Morgunblaðið - 24.02.2001, Blaðsíða 1

46. TBL. 89. ÁRG. LAUGARDAGUR 24. FEBRÚAR 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 24. FEBRÚAR 2001
INDÓNESÍSK herskip voru í gær
send til Borneó-eyju til þess að flytja
á brott skelfingu lostna flóttamenn
vegna vikulangra átaka milli tveggja
þjóðflokka sem hafa kostað að
minnsta kosti 142 menn lífið.
Mannfallið var mest í bænum Sam-
pit í héraðinu Mið-Kalimantan og ná-
lægum stöðum. Lögreglan var með
mikinn viðbúnað í bænum og ekki
kom til átaka í gær.
Nokkur fórnarlambanna voru háls-
höggvin og árásarmennirnir héldu á
höfðum þeirra þegar þeir gengu um
götur Sampit. Önnur voru brennd til
bana.
Stjórn Indónesíu skipaði sjóher
landsins að flytja á brott þúsundir
flóttamanna frá Sampit og tvö skip
voru send til bæjarins.
Erjur milli frumbyggja
og innflytjenda
Blóðsúthellingarnar hófust vegna
deilna milli dajaka, frumbyggja
Borneó, og innflytjenda frá eyjunni
Madura, sem er nálægt Austur-Jövu.
Báðir þjóðflokkarnir hafa getið sér
orð fyrir að vera grimmir stríðsmenn.
Dajakar gengu um götur Sampit í
gær í leit að Madura-mönnum, sem
hafa flestir fengið athvarf í lögreglu-
stöð og opinberum byggingum í mið-
bænum. Um 15.000 Madura-menn
hafa flúið frá Sampit og svipaður
fjöldi bíður eftir herskipunum.
Hundruð manna hafa beðið bana í
átökum þjóðflokkanna á Borneó síð-
ustu tvö ár. Átökin hófust þegar
stjórnin ákvað að flytja fólk frá þétt-
býlum eyjum, svo sem Madura og
Jövu, til strjálbýlla héraða. Hætt hef-
ur verið við þessi áform vegna mik-
illar andstöðu við þau.
Mið-Kalimantan er eina héraðið á
Borneó þar sem dajakar eru enn í
meirihluta. Lögreglustjóri Indónesíu
kenndi tveimur embættismönnum í
héraðinu um blóðsúthellingarnar og
sagði þá reiða yfir að hafa ekki fengið
ný störf þegar stokkað var upp í emb-
ættismannakerfinu eftir að indónes-
ísku héruðin fengu aukin sjálfsstjórn-
arréttindi.
Stjórnvöld í Indónesíu senda herskip til Borneó-eyju
Flóttafólki bjargað
eftir mannskæð átök
AP
Öryggisvörður gætir fólks á flótta undan átökum á Borneó-eyju milli dajaka og innflytjenda frá Madura-eyju.
Sampit. Reuters.
GEORGE W. Bush, forseti
Bandaríkjanna, og Tony
Blair, forsætisráðherra
Bretlands, fóru í göngutúr
að loknum hádegisverði í
Camp David ásamt hundi
Bush. Leiðtogarnir hittust
um hádegisbil í gær en
Blair er fyrsti leiðtogi
Evrópuríkis sem hittir
Bush að máli. Leiðtog-
arnir lögðu báðir áherslu
á að varðveita hið „ein-
staka samband“ sem hefð
er fyrir milli Bandaríkja-
manna og Breta. „Það er
arfleifð sem ég tek alvar-
lega,“ sagði Bush.
Bush og Blair voru
ánægðir að loknum fund-
inum í gær. Meðal þess
sem þeir ræddu voru refsi-
aðgerðirnar gegn Írak og hvernig
hægt væri að gera þær áhrifa-
ríkari. Leiðtogarnir ræddu einnig
áform um evrópskan her en ráð-
gjafar Bush hafa lýst yfir áhyggjum
af að slíkur her muni grafa undan
Atlantshafsbandalaginu, NATO.
Bush sagði Blair hafa fullvissað
hann um að NATO myndi áfram
gegna lykilhlutverki í varn-
armálum Evrópu.
Umdeildar tillögur Bandaríkja-
manna um eldflaugavarnarkerfi
bar einnig á góma en þær voru ekki
ræddar í smáatriðum. Blair hældi
Bush fyrir að ræða tillögurnar við
bandamenn Bandaríkjanna.
Bush og Blair hittast
Camp David. AP.
AP
STAÐFEST hefur verið að sex tilfelli veirusjúk-
dómsins gin- og klaufaveiki hafi fundist í svínum í
Bretlandi og síðdegis í gær tók gildi vikubann við
öllum flutningi á búfé milli staða, þar á meðal á
markaði og í sláturhús. „Markmiðið er að koma í
veg fyrir útbreiðslu gin- og klaufaveikinnar meðan
við erum að reyna að kveða hana niður,“ sagði
Nick Brown landbúnaðarráðherra í gær. Útivist-
arsamtök hafa frestað gönguferðum, hestamenn
eru beðnir að halda sig heima og formaður sam-
taka bænda, Ben Gill, sagði að fjölmiðlamenn ættu
ekki að heimsækja býli þar sem sýkin hefur
greinst vegna þess að þeir gætu dreift henni enn
víðar um landið.
