Morgunblaðið - 01.02.2001, Blaðsíða 6

FRÉTTIR
6 FIMMTUDAGUR 1. FEBRÚAR 2001 MORGUNBLAÐIÐ
INGVAR E. Sigurðs-
son er á leiðinni til
Kanada þar sem hann
mun leika í banda-
rísku kvikmyndinni K
19: The Widowmaker
ásamt stórstjörnunum
Harrison Ford og
Liam Neeson, en ráð-
gert er að frumsýna
myndina, sem fjallar
um sovéskan kafbáta-
leiðangur, vorið 2002.
Sigurjón Sighvatsson,
sem framleiðir mynd-
ina, sagði í samtali við
Morgunblaðið að
reyndar ætti enn eftir
að útvega atvinnuleyfi
fyrir Ingvar, en nokk-
uð strangar reglur
giltu um slíkt í Kan-
ada. Hann sagðist þó
bjartsýnn á að það tækist, en að ekk-
ert væri öruggt. Karl Júlíusson mun
sjá um leikmyndina.
Sigurjón sagði að Ingvar myndi
leika fimmta stærsta hlutverkið í
myndinni og að því væri um nokkuð
stórt hlutverk að ræða. Hann sagði
að í flestum þeim senum sem Ingvar
léki í yrði hann með Harrison Ford,
sem léki skipstjórann og Liam Nee-
son, sem léki næstráðanda um borð.
Íslenski hreimurinn
ætti ekki að saka
Aðspurður hvort þetta yrði ekki
mikill stökkpallur fyrir leikferil Ing-
vars sagðist Sigurjón vonast til þess.
Hann sagði að hlutverkið ætti að
henta honum vel þar sem hann
myndi leika rússneskan kafbáta-
sjómann og því ætti hinn harði ís-
lenski hreimur ekki að saka. Sigur-
jón sagði að það hefði strax verið
ákveðið að vera bara með tvær stór-
stjörnur í myndinni og láta minna
þekkta en virta evrópska og amer-
íska leikara sjá um hin hlutverkin.
Kathryn Bigelow mun leikstýra
myndinni, sem er byggð á sannsögu-
legum atburðum og fjallar um fyrsta
sovéska kjarnorkukafbátinn, sem
sendur var í leiðangur árið 1961.
Kafbáturinn var ekki undir leiðang-
urinn búinn sem leiddi til þess að
einn af kjarnaofnunum fór að leka
með þeim afleiðingum að 10 manns
létust og fjöldi manns varð fyrir
geislavirkni og lést á næstu árum af
völdum hennar.
Hætt við tökur
hérlendis
Sigurjón sagði að upphaflega hefði
verið ráðgert að taka myndina upp
hérlendis að hluta en þar sem leyfi
hefðu fengist í Rússlandi til þess að
mynda þar hefði verið fallið frá
áformum um að kvikmynda hérlend-
is, en þá hefði m.a. þurft að flytja
rússneskan kafbát hingað til lands.
Sigurjón sagði að myndin yrði
mestmegnis tekin upp á fjórum stöð-
um í Kanada og Rússlandi. Í Moskvu
og í Múrmansk, þar sem upprunalegi
kafbáturinn væri enn við höfnina og í
Toronto og Halifax, þar sem allar
útitökur og sjávartökur yrðu fram-
kvæmdar.
Sigurjón sagði að tökur myndu
hefjast í lok febrúar og að þeim
myndi ekki ljúka fyrr en um miðjan
júlí, en eins og áður gat um er stefnt
að því að frumsýna myndina vorið
2002.
Sigurjón sagðist áður hafa unnið
með leikstjóra myndarinnar, Kat-
hryn Bigelow, m.a. við gerð mynd-
arinnar The Weight of Water, sem
yrði frumsýnd á næstunni, en Sean
Penn og Elizabeth Hurley leika m.a.
í þeirri mynd. Þá sagði hann að Bige-
low hefði einnig leikstýrt myndum
eins og Strange Days, þar sem
Ralph Fiennes hefði leikið aðalhlut-
verkið og Piont Brake, þar sem
Keanu Reeves og Patrick Swayze
hefðu leikið aðalhlutverkin.
