Morgunblaðið - 13.02.2001, Page 14

HÖFUÐBORGARSVÆÐIÐ
14 ÞRIÐJUDAGUR 13. FEBRÚAR 2001 MORGUNBLAÐIÐ
UMHVERFISRÁÐ Kópa-
vogs leggur áherslu á að vinna
Staðardagskrá 21 í nánu sam-
ráði við íbúana og bauð því til
íbúaþings í Smáraskóla sl.
laugardag, 3. febrúar, í
tengslum við markmiðasetn-
ingu í Staðardagskrá 21, sem
unnið hefur verið að í u.þ.b.
tvö ár. Með íbúaþinginu vildu
bæjaryfirvöld fá að kynnast
þeirri framtíðarsýn sem íbúar
Kópavogs eiga fyrir bæinn og
á því kom m.a. fram að íbú-
arnir vildu varðveita Elliða-
vatn sem útvistarsvæði og
griðland fugla.
Um 150 manns mættu til
íbúaþingsins og voru þátttak-
endur úr öllum hverfum Kópa-
vogs. Áður höfðu undirbún-
ingsfundir verið haldnir með
bæjarráði, starfsmönnum
bæjarins og fulltrúum nefnda
og ráða. Einnig var unnið með
tveimur 9 ára bekkjum í Kópa-
vogi, öðrum í Smáraskóla en
hinum í Kársnesskóla, og á
þinginu sjálfu var sérstakur
vinnuhópur unglinga.
Nýrri rannsóknar-
aðferð beitt
Á þinginu var unnið með
skilvirkri aðferð, sem m.a. hef-
ur verið þróuð í tengslum við
skipulagsvinnu í Bretlandi og
nefnist hún á íslensku sam-
ráðsskipulag. Umsjón var í
höndum Sigurbjargar Kr.
Hannesdóttur ráðgjafa, í sam-
vinnu við bæjarskipulag og
umhverfisráð Kópavogs. Þátt-
takendur fóru í gegnum
ákveðnar lykilspurningar og
skráðu hugmyndir sínar á þar
til gerða miða. Með þessari að-
ferð höfðu allir jafnan rétt til
að koma sjónarmiðum sínum á
framfæri, einnig þeir sem yf-
irleitt fara ekki í ræðustól til
að tjá sig á almennum fundum.
Í niðurstöðu vinnuhóps ung-
linga um Kópavog og framtíð-
ina segir, að auka þurfi fram-
boð á fjölbreyttri afþreyingu,
bæta íþróttaaðstöðu og félags-
miðstöðvar. Eins sé nauðsyn-
legt að efla félagslíf milli skóla
í Kópavogi og opna möguleika
unglinga til að hafa meiri áhrif
á ákvarðanatöku í málefnum
bæjarins.
Sjónarmið íbúaþingsins um
stefnu í eftirfarandi mála-
flokkum voru annars þessi
helst:
 Hugað verði að þéttingu
byggðar í vesturbæ
Gerðar verði ráðstafanir til
að draga úr hávaðamengun
frá bíla- og flugumferð og
komið í veg fyrir að ofanvatn
eða mengun spilli lækjum og
vötnum í bæjarlandinu. Elliða-
vatn og aðrar náttúruperlur
verði varðveittar sem útivist-
arsvæði og griðland fugla.
Fræðsla og þátttaka almenn-
ings og skólabarna um um-
hverfismál aukist, m.a. með
samstarfi við Náttúrustofu
Kópavogs. Bæjaryfirvöld sýni
aðgát við skipulag byggða ná-
lægt náttúruminjum og opn-
um svæðum. Hugað verði að
þéttingu byggðar í vesturbæ
og dregið úr hverfamörkum.
Bærinn setji sér umhverfis-
stefnu og markmið og lagðir
verði á sérstakir umhverfis-
skattar. Athafnir íbúa og bæj-
arfélags skili vistkerfinu
ósködduðu til komandi kyn-
slóða.
 Saga Kópavogsbæjar verði
varðveitt
Saga Kópavogsbæjar verði
varðveitt og henni miðlað,
ásamt upplýsingum um menn-
ingu og náttúrufar. Í bænum
þrífist gróskumikið fjölmenn-
ingarlegt samfélag í „bæ
listanna“. Kópavogur standi
framarlega í metnaðarfullu
skólastarfi, sem einkennist af
góðu samstarfi við heimili og
skóla. Framhaldsskólum í
bæjarfélaginu fjölgi og byggt
verði upp nám á háskólastigi.
Tónlistarkennsla verði hluti af
námskrá yngstu árganga
grunnskólabarna og tónskólar
fái aðstöðu í grunnskólunum.
Tengsl milli skólastiga verði
aukin og lögð áhersla á stöð-
ugleika í starfsmannahaldi
skóla. Komið verði á samvinnu
milli kirkju, skóla og íþrótta-
félaga í forvarna- og fræðslu-
málum.
