Morgunblaðið - 13.02.2001, Síða 11

FRÉTTIR
MORGUNBLAÐIÐ ÞRIÐJUDAGUR 13. FEBRÚAR 2001 11
Tölvunámskeið á næstunni
Horfðu til framtíðar
Borgartúni 28 · Sími 561 6699
tolvuskoli@tolvuskoli.is · www.tolvuskoli.is
Ath!
Skrá
ning
sten
dur
yfir
Almenn námskeið, 10 - 15 stundir
PowerPoint - 19. - 23. feb.
Kennt frá kl. 810-1210
Internet - 14. - 16. febrúar.
Kennt frá kl. 810-1210
Excel 1 - 19. - 23. febrúar.
Kennt frá kl. 1730-2030
Tölvulæsi 1, grunnnám
60 stundir - 19. febrúar. - 28. mars
Kennt mánudaga og miðvikudaga
frá 1300-1700
Megináhersla lögð á Windows,
Word og Internetið. Hæg yfirferð.
Excel 2 - 14. - 21. febrúar.
Kennt frá kl. 1300-1700
Heimasíðugerð 1 - 20. - 27. feb.
Kennt frá kl. 810-1210
Bjóðum einnig einkatíma!!!
BORGARFULLTRÚAR Sjálfstæð-
isflokksins gagnrýna harðlega fyrir-
hugaða viðhorfskönnun um framtíð
Reykjavíkurflugvallar. Þeir segja at-
kvæðagreiðsluna skrípaleik og vinnu-
brögð R-listans í málinu hreinan
blekkingarleik. Þeir segja að könn-
unin muni ekki binda hendur þeirra
sem stýri borginni árið 2016 og engar
líkur séu á að niðurstöður hennar hafi
nokkur áhrif á framtíð vallarins.
Könnunin beri vott um lýðskrum,
eins og að málum hafi verið staðið.
Þetta kom fram á fréttamannafundi
sem borgarfulltrúar Sjálfstæðis-
flokksins héldu í gær, þar sem kynnt
var sameiginleg yfirlýsing þeirra
vegna málsins.
„Umræðan af hálfu borgarfulltrúa
R-listans undanfarna daga og vikur
hefur snúist um að búa til ákveðnar
sjónhverfingar í kringum þetta. Við
höfum orðið vör við að fólk er að fá
mjög misvísandi skilaboð. Mjög
margir borgarbúar telja að með þess-
ari svokölluðu atkvæðagreiðslu muni
þeir geta haft áhrif á það sem gerist á
næstu árum í Vatnsmýrinni. Það er
alrangt,“ sagði Inga Jóna Þórðar-
dóttir, oddviti borgarstjórnarflokks
Sjálfstæðisflokksins.
Í yfirlýsingu borgarfulltrúa Sjálf-
stæðisflokksins segir meðal annars
svo um framtíð vallarins:
Bindur ekki hendur þeirra
sem stýra borginni 2016
„Bindandi ákvörðun um flugvöll í
Vatnsmýrinni til 2016 hefur þegar
verið tekin. Sú ákvörðun var tekin
með samþykkt R-listans árið 1997 á
aðalskipulagi og deiliskipulagi
Reykjavíkurflugvallar árið 1999.
Borgarstjóri og R-listinn bera því
fulla ábyrgð á þessari bindandi
ákvörðun sem gildir til næstu fimm-
tán ára héðan í frá. Svokölluð at-
kvæðagreiðsla, sem er í raun ekkert
annað en viðhorfskönnun, var ákveð-
in skömmu eftir að borgarstjóri skrif-
aði undir framkvæmdaleyfi vegna
endurbyggingar flugvallarins. At-
kvæðagreiðslunni virðist ætlað það
eitt að slá ryki í augu borgarbúa og
draga athyglina frá ábyrgð R-listans
á málinu.
Fyrirhuguð könnun mun ekki
binda hendur þeirra sem stýra borg-
inni árið 2016. Viðhorfskönnun þessi,
sem kostar skattgreiðendur í
Reykjavík tæpar 30 milljónir króna,
mun engu breyta um þær skipulags-
ákvarðanir sem liggja fyrir og þjónar
aðeins þeim tilgangi að gefa R-listan-
um falskt yfirbragð um lýðræðisleg
vinnubrögð. Vatnsmýrin er mikil-
vægt byggingarland fyrir Reykvík-
inga og þróun borgarinnar. Ákvörð-
un um framtíð flugvallarins og
nýtingu Vatnsmýrarinnar verður
ekki tekin með óvandaðri viðhorfs-
könnun. Það er ljóst að allar aðstæð-
ur í byggða- og samgöngumálum
munu taka miklum breytingum á
næstu 15 árum. Sú þróun skiptir
miklu fyrir framtíðarákvarðanir í
þessum málum. Borgarstjórn á að
taka ábyrga ákvörðun um framtíð
flugvallarins að lokinni vandaðri und-
irbúningsvinnu í samvinnu við Reyk-
víkinga og samgönguyfirvöld, en ekki
með þeim hætti sem nú er gert,“ seg-
ir m.a. í yfirlýsingunni.