Ingvar E. Sigurðsson leikur í kvikmynd Sigurjóns
Sighvatssonar um sovéskan kjarnorkukafbát
Leikur með Harrison
Ford og Liam Neeson
Morgunblaðið/Jim Smart
Ingvar E. Sigurðsson leikari er farinn til Kan-
ada, þar sem hann mun leika í bandarískri kvik-
mynd ásamt Harrison Ford og Liam Neeson.
KARMELSYSTUR í Hafnarfirði,
ellefu talsins í klaustrinu við Öldu-
slóð 37, lúta afar strangri klaust-
urreglu og mega ekki fara út fyrir
hússins dyr nema í neyðartilfell-
um. Einangrun nunnanna er slík
að rimlar innandyra koma í veg
fyrir náið samneyti við fólk utan
reglunnar.
Það gæti því verkað á leikmenn
sem viss þversögn að allir séu vel-
komnir í Karmelklaustrið frá
morgni til kvölds til að leita fyr-
irbæna hjá systrunum, tala við
þær eða versla hjá þeim. Frá
klukkan níu á morgnana til 21 á
kvöldin stendur klaustrið opið
þeim sem vilja heimsækja það. Öll
einangrun systranna merkir því
engan veginn að þær séu í gæslu-
varðhaldi þótt rimlarnir séu
áhrifamiklir við fyrstu sýn.
„Við erum alltaf heima,“ út-
skýrir systir Agnes í viðtals-
herbergi klaustursins, kímir og
býður upp á kaffi.
Vandað handverk
til sölu
Systurnar verja tveimur
klukkustundum á dag til sam-
verustundar, þar sem þær stunda
handavinnu og tala saman, en öðr-
um stundum dagsins dvelja þær
einar á herbergjum sínum á bæn
en bænin er aðalatriðið í reglunni.
„Við megum ekki vera fleiri en 21
í reglunni því regla okkar þróaðist
út frá einsetumönnum. Værum við
fleiri en 21 gætum við ekki lifað
svona lífi,“ segir systir Agnes.
Margir munir, sem eru til sölu í
klaustrinu, bera vönduðu hand-
verki systranna skýrt vitni en þar
gefur að líta handmáluð kerti og
kort með þurrkuðum blómum og
myndir málaðar á striga og tré.
Systurnar selja handmáluðu kert-
in til margs konar nota, hægt er að
fá samúðarkerti, jóla-, páska-,
fermingar-, afmælis-, brúðar- og
skírnarkerti auk krossa, talna-
banda og styttna. Enn fremur taka
systurnar að sér að skrautskrifa í
gestabækur og kort og sauma
einnig hátíðarfána og messuklæði.
Meginviðfangsefni myndanna sem
systurnar mála er Jesú, María
mey, helgir menn og postularnir
og í sérhverri mynd, hvort sem
hún er á kerti, korti eða öðru, er
fólgin bæn sem beðin er á meðan
vinnan fer fram.
Þannig taka systurnar þátt í
þeim athöfnum sem hlutirnir eru
ætlaðir til. Sé t.d. logandi kerti frá
Karmelsystrum í fermingarveislu
má treysta því að systurnar hafi
tekið ferminguna í bænir sínar á
meðan þær skreyttu kertið. Vinna
þeirra er ekki einvörðungu leið
þeirra til að afla sér peninga held-
ur ávöxtur fundar þeirra við Guð,
sem miðlað er áfram til fólks.
Á þessu ári ætla systurnar að
byrja að mála íkona samkvæmt
gamalli aðferð og er ein úr hópi
þeirra stödd í Karmelklaustri í
Tromsö í Noregi til að læra listina.
