að þakka hve
traustum fótum Volvo
stendur um þessar mundir.
Svo er þó ekki. Bílafram-
leiðslan er í járnum og
afkoman sveiflast verulega
á milli ára. Volvo hefur t.d.
gengið mjög illa að selja
sína bíla í Bandaríkjunum
vegna þess hve þeir þykja
eyðslufrekir og ekki bætti
úr skák þegar 760 bíllinn
lenti á svörtum lista
bandarísku umhverfis-
verndarstofnunarinnar
EPA yfir eyðsluháka og
lagður var 600 dollara
eyðsluskattur á hvern
innfluttan bíl.
En það er ekki á
framleiðslu bíla sem Volvo
græðir heldur á umfangs-
mikilli matvælaframleiðslu,
t.d. fiskiðnaði. Eitt þeirra
fyrirtækja sem skilar
miklum hagnaði er eignar-
haldsfyrirtækið Provendor
en það er sú hlið Volvo
sem snýr að
A HVERJU
GRÆÐIR VOLVO?
matvælaiðnaði. Tvö
stærstu fyrirtækin í
Proventor hópnum, en þau
eru fjölmörg, eru
Sockerbolaget og Abba.
Sockerbolaget er
risafyrirtæki en næst
stærst er Abba, eitt af
stærstu fiskiðnfyrirtækjum í
Norður-Evrópu með útibú í
V-Þýskalandi, Danmörku,
Póllandi, Portúgal, Spáni,
Frakklandi og í
Bandaríkjunum. Abba er í
samstarfi við norsk
fyrirtæki um eldi á þorski í
kerjum við Nýfundnaland
og Nova Scotia í Kanada
og þann smáþorsk selur
fyrirtækið svo í Boston á
sumrin þegar eftirspurnin
er mest og verðið hæst.
Abba er stærsta fyrirtæki
Svía á sviði niðursuðu og
niðurlagningar og er stór
hluti tekna þess vegna
sölu á sild til Sovétríkjanna
og V-Þýskalands.
Fyrirtækið er mjög vel búið
tækjum og tæknivæðing
þess er á mjög háu stigi.
Abba skilar nettóhagnaði
sem nemur 27% af eigin
fé.
Fyrirtækið stendur á
gömlum merg. Upphaf
þess má rekja til
Björgvinjar í Noregi þegar
þar var stofnað fisksölu-
fyrirtækið AB Bröderne
Arneln árið 1838 en
fyrirtækið flutti til
Stokkhólms árið 1850. Árið
1898 stofnaði það ásamt
11 sænskum niðursuðu-
verksmiðjum samsteypuna
Sveriges Forenade
Konservfabriker og tók upp
vörumerkið Fyrtornet. Árið
1927 hóf fyrirtækið Abba
framleiðslu á
niðursuðuvörum. Árið 1962
sameinuðust Abba og
Fyrtornet. Árið 1969 kaupir
sænska ölgerðin Pripps
Abba fyrirtækið. Árið 1975
kaupir Beijer
fjárhaldssamsteypan
Pripps og árið 1981
sameinast Beijer og Volvo.
ISLENSKIR OG TYRKNESKIR
SKERA SIG ÚR
MORGUNBLAÐIÐ SVER AF
SÉR RITSTJÓRA
Einn þeirra mælikvarða
sem notaður er til að lýsa
ástandi stjórnmála hjá
ákveðinni þjóð er
stöðugleiki. Stöðugt
verðlag er jafnvel notað
sem mælikvarði á getu
stjórnmálamanna til að
stjórna. í fréttatilkynningu
frá OECD í París (11/10) er
að finna yfirlit yfir þróun
verðlags í þeim löndum
sem aðild eiga að stofnun-
inni. Birt er m.a. meðaltal
áranna 1966-1975 annars
vegar og 1975-1984 hins
vegar. Tvö lönd skera sig
greinilega úr með mesta
hækkun verðlags. Það eru
ísland og Tyrkland. Á fyrra
tímabilinu hækkaði verðlag
á íslandi um 19,5% en
11,8% í Tyrklandi. Á síðara
tímabilinu hækkaði verðlag
á íslandi um 46,6% að
meðaltali en 40,5% í
Tyrklandi. Engin önnur
lönd komast nálægt íslandi
og Tyrklandi í þessum
efnum og virðist, ef ráða
má af þessu yfirliti OECD,
m.a. mega draga þá
ályktun að íslenskir og
tyrkneskir stjórmálamenn
eiga margt sameiginlegt.
Krafturinn í stjórnendum
Stöðvar 2 er mikill eins og
auglýsingar fyrirtækisins í
dagblöðum bera með sér. (
þeim virðist m.a. sem
leitast sé við að vekja
sérstaka athygli á því
úrvali atgerfisfólks sem
Stöð 2 hefur yfir að ráða í
lykilstöðum en sumir telja
að „atgerfisflóttinn" til
Stöðvar 2 hafi verið nánast
opinberlega staðfestur
með ráðningu Ómars
Ragnarssonar.
í einni auglýsingunni
(11/10 í Mbl.) er Sighvatur
Blöndahl, framkvæmda-
stjóri markaðssviðs
Stöðvar 2, kynntur. í skrá
yfir fyrri störf segir m.a.
„Um 8 ára skeið var hann
ritstjóri viðskiptasíðu Morg-
unblaösins". Að viku liðinni
frá birtingu umræddrar
auglýsingar, þann 18.
október sl., skrifar Víkverji
Morgunblaðsins og
afneitar ritstjóranum
Sighvati fyrir hönd
blaðsins. Þar segir að
Sighvatur hafi á sínum
tíma verið blaðamaður á
Morgunblaðinu við almenn
fréttastörf en ekki ritstjóri
og hafi hann haft það sem
aukavinnu að annast viö-
skiptasíðu sem birtist þá
óreglulega.
10