Morgunblaðið - 14.02.2001, Qupperneq 24

24 MIÐVIKUDAGUR 14. FEBRÚAR 2001 MORGUNBLAÐIÐ
Þ
ÓTT flugvallarstarfsemin í
Vatnsmýri hafi á heildina litið
verið farsæl er ekki hægt að
segja að núverandi brautir
séu gallalausar, eins og Stefán
Ólafsson prófessor tekur til
orða í skýrslu sinni fyrir
Reykjavíkurborg. Meginkost-
urinn hefur verið talinn sá að aðflugslínur úr
norðri og austri séu að tiltölulega litlu leyti yfir
íbúðabyggð. Aðflugsleiðin úr norðri er að hluta
yfir útivistarsvæði Hljómskálagarðs og yfir
Tjörnina en aðflugsleiðin úr austri er að hluta
yfir Fossvogi. Aðflugsleiðin úr norðri, sem er
sú mest notaða, fer yfir miðborgareyðið. Vegna
þess hversu nálægt miðborginni brautarend-
inn er koma flugvélar lágt yfir miðborgina og
Þingholtin í aðflugi. Reykjavíkurflugvöllur
uppfyllir ekki til hlítar þá öryggisstaðla sem
Alþjóðaflugmálastofnunin setur. Brautirnar
nýtast ekki til fulls vegna hindrana í aðflugi,
ekki síst vegna Öskjuhlíðarinnar við austur-
enda austur-vestur-brautarinnar, og eru því
settir þröskuldar til þess að vélarnar komi
hærra inn til lendingar. Aðflugs- og brottflugs-
ferlar uppfylla alþjóðlega staðla en ýmsar
byggingar á flugvellinum eru innan öryggis-
svæða flugbrautanna eða standa upp úr hindr-
unarflötum þeirra. Þetta er að sjálfsögðu
vegna reglna sem settar voru löngu eftir að
flugvöllurinn var byggður. Leifur Magnússon,
fyrrverandi framkvæmdastjóri hjá Flugmála-
stjórn og Flugleiðum, segir að alþjóðlegar
reglur geri ráð fyrir að hindranir séu merktar
og lýstar og veittar upplýsingar um þær. Tekið
sé tillit til allra þessara atriða við skipulagn-
ingu flugumferðar um völlinn. Loks má geta
þess að gerðar hafa verið athugasemdir við ná-
lægð brautarenda austur-vestur-flugbrautar-
innar við Suðurgötu, að því er fram kemur í
skýrslu borgarverkfræðings um staðsetningu
flugvallar.
Þær tillögur sem liggja fyrir frá ráðgjöfum
samvinnunefndar um svæðisskipulag höfuð-
borgarsvæðisins annars vegar og Flugmála-
stjórnar hins vegar miða meðal annars að því
að bæta úr þessum ágöllum, auk þess að skapa
svigrúm fyrir aukið byggingaland í Vatnsmýri
og Skerjafirði.
Tvær brautir eða þrjár
Reykjavíkurflugvöllur er nú rekinn með
þremur flugbrautum. Norður-suður-braut (02/
20 NS) er aðalflugbrautin, flugtakslengd er um
1.750 metrar og lendingarlengd rúmir 1.600
Breskir ráðgjafar Flugmálastjórnar hafa gert tillögur að endurskipulagningu flugvallarsvæðisins, miðað við að flugvöllurinn verði rekinn áfram með tveimur brautum. Miðað er við flutning allrar flugstarfsemi austur
fyrir NS-brautina, það er að segja að Öskjuhlíðinni. Hægt verður að koma töluverðri íbúðabyggð fyrir í Skerjafirði þegar NASV-brautin verður lögð niður, eins og sýnt er með grænum húsum, efst til hægri, og þegar
flugskýlin fara verður unnt að byggja atvinnu- og íbúðarhúsnæði í tengslum við háskólasvæðið, eins og sést fyrir miðri mynd. Á tillögunni sem sýnd er á þessari mynd, en hana hefur Teiknistofa Halldórs Guðmunds-
sonar gert fyrir Flugmálastjórn, er miðað við að flugstöð og samtengd samgöngumiðstöð verði við Valsheimilið á Hlíðarenda og Tanngarð.
VÖLLURINN KYRR
Í VATNSMÝRINNI
Nokkrar hugmyndir hafa komið upp um
breytingar á Reykjavíkurflugvelli þannig
að hann geti verið áfram í Vatnsmýr-
inni. Tillaga embættismanna borgarinnar um að leggja nýja
austur-vestur-braut sem aðalbraut vallarins úr Fossvogi og út
í Skerjafjörð hefur orðið ofan á sem vænlegasti kosturinn af
þeim sem skoðaðir hafa verið. Hún er því mest í umræðunni,
að sjálfsögðu auk vallarins samkvæmt núgildandi skipulagi.
Flugmálastjórn er að láta vinna tillögur að nýju skipulagi vall-
arins og hefur það orðið innlegg í umræðuna um völlinn á nú-
verandi stað. Í grein Helga Bjarnasonar er fjallað um flug-
vallarmöguleikana tvo í Vatnsmýri og þar kemur meðal
annars fram að mjög skiptar skoðanir eru um það hve mikið
land verður til ráðstöfunar við skipulagsbreytingar á svæðinu.