Morgunblaðið - 13.02.2001, Qupperneq 4

FRÉTTIR
4 ÞRIÐJUDAGUR 13. FEBRÚAR 2001 MORGUNBLAÐIÐ
Til sölu Dodge Durango SLT
5.6 bensín sjálfskiptur ný-
skráður 26.08.1998 ekinn
44,000 km álfelgur geislaspil-
ari leður. Ásett verð 1.580 þ.
BRYNDÍS Hlöðversdóttir var á
fundi þingflokks Samfylking-
arinnar í gær kjörin formaður þing-
flokksins. Rannveig Guðmunds-
dóttir lætur af starfi formanns
þingflokks að eigin ósk og tekur
sæti í Norðurlandaráði og í utanrík-
ismálanefnd Alþingis, sem Sig-
hvatur Björgvinsson átti sæti í áður.
Jóhann Ársælsson gegnir áfram
embætti varaformanns þingflokks-
ins og Guðrún Ögmundsdóttir emb-
ætti ritara.
Bryndís hlaut fjórtán atkvæði í
leynilegri atkvæðagreiðslu um emb-
ættið, tveir skiluðu auðu og einn var
fjarverandi.
Rannveig sagði við Morgunblaðið
að við brotthvarf Sighvats kæmi
hreyfing á þingflokk Samfylkingar;
fólk skipti um nefndir og verkefni
og sjálf hafi hún lengi stefnt á að
víkja úr embætti þingflokks-
formanns ekki síðar en á miðju kjör-
tímabili. „Ég hef verið þingflokks-
formaður nær óslitið frá árinu 1993
allt frá Alþýðuflokki til Samfylk-
ingar og er mjög ánægð hvernig til
hefur tekist. Mér finnst hins vegar
ekki að ég eigi að ríghalda í þetta
embætti, enda hef ég áhuga á
mörgu öðru og ætla nú að snúa mér
meira sjálf að pólitískum verkum.“
Rannveig sagðist þó síður en svo
vera að hætta í stjórnmálum. Ég er
ekki á útleið. Verkstjórnin er tíma-
frek og ég hef oft saknað þess að
vera ekki meira í minni eigin póli-
tísku tilhögun. Nú er ég að fara m.a.
af fullum krafti inn í utanríkismálin
og menn munu sjá að Rannveig
Guðmundsdóttir er ekki að draga
úr, heldur breyta um verksvið.“
Bryndís sagðist, aðspurð um
hvort áherslubreytinga væri að
vænta, telja að sígandi lukka væri
best. Hún sagðist hlakka til að tak-
ast á við ný verkefni. „Eflaust fylgja
nýjum þingflokksformanni nýir
straumar, slíkt gerist alltaf þegar
nýtt fólk tekur við, en ég lít svo á að
Rannveig hafi stýrt þessum þing-
flokki nokkuð farsællega í gegnum
árin og vonast til þess að geta leitað
áfram í hennar smiðju. En við skul-
um bara láta verkin tala,“ sagði
hún.
Bryndís Hlöðversdóttir er fædd
hinn 8. október árið 1960. Hún er í
sambúð með Hákoni Gunnarssyni
og eiga þau tvíburana Hlöðver
Skúla og Magnús Nóa, sem fæddir
eru 1997. Bryndís lauk lögfræði-
prófi frá HÍ 1992.
Hún stundaði skrifstofustörf í
Reykjavík 1982–1987. Starfsmaður
dómsmálaráðuneytis 1990–1992 og
lögfræðingur hjá ASÍ 1992–1995.
Bryndís hefur átt sæti á Alþingi síð-
an 1995.
Bryndís tekur við
af Rannveigu
Nýr formaður þingflokks Samfylkingar
Bryndís
Hlöðversdóttir
Rannveig Guð-
mundsdóttir
SAMKVÆMT upplýsingum frá
Sambandi íslenskra sveitarfélaga
hafa um 150 íbúðir í félagslega
íbúðakerfinu staðið tómar á lands-
byggðinni í meira en sex mánuði.
Aðallega er þetta á Vestfjörðum og
Austfjörðum, auk Vestmannaeyja,
þar sem atvinnuástand hefur verið
bágborið að undanförnu.
Það segir einnig sína sögu um
ástandið að nær engar félagslegar
íbúðar standa auðar á höfuðborgar-
svæðinu, Reykjanesi, Vesturlandi og
Suðurlandi, ef Vestmannaeyjar eru
undanskildar. Tiltölulegar fáar íbúð-
ar standa auðar á Norðurlandi.
