Frjáls verslun - 01.03.1998, Page 46

HUGBÚNAÐUR EÐA HEILAGUR ANDI?
„Ætti ekki Háskólinn aö geta fært til fjármagn innan stofnunarinnar og tekið frá
öðrum greinum til að mæta þessari þörf. Hvort er mikilvægara að mennta guðfræðinga
eða tölvunarfræðinga?11
Friðrik Sigurðsson, framkvæmda-
stjóri Tölvumynda, er formaður
Félags íslenskra hugbúnaðarfyrir-
tækja. Hann segir að skortur á
fólki til starfa við hugbúnaðar-
gerð sé eitt stærsta vandamál
greinarinnar.
þar sem auglýst er eftir starfsfólki
þá sýnist um helmingur auglýsinganna
vera frá tölvuíyrirtækjum sem vantar
starfsfólk, ekki bara tölvufræðinga heldur
líka alls konar fólk sem kann á tölvur. Er
fólksfæð verulegt vandamál í hugbúnaðar-
fyrirtækjum?
„Þetta er mikið vandamál. Það hafa út-
skrifast innan við 400 tölvunarfræðingar
frá HI og um 200 frá Tölvuháskóla Verslun-
arskólans. Að auki starfa í þessu fagi við-
skiptafræðingar, verkfræðingar og sjálf-
menntaðir menn. Þegar allt kemur til alls
er þetta lítill hópur og það er algengt að fyr-
irtæki auglýsi eftir fólki og fái engin við-
brögð.
Þetta er okkar stærsta vandamál í dag
og hefur verið erfitt mjög lengi. Það þarf
ekki mikið til að skapa spennu á þessum
markaði. Fyrirtækin haía reynt að bregð-
ast við þessu með því að flytja inn fólk í ein-
hverjum mæli en þetta er vestrænt vanda-
mál svo það leysir lítinn vanda. Það vantar
fólk með tölvumenntun alls staðar á Vest-
urlöndum.
Við viljum breyta mynstrinu á markaðn-
um. Staðreyndin er sú að tölvunarfræð-
ingar vinna mjög margir hjá hinu op-
inbera. Því viljum við breyta og fá hið
opinbera til þess að hætta að keppa
við einkageirann í hugbúnaðarfram-
leiðslu. Staðreyndin er sú að allt of viða í
ríkisstofnunum er verið að framleiða hug-
búnað og leysa verkefni sem ættu að koma
frá fyrirtækjunum í greininni. Það var ekki
fyrr en á síðasta ári sem tölvunarfræðingar
í vinnu hjá einkafyrirtækjum urðu fleiri en
þeir sem vinna hjá opinberum eða hálfop-
inberum aðilum.“
HUGBÚNAÐUR EÐA HEILAGUR ANDI?
Tölvunarfræðiskor Háskóla Islands
hefur átt erfitt með að keppa við hugbún-
aðargeirann í launum og á stundum hefur
verið erfitt að halda uppi kennslu í einstök-
um greinum vegna mannfæðar. Til þess að
mæta þessum vanda hefur fyrirtækið
Tölvumyndir tekið að sér ákveðna þætti í
kennslu við tölvunarfræðiskor, sent starfs-
menn fyrirtækisins til kennslu í tölvunar-
fræði.
„Eg veit ekki annað en að þetta sé eins-
dæmi,“ segir Friðrik.
Hann segir það lýsa vanda greinarinnar
og vanda Háskólans að svo virðist sem
menntamálaráðuneytið geti ekki hlaupið
undir bagga og leyst vanda Háskólans með
sérstökum flárveitingum.
„Það liggur fyrir að hver útskrifaður
tölvufræðingur úr Háskólanum kostar 200
þúsund á ári. Ráðuneytið borgar á sama
tíma 375 þúsund á ári með hverjum nem-
anda sem Tölvuháskóli VÍ útskrifar. Það
liggur þess vegna á borðinu að það kostar
hið opinbera meira að mennta kerfisfræð-
ing í tvo vetur hjá VÍ en að borga fyrir þijá
vetur i námi hjá HI. Við lítum á þetta sem
vandamál en hvort þetta er vandamál ráðu-
neytisins eða vandamál Háskólans er ekki
alveg ljóst. Ætti ekki Háskólinn að geta
fært til ijármagn innan stofnunarinnar og
tekið frá öðrum greinum til að mæta þess-
ari þörf. Hvort er mikilvægara að mennta
guðfræðinga eða tölvunarfræðinga?" S9
r
Hæstánægðir með
H-Laun!
Á síðustu mánuðum hafa yfir
130 launagreiðendur tekið upp
H-Laun með góðum árangri.
H-Laun
Tölvumiðlun • Grcnsásvegi 8 • 108 Rvk • Sími: 568 8882 • Fax: 553-9666
Heimasíða: www.tm.is • Netfang: tm@tm.is
vi'* K
46