Frjáls verslun - 01.10.1995, Blaðsíða 42

VIÐ ARAMOT
1. „Þjónusta við ferðamenn hefur
mikinn meðbyr í daglegri umræðu
manna á meðal. Það er skilningur
þjóðfélagsins að ferðaþjónustan sé
vaxtarbroddur sem sé atvinnuskap-
andi á mörgum sviðum. Aukning hef-
ur orðið á fjölda erlendra gesta á árinu
en þessi aukning skilar sér mismikið
til fyrirtækjanna eftir því hvar þau eru
í sveit sett. Aukning á höfðatölu segir
því miður ekki alltaf til um afkomu í
greininni vegna mismunandi dvalar-
lengdar, eðli viðskiptanna o.fl.
2. Fyrirtæki í hótel- og veitinga-
rekstri munu einbeita sér meira að
gæðamálum en hefur verið á undan-
fömum árum, bæði vegna kröfu frá
ríkisvaldinu, þ.e. heilbrigðiskröfu, og
vegna aukinna krafna markaðarins.
Virk gæðastjómun einstakra fyrir-
tækja, auk stefnumótunar samgöngu-
ráðuneytisins og Reykjavíkurborgar,
á eftir að skila ferðaþjónustunni
markvissari vinnubrögðum. Sú
stefnumótunarvinna á t.d. eftir að
svara hvort við eigum áfram að stefna
á sem mestan fjölda ferðamanna eða
hvort önnur markmið séu áhugaverð-
ari. Því miður hefur verið of mikið um
sveiflur í tekjum í ferðaþjónustunni
frá einu ári til annars sem stafa af
utanaðkomandi ástæðum. Ég spái því
að tekjulínuritið verði ekki strik upp á
við 1996 heldur í besta lagi lárétt
lína,“ sagði Jónas á Hótel Sögu.
Útflutningur:
BENEDIKT SVEINSSON,
ÍSLENSKUM
SJÁVARAFURÐUM
1. „í sjávarútveginum einkenndist
árið 1995 af mikilli baráttu við að halda
þokkalegri stöðu miðað við erfiðar að-
stæður. Fiskur af íslandsmiðum var
ekki nægur til þess að halda uppi veið-
um og vinnslu sem leiddi til áfram-
haldandi verðhækkana á aflaheimild-
um og enn aukinnar áherslu á veiðar
utan landhelgi. Hefðbundin fisk-
vinnsla í landi átti og á verulega undir
högg að sækja en hún hefur orðið að
búa við erfiðar ytri aðstæður, svo
sem lækkun á helstu gjaldmiðlum og
takmarkað og dýrt hráefni.
Hvað varðar okkar fyrirtæki var
Benedikt Sveinsson, íslenskum
sjávarafurðum: „I sjávarútvegi er-
um við að fara inn í tímabil þar sem
hugsa verður stórt.“
árið baráttuár og mikið um að vera. I
byrjun var tekist á um UA og Akur-
eyri, síðan reistar nýjar höfuðstöðvar
f Reykjavík og aukin áhersla lögð á
öflun afurða erlendis. Þegar upp var
staðið var árið, sem nú er að líða,
okkur gott.
2. Ég lít björtum augum á framtíð-
ina, enda er ég bjartsýnismaður. í
sjávarútveginum erum við að fara inn
í tímabil þar sem gæta verður vel að
öllum möguleikum og hugsa stórt.
Nauðsynlegt er að leysa strax þá
miklu erfiðleika sem hefðbundin fisk-
vinnsla er í en hún aflar í dag gjaldeyr-
is sem seldur er fyrir slikk og flæðir
hratt út úr landinu. Þetta ástand veg-
ur alvarlega að framtíð þess fólks í
byggðum landsins sem aflar gjaldeyr-
isins með mikilli vinnu.
Ég spái góðri loðnuvertíð, góðum
markaði fyrir frysta loðnu og yfirleitt
góðum markaði fyrir sjávarafurðir.
Samkeppnin í matvælaiðnaðinum
mun áfram verða hörð og því nauð-
synlegt að hyggja vel að framleiðslu-
kostnaði. Við erum með mörg verk-
efni í gangi bæði heima og erlendis og
horfum með tilhlökkun fram á nýtt og
spennandi ár,“ sagði Benedikt hjá ís-
lenskum sjávarafurðum.
Matvælaiðnaður:
STEINÞÓR SKÚLASON,
SLÁTURFÉLAGI
SUÐURLANDS
1. „Mjög mikil samkeppni ein-
kenndi kjötmarkaðinn á yfirstandandi
ári. Neytendur hafa notið þessa
ástands í lækkuðu verði en þrengt er
að afkomu fyrirtækjanna. Markaður-
inn hefur færst hratt frá frosinni vöru
til ferskrar. Það gerir meiri kröfur en
áður til vörumeðhöndlunar á öllum
stigum vegna þess hve viðkæmar
ferskar vörur eru.
Hollustusjónarmið fara mjög vax-
andi svo og vitund neytenda um eigin-
leika þeirrar vöru sem þeir neyta.
Miklar framfarir hafa orðið í gæða-
málum með tilkomu innra eftirlits
sem er orðin skylda í matvælafyrir-
tækjum frá og með desember 1995.
2. Til að tryggja framtíð sína til
lengri tíma litið verður innlend fram-
leiðsla að nálgast erlenda aðila betur á
sviði framleiðslukostnaðar. Þetta á
jafnt við um frumframleiðsluna í sveit-
unum og frekari vinnslu. Það styður
Steinþór Skúlason, Sláturfélagi
Suðurlands: „Markaðurinn hefur
færst hratt frá frosinni vöru til
ferskrar."
innlenda framleiðslu að þeir þættir,
sem draga úr framleiðni innanlands,
eins og litlar framleiðslueiningar og
mmni vélvæðing, teljast vaxandi
kostir hjá mörgum neytendum í sam-
anburði við verksmiðjubúskap er-
lendis. Framleiðsla í sátt við um-
hverfið, dýravernd og hreinleiki af-
urða eru þau lóð sem við getum lagt á
vogarskálina á móti ýtrustu hag-
kvæmni erlendra risaverksmiðja,“
sagði Steinþór hjá Sláturfélagi Suður-
lands.
42