Fram kom í Morgunblaðinu um
helgina að í Bolungarvík stæðu 40
íbúðir auðar og samkvæmt upplýs-
ingum frá bæjarskrifstofu Bolung-
arvíkur eru félagslegar íbúðir 29 þar
af. Sveitarfélög bíða mörg hver með
ráðstafanir á félagslegu íbúðum þar
til nefnd á vegum félagsmálaráðu-
neytisins hefur lokið störfum.
Að sögn Gunnlaugs Júlíussonar,
deildarstjóra hagdeildar Sambands
íslenskra sveitarfélaga, hafa sjaldan
eða aldrei jafn margar íbúðir staðið
ónotaðar, en algengur fjöldi liðinna
ára hefur verið á bilinu 100-120 íbúð-
ir. „Heldur hefur þetta sigið á verri
hliðina og atvinnumálin á ákveðnum
stöðum vega þar einna þyngst,“
sagði Gunnlaugur í samtali við
Morgunblaðið. Þess má geta um
þúsund félagslegar íbúðir, sem
sveitarfélögin hafa leyst til sín af
ýmsum ástæðum, eru í leigu, en alls
eru á landinu öllu um 12 þúsund
félagslegar eignar- og leiguíbúðir.
Auk Bolungarvíkur er staðan í
félagslega íbúðakerfinu heldur slæm
á Ísafirði og Patreksfirði, en þar
standa á þriðja tug íbúða auðar. Í
Fjarðabyggð eru 10-15 félagslegar
íbúðir auðar og ríflega 30 í Vest-
mannaeyjum, svo dæmi séu tekin.
Einbýlishús
á 3-4 milljónir
Aðspurður hvort félagslegu íbúð-
irnar væru á söluskrá sagði Gunn-
laugur það misjafnt eftir sveitar-
félögum. Fjölmargir hefðu nýtt sér
þann rétt að skila íbúðum til sveit-
arfélaganna sem höfðu innlausnar-
skyldu. Slíkar íbúðir væru ýmist til
sölu eða á leigu en eftirspurn væri
víða lítil sem engin.
„Þarna sitja sveitarfélögin með
ábyrgðina á sínu baki. Þau eru að
greiða af lánum, tryggingum og við-
haldskostnað og fá um leið engin
fasteignagjöld af þessum íbúðum,“
sagði Gunnlaugur. Verð á þeim
félagslegu íbúðum sem settar hafa
verið á söluskrá er afar misjafnt eft-
ir því hvar er borið niður á landinu.
Gunnlaugur tók sem dæmi að í
smærri byggðarlögum, þar sem
ástandið væri hvað verst, mætti fá
gott einbýlishús á 3-4 milljónir
króna og blokkaríbúð á enn lægra
verði.
„Þegar hlutfall auðra íbúða af
heildinni á öllu landinu, að Reykja-
vík meðtaldri, er skoðað er staðan
kannski ekki svo slæm. Þetta er ekki
þannig að félagslega íbúðakerfið sé
hrunið en hins vegar eru miklir stað-
bundnir erfiðleikar,“ sagði Gunn-
laugur.
Beðið eftir áliti
nefndar
Félagsmálaráðherra skipaði í des-
ember sl. nefnd til að koma með til-
lögur til úrbóta í félagslega íbúða-
kerfinu. Verkefni nefndarinnar er
margþætt og meðal þess sem henni
var ætlað að skoða er aðstoð hins
opinbera vegna félagslegra leigu-
íbúða. Einnig á nefndin að hrinda í
framkvæmd tillögum um lausn á
vanda sveitarfélaga vegna innlausn-
aríbúða sem ekki er mögulegt að
selja. Þá var nefndinni sérstaklega
ætlað að fara yfir stöðu mála á Vest-
fjörðum. Að sögn formanns nefnd-
arinnar, Inga Vals Jóhannssonar,
áformar nefndin að ljúka störfum í
júní nk. en gæti jafnvel skilað fyrr af
sér tillögum um einstaka þætti, s.s.
ráðstöfun auðra íbúða.
Sveitarfélög víða í erfiðleikum vegna húsnæðismála
Um 150 félagslegar
íbúðir standa auðar
HÚN VAR ekki amaleg afmælisveislan sem beið
Sturlu afmælisstráks á fjögurra ára afmælinu hans
um helgina. Þeir bræðurnir sátu í mestu makindum
á bekk við Bæjarins bestu, gæddu sér á „einni með
öllu“ og létu hvassviðri og úrhellisrigningu ekkert
spilla matarlystinni eða góða skapinu. Líklega hefur
svo afmæliskakan með fjórum kertum beðið heima
eftir litlu sælkerunum.
Morgunblaðið/Ómar
Afmæli á Bæjarins bestu
STURLA Böðvarsson samgönguráð-
herra átti fund í gær með Skúla Jóni
Sigurðarsyni, formanni Rannsóknar-
nefndar flugslysa, vegna rannsóknar-
innar á flugslysinu í Skerjafirði 7.
ágúst sl. Sturla sagðist eftir fundinn
meta það svo að vinnan væri í eðlilegu
fari og að skýrslan að vera tilbúin í
byrjun mars.
Sturla sagði að rannsóknarnefnd-
inni hefði bæst liðsauki Þormóðs Þor-
móðssonar, fyrrverandi flugrekstrar-
stjóra Íslandsflugs, sem hefði verið
ráðinn til starfa hjá nefndinni og gert
væri ráð fyrir að hann tæki við sem
formaður nefndarinnar.
Friðrik Þór Guðmundsson blaða-
maður hefur gagnrýnt vinnubrögð við
rannsóknina en sonur hans lést vegna
afleiðinga áverka sem hann hlaut í
slysinu. Í yfirlýsingu Friðriks, sem
birtist í Morgunblaðinu sl. laugardag,
gagnrýndi hann m.a. óútskýrðar og
mótsagnakenndar upplýsingar um
fjarveru Þorsteins Þorsteinssonar,
stjórnanda rannsóknarinnar.
Aðspurður um þetta sagði ráð-
herra: „Stjórn rannsóknarinnar er í
traustum höndum formanns nefndar-
innar, þegar Þorsteinn hefur fengið
leyfi, en ég hef ekki fengið nákvæmar
upplýsingar um hvenær hann hefur
verið frá þessari rannsókn nema þann
tíma sem hann fékk formlega launa-
laust leyfi. Það var ekki fyrr en eftir
að aðalrannsóknarvinnunni var lokið
og umsagnarferillinn hófst.“
Ekki talin ástæða til að kalla eft-
ir Þorsteini Þorsteinssyni
Friðrik Þór hefur einnig skorað á
samgönguráðherra að sjá til þess að
Þorsteinn Þorsteinsson verði kallaður
úr orlofi til að ljúka gerð skýrslunnar.
Sturla sagði að Þorsteinn hefði stýrt
rannsókninni til áramóta en síðan
hefði Skúli Jón Sigurðarson tekið við.
„Þegar umsagnarfresturinn rann
út 5. febrúar hófst frágangur á skýrsl-
unni. Samkvæmt þeim upplýsingum
sem við höfum þá stýrir formaðurinn
þeirri vinnu og telur ekki ástæðu til
þess að kalla eftir Þorsteini að því
verki, enda hefur bæst liðsauki, sem
er Þormóður Þormóðsson, sem var
ráðinn til starfa og er gert ráð fyrir að
hann taki við sem formaður rann-
sóknarnefndarinnar. Það er því mat
Skúla Jóns að það þurfi ekki fleiri að-
ila til þess að vinna þetta,“ sagði sam-
gönguráðherra.
Friðrik Þór Guðmundsson hefur
ítrekað í bréfi til flugmálastjóra óskir
sínar um að hann staðfesti móttöku á
athugasemdum hans og að þeim verði
svarað.
Flugmálastjóri sendi frá sér yfir-
lýsingu í gær þar sem hann segir:
„Flugmálastjórn Íslands hyggst
hvorki svara ásökunum né dylgjum í
garð stofnunarinnar og einstakra
starfsmanna hennar, vegna flugslyss-
ins hörmulega um síðustu verslunar-
mannahelgi, fyrr en að afloknum
þeim rannsóknum sem unnið er að á
orsökum þess. Ótímabærar yfirlýs-
ingar í fjölmiðlum um einstaka efn-
isþætti slyssins eða aðild nafn-
greindra einstaklinga eru ekki til þess
fallnar að greiða fyrir rannsókn þess.
Allir hlutaðeigendur eru hvattir til
að gæta hófs í umfjöllun um hugsan-
legar orsakir þangað til rannsókna-
niðurstöður liggja fyrir.“
Samgönguráðherra átti fund í gær
með formanni flugslysanefndar
Rannsóknar-
nefndinni hefur
bæst liðsauki
LÖGREGLAN í Hafnarfirði fékk til-
kynningu um að konu hefði verið
nauðgað um borð í erlendum togara
við Hafnarfjarðarhöfn á laugardags-
morgun. Fimm skipverjar voru yf-
irheyrðir en samkvæmt upplýsing-
um frá lögreglunni liggur ekki fyrir
kæra í málinu.
Konan tilkynnti sjálf um nauðg-
unina frá höfninni. Hún var flutt á
slysadeild Landspítala – háskóla-
sjúkrahúss, á bráðamóttöku fórnar-
lamba kynferðisofbeldis.
Fimm skipverjar voru færðir á
lögreglustöðina til yfirheyrslu en
sleppt að þeim loknum. Lögreglan í
Hafnarfirði rannsakar málið.
Tilkynnt um
nauðgun
í erlendum
togara