Morgunblaðið - 01.02.2001, Blaðsíða 16

AKUREYRI
16 FIMMTUDAGUR 1. FEBRÚAR 2001 MORGUNBLAÐIÐ
ÞORSTEINN Vilhelmsson, skipstjóri og fyrrver-
andi einn aðaleigenda Samherja, segir í viðtali
við Ak-tímarit sem kemur út í dag, 1. febrúar, að
aðalástæða þess að hann hætti hjá Samherja í
júní árið 1999 hafi verið yfirgangur eins manns
gagnvart öllu og öllum.
„Mér leið ekki orðið vel í vinnunni á þessum
tíma, ég sá að samstarfið myndi ekki veita mér
neina ánægju og gramdist hvernig staðan var
orðin innan fyrirtækisins, segir hann í viðtalinu
og lýsir því síðan að þeir frændur, hann og Þor-
steinn Már Baldvinsson hafi farið í langan bíltúr
eftir sjómannadaginn það ár. „Hann endaði á
þann veg að ég spurði hvort ekki væri best að
Þorsteinn Már gerði bara við mig starfsloka-
samning. Þannig fór ég út úr bílnum. Tveimur
og hálfum tíma seinna hringdi stjórnarformaður
Samherja í mig og vildi klára starfslokasamning-
inn og var greinilegt að sú ákvörðun hafði verið
tekin án þess að reynt væri að koma á sáttum.
Sögur um orsök samstarfsslitanna fóru strax
af stað og ein sú lífseigasta var að Þorsteinn Már
hefði verið gjarn á að eigna sér hugmyndir Þor-
steins. Um það segir Þorsteinn að ágreinings-
atriðin hafi verið mörg og nefnir að stjórn-
skipulag hafi verið þannig í fyrirtækinu að allt
hafi verið laust í reipunum og hann sem útgerð-
arstjóri þess aldrei vitað hverju hann mátti ráða
og hverju ekki.
Skipstjórakvótinn stór hluti af
byrjuninni hjá Samherja
Í viðtalinu segir Þorsteinn að hann hafi viljað
sjá hlutina fara á annan veg en raun varð á.
Hann hafi litið á sig sem hluta af heild hjá Sam-
herja og frá störfum sínum við uppbyggingu
þess eigi hann góðar minningar. Hins vegar sé
ekki sama á hvern hátt menn yfirgefa fyrirtæki
sem þeir eiga hlut í og hafa byggt upp. „Ég get
ekki sagt annað en mér hafi fundist ég fá rýting í
bakið,“ segir Þorsteinn og nefnir sérstaklega í
því sambandi á hvern hátt hann kom inn í fyr-
irtækið, þ.e. með áunninn skipstjórakvóta sem
hann vann sér inn sem skipstjóri á Kaldbak.
„Það hlýtur að segja sig sjálft að það var stór
hluti af byrjuninni hjá Samherja.“
Þorsteinn segir að fréttatilkynning um brott-
hvarf sitt hjá Samherja hafi ekki verið sannleik-
anum samkvæm. Ástæða hafi verið erfitt sam-
starf þeirra frænda og nafna, en svo hafi verið
láta líta út sem hann ætlaði sér að snúa sér að
öðru. Hann segir rangt af sér að hafa skrifað
undir tilkynninguna.
Þorsteinn seldi hlut sinn í Samherja fyrir réttu
ári, 1. febrúar árið 2000, og fengust fyrir hann
rúmir þrír milljarðar. Hann segist vel skilja að
fólk velti fyrir sér hvernig sé að eiga svo mikla
peninga. Hann hafi þó ekki fengið allt þetta fé
upp í hendurnar, heldur fengið stærsta hlutann
greiddan í hlutabréfum. Þá hafi hann síðasta ár-
ið fjárfest í ýmsum sjávarútvegsfyrirtækjum.
„Ég reyni að láta gott af mér leiða í sjávarútveg-
inum. Ég sit ekki á þessum peningum og finnst
að það mætti virða það við mig að ég hef fjárfest
í fyrirtækjum sem veita mörgum vinnu í stað
þess hlutar sem ég átti í Samherja,“ segir hann.
