Frjáls verslun - 01.05.1990, Qupperneq 24

Verksmiðjuhús Icelandic Freezing Plant Ltd.
á neytendamörkuðunum. Dæmi eru
til þess að evrópskir fiskverkendur
kaupi íslenskan fisk sem hráefni, vinni
hann og selji hann síðan í samkeppni
við íslensk fyrirtæki á mörkuðunum.
Það er athyglisvert að á sama tíma
og tekist er á um einkaleyfi SÍF til
útflutnings á saltfiski koma fram hug-
myndir um að kanna möguleika á að
breyta formi stóru sölusamtakanna
þriggja þannig að þau verði hlutafélög
sem hugsanlega verði sameinuð í eitt
risastórt útflutningsfyrirtæki á næstu
árum. Hugsunin á bak við þessa hug-
mynd er sú að í framtíðinni verði enn
brýnna en verið hefur að koma fram á
erlendum mörkuðum af miklu afli,
einkum eftir að Evrópa verður orðin
einn markaður, með færri og stærri
rekstrareiningum. Á sama tíma og
þessar hugmyndir eru uppi eru aðrir
þeirrar skoðunar að sundra beri út-
flytjendum íslenskra sjávarafurða enn
frekar.
Friðrik Pálsson, forstjóri SH, fjall-
aði nokkuð um þessi mál í ræðu sinni á
aðalfundi Sölumiðstöðvarinnar fyrir
skömmu. Hann sagði m.a. að eitt af
því helsta, sem Islendingar gætu
státað af á viðskiptasviðinu á erlend-
um vettvangi og verið stoltir af, væru
þessi stóru útflutningsfyrirtæki. Enn-
fremur sagði Friðrik: „Þegar illa hef-
ur árað í útflutningsmálum íslendinga
hafa þessi fyrirtæki staðið eins og
klettur í hafinu, en þegar vel gengur
og mikil eftirspurn er eftir fiski, þá
sprettur upp, eins og gorkúlur, fjöld-
inn allur af sérfræðingum sem allt vita
betur en þeir sem unnið hafa að þess-
um málum um skamman eða langan
tíma.“
Friðrik sagði að frystiiðnaðurinn á
Islandi hefði verið klofinn í tvennt, að
því er virðist af flokkspólitískum
ástæðum. Hann sagði að smám sam-
an væri að skapast skilningur á að
fyrirtæki með líkt starfssvið ættu að
starfa saman.
í ræðu sinni sagði Friðrik Pálsson
ennfremur: „Ég fullyrði að hvergi er
nú meiri þörf á sterkum fyrirtækjum
en einmitt við útflutningsstarfsemi
okkar íslendinga. Það er engin
ástæða til að vanmeta styrk sinn og
við íslendingar eigum mikla mögu-
leika á mörgum sviðum við að selja
vörur okkar, en við verðum að gera
okkur grein fyrir því að jafnvel sam-
einaðir erum við ekki stórir. Ein aðal-
ástæðan fyrir því að þessum fyrir-
tækjum hefur gegnið vel erlendis er
að þau hafa náð þeirri stærð að mega
sín einhvers."
Friðrik ræddi einnig um þá hættu
að smærri fyrirtæki, sem teldu sig
geta náð árangri í sölu á íslenskum
vörum á erlendri grund, gætu það
ekki nema í miklu samstarfi við erlend
fyrirtæki sem gætu ráðið þeim ís-
lensku. „Það eru einungis stórar
fyrirtækjaheildir eða sterk fyrirtæki
sem geta náð því að sýna sjálfstæði
gagnvart þessum erlendu kaupend-
um.“
SAMEINAÐIR EÐA SUNDRAÐIR
Þess er að vænta að á næstu miss-
erum muni ráðast hvaða stefnu út-
flutningsstarfsemi íslendinga tekur.
Verða ofan á þau sjónarmið að þörf sé
fyrir enn stærri og öflugri fyrirtæki en

Nýsmíði
Hönnun
Rennismíði
Plötusmíði
Efnissala
Vélsmiðjan Akureyri h.f.
Strandgötu 61 Box 73 602 Akureyri
Sími 96-23001
Við erum leiðandi
í viðhaldsvinnu báta.
Menn og vélar í
takt við tíman.
Sími 96-23001
24