Frjáls verslun - 01.04.1992, Qupperneq 71

ELDVARNIR
Hrólfur Jónsson og Bjarni Kjartansson: Notið ekki gamlar rafmagnssnúrur eða lélega tengla.
ALLUR ER VARINN GÓÐUR
RÆTT VID ÞÁ HRÓLF JÓNSSON SLÖKKVILIÐSSTJÓRA OG BJARNfl
KJARTANSSON HJÁ SLÖKKVILIÐINU
Eldvarnir í heimahúsum ættu
vitaskuld að vera eins og best
verður á kosið. Staðreyndin er
hins vegar sú að málum er oft og
tíðum ekki svo farið. En hvað
þurfa húsbyggjendur og íbúðar-
kaupendur að gera vilji þeir hafa
eldvarnir í híbýlum sínum í góðu
lagi? Frjáls verslun leitaði álits
hjá þeim Hrólfi Jónssyni
slökkviliðsstjóra og Bjarna
Kjartanssyni, verkefnastjóra
hjá Slökkviliðinu, og einnig var
grafist fyrir um verð á hinum
ýmsu eldvarnartækjum sem eru
á boðstólum.
„í fyrsta lagi þarf að draga úr líkum
á að eldur brjótist út,“ segir Hrólfur.
Þeir brunar, sem samanlagt valda
mestu tjóni á höfuðborgarsvæðinu,
kvikna í eldhúsum. Fólk gleymir þá
pottum á eldavélarhellunni eða steik-
inni í ofninum. „Þeir eru til sem virð-
ast ekki kunna að umgangast eldavél-
ar og ofna,“ bætir hann við. Þá hefur
óvarkámi í sambandi við reykingar
komið stórbrunum af stað og síðast
en ekki síst geta rafmagnstæki verið
býsna hættuleg. Þeir Hrólfur og
Bjarni leggja áherslu á að fólk noti
ekki gamlar rafmagnssnúrur eða lé-
lega tengla og einnig sé góðra gjalda
vert að taka sjónvarpstæki, afruglara
og jafnvel myndbandstæki úr sam-
bandi eftir notkun. Þess eru mörg
dæmi að kvikni í út frá þessum hlut-
um.
Hvað er hins vegar til ráða þegar
eldur er orðinn laus? Hér kemur að
eldvarnartækjunum sem fólki standa
til boða. Fyrst og fremst verður að
vera reykskynjari á hverju heimili.
TEXTI: GUÐNITH. JÓHANNESSON MYNDIR: KRISTJÁN EINARSSON
71