Rangt að lofa því að Guðbjörgin
yrði alltaf á Ísafirði
Í viðtalinu ber hann til baka sögur um að fjár-
festingar hans á Ísafirði hafi verið greiði á móti
því að Samherji eignaðist Hrönn sem átti Guð-
björgu og seldi hana skömmu síðar. „Ég tek það
hins vegar fram að mér fannst rangt af Máa á
sínum tíma að lofa því að Guðbjörgin yrði alltaf á
Ísafirði því við sameiningu lofar maður ekki slík-
um hlutum. Ég er ósáttur við þau ummæli enda
stóðust þau engan veginn.“
Ak-tímarit hóf göngu sína á Akureyri í sept-
ember síðastliðnum og er ætlunin að það komi út
10 sinnum á ári. Útgefendur eru þau Halla Bára
Gestsdóttir blaðamaður og Gunnar Sverrisson
ljósmyndari. Þau eru um þessar mundir að flytja
starfsemi útgáfunnar í húsakynni í Kaupvangs-
stræti 1 og hyggjast færa út kvíarnar enda segja
þau viðtökurnar hafa verið afskaplega góðar.
Þorsteinn Vilhelmsson um viðskilnað sinn við Samherja í viðtali við Ak-tímarit
Fannst ég fá
rýting í bakið
Forsíða Ak-tímarits sem kemur út í dag.
SÉRLEYFISBÍLAR Akureyrar
hf. hafa keypt rekstur Norðurleið-
ar-Landleiða hf. og verður rekstur
þessara fyrirtækja sameinaður frá
og með deginum í dag, 1. febrúar,
undir merkinu SBA-Norðurleið.
Með þessu verður til eitt af um-
svifamestu fyrirtækjum hérlendis í
farþegaflutningum á landi en
félagið mun gera út 34 langferða-
bifreiðir sem samtals taka um
1.400 farþega. Gunnar M. Guð-
mundsson er framkvæmdastjóri
fyrirtækisins.
Hann segir að markmiðið með
kaupunum sé fyrst og fremst að ná
fram betri nýtingu á mannskap,
tækjum og allri fjárfestingu auk
þess sem innkaup verði hagkvæm-
ari og fjármagnskostnaður eigi að
geta minnkað. Þróunin í þjóðfélag-
inu sé öll í þá átt að fyrirtækin séu
að stækka og eflast af hagkvæmn-
isástæðum og hið sama gildi um
hópferðaaksturinn. Þá verði fyrir-
tækið sterkara og möguleikar á
þjónustu aukist.
SBA-Norðurleið mun annast
áætlunarferðir á leiðunum Reykja-
vík-Akureyri, alls sjö ferðir í viku
yfir vetrartímann. Auk þess hefur
fyrirtækið sérleyfi á leiðunum Ak-
ureyri-Mývatn og Akureyri-Egils-
staðir. Fyrirtækið er einnig um-
svifamikið í hópferðaþjónustu, sér
í lagi yfir sumartímann, en m.a. er
um að ræða skipulagðar hópferðir
ferðamanna um landið á vegum
fyrirtækisins sjálfs, innlendra og
erlendra ferðaskrifstofa og akstur
með starfsmannahópa fyrirtækja,
skólaakstur, íþróttaferðir og öll
önnur almenn hópferðaþjónusta.
Fyrirtækið Sérleyfisbílar Akur-
eyrar hf. var stofnað árið 1980 og
eru eigendur þess þeir Gunnar M.
Guðmundsson, Ólafur Karlsson,
Hafþór Hermannsson, Guðni Þór-
ólfsson og Ferðaskrifstofan Atlant-
ic. Norðurleið-Landleiðir hf. var
stofnað 1991 með samruna tveggja
gamalgróinna fyrirtækja, Norður-
leiðar og Landleiða en bæði félögin
voru stofnuð árið 1951. Aðaleig-
endur fyrirtækisins eru Jón Hró-
bjartsson, Þorvarður Guðjónsson,
Þingvallaleið, Guðmundur Ólafs-
son, Staðarskála, og Eiríkur Stef-
ánsson.
Um 20 starfsmenn munu starfa
hjá fyrirtækinu yfir vetrartímann
en áætlað er að starfsmannafjöld-
inn fjórfaldist að sumrinu. Engar
uppsagnir verða í kjölfar samruna
fyrirtækjanna.
Sérleyfisbílar Akureyrar hafa keypt rekstur Norðurleiðar-Landleiða
Sameinaðir með 34 bíla í rekstri
sem taka um 1.400 farþega
Morgunblaðið/Kristján
Gunnar M. Guðmundsson, framkvæmdastjóri SBA-Norðurleiðar, við tvo af bílum fyrirtækisins.
