Morgunblaðið - 13.02.2001, Síða 6

FRÉTTIR
6 ÞRIÐJUDAGUR 13. FEBRÚAR 2001 MORGUNBLAÐIÐ
ÞÓRIR B. Kolbeinsson, formaður
Félags íslenskra heimilislækna,
segir furðulegt að heimilislæknum
skuli ekki leyft að starfa sjálfstætt
og reka eigin læknastofur með
samningi við Tryggingastofnun rík-
isins. Myndi það að mati hans auka
tekjumöguleika heimilslækna og
verða til þess að unglæknar fengju
áhuga á þessari sérgrein sem væri
nú í lágmarki.
Í frétt Morgunblaðsins sl. sunnu-
dag kom fram að á höfuðborgar-
svæðinu vanti um 30 heimilislækna
til starfa og að lítið hafi verið spurt
um stöður sem auglýstar hafi verið
úti á landi. Þórir segir kjör heim-
ilislækna skipta hér miklu máli.
Fastalaun heimilislæknis eftir 15
ára starf eru um 290 þúsund og við
þau geta bæst 10-30 þúsund króna
gjaldskrártekjur á mánuði fyrir
unnin læknisverk hjá læknum á
höfuðborgarsvæðinu. Miðað er við
að hver læknir sinni um 1.500 skjól-
stæðingum en verði þeir fleiri er
greiddur eins konar bónus fyrir
hverja 100 skjólstæðinga í viðbót.
Segir Þórir þessa viðmiðun hafa
skekkst mjög og beri menn mjög
misjafnt úr býtum í þessum efnum,
sumir allt að 100 þúsund krónum en
aðrir kringum 50 þúsund, án þess
að það sé í nokkru samræmi við við-
bótina. Útreikningarnir séu með
þeim hætti að læknum sé mismun-
að.
Óánægja með mismunun
vegna greiðslu fyrir vaktir
Á heilsugæslustöðvum á lands-
byggðinni, þar sem læknar eru
kannski einn eða tveir, er vakta-
byrði læknanna mikil og geta laun
fyrir vaktir verið kringum 150 þús-
und krónur til viðbótar fyrir að
vera á vakt annan hvern dag. Á höf-
uðborgarsvæðinu taka rúmlega 60
heimilislæknar vaktir hjá Lækna-
vaktinni, sem eru unnar utan við
störf á heilsugæslustöð, og fá þeir
aukatekjur sínar þaðan.
Greiddar eru 3,6 milljónir króna
árlega fyrir svokallaða gæsluvakt I
á heilsugæslustöð. Þar sem heilsu-
gæslustöð er rekin undir sama hatti
og sjúkrastofnun er þessi vakta-
greiðsla mun hærri, eða 6,4 millj-
ónir, og segir Þórir þessa mismun-
un ólíðandi og hafa valdið mikilli
óánægju meðal heilsugæslulækna.
„Þessar greiðslur koma hins veg-
ar aðeins fyrir þessar stífu vaktir
og eru eins og ég lýsti einkanlega
úti á landi. Það er einmitt vakta-
byrðin sem ungu fólki óar við og
það vill ekki endilega binda sig á
þennan hátt. Margir geta ekki
hugsað sér að vinna fjarri sjúkra-
húsum og menn sjá fram á þessa
miklu bindingu. Þetta sjáum við
jafnvel á stöðum þar sem þessar
greiðslur eru mjög góðar, að hugs-
unarhátturinn er orðinn annar.
Þess vegna freistar ekki mjög
ungra lækna í dag að fara út í heim-
ilislækningar,“ segir Þórir.
„Við höfum barist fyrir því að
kjör heimilislækna séu sambærileg
við kjör annarra sérfræðinga í
læknastétt. Það er baráttumál okk-
ar og við erum ekki að biðja um
hærra en viljum heldur ekki lægri
laun. Við teljum að það halli veru-
lega á laun okkar í dag.“
Þórir segir félagið hafa bent á að
mikið af læknum vanti til starfa í
heilsugæslunni. Sérfræðingar í öðr-
um greinum en heimilislæknum
mega opna eigin stofu en heimilis-
læknar fá ekki samning við TR.
„Það eru til sérfræðingar í heim-
ilislækningum sem myndu óska
þess að starfa ekki á heilsugæslu-
stöð heldur aðeins á stofu en þeim
er það óheimilt. Þetta er í hróplegri
andstöðu við það sem allir aðrir
sérfræðingar gera. Í ljósi þess að
heimilislækna vantar í kerfið er
furðulegt að þetta skuli ekki vera
leyft. Ungir læknar í dag standa
frammi fyrir því að velja sérgrein.