Notaðir eru sérstakir litir við mál-
unina, m.a. búnir til úr eggjarauð-
um, en systir Agnes tekur fram að
listin felist ekki síður í því að læra
að biðja undir máluninni. Andleg
upplifun systranna á að end-
urspeglast í verkinu, svo það
hangir fleira á spýtunni en færni
með pensil enda er bænin meg-
ininntakið í öllum verkum Karmel-
systra. „Allir hlutir okkar eru
gerðir með bæn fyrir þá sem munu
njóta þeirra,“ segir systir Agnes.
Fjölbreytt handverk Karmelsystranna í Hafnarfirði ávallt á boðstólunum
Allir munir
gerðir
með bæn
Morgunblaðið/RAX
Systir Jóhanna og systir Agnes í verslun sinni í Karmelklaustrinu í Hafnarfirði.
Sýnishorn af handverki Karmelsystra. Kerti og kort, fyrir mismun-
andi tilefni, allt handskreytt með bæn fyrir þá sem njóta.
RAUÐI kross Íslands hefur safnað
yfir fimm milljónum til hjálparstarfs
á jarðskjálftasvæðunum á Indlandi.
Þórir Guðmundsson, upplýsinga-
fulltrúi, sagði samtali við Morgun-
blaðið í gær að þegar hafi um 3.000
manns hringt í söfnunarsíma Rauða
krossins og þannig gefið um 1,5
milljónir króna. Þá hafi fyrirtæki
styrkt söfnunina og háar upphæðir
borist frá Rauða kross deildum víða
um land. Með því hringja í síma 907
2020 gefur fólk 500 krónur til söfn-
unarinnar.
Söfnun Hjálparstofnunar kirkj-
unnar er í startholunum. Að sögn
Önnu Ólafsdóttur, upplýsingafull-
trúa, hefur stofnunin þegar sent eina
milljón króna til Alheimssamtaka
hjálparstofnana kirkna eða ACT en
Anna segir ACT hafa byrjað hjálp-
arstarf á jarðskjálftasvæðunum
skömmu eftir hamfarirnar.
Með því að hringja í síma 907 2002
gefur fólk 1.000 krónur til hjálpar-
starfsins. Einnig getur fólk skráð sig
fyrir framlögum á heimasíðu Hjálp-
arstofnunar kirkjunnar www.help.is.
Rauði krossinn
hefur safnað á sjöttu
milljón króna
LÖGREGLAN hefur upplýst
hverjir stóðu að ráni á pítsu-
sendli í Neðra-Breiðholti hinn
8. október sl. en þá réðust tveir
menn að sendlinum, felldu hann
í jörðina, slógu hann ítrekað í
andlitið og rændu hann seðla-
veski með 3.000 krónum.
Við rannsóknina hafði lög-
reglan í Reykjavík samstarf við
önnur lögregluembætti því
grunur beindist að ungum
manni búsettum utan höfuð-
borgarsvæðisins. Hann viður-
kenndi að hafa tekið þátt í ráni
þessu samt fjórum öðrum ung-
um mönnum og hafa þeir allir
viðurkennt aðild sína að ráninu.
Tveir þeirra stóðu að sjálfu rán-
inu, en hinir áttu aðild að ráða-
gerðinni.
Rán á
pítsusendli
upplýst
HALLDÓR Runólfsson yfirdýra-
læknir upplýsti á blaðamannafundi
með landbúnaðarráðherra í gær um
nautakjötsinnflutning að frá áramót-
um hefðu fjölmargar fyrirspurnir
borist embætti sínu frá innflytjendum
um innflutning á nautakjöti frá út-
löndum. Hann sagði engar formlegar
umsóknir hafa borist og því hefðu
engin innflutningsleyfi verið gefin út
frá því að Nóatún flutti inn írskt
nautakjöt í lok síðasta árs. Aftur á
móti væru nokkur mál í athugun emb-
ættisins.
„Við höfum alltaf fundið fyrir þess-
um áhuga. Svo virðist sem þörf sé fyr-
ir svona kjöt,“ sagði Halldór og bætti
við að einkum væri spurt um innflutn-
ing frá löndum á borð við Nýja-Sjá-
land, Ástralíu og frá S-Ameríku.
Fyrirspurnir til
yfirdýralæknis
Áhugi á kjöt-
innflutningi