Bæjaryfirvöld og félaga-
samtök taki höndum saman í
öllum málaflokkum með virkri
þátttöku og öflugu upplýs-
ingastreymi.
 Miðbær skipulagður í sam-
ráði við íbúa
Skipulagður verði miðbær í
Kópavogi og samráð íbúa og
yfirvalda í skiplagsmálum
aukið. Stofnbrautir við íbúða-
hverfi valdi eins lítilli röskun
og mögulegt er. Mörkuð verði
skýr stefna í félagslegum mál-
efnum. Samráð og samvinna á
milli hverfa aukist og þess
verði gætt við uppbyggingu
nýrra hverfa að gróðursetning
í nýjum hverfum hefjist á
fyrstu stigum uppbyggingar
og haldist í hendur við fram-
boð þjónustu. Framkvæmdum
við kirkjugarð verði flýtt. Al-
menningssamgöngur verði
efldar í samvinnu við ná-
grannasveitarfélögin á höfuð-
borgarsvæðinu og samstarf
við þau aukið.
 Sundlaugum verði fjölgað
Opin svæði til leikja og úti-
vistar verði í öllum bæjarhlut-
um, og húsnæði og mannvirki
sem fyrir eru verði betur sam-
nýtt. Félagsmiðstöðvar í skól-
um verði efldar og aðstaða á
skólalóðum fyrir íþróttir og
fjölbreyttar tómstundir bætt.
Sundlaugum verði fjölgað.
Samstarf milli íþróttafélag-
anna verði aukið, sem og sam-
ráð bæjaryfirvalda og tóm-
stunda- og íþróttafélaga, og
unnið að stefnumótun í æsku-
lýðs-, forvarna- og íþróttamál-
um. Stefnt verði að fjölbreyttu
framboði tómstundastarfs fyr-
ir börn og unglinga, á viðráð-
anlegu verði.
 Dregið verði úr einangrun
aldraðra
Kópavogsbær yfirtaki mál-
efni heilsugæslu og löggæslu
og heilsugæsla verði stærri
þáttur innan grunnskólanna.
Félagsmálastjóri, skólar,
íþróttafélög og kirkja hafi með
sér samvinnu um forvarnir í
fíkniefnamálum og til að taka
á einelti. Öllum börnum verði
gert kleift að stunda tóm-
stundir án tillits til efnahags
foreldra. Stuðlað verði að
auknum samskiptum kynslóða
og dregið úr einangrun aldr-
aðra, með samvinnu milli
félags aldraðra og allra skóla-
stiga. Hverfafélög verði efld
og fái aukið vægi í samráði og
ákvarðanatöku um málefni
bæjarins og haldið verði áfram
að stuðla að almennu lýðræði í
Kópavogi. Skólabyggingar
verði opnaðar fyrir félagsstarf
íbúa og þær hannaðar með
fjölbreyttari þjónustu í huga.
Umferðarmál verði bætt og
dregið úr hraðakstri og um-
ferðarþunga. Samstarf milli
sveitarfélaga á höfuðborgar-
svæðinu verði aukið, og/eða
hugað að sameiningu þeirra.
Unnið verði markvisst að því
að auka samkennd íbúa Kópa-
vogs.
Næsta skref er svo það, að
tillögur íbúanna fara fyrir
nefndir og bæjarstjórn sem
móta endanleg markmið og í
framhaldi af því verður unnið
að framkvæmdaáætlun þar
sem verkefnum næstu ára
verður forgangsraðað.
Bæjaryfirvöld í Kópavogi buðu til íbúaþings til að leita eftir framtíðarsýn íbúanna um bæinn
Vilja varðveita
Elliðavatn sem
útvistarsvæði og
griðland fugla
Morgunblaðið/Golli
Um 150 manns sóttu íbúaþingið í Smáraskóla í Kópavogi 3. febrúar sl., í tengslum við mark-
miðasetningu í Staðardagskrá 21, og voru þátttakendur úr öllum hverfum Kópavogs.
Kópavogur
ÞESSA dagana er verið að
ljúka við uppsetningu nýs
pípuorgels í Hjallakirkju í
Kópavogi og er stefnt að
vígslu þess sunnudaginn 25.
febrúar nl. Hið nýja orgel er
smíðað í Orgelsmiðju Björg-
vins Tómassonar í Mos-
fellsbæ og var samningur
um smíði þess undirritaður í
mars á síðasta ári. Þetta er
22. orgel Björgvins, og jafn-
framt stærsta og flóknasta
smíði hans til þessa.
„Upphaflega var meining-
in að reyna að vígja orgelið
fyrir jólin, en það tókst nú
ekki, enda er eitt ár í org-
elsmíði enginn tími,“ sagði
Björgvin Tómasson, þegar
Morgunblaðið hafði sam-
band við hann í tilefni þessa.