Þá horfa menn á atvinnumöguleik-
ann og hvar áhuginn liggur.
Ef menn standa frammi fyrir því
að atvinnumöguleikar og kjörin
innan þessarar greinar eru lakari
en það sem er sambærilegt þá er
vel hægt að skilja hvað menn
velja.“
Guðmundur Einarsson, forstjóri
Heilsugæslunnar í Reykjavík, segir
að launakerfi heilsugæslulækna sé
óheppilegt og betur væri að kjör
læknanna væru ekki ákveðin af
kjaranefnd. Vísar hann ekki síst til
bónusgreiðslunnar sem bætist við
ef læknar hafa fleiri en 1.500 skjól-
stæðinga.
Segir launakerfið hafa skaðað
„Launakerfið sem kjaranefnd
fann upp hefur skaðað okkur. Það
þýðir að þegar við bætum við lækn-
um til að bæta þjónustuna þá lækka
laun þeirra sem fyrir eru. Þetta er
sambærilegt við það að laun flug-
manna Flugleiða myndu lækka ef
ný vél bætist í flotann,“ segir Guð-
mundur og telur að breyta verði
þessu kerfi.
„Heilsugæslulæknar ættu ekki
að vera undir kjaranefnd en meðan
þeir eru þar væri óskandi að nefnd-
in myndi laga þetta eitthvað og við-
ræður hafa farið fram. Ég veit hins
vegar ekki hvort eitthvað kemur út
úr því.“
Hjá Heilsugæslunni í Reykjavík
eru nú 63,5 stöðugildi lækna en 78-
79 læknar starfa á öllum stöðvum á
höfuðborgarsvæðinu öllu. Á höfuð-
borgarsvæðinu segir hann vera um
17 sjálfstætt starfandi heimilis-
lækna sem starfi samkvæmt göml-
um samningi við TR. Alls séu því
um 95 heilsugæslulæknar á höfuð-
borgarsvæðinu. Guðmundur segir
að viðmiðunin 1.500 skjólstæðingar
á lækni þurfi ekki endilega að vera
sú eina rétta. Nú eru um það bil
1.900 íbúar á hvern heimilislækni á
höfuðborgarsvæðinu og myndi
áreiðanlega muna um að koma
þeirri tölu niður í 1.600-1.700 skjól-
stæðinga á hvern lækni. Guðmund-
ur vonast til að ný stöð í Heima-,
Voga- og Sundahverfi komist í
gagnið á næsta ári og stækkun
stöðvarinnar í Grafarvogi kemst í
gagnið í haust.
„Það er því verið að gera ým-
islegt til að bæta þjónustuna en
verulegar fjárveitingar vantar þó
enn þá áður en við getum sagt að
aðstaðan í heilsugæslunni sé orðin
nógu góð og læknar nógu margir,“
segir Guðmundur.
Formaður Félags ísl. heimilislækna segir að auka þurfi áhuga á starfi heilsugæslulækna
Meiri tekjumögu-
leikar með starfi á
eigin læknastofum
LÖGREGLAN í Reykjavík handtók
tvo menn seint á sunnudagskvöld
eftir að þeir höfðu rænt söluturn á
Grandavegi. Þeir eru einnig grunað-
ir um að hafa skömmu áður gert mis-
heppnaða tilraun til að ræna sölu-
turn í Þingholtunum. Þar náði
afgreiðslumaður að loka söluturnin-
um þannig að ræningjunum tókst
ekki að komast inn.
Samkvæmt upplýsingum frá lög-
reglunni voru gerðar ákveðnar var-
úðarráðstafanir eftir hina misheppn-
uðu ránstilraun. Skömmu síðar barst
tilkynning um að tveir grímuklæddir
menn vopnaðir hnífum hafi rænt
söluturn við Grandaveg. Lögreglan
stöðvaði bifreið þeirra skömmu síðar
og handtók tvo 22 ára karlmenn. Í
bifreið þeirra fannst ætlað þýfi, hníf-
ar og sokkabuxur sem þeir höfðu
notað sem andlitsgrímur.