Borgarfulltrúarnir héldu því fram
á fundinum að ruglingslegur og mis-
vísandi málflutningur R-listans hafi
gert könnunina að algjörum skrípa-
leik og enn í dag, tæpri viku fyrir boð-
aðan kynningarfund um atkvæða-
greiðsluna, viti Reykvíkingar ekki
um hvað eigi að kjósa.
Inga Jóna gagnrýndi harðlega
vinnubrögð meirihlutans og sagði
þau misvirðingu við það tæki sem at-
kvæðagreiðsla um alvörumál ætti að
vera.
„Í raun og veru er verið með
ákveðnar sjónhverfingar gagnvart
Reykvíkingum, verið að vekja upp
væntingar um að afstaða gagnvart
tilteknum spurningum muni þýða
eitthvað tiltekið. Þetta er ljótur
blekkingarleikur,“ sagði hún.
Vilja nýta tímann og vanda
undirbúning málsins
Aðspurð hvernig borgarfulltrúar
Sjálfstæðisflokksins vildu standa að
málum sagði hún að búið væri að taka
bindandi ákvörðun um flugvöll í
Vatnsmýri til 2016 og sjálfstæðis-
menn vildu nota þann tíma og vanda
mjög vel allan undirbúning við þróun
svæðisins.
„Við sjáum fyrir okkur mjög mikla
þróun á allra næstu árum í búsetu-
breytingum, samgöngumálum, tækni
og þróun, þannig að þegar fer að líða
nær þessu tímabili, þá eigum við í
samvinnu við Reykvíkinga og sam-
gönguyfirvöld að fara mjög vandlega
yfir hvaða kostir eru uppi á borðinu.
Við teljum að Vatnsmýrin sé mjög
mikilvægt byggingarland fyrir Reyk-
víkinga í framtíðinni en það verður að
vinna þessa kosti þannig að það sé
raunverulega hægt að velja á milli
þeirra,“ sagði Inga Jóna.
Vilhjálmur Þ. Vilhjálmsson borg-
arfulltrúi sagði að það væri lág-
markskrafa kjósenda þegar ganga
ætti til kosninga að fyrir lægju skýrir
valkostir en því væri ekki að heilsa í
þessu máli. „Ef R-listinn hefði viljað
gera þetta faglega og koma til móts
við sjónarmið, sem eru eðlilega mjög
skipt, þá hefði hann átt að gefa sér
miklu meiri tíma og reyna að ná betra
samstarfi við þá aðila sem reka og
byggja flugvöllinn, það er að segja
samgönguyfirvöld, en því er ekki fyr-
ir að fara,“ sagði hann.
Flugvallarkönnunin blekkingarleikur og lýðskrum að mati borgarfulltrúa Sjálfstæðisflokks
Niðurstöður hafa
engin áhrif á
framtíð vallarins
Morgunblaðið/Golli
Borgarfulltrúar Sjálfstæðisflokksins gagnrýndu harðlega fyrirhugaða
könnun um framtíð Reykjavíkurflugvallar á fréttamannafundi. Á
myndinni má sjá borgarfulltrúana Vilhjálm Þ. Vilhjálmsson, Ingu Jónu
Þórðardóttur, Guðlaug Þór Þórðarson og Jónu Gróu Sigurðardóttur.
SIGHVATUR Björgvinsson afhenti Halldóri
Blöndal, forseta Alþingis, afsagnarbréf sitt í
gær, en Sighvatur lætur nú af þingmennsku og
tekur við framkvæmdastjórn Þróunarsam-
vinnustofnunar Íslands eftir nær samfellda þing-
mennsku í 27 ár. Við þetta tækifæri sagðist for-
seti Alþingis myndu sakna Sighvats af þingi.
Sighvatur kvaddi þingflokk Samfylking-
arinnar á fundi í gær og þá ritaði hann bréf til
framkvæmdastjórnar Alþýðuflokksins – Jafn-
aðarmannaflokks Íslands og sagði af sér for-
mennsku. Við því embætti tekur Guðmundur
Árni Stefánsson, sem verið hefur varaformaður
flokksins, sem á aðild að Samfylkingunni.
Í bréfi Sighvats til forseta Alþingis er Halldóri
Blöndal sérstaklega þakkað ánægjulegt samstarf
á þingi, en þeir Sighvatur eru báðir stúdentar frá
MA og vinir og samstarfsfélagar því í fjörutíu ár.
„Ég þakka þér kærlega hlý orð og verð að segja
að það verður eftirsjá að þér á þingi,“ sagði Hall-
dór Blöndal um leið og hann tók við bréfinu.
