Frjáls verslun - 01.10.1995, Qupperneq 25

AÐVERA FETIFRAMAR
Össur segist aldrei hafa efast um
að silikonhulsan ætti eftir að sigra
heiminn ef rétt væri á málum haldið.
En í heimi viðskipta eru margar hindr-
anir. Fjárskortur háði fyrirtækinu
lengi vel en Össur lagði allt undir.
Hann veðsetti íbúðarhús sitt, foreldra
sinna og fjölskyldu en tekur fram að
Iðnþróunarsjóður hafi styrkt sig í
upphafi vega og það hafi skipt máli.
Hann fékk einnig norrænt lán þegar
hann var í samstarfi við Svíana þó að
sú vinna bæri minni árangur en hann
hefði kosið.
„Útvegsbankinn var okkar banki
og vinur minn, Jónas Rafnar, var okk-
ur mikil hjálp. Hann trúði á það sem
ég var að gera en hélt þó í ijármagmð
og passaði að ég færi ekki yfir strikið.
Ég gerði kostnaðaráætlanir og reyndi
að standa við þær en auðvitað gekk
það misvel. Hagnaður hefur allur farið
beint í fjárfestingar. Undanfarin ár
hefur velta fyrirtækisins verið mjög
mikil og hagnaðurinn góður. En það
þarf líka að verða gríðarlegur hagnað-
ur af fyrirtækinu næstu ár ef okkur á
að takast að fylgja því eftir sem við
erum með í höndunum. Samkeppnin
er mikil og við verðum að vera með
allar klær úti ef okkur á að takast að
ná markaðnum. Þó að ég hafi upphaf-
lega fundið upp þessa aðferð er eng-
inn að hugsa um það lengur. Allir
munu nota silikonhuslur í framtíðinni
en þá er spurningin hvað okkur tekst
að vernda framleiðsluna vel og
hvernig okkur gengur að halda þróun-
arstarfinu áfram. Baráttan snýst um
að vera feti framar og veita góða þjón-
ustu. Þar höfum við talsvert forskot
og munum áfram leggja megin
áherslu á fræðslu- og þjónustustarf
við viðskiptavini okkar.“
Verulegur kippur kom í markaðs-
starf Össurar hf. þegar Tryggvi
Sveinbjörnsson kom til starfa 1989.
Þegar hann hóf störf voru starfsmenn
fimmtán en eru nú orðnir rúmlega
fimmtíu. „Við Tryggvi störfum náið
saman,“ segir Össur. „Hann er heil-
inn á bak við markaðsstarfið og er
afkastamikill og fullur af hugmyndum.
Við seljum vöru okkar til yfir tuttugu
landa og byggðum upp umboðs-
mannakerfi sem við þjónum vel með
fræðslu og upplýsingum. Nú ætlum
við hins vegar að brjóta það kerfi upp
og komast í beinni tengsl við markað-
inn. Fyrir ári síðan stofnuðum við
fyrirtæki í Kaliformu, í nágrenni við
efnisframleiðandann okkar. Þar vinna
nú tíu manns og framleiða og selja
hulsur á Bandaríkjamarkað. Við bind-
um miklar vonir við þann markað og
viljum sinna honum vel. Við ætlum að
setja upp þjónustu- og markaðsdeild
og ná sambandi við sem flesta stoð-
tækjafræðinga í heiminum. í deildinni
mun vinna fólk sem getur svarað
tæknilegum spumingum í síma og þar
mun fara fram þjálfun fyrir umboðs-
menn sem munu halda áfram að
kenna tæknina. Við höfum einnig
stofnað fyrirtæki í Bretlandi þar sem
vinna þrír starfsmenn og munu annast
dreifingu, sölu og þjónustu og búið er
að stofna fyrirtæki í Lúxemborg þar
sem áætlað er að fimm til sjö manns
vinni og sjái um sölu til Evrópu og
Afríku.“
MIKIL ÞÖRF í
STRÍÐSHRJÁÐUM LÖNDUM
Það má því segja að framtíðin blasi
við fyritækinu Össuri hf. og víst er að
alltaf verður þörf fyrir framleiðslu-
vöru þess. Enn er mikið framleitt af
gervifótum úr harðplasti og því má
segja að silikonhulsan sé lúxusvara
enn sem komið er. Rauði krossinn er
einn þeirra aðila sem sér um fram-
leiðslu á gervilimum fyrir stríðshrjáð
lönd, t.d. Víetnam, Afganistan og
Kambódíu, en sú framleiðsla er ekki
nema um tólf þúsund gervilimir á ári.
Telur Össur að í framtíðinni geti fólk í
stríðshrjáðum löndum fengið silikon-
hulsu?
„Sé tekið mið af því hvað hægt er
að framleiða margar hulsur í háum
gæðaflokki á stuttum tíma með nýju
tækninni er óneitanlega freistandi að
kanna möguleikana. Vandamálið er að
enn sem komið er mega gervilimir,
sem t.d. Rauði Krossinn útvegar,
ekki kosta neitt. Sama er að segja um
25