Morgunblaðið - 24.02.2001, Qupperneq 12

FRÉTTIR
12 LAUGARDAGUR 24. FEBRÚAR 2001 MORGUNBLAÐIÐ
FUNDUR lækna á Landspítalanum samþykkti
í gær ályktun þar sem skorað er á læknaráð
spítalans að sjá til þess að við ráðningar yf-
irlækna og deildarstjóra á spítalanum verði
staðið faglega að málum og farið verði að lögum.
Á fundinum var sett fram gagnrýni á stjórn-
endur spítalans fyrir að ganga á svig við lög og
að standa illa og ófaglega að ráðningu yfir-
lækna. Forstjóri Landspítalans vísaði þessu á
bug á fundinum og sagði að ef læknar væru óá-
nægðir með þá stefnu sem stjórnendur spít-
alans hefðu markað í ráðningarmálum kæmi til
greina að segja öllum yfirlæknum á spítalanum
upp störfum og auglýsa stöðurnar.
Í kjölfar sameiningar Ríkisspítala og Sjúkra-
húss Reykjavíkur samþykkti stjórn Landspít-
alans nýtt skipurit fyrir spítalann. Það gerði ráð
fyrir talsvert breyttu skipulagi frá því sem var.