Morgunblaðið - 13.02.2001, Síða 20

VIÐSKIPTI
20 ÞRIÐJUDAGUR 13. FEBRÚAR 2001 MORGUNBLAÐIÐ
HAGNAÐUR Hraðfrystihússins–
Gunnvarar hf. í Hnífsdal var 22,8
milljónir króna á árinu 2000 saman-
borið við 54,7 milljónir árið áður.
Hagnaður fyrir fjármunaliði jókst
hins vegar úr 203,0 milljónum á
árinu 1999 í 319,8 milljónir á síðasta
ári. Fjármunagjöld í fyrra voru 285,7
milljónir en fjármunatekjur á árinu
1999 námu 1,2 milljónum.
Í fréttatilkynningu frá félaginu
kemur fram að helstu fjárfestingar
þess á árinu 2000 hafi verið keyptar
veiðiheimildir af Básafelli hf. í upp-
hafi árs fyrir 216,8 milljónir króna.
Þá hafi allt hlutafé í félögunum
Trausta ehf. og Langeyri ehf. verið
keypt á árinu fyrir samtals 184,3
milljónir og var kaupverðið greitt að
mestu leyti með eigin hlutabréfum,
en hlutafé félagsins var aukið um
24,6 milljónir í desember síðastliðn-
um og var í árslok 673,5 milljónir.
Trausti ehf. og Langeyri ehf. voru
síðan sameinuð Hraðfrystihúsinu–
Gunnvöru í árslok 2000.
Gengistap félagsins á árinu 2000
nam 229 milljónum króna samanbor-
ið við 41 milljónar króna gengishagn-
að árið áður. Hutdeild í tapi dótt-
urfélagsins Miðfells hf., sem er 40% í
eigu félagsins, var 17 milljónir. Sölu-
kostnaður vegna Bessa ÍS 410, sem
seldur var í lok árs 1999, nam kr. 33
milljónum á árinu.
Í tilkynningunni segir að afkoma
bolfiskveiða og -vinnslu svo og sjó-
frystingar hafi verið góð á árinu 2000
en afkoma rækjuveiða og -vinnslu
lakari.
Í upphafi fiskveiðiársins, sem
hófst 1. september 2000, höfðu fiski-
skip félagsins til ráðstöfunar fisk-
veiðiheimildir sem námu um 13.126
tonnum í þorskígildum af botnfiski
og úthafsrækju auk síldarkvóta sem
samsvarar um 152 tonnum í þorskí-
gildum. Einnig fékk félagið úthlutað
í upphafi árs 574 þorskígildistonnum
af rækju á Flæmska hattinum og um
213 tonnum af þorski í Barentshafi.
Varðandi horfur á árinu 2001 segir
að reiknað sé með því að rekstri
félagsins verði hagað með svipuðum
hætti og verið hefur. Þá segir í til-
kynningunni að stjórn félagsins
muni leggja til við aðalfund, sem
haldinn verður 24. mars næstkom-
andi, að greiddur verði 10% arður til
hluthafa.
Veltufé frá rekstri
jókst mikið milli ára
Einar Valur Kristjánsson, fram-
kvæmdastjóri Hraðfrystihússins–
Gunnvarar hf., segir meginástæðu
þess að hagnaður hafi dregist saman
milli ára vera mikið gengistap á
árinu 2000. Ástæða sé hins vegar til
að benda á hvað veltufé frá rekstri
hafi aukist mikið milli ára. Þá sé
framlegð komin í tæp 26% í saman-
burði við tæp 18% árið áður. Félagið
hafi verið að auka hagkvæmni og
munur á tekjum og gjöldum hafi ver-
ið að aukast.
Einar segir að yfirvofandi verkfall
sjómanna sé aðaláhyggjuefni félags-
ins og starfsfólksins, en meðalfjöldi
starfsmanna hafi verið 170 á síðasta
ári, miðað við fullt starf, en um 250
manns hafi unnið þessi störf. Hann
segir að félagið hafi verið að kaupa
mikið af veiðiheimildum til að
tryggja störf hjá félaginu. Þá skipti
miklu máli að gengið verði stöðugt á
árinu.
Ársuppgjör Hraðfrystihússins–Gunnvarar hf.
Gengistap 229
milljónir á árinu




   
   




 
   


  
 

 



 




 


 

  
    
!    
   "   # 

  # 

 








 

$%&'()&
$%$&&)(
*+$,)-
+.)$

()$

*(/.)0



/%&//).
(%,/.),

(.,)-
*'/)0
(&)001
()+'
(-)((1
1
1
1
1
1
1
1
  1
1
1
 1


 
 

 
   
 !" !" !" 