Lögreglan í Reykjavík gerði í gær
kröfu um gæsluvarðhald yfir mönn-
unum. Þeir eru að auki grunaðir um
rán í söluturni við Iðufell þann 14.
janúar sl., rán í söluturni við Grund-
arstíg þann 3. febrúar og rán í sölu-
turni við Háaleitisbraut þann 5.
febrúar auk fleiri auðgunarbrota og
ránstilraunina í Þingholtunum. Í öll-
um tilvikum höfðu mennirnir á brott
með sér fjármuni eftir að hafa ógnað
starfsfólki með hnífum. Ómar Smári
Ármannsson aðstoðaryfirlögreglu-
þjónn segir að ýmislegt bendi til þess
að um sömu menn hafi verið að ræða
í öllum tilvikum.
Tveir menn handteknir
eftir vopnað rán
Grunaðir
um að hafa
rænt fjóra
söluturna
ERLENDAR viðhaldsstöðvar flug-
véla og áhafnarleigur hafa sýnt
mikinn áhuga á að fá íslenska flug-
virkja til starfa. Nýlega var 39 flug-
virkjum sagt upp á viðhaldsstöð
Flugleiða á Keflavíkurflugvelli frá
og með 1. maí næstkomandi og tíu
lausráðnir til viðbótar hætta líklega
störfum.
Að sögn Guðjóns Valdimarssonar,
formanns Flugvirkjafélags Íslands,
er óljóst í dag hvort allur þessi fjöldi
flugvirkja, nærri 50, hætti í vor. En
Guðjón segir stöðuna engu að síður
slæma hjá stórum hópi flugvirkja.
Þess má geta að 335 flugvirkjar eru
í félaginu og þar af starfa um 160
hjá Flugleiðum.
Nýlega komu fulltrúar viðhalds-
stöðvar Braatens í Stavangri í Nor-
egi til landsins og héldu kynning-
arfund með flugvirkjum, auk þess
sem ríflega 40 flugvirkjar fóru í
einkaviðtöl til þeirra. Í gærkvöldi
hélt áhafnarleigan Direct Int-
ernational fund í húsakynnum Flug-
virkjafélagsins. Þar bauð leigan
störf víða um heim til lengri og
skemmri tíma.
Formaður Flugvirkjafélagsins fer
við annan mann til Noregs á næst-
unni að skoða aðstæður hjá Braa-
tens og sagði Guðjón við Morg-
unblaðið að fyrirtækið hefði áhuga á
að ráða 20–25 íslenska flugvirkja.
Einnig hyggst Braatens bjóða
nokkrum flugvirkjum ásamt mökum
til Stavangurs að skoða aðstæður.
Guðjón sagði fleiri aðila en þessa
tvo hafa sýnt áhuga á að fá íslenska
flugvirkja til sín. Eftir að Flugleiðir
tilkynntu uppsagnirnar vegna verk-
efnaskorts lét Flugvirkjafélagið
fara frá sér lista með nöfnum flug-
virkjanna til erlendra flugfélaga og
viðhaldsstöðva. Guðjón sagði fjölda
fyrirspurna hafa borist.
Aðspurður hvað margir flug-
virkjar koma til með að flytja af
landi sagði Guðjón erfitt að segja
um á þessari stundu. Fjölskyldu-
aðstæður væru mismunandi og þeir
sem væru búnir að koma sér fyrir
með konu, börn og hús, ásamt til-
heyrandi skuldum, ættu erfiðara um
vik að flytja burtu. Ef 5–7 flug-
virkjar færu gæti það talist gott
hlutfall til að byrja með.
Viðhaldsstöð Flugleiða á Kefla-
víkurflugvelli hefur verið að að-
stoða þá flugvirkja, sem sagt var
upp, um störf annars staðar og látið
vita af þeim hjá öðrum flugfélögum,
í samstarfi við Flugvirkjafélag Ís-
lands. Valdimar Sæmundsson, for-
stöðumaður tækniþjónustu Flug-
leiða, sagði að þótt tæplega 40
flugvirkjar væru með uppsagn-
arbréf upp á vasann í dag myndu
aldrei svo margir missa vinnuna 1.
maí nk.
Valdimar taldi líklegt að sökum
betri verkefnastöðu næsta haust og
sumarleyfa eldri flugvirkja yrðu þó-
nokkrar uppsagnir væntanlega
dregnar til baka.
Flugvirkjarnir sem sagt var upp hjá Flugleiðum
Mikil eftirspurn frá útlöndum
Morgunblaðið/Jim Smart
Flugvirkjar hafa fengið tilboð um störf erlendis og var kynningarfundur um slík störf haldinn í gær.