FERÐAMÁLASVIÐ Atvinnuþró-
unarfélags Eyjafjarðar boðar til há-
degisverðarfundar á Stássinu á
Greifanum á Akureyri ídag,
fimmtudaginn 1. febrúar, kl. 12-
13.30.
Guðrún Helgadóttir sérfræðingur
á Hólum fjallar um menningar-
tengda ferðaþjónustu. Hvernig get-
ur Eyjafjörður nýtt sér sína menn-
ingu? Áhugamenn jafnt sem
atvinnumenn eru hvattir til að
mæta á fundinn, þar sem einnig
verða fyrirspurnir og umræður.
Fundað um
menningar-
tengda ferða-
mennsku
LÖGREGLUUMDÆMIN á Norð-
urlandi stóðu fyrir sérstöku átaki sl.
þriðjudag, þar sem athugað var með
ökuréttindi ökumanna og bílbelt-
anotkun. Lögreglan á Akureyri
stöðvaði 405 bíla frá morgni þriðju-
dags og til miðnættis og reyndust 50
ökumenn hafa verið á ferð án öku-
skírteinis og 5 bílstjórar og einn far-
þegi voru án bílbelta.
Búnir að temja
flesta bæjarbúa
Ólafur Ásgeirsson aðstoðaryfir-
lögregluþjónn á Akureyri sagði að
embættið hafi gengið nokkuð hart
fram gagnvart þeim sem ekki nota
bílbelti. „Við erum hættir að veita
mönnum tiltal sem ekki nota bílbelti
og sektum þá alla. Við erum því bún-
ir að temja flesta bæjarbúa í þeim
efnum,“ sagði Ólafur. Hann sagði að
þeir ökumenn sem voru á ferð á
þriðjudag án ökuskírteins hafi hins
vegar aðeins verið áminntir.
Langflest-
ir með
bílbeltin
spennt
HELGI Jóhannesson hefur verið
ráðinn framkvæmdastjóri Norður-
mjólkur ehf. en fyrirtækið rekur
m.a. mjólkursamlögin á Akureyri
og Húsavík.
Norðurmjólk er nýtt fyrirtæki
sem varð til við sameiningu
MSKEA, MSKÞ og Grana ehf. en
Granir er hlutafélag í eigu Auð-
humlu. Helgi er Akureyringur að
uppruna, fæddur árið 1956 og
verkfræðingur að mennt. Hann
kom til starfa sem forstöðumaður
slátrunar- og kjötiðnaðarsviðs
KEA í febrúar 1997. Helgi varð
framkvæmdastjóri Norðlenska
ehf. við stofnun félagsins sl. sum-
ar. Norðlenska varð sem kunnugt
er til með samruna kjötiðnaðar-
sviðs KEA og Kjötiðjunnar ehf. á
Húsavík á síðasta ári.
Helgi framkvæmdastjóri
♦ ♦ ♦
NÁMSKEIÐ af ýmsu tagi hafa ver-
ið einn af föstu punktunum í starfi
Húss skáldsins á Sigurhæðum og
hafa þau notið vaxandi vinsælda, en
í fyrravetur sóttu þau rúmlega 70
manns.
Nú verður gefinn kostur á nám-
skeiði í Laxdælu og Eyrbyggju
saman sem 13 vikna námskeiði og
stefnt á ferðalag um söguslóðir við
Breiðafjörð í námskeiðslok. Njála
hefur til þessa skipað þetta rúm
aðalsagnanámskeiðs ársins, en er
nú skipt út, mest til að gefa þeim
sem lesið hafa hana kost á að taka
þátt í umræðu um aðrar sögur.
Námskeið í ljóðalestri verður
annað aðalnámskeið útmánaða
þessa vetrar. Þar er í senn hugað
að efni og formi og öllu því sem eitt
ljóð býður mönnum að njóta í máli
og myndum. Jafnframt verður leið-
beint um lestur, framsögn og flutn-
ing kveðskapar í þeirri vissu að
ljóða verði aðeins að takmörkuðu
leyti notið í hljóði. Jafnframt und-
irbúningi þessara tveggja nám-
skeiða og skráningu á þau er mönn-
um gefinn kostur á fleiri efnum í
náinni ellegar fjarlægari framtíð.
Þannig geta þeir, sem áhuga hafa
á Njálunámskeiði, látið vita af sér.
Hið sama á við um fleiri sögur og er
sérstaklega lýst eftir Sturlungu, Ís-
landsklukkunni, Sjálfstæðu fólki og
Dalalífi.
Námskeið
í fornsög-
um og
ljóðalestri