Árið 1967 þurfti að fella 440 þúsund svín vegna
gin- og klaufaveikifaraldurs. Hundruðum svína
hefur þegar verið slátrað á sex búum víða í Eng-
landi og einu í Skotlandi þar sem sóttin hefur
greinst en hún hefur ekki borist til Wales eða
Norður-Írlands. Býlin og nánasta umhverfi þeirra
hafa verið sett í einangrun. Stjórnvöld í Írlandi
hafa þó gripið til varúðarráðstafana og munu 300
hermenn gæta landamæranna.
Útflutningur á búfé á fæti, kjöti og mjólkuraf-
urðum var bannaður í vikunni. Faraldurinn er enn
eitt áfallið fyrir bændur í Bretlandi. Nautgripa-
bændur hafa á undanförnum árum orðið að fella
drjúgan hluta gripanna vegna kúariðufaraldurs og
ekki getað flutt afurðirnar út, einnig hafa bændur
þurft að kljást við svínapest.
Gin- og klaufaveiki leggst nær aldrei á fólk en
einkennin á svínum og öðrum klaufdýrum eru
slæm sár við kjaft og á löppum, hiti og lystarleysi
og getur veikin stundum dregið dýrið til dauða.
Sum afbrigði geta borist tugi kílómetra um loftið.
Afbrigðið sem komið er upp í Bretlandi er þó ekki
af því tagi en berst auðveldlega með fólki og fén-
aði. Það er mjög smitandi og hefur verið rakið til
býlis í Heddon-on-the-Wall í Northumberland;
talið er að tvær vikur séu síðan veikin barst í svín
þar. Ekki er ljóst með hvaða hætti það gerðist og
segja sérfræðingar að margt komi til greina, jafn-
vel að smitað kjöt úr samloku með innfluttu kjöt-
áleggi eða pylsa með veirunni hafi lent í fóðri dýr-
anna.
Kúaberklar í Þýskalandi
Skýrt var frá því í Þýskalandi í gær að slátrað
hefði verið hjörð 140 nautgripa vegna þess að
berklar af gerðinni C höfðu greinst í sláturdýri.
Álitið var að veikinni hefði verið útrýmt í landinu
fyrir mörgum áratugum en talið er að hún hafi ef
til vill borist þangað með verkafólki frá Austur-
Evrópu. Þjóðverjar hafa fundið 35 gripi með kúa-
riðu í landinu síðan í nóvember og hefur sala á
nautakjöti hrunið í kjölfarið.
Veirusjúkdómurinn gin- og klaufaveiki finnst á ný í svínum í Bretlandi
Bann við flutningi á búfé
milli staða tekur gildi
London, Ebersberg í Þýskalandi. The Daily Telegraph, Reuters, AP, AFP.
VÍSITALA hlutabréfamarkaða
í London og París var sú lægsta
í rúmt ár er mörkuðum var lok-
að í gær. Orsökin er verðfall
það er varð á Wall Street eftir
að fjarskiptafyrirtækið Mot-
orola sendi frá sér afkomuvið-
vörun. Tilgátur um að seðla-
banki Bandaríkjanna muni
lækka vexti fyrr en ætlað var
urðu hins vegar til þess að vísi-
tala Nasdaq-markaðarins
hækkaði aftur og var það í
fyrsta skipti í viku í gær að hún
var hærri í dagslok en byrjun.
Sérfræðingar sögðu uppsveifl-
una þó líklega tímabundna og
að búast mætti við frekari
lækkun á næstunni.
Evrópu-
markaðir í
lágmarki
London, Chicago. AP.
ARIEL Sharon, verðandi forsætis-
ráðherra Ísraels, hvatti í gær Banda-
ríkjastjórn til þess að draga úr
áherslu sinni á friðarferlið í Miðaust-
urlöndum. Talsmaður hans, Raanan
Gissin, sagði Sharon ekki hafa í
hyggju að gefa ferlið upp á bátinn,
ýmis önnur svæðisbundin vandamál
væru aftur á móti allt eins aðkall-
andi, þ. á m. vopnaeign Íraka. Rík-
isstjórn Bush hefur lagt á það
áherslu að Colin Powell, utanríkis-
ráðherra Bandaríkjanna, verði ekki
með friðartillögur í farteskinu í ferð
sinni til Miðausturlanda. Ferðin,
sem er fyrsta opinbera heimsókn
Powells, hefst í dag með heimsókn til
Egyptalands þar sem hann mun m.a.
hitta utanríkisráðherra Rússlands,
Ígor Ívanov. Eitt meginmarkmið
ferðar Powells er að tryggja stuðn-
ing við árásir Bandaríkjamanna á
Írak en þær hafa sætt harðri gagn-
rýni araba, þ. á m. Egypta sem hafa
verið stuðningsmenn Bandaríkj-
anna.
Mannskæð átök
Einn Palestínumaður lést, annar
særðist illa og um 50 særðust í átök-
um milli ísraelska hersins og Palest-
ínumanna á Vesturbakkanum og
Gaza-svæðinu í gær. Palestínumenn
hafa boðað til dags reiði á hverjum
föstudegi síðan uppreisn þeirra, inti-
fada, hófst í lok september. Yfir 400
manns hafa látist í átökunum.
Powell til
Miðaust-
urlanda
Betlehem, Washington, Jerúsalem. AFP.
♦ ♦ ♦