Sighvatur, sem tekur við nýju starfi á morgun,
miðvikudag, segist kveðja Alþingi sáttur. „Nú er
rétti tíminn til að hætta. Þessum tímamótum
fylgja þó bæði tilhlökkun og eftirsjá, enda hef ég
starfað í stjórnmálum nær alla ævi,“ sagði hann
við Morgunblaðið.
Fyrsta verkefni Sighvats á nýjum vinnustað
verður að leggja land undir fót, því fyrir dyrum
stendur þriggja vikna ferð til Afríku í því skyni
að kynnast af eigin raun helstu verkefnum Þró-
unarsamvinnustofnunarinnar.
„Þetta verða auðvitað heilmikil viðbrigði, en
ég er mjög sáttur við þessa breytingu. Árin á Al-
þingi hafa verið einstaklega ánægjuleg, en nú
taka við ný og spennandi verkefni.“
Sæti Sighvats sem þingmaður Vestfirðinga
tekur Karl V. Matthíasson, sóknarprestur á
Grundarfirði. „Honum fylgja allar mínar bestu
óskir. Hann fær nægan tíma til að kynna sig og
nema ný lönd og ég vona að hann hafi erindi sem
erfiði í þeim efnum,“ segir Sighvatur.
Við næstu alþingiskosningar verður í fyrsta
sinn kosið eftir nýrri kjördæmaskipan. Hið
gamla kjördæmi Sighvats til tæplega þriggja
áratuga verður þar með hluti hins nýja Norð-
vesturkjördæmis, en það mun ná allt frá Hval-
firði vestur á firði og til Norðurlands og sameina
það sem nú eru Vestfjarða- og Vesturlands-
kjördæmi auk Norðurlands vestra.
Sighvatur segir að þessi breyting hafi ekki
haft áhrif á þessa ákvörðun sína, en hann segist
hins vegar vera þeirrar skoðunar að aðeins sé
um tímabundnar breytingar að ræða, innan
skamms verði skrefið stigið til fulls og landið
gert að einu kjördæmi.
„Ný kjördæmaskipan var eðlilegt skref og af-
leiðing þess að okkur landsbyggðarþingmönnum
hefur ekki tekist að standa vörð um hagsmuni
landsbyggðarinnar. Því hefur fjöldi fólks flutt
suður á höfuðborgarsvæðið og því varð að jafna
atkvæðavægið.“
Sighvatur telur hins vegar að aðeins sé um
millileik að ræða. „Telja má útilokað að þing-
menn nái að halda viðunandi tengslum við kjós-
endur í jafn stórum og víðfeðmum kjördæmum
og nú verða til. Þetta mun aftur leiða til þess að
til verða nokkrar fáar þungamiðjur í hverju kjör-
dæmi og þeir staðir munu ráða miklu um áhersl-
urnar. Val á þingmönnum verður þannig eflaust
mjög erfitt við þessar aðstæður og grípi menn til
prófkjöra, gætu þau orðið þau dýrustu sem um
getur þar sem vafalaust yrði að grípa mjög til
auglýsinga.“
Sighvatur, sem er fæddur 1942, hefur gegnt
þingmennsku fyrir þrjú stjórnmálaöfl; Alþýðu-
flokkinn, þingflokk jafnaðarmanna og nú síðast
Samfylkinguna. Hann var formaður þingflokks
Alþýðuflokksins 1978–1983, fjármálaráðherra
1979–1980, heilbrigðis- og tryggingamálaráð-
herra 1991–1993 og 1994–1995, iðnaðar- og við-
skiptaráðherra og samstarfsráðherra Norð-
urlanda 1993–1995. Þá var hann ritstjóri
Alþýðublaðsins 1969–1974.
Sighvatur Björgvinsson lætur af þingmennsku eftir 27 ára starf
Morgunblaðið/Golli
Halldór Blöndal, forseti Alþingis, þakkaði
Sighvati Björgvinssyni samstarfið og sagði
eftirsjá að honum á þingi.
Rétti tím-
inn til að
hætta VEFUR Árnastofnunar liggurnú niðri en tölvuþrjótur
braust inn á vefinn um
helgina.
„Hann fór aðeins inn á for-
síðuna, skemmdi ekkert held-
ur skildi eftir vinsamlega
ábendingu til okkar um að
koma öryggismálunum í lag,“
sagði Bragi Valdimar Skúla-
son, tæknimaður hjá Stofnun
Árna Magnússonar.
Skipt um öll
aðgangsorð
„Við vitum ekkert hvernig
hann komst inn á vefinn eða
hver hann er. Við erum að
reyna að rekja hvaðan hann
fór á vefinn,“ sagði Bragi.
Hann sagði enn fremur að
núna sé verið að skipta um öll
aðgangsorð og fara yfir kerfið.
Ekki hefur verið hægt að
fara inn á vef Árnastofnunar,
www.am.hi.is, frá því á sunnu-
dag en Bragi sagðist vonast til
þess að vefurinn yrði kominn
upp í dag.
Braust
inn á vef
Árna-
stofnunar