Morgunblaðið - 13.02.2001, Qupperneq 33

LISTIR
MORGUNBLAÐIÐ ÞRIÐJUDAGUR 13. FEBRÚAR 2001 33
ÞAÐ er ánægjuleg sú þróun sem
er að verða, að einleikstónleikum
virðist fara fjölgandi á höfuðborg-
arsvæðinu að minnsta kosti. Til-
koma Salarins í Kópavogi hefur
breytt miklu þar um, en Salurinn
er kjörinn vettvangur fyrir tón-
leika af því tagi. Flygillinn í Saln-
um gæti þó verið betri, hljómur
hans er svolítið mattur, en ein-
leikshljóðfæri af þessari stærðar-
gráðu mætti gjarnan vera með
dýnamískari hljóm. Helga Bryndís
Magnúsdóttir lék þar í haust á
tónleikum Evrópusambands píanó-
kennara, þá aðeins örfá verk, en á
sunnudaginn var hún komin aftur;
nú til að leika okkur úrvals efnis-
skrá með nokkrum öndvegisverk-
um píanóbókmenntanna.
Aríetta með tólf tilbrigðum eftir
Joseph Haydn var fyrsta verkið á
efnisskránni; lítið verk og einfalt í
sniðum. Stef verksins fær Haydn
að láni úr öðru verki sínu; Kvar-
tett op. 9 nr. 2. Stef Haydns er
sérlega ljúft og lagrænt. Tilbrigðin
við stefið rísa þó ekki hátt fyrr en
undir miðbik verksins. Tilbrigðin
eru nær eingöngu bundin við lag-
línuna, en Haydn lætur vera að
kafa djúpt í hljómræna og hryn-
ræna möguleika stefsins. Kringum
7. tilbrigðið fara tilbrigðin þó að
skipta skapi með kraftmiklum
breytingum í styrk og
hröðum hlaupandi tón-
stigum. Helga Bryndís
lék verkið ákaflega fal-
lega. Unun var að
hlusta á upphafsstefið,
svo yfirvegað og fal-
lega mótað; blítt og
viðkvæmnislegt. Són-
ata Haydns í F-dúr
sem Helga Bryndís lék
næst er mun þekktara
verk. Þetta er háklass-
ík, sérdeilis fallegt
verk og ljóðrænt.
Helga Bryndís og
Haydn eru sannarlega
sem sköpuð hvort fyr-
ir annað; músíkölsk og
falleg túlkun hennar gaf verkinu
líf og lit. Verk Ravels, Óður til lát-
innar prinsessu og Vatnsleikir,
voru ekki síður vel leikin; með
sterkri tilfinningu fyrir litríku tón-
máli Ravels.
Helga Bryndís býr yfir mikilli
og góðri tækni. Hún spilar veikt
legato sérstaklega fallega með
óvenju mjúkum og jöfnum áslætti.
Hraðir hljómar og tónstigar leika í
höndum hennar og eru skýrir og
markaðir og trillurnar hennar
sindra. Pedalnotkunin er hófleg,
jafnvel frekar spör. En það sem
upp úr stendur er fyrst og fremst
músíkalskur leikur hennar. Hún
andar með og í tónlistinni; dvelur í
tónlistinni og er tónlistin meðan
hún er að spila. Hún hefur miklu
að miðla og það er mikil ánægja að
heyra hana spila. Sá sem ekki hef-
ur þetta til brunns að bera spilar
ekki Brahms svo nokkur bragur sé
á. Því var það dæmalaust gaman
að heyra Helgu Bryndísi spila
fjögur smáverk Brahms: Capriccio
op. 76 og Intermezzi
op. 116 nr. 6, 118 nr. 2
og 118 nr. 6. Tök henn-
ar á margslungnu tón-
máli Brahms voru
sterk og áhrifamikil.
Þriðja Intermezzóið;
op. 118 nr. 6, var
meistaralega leikið, og
verður varla gert bet-
ur. Þetta var tilkomu-
mikill hápunktur tón-
leikanna.
Þrjú verk eftir
Franz Liszt voru síð-
ast á efnisskránni; út-
færsla Liszts á Etýðu í
E-dúr eftir Paganini,
Petrarca-sonnetta 104
og Gnomenreigen. Paganinietýðan
og lokaverkið voru hvor tveggja
glansnúmer, sannkallaðir fingur-
brjótar, til þess eins samdir að
sýna fimi píanóleikarans. Það
vantaði heldur ekkert á glimrandi
glansinn í leik Helgu Bryndísar.
Tilkomumest verka Liszts var þó
Petrarca-sonnettan; tilfinninga-
þrungið ástarljóð án orða, sem
Helga Bryndís Magnúsdóttir lék
gríðarlega fallega og sýndi enn og
sannaði að hún er í fremstu röð ís-
lenskra píanóleikara.
TÓNLIST
S a l u r i n n
Helga Bryndís Magnúsdóttir lék
píanóverk eftir Joseph Haydn,
Maurice Ravel, Jóhannes Brahms
og Franz Liszt. Sunnudag kl. 20.00.
PÍANÓTÓNLEIKAR
Bergþóra Jónsdótt ir
Helga Bryndís
Magnúsdóttir
Frábær píanóleikur
NETVERSLUN Á mbl.is
Drykkjarbrúsi
aðeins kr. 400