„En við stefnum að vígslu
annan sunnudag, þannig að
hægt verður að nota það í
fermingarathöfnum vors-
ins.“
Að sögn Björgvins er org-
elhúsið smíðað úr evrópskri
eik, trépípur úr amerískri
furu, en allar málmpípur
búnar til í Þýskandi. Alls er
um að ræða þar 1.570 pípur,
sem mynda 24 sjálfstæðar
raddir, og að auki eru þrjár
framlengdar á ákveðinn
„mekanískan“ hátt.
„Þriðja janúar var rifinn
niður hlerinn, sem lokaði
hvelfingunni þar sem org-
elinu hafði verið fundinn
staður og 7. janúar byrjuð-
um við á uppsetningu, ég og
mínir tveir menn, sem eru
með mér að smíða, og síð-
ustu daga höfum við verið
að vinna við inntónun og
stillingu,“ sagði Björgvin.
„Til þess verks fékk ég til
liðs við mig Reinhart
Tzschöckel, meistara minn
frá Þýskalandi. Við reiknum
með að vera hér í tæpa viku
enn. Þá hefur organisti viku
til að kynnast hljóðfærinu,
áður en til vígslunnar kem-
ur.“
Kemur til með
að valda byltingu
Jón Ólafur Sigurðsson
organisti og kórstjóri
Hjallakirkju bætti því við,
að þetta væri eitt af fáum
orgelum á landinu, þar sem
gert hefði verið ráð fyrir því
allt frá hönnun kirkjubygg-
ingar, og þess vegna sæist
svo lítið af því inni í sjálfu
kirkjuhúsinu.
„Það hefur verið mjög vel
staðið að þessu alveg frá
byrjun, þannig að orgelið
fellur mjög vel inn í rýmið,
og er ekki eins og einhver
aðskotagripur, heldur sniðið
að kirkjunni,“ sagði Jón.
„Það kostar 28,5 milljónir
og við eigum það skuldlaust,
enda hefur verið afar góð
fjármálastjórn í Hjallakirkju
alveg frá upphafi vega. Hér
er ekkert framkvæmt, nema
peningar séu til fyrir hlut-
unum.“
Að sögn Jóns verður til-
koma hins nýja pípuorgels
algjör bylting í safnaðar-
starfinu. „Gamla orgelið
okkar er danskt, fjögurra
radda orgel frá Bruno
Christensen & sønner og
mjög gott hljóðfæri í alla
staði, en svo lítið að hljómur
þess fyllir ekki húsið. Það er
samt ekki bara krafturinn
sem við erum að leita eftir
núna, heldur erum við með í
nýja orgelinu fjöldann allan
af „litum“, þ.e.a.s. ákveðnum
röddum til að draga fram
laglínuna í sálmasöngnum
og leiða þannig safnaðar-
sönginn, en á honum byggj-
um við allt hérna. Og svo
eru líka veikar raddir í báð-
um borðunum, sem henta
við jarðarfarir. Hljóðið sem
er komið í þetta hljóðfæri
núna er bæði mjúkt og fal-
legt, og þó á eftir að vinna í
fínstillingu í viku enn,“ sagði
Jón að lokum, brosandi og
fullur tilhlökkunar.
Nýtt pípuorgel verður vígt innan skamms í Hjallakirkju í Kópavogi
Stærsta orgel sem gert
hefur verið á Íslandi
Jón Ólafur Sigurðsson, organisti og kórstjóri, Reinhart
Tzschöckel, meistari orgelsmiðsins frá Austurríki, og
Björgvin Tómasson orgelsmiður. Nýja hljóðfærið í baksýn.
Morgunblaðið/Þorkell
Björgvin Tómasson fínstillir eina af 1.570 pípum orgelsins.
Kópavogur
RÁÐGERT er að nýjar náms-
mannaíbúðir að Arnarási 9 til
11 í Garðabæ verði að fullu til-
búnar í ágúst á næsta ári.
Bæjaryfirvöld hafa auglýst
eftir tilboðum í byggingu íbúð-
anna en um er að ræða 14
íbúðir frá einstaklingsíbúðum
upp í þriggja herbergja íbúðir.
Áætlað er að hefja fram-
kvæmdir í vor og mun Garða-
bær kosta byggingu hússins
en Félagsstofnun stúdenta
mun sjá um rekstur þess og að
leigja íbúðirnar samkvæmt
samningi sem stofnunin gerði
við bæjaryfirvöld.
Samningurinn kveður á um
að Garðbæingar hafi forgang
að leigu íbúðanna en sam-
kvæmt upplýsingum frá bæj-
arskrifstofum Garðabæjar er
mikil spurn eftir íbúðarhús-
næði í bænum. Eftirspurnin
er ekki síst á meðal ungs fólks
en með byggingu íbúðanna vill
bærinn leggja sitt af mörkum
til að námsmenn í Garðbæ geti
átt kost á námsmannaíbúðum
í bænum. Þetta er í fyrsta sinn
sem Garðabær ræðst í bygg-
ingu námsmannaíbúða.
Náms-
manna-
íbúðir
verða til-
búnar 2002
Garðabær