Frjáls verslun - 01.10.1995, Side 62

NÆRMYND
„Löngu áður en Finnur fór að skipta sér af pólitík var hann alltaf maðurinn
sem öllu reddaði. Hann þekkti alltaf einhvers staðar mann sem þekkti mann og
hafði mikla ánægju af því að verða vinum og kunningjum að liði. “
búa þeir í parhúsi við Jöklafold í Graf-
arvogi sem þeir byggðu nær algjör-
lega sjálfir en þeir eru báðir handlagn-
ir eins og starfsval Magnúsar bendir
til en Finnur mun ekki síður banghag-
ur en bróðir hans.
Finnur gekk í barnaskóla á heima-
slóðum í Vík en unglingaskóla á
heimavistarskólanum á Skógum undir
Eyjafjöllum eins ogþá tíðkaðist. Hann
settist á skólabekk í Samvinnuskólan-
um og var fyrst í Bifröst 1973 til 1975
en hélt áfram og tókst á við fram-
haldsnám Samvinnuskólans í Reykja-
vík árin 1976 til 1978 og varð loks
stúdent frá Samvinnuskólanum árið
1979. Hann þótti alla tíð ágætur
námsmaður en á stundum liðu ein-
kunnir hans fyrir hin fjölþættu áhuga-
mál og virka þátttöku í félagslífi.
ÓLST UPP í VÍK
Finnur ólst upp í Vík á þeim árum
sem erfitt var að vita hvar þorpið end-
aði og sveitin tók við, áður en sjón-
varp og sjálfvirkur sími eyðilögðu fé-
lagslíf sveitanna og gervihnattadisk-
urinn varð besti félagi Islendingsins.
Faðir Finns átti nokkrar kindur eins
og algengt var á þessum árum og í
kringum þær var ýmislegt bústang.
Finnur var samt sendur í sveit í æsku
sinni og ólst upp við algeng sveita-
störf en hann var lengi í sveit hjá
systkinum sem bjuggu í Búlandi í
Skaftártungu en einnig fékk hann
ungur að árum að fara í leiðangra með
móðursystur sinni Huldu Magnús-
dóttur sem var ráðskona hjá brúar-
vinnumönnum og hélt henni selskap
um hríð meðan hún sauð og brasaði
ofan í brúarkarla.
Besti vinur Finns á æskuárum og
enn í dag er náfrændi hans og uppeld-
isfélagi Sæmundur Runólfsson fram-
kvæmdastjóri Ungmennafélags ís-
lands. Þeir félagar léku sér mikið
saman í æsku en þeir eru bræðrasyn-
ir og nágrannar. Þeir veiddu saman
lunda og fýl og spiluðu fótbolta af mik-
illi hörku. Keppnin var stundum
býsna óvægin eins og sést á því að
þegar þeir kumpánar voru um ferm-
ingu fótbrotnaði Finnur í fótbolta við
Sæmund frænda sinn. Þeir félagar
vösuðust einnig mikið í hrossum í
æsku sinni.
Á unglingsárum var Finnur eitt ár í
sveit í Sumarliðabæ í Holtum hjá Guð-
laugi Jónssyni og þar tók hestamenn-
skan á sig nýja mynd en þar eignaðist
Finnur Sörla sem varð mikill gæðing-
ur og vann til verðlauna í tölti í b-flokki
gæðinga og var alla sína tíð í miklum
metum hjá eigandanum sem kom
nokkuð nálægt tamningu hans og
þjálfun.
Þegar Finnur var búinn með fyrri
hluta Samvinnuskólans hélt hann á
heimaslóðir á ný og gerðist fram-
kvæmdastjóri Prjónastofunnar Kötlu
í Vík þegar hann hafði einn um tvítugt
og er fullyrt að hann hafi verið prýðis
stjórnandi og verið afar vinsæll hjá
konunum og verið ófeiminn við að fitja
upp á ýmsum nýjungum í stjómun.
Sama heimild fullyrðir að þrátt fyrir
starf á alls þremur prjónastofum
kunni hann ekki að prjóna.
Um svipað leyti fékkst hann við
löggæslustörf sem héraðslögreglu-
maður í Vík og síðar í Reykjavík með
námi í Háskólanum. Hann hélt síðan
áfram námi í Samvinnuskólanum en
vann sumarið 1977 sem verkstjóri hjá
Prjónastofunni Hildu í Reykjavík og
1978 var Finnur ráðinn sem fram-
kvæmdastjóri Prjónastofunnar
Dyngju á Egilsstöðum en dvaldi þar
aðeins eitt ár. Á sama tíma tók hann
stúdentspróf utanskóla frá Samvinnu-
skólanum.
Þegar stúdentinn var í höfn settist
Finnur á skólabekk í viðskiptafræði-
deild Háskóla íslands og lauk prófí
þaðan 1984. Áður en náminu lauk var
hann orðinn aðstoðarmaður Halldórs
Ásgrímssonar sjávarútvegsráðherra
en hann gegndi því embætti til 1987.
1987 skipti Finnur um húsbónda og
gerðist aðstoðarmaður Guðmundar
Bjarnasonar sem var heilbrigðis- og
tryggingaráðherra. Þessu starfi
gegndi Finnur þar til hann varð þing-
maður framsóknarmanna í Reykjavík
árið 1991.
ÓVENJULEGUR
STARFSFERILL
Þannig er starfsferill Finns nokkuð
óvenjulegur að því leyti að utan Al-
þingis hefur hann aðeins unnið á
prjónastofum og í ráðuneytum með
örstuttri viðkomu á lögreglustöð. Sé
það metið svo að aðstoðarmaður ráð-
herra sé pólitískt embætti hefur Finn-
ur haft atvinnu af stjómmálum frá
1984 þegar hann varð aðeins þrítugur
og sýnir í raun mikla stefnufestu hans
í átt til frama í stjórnmálum.
Finnur hefur verið virkur í félagslífi
á ýmsum vettvangi. Fyrst skal telja
að hann var formaður Ungmennafé-
lagsins Drangs í Vík í Mýrdal og sat í
ýmsum nefndum og ráðum fyrir Ung-
mennasamband Vestur-Skaftfellinga.
Hann var í stjórn Nemendasambands
Samvinnuskólans og var þar gjald-
keri. Hann var formaður Stúdenta-
ráðs og formaður stjórnar Félags-
stofnunar stúdenta, formaður Sam-
bands ungra framsóknarmanna, í
miðstjóm, landstjóm og fram-
kvæmdastjórn Framsóknarflokksins.
Þó Finnur sýnist vera mikill áhuga-
maður um vöxt og viðgang Fram-
sóknarflokksins hafði hann lengi vel,
að sögn sumra kunnugra, ekki
ástríðuþrunginn áhuga á pólitík. Það
var ekki fyrr en hann kom í Háskólann
sem pólitískur áhugi hans kviknaði og
hann hellti sér út í stjómmálin af gífur-
legum áhuga.
„Ég hef þekkt Finn Ingólfsson í 20
ár og hann er fæddur aðstoðarmaður.
Löngu áður en hann fór að skipta sér
af pólitík þá var hann alltaf maðurinn
sem öllu reddaði. Hann þekkti alltaf
einhvers staðar mann sem þekkti
mann og hafði mikla ánægju af því að
verða vinum og kunningum að liði
með þessum hætti.
Ég myndi segja að sem stjómmála-
maður, sem þarf að tala mikið við fólk
og greiða götu þess, þá væri hann í
því starfi eins og fiskur í vatni,“ sagði
62