Morgunblaðið - 25.01.2001, Qupperneq 29

ERLENT
MORGUNBLAÐIÐ FIMMTUDAGUR 25. JANÚAR 2001 29
brún
kuklú
tar
Gefa
náttú
rlega
n lit
á 2 tí
mum
Lykta
rlaus
ir
Engir
flekk
ir
Þurrk
a ekk
i húð
ina
FANGI í Texas, sem var næstum
tekinn af lífi 1987, á skilið að mál
hans verði tekið upp á ný vegna þess
að fyrrverandi lögmaður hans var oft
sofandi á meðan á réttarhaldinu
stóð, að því er nýr lögmaður fangans
sagði frammi fyrir alríkisáfrýjunar-
dómstóli í Bandaríkjunum á mánu-
dag.
Robert McGlasson, nýr lögmaður
Calvins Burdines, sagði að fyrrver-
andi lögmaður hans hefði „ekki bara
blundað eða gleymt sér í dagdraum-
um – hann var meðvitundarlaus.
Meðvitundarlaus lögmaður getur
ekki andmælt, getur ekki lagt fram
mótrök og getur ekki með góðu móti
gagnspurt vitni.“
Burdine er nú 47 ára. Dómstóll
frestaði aftöku hans með andartaks
fyrirvara. Hann neitar ásökunum um
að hafa stungið sambýliskonu sína til
bana í hjólhýsi í Houston 1983. Nýi
lögfræðingurinn hans, McGlasson,
hafði eftir vitnum að fyrsti lögmaður
Burdines, Joe Cannon, sem nú er lát-
inn, hafi hvað eftir annað sofið í allt
að tíu mínútur í senn á meðan á rétt-
arhöldunum yfir Burdine stóð.
Julie Parsley saksóknari staðfesti
við áfrýjunarréttinn að Cannon hafi
sofið, en sagði að Burdine ætti samt
ekki skilið að málið yrði tekið upp að
nýju. Sagði hún að engin leið væri að
sanna að Cannon hefði, vegna þess
að hann var sofandi, gert lagaleg
mistök sem hafi gert dómsúrskurð-
inn óáreiðanlegan.
Fullskipaður áfrýjunardómstóll
samþykkti að endurskoða málið eftir
að þrír dómaranna höfnuðu því í
fyrra, með tveim atkvæðum gegn
einu, að Burdine verðskuldaði ný
réttarhöld, á þeim forsendum að
McGlasson hafi ekki getað sannað að
Cannon hafi verið sofandi á úrslita-
stundum í réttarhöldunum. Dóm-
stóllinn hefur ekki sagt til um hve-
nær nýr úrskurður verði kveðinn
upp.
Mál Burdines hefur ýtt undir það
viðhorf að dauðarefsingar séu ósann-
gjarnar, og að fangar sem ekki hafi
efni á að ráða sér sjálfir lögfræðinga
geti ekki fengið góða verjendur.
„Þetta mál hefur verið himnasend-
ing fyrir andstæðinga dauðarefsing-
ar,“ sagði Neil McCabe, prófessor
við lagadeild South Texas-háskólans.
„En að halda því fram að þetta sé
dæmigert fyrir það hvernig málum
er yfirleitt háttað er ekki sanngjarnt.
Það er margt athugavert við það
hvernig dauðarefsingum er háttað í
Texas, en sofandi lögfræðingar ...
það er ekki eitt af því.“
Tveir fangar hafa verið teknir af
lífi í Texas á þessu ári, en í fyrra voru
40 líflátnir, og hafa aldrei verið fleiri
á einu ári. „Ég bið bænir og vona að
réttlætið nái fram að ganga,“ sagði
Burdine á dauðadeildinni í síðustu
viku, þar sem hann hefur setið í sext-
án ár.
Dauðadæmdur fangi krefst endurupptöku máls síns
Verjandi mannsins
„var meðvitundarlaus“
AP
Calvin Burdine á dauðadeildinni í Livingston 1. nóvember í fyrra.
New Orleans. AP.