 
 

 

  
  
  
REKSTUR Norsk Hydro hefur
aldrei gengið jafn vel og á síðasta ári
en rétt eins og hjá öðrum norrænum
stórfyrirtækjum var hann þó minni
en spáð hafði verið. Það varð til þess
að hlutabréf í fyrirtækinu féllu um
yfir 3% þegar afkomutölurnar höfðu
verið birtar.
Hagnaðurinn er engu að síður um-
talsverður og þakkar Egil Mykle-
bust forstjóri hann einkum hækkun
olíuverðs og sterkri stöðu á olíu- og
gasmarkaði. Hagnaður Norsk
Hydro á síðasta ári nam um 135
milljörðum ísl. kr. eftir skatta, sem
er um 97 milljörðum meira en árið á
undan. Hagnaður fyrir skatta nam
rétt um 300 milljörðum ísl. kr. en var
um 75 milljarðar árið 1999. Sala
Hydro Seafood skilaði umtalsverð-
um hagnaði, um 9,8 milljörðum ísl.
kr. Þá reyndist Saga Petroleum góð
kaup vegna hækkaðs olíuverðs á
árinu.
Þrátt fyrir þetta varaði Myklebust
við því að bakslag kynni að hlaupa í
seglin innan síðar. Ljóst væri að fyr-
irtækið myndi ekki halda áfram að
auka hagnað sinn svo mjög en hann
vildi þó ekki spá um það hvenær
draga færi úr. Kvaðst Myklebust
eiga von á því að Norsk Hydro
myndi halda áfram kaupum á litlum
og meðalstórum fyrirtækjum, þar
sem það hefði gefið góða raun hingað
til.
Metár
hjá Norsk
Hydro
Kaupmannahöfn. Morgunblaðið.
VÍSITALA neysluverðs miðuð við
verðlag í febrúarbyrjun 2001 var
202,8 stig og hækkaði um 0,2% frá
fyrra mánuði, að því er fram kemur í
frétt frá Hagstofu Íslands. Þetta er
meiri hækkun en markaðsaðilar
höfðu spáð en spár þeirra voru á
bilinu –0,1% til 0,15%. Vísitala neyslu-
verðs án húsnæðis var 201,1 stig og
var óbreytt frá janúar.
Í frétt Hagstofunnar kemur fram
að vetrarútsölur leiddu til 6,7% verð-
lækkunar á fötum og skóm (vísitölu-
áhrif 0,36%) en verð á mat og
drykkjarvörum var nánast óbreytt.
Verð á bensíni og olíu hækkaði um
2,6% (0,12%) og verð á nýjum bílum
hækkaði um 0,9% (0,08%). Húsnæð-
isliður vísitölunnar hækkaði um 0,8%
(0,13%).
Síðastliðna tólf mánuði hefur vísi-
tala neysluverðs hækkað um 4,1% og
vísitala neysluverðs án húsnæðis um
3,3%. Undanfarna þrjá mánuði hefur
vísitala neysluverðs hækkað um 0,3%
sem jafngildir 1,4% verðbólgu á ári.
Bent er á það í Morgunkorni Íslands-
banka-FBA að í febrúar 2000 lækkaði
vísitala neysluverðs um 0,3% og því sé
ljóst að verðbólgan sé tekin að aukast
á ný og það sé í takt við spá greiningar
Íslandsbanka-FBA.
Vísitala neysluverðs
hækkaði um 0,2%
FROSTI Bergsson,
stjórnarformaður Op-
inna kerfa, segir að
hvort sem Íslendingum
líki það betur eða verr
þá séu þeir orðnir þátt-
takendur í alþjóðlegri
samkeppni og sú sam-
keppni eigi eftir að
aukast meir og meir á
komandi árum.
„Það eru margar
þjóðir aðrar en Íslend-
ingar sem hafa tekið þá
stefnu að vera tví-
tyngdar og þessi um-
ræða á sér stað á ýms-
um stöðum í heiminum
og af hverju í ósköpun-
um ættum við ekki að taka hana
upp hér á Íslandi,“ sagði Frosti í
samtali við Morgunblaðið.
Frosti fjallaði á nýafstöðnu Við-
skiptaþingi verslunarráðs um ís-
lenskt menntakerfi og stöðu Ís-
lands sem lítils þjóðfélags sem
tekur þátt í alþjóðlegri samkeppni.
Sagði hann Íslendinga ekki komast
hjá því að taka þátt í alþjóðlegri
samkeppni og vera þátttakendur í
hinu hnattræna viðskiptaumhverfi.
Þurfum að skerpa sýnina á það
hvað það er að vera Íslendingur
Í samtali við Morgunblaðið sagði
Frosti að þörf væri á að skilgreina
hvað það væri að vera Íslendingur
og standa vörð um þá hluti sem
snerta íslenska menningu og
tungu.
„Það þarf sífellt
að endurskoða
hvaða atriði lögð er
áhersla á í skóla-
kerfi. Við þurfum
að mínu viti að
skerpa sýnina á þá
hluti eða verðmæti
sem við viljum
halda í. Staðreynd-
in er sú að börnin
okkar eru að taka
til sín enskuna í
gegnum tölvuleiki,
sjónvarp og annað
efni. Því er spurn-
ing hvort við eigum
ekki að taka ensk-
una inn eins
snemma og hægt er og kenna hana
vel. Annars vegar getum við staðið
vörð um það að vera Íslendingar
með okkar íslensku menningu, en
hins vegar að vera tvítyngd þjóð og
tala bæði íslensku og ensku og
hvort tveggja málið vel.
Við erum að læra ýmislegt með
svipuðum hætti og fyrir tíu eða
fimmtán árum sem kannski á mis-
vel við núna. Og við erum heldur
ekki að taka enskuna nógu föstum
tökum. Það að læra og kunna ensku
vel þarf alls ekki að vera á kostnað
íslenskrar tungu eða menningar.
Við þurfum einfaldlega að fara í
gegnum ákveðna greiningu til þess
að komast að því hvað það er sem
við viljum virkilega standa vörð um
í menningu okkar og leggja áherslu
á það,“ sagði Frosti.
Margar þjóðir
með þá stefnu að
vera tvítyngdar
Frosti
Bergsson
Frosti Bergsson, stjórnarformaður
Opinna kerfa
FYRIR TÆPU ári keypti Lína.Net
hf. fyrirtækið Irju ehf. en eftir kaupin
taldi Lína.Net að verðið hefði verið of
hátt og krafðist lækkunar þess. Málið
fór í gerðardóm og skilaði hann nið-
urstöðu nýlega en eftir að hann féll
neituðu forsvarsmenn Línu.Nets og
Irju í samtali við Morgunblaðið að
greina frá úrskurðinum á þeirri for-
sendu að efni hans væri trúnaðarmál.
Guðlaugur Þór Þórðarson, borgar-
fulltrúi D-listans, hélt því fram í fjöl-
miðlum um helgina að Lína.Net hefði
eftir kaupin talið að rétt verð fyrir
Irju hefði ekki verið nema brot af um-
sömdu kaupverði sem hafi verið 250
milljónir króna.
Alfreð Þorsteinsson, stjórnarfor-
maður Línu.Nets og Orkuveitu
Reykjavíkur sem er stærsti hluthafi
Línu.Nets, sagði í samtali við Morg-
unblaðið að komið hefði í ljós eftir að
þessi kaup voru gerð að þau stóðust
ekki fullkomlega og ágreiningur kom-
ið upp milli seljanda og kaupanda.
„Venjan er sú í svona tilvikum að
lögmenn kaupenda geri ýtrustu kröf-
ur. Gerðardómurinn kemst hins veg-
ar að þeirri niðurstöðu að hæfilegur
afsláttur vegna þessa ágreinings sem
kom upp hafi verið 25 milljónir króna.
Þannig að gerðardómurinn metur
fyrirtækið í raun og veru á 225 millj-
ónir,“ segir Alfreð. Hann segir að
frekari ágreiningi hafi verið vísað til
framleiðanda búnaðarins, Motorola,
og þeir hafi gefið Línu.Neti nokkuð
góðan afslátt.
Alfreð segir að þessi umfjöllun
virðist af pólitískum toga og þess
vegna vilji hann að það komi fram að
þegar kaupin hafi verið gerð á sínum
tíma hafi Inga Jóna Þórðardóttir,
oddviti minnihlutans í borgarstjórn,
setið í stjórn Línu.Nets. Hún hafitek-
ið virkan þátt í undirbúningi að kaup-
um á Irju og verið samþykk þeim.
Inga Jóna sagði hins vegar í sam-
tali við Morgunblaðið að hún hefði
ekki tekið þátt í afgreiðslu þessa máls.
Hún hefði setið stjórnarfund þar sem
ákveðið hafi verið að kanna með kaup
Línu.Nets á Irju, en kaupin hefðu síð-
an verið ákveðin í mikilli skyndingu á
næsta stjórnarfundi að henni fjar-
staddri. Á næsta stjórnarfundi þar á
eftir hefði svo verið byrjað að kanna
möguleika á því að ná fram verulegri
leiðréttingu og hugsanlegri riftun
kaupsamningsins þar sem menn töldu
að það sem í honum hefði falist hefði
ekki staðist þegar til kastanna kom.
Kaup Línu.Nets á Irju
Gerðardómur
lækkaði kaup-
verðið um 10%