Frjáls verslun - 01.04.1992, Side 49

um ítrekað bent á að við þessar að-
stæður er fullkomlega réttlætanlegt
að opinberir aðilar auki við sín verk-
efni, einkum á sviði samgöngumála.
Þar liggur fyrir hvar skóinn kreppir og
hægt að ráðast í nýframkvæmdir með
tiltölulega litlum fyrirvara. Slík verk-
efni tengjast byggingarfyrirtækjunum
vegna brúarsmíði og slíkra mann-
virkja en ekki síður jarðvinnufyrir-
tækjunum vegna vegalagningarinnar
sjálfrar. í þessu sambandi þarf ekki
annað en að minna á hagkvæmni þess
að bæta samgöngukerfið, m.a. með
tilliti til eflingar byggðar víða um land
en einnig getur það reynst afdrifaríkt
ef stór fyrirtæki lenda í krappri stöðu
eða leggja jafnvel upp laupana. Þá
kann að reynast erfitt að fá innlenda
aðila til að standa fyrir stórfram-
kvæmdum af ýmsu tagi sem auðvitað
verður ráðist í þótt síðar verði.“
RJÚFUM KYRRSTÖÐUNA!
Þegar ljóst varð að ekkert yrði af
framkvæmdum á næsta ári vegna
byggingar álvers á Keilisnesi og
tengdra virkjanaframkvæmda, ákvað
stjórn Verktakasambandsins að leita
leiða til að auka framkvæmdir í land-
inu og efla atvinnu- og efnahagslífið.
Fékk stjórn sambandsins faglega út-
tekt Hagfræðistofnunar Háskólans
og í henni sagði m.a.:
„Vandamálið, sem að greininni
snýr eru erfiðleikar við fjármögnun
verkefna. í þeim tillögum sem hér eru
gerðar um verkefni er ekki gert ráð
fyrir að þær krefjist aukinna útgjalda
af hálfu ríkissjóðs. Breikkun Reykja-
nesbrautar mætti fjármagna að hluta
með vegatolli, Hvalfjarðargöng má
fjármagna með hlutabréfasölu að tutt-
ugu hundruðustu og afganginn með
erlendum lánum. Ef lagður yrði á
vegatollur þá má gera ráð fyrir að
lánið verði upp greitt á 15 árum en
hlutaféð á 22 árum. Fjármögnun
bygginga Háskólans yrði með þeim
hætti að verktakamir fjármagna viss-
an hluta þess verks með lánum sem
Háskólinn síðar greiddi með tekjum af
happdrætti sínu. Endurbætur á hol-
ræsakerfi yrðu hins vegar fjármagn-
aðar úr bæjarsjóðum viðkomandi
bæja, Reykjavíkur, Garðabæjar og
Kópavogs."
Fjölmörg fleiri atriði komu fram til
ábendingar í úttekt Hagfræðistofnun-
ar, m.a. að skynsamlegt væri að ráð-
stafa tekjum af hlunnindagjaldi á veiði-
heimildir, verði því komið á, til þess
að bæta vegi og stuðla að umhverfis-
vernd. Þá er einnig á það minnst að
íslenskir verktakar hljóti að huga að
útflutningi á sinni þjónustu í ríkari
mæli en verið hefur og að innan fárra
ára ætti að vera lag til að búa til mark-
að í Eystrasaltsríkjunum og fleiri
löndum A-Evrópu.
„Við íslendingar stöndum, eins og
aðrar vestrænar þjóðir, á þröskuldi
nýrrar aldar. Við höfum hingað til
treyst mjög á viðskipti hver við annan
en að því verður að koma að við auk-
um hlut atvinnulífsins þar sem gjald-
eyris er aflað í leiðinni. Við þurfum
aukið fjármagn inn í okkar litla samfé-
lag, bæði sjálfsaflafé og erlent hluta-
fé. Með opnun Evrópu og þátttöku
okkar í þeirri þróun, skapast gífurleg-
ir möguleikar til að hasla okkur völl
erlendis. Mesta hættan er sú að við
lokumst inni í okkar litla heimi í þeirri
vissu að hann sé bestur og út fyrir
hann sé lítið sem ekkert að sækja.
Slík hugsun er hættulegur misskiln-
ingur og vísasta leiðin til að stöðva
hér framfarir og sókn til betri lífs-
kjara,“ sagði Örn ennfremur.
í janúar sl. efndi Verktakasam-
bandið til ráðstefnu í Reykjavík undir
INNRETTINGAR
I 1
l I I
FRAMLEIÐUM
• ELDHÚSINNRÉTTiNGAR
• BAÐINNRÉTTINGAR
• OG FATASKÁPA
GERUM FÖST VERÐTILBOÐ
TRESMIÐJA
RÉTTARHVAMMI 3 - 603 AKUREYRI
SÍMI ( 96) 11188 - PÓSTFAX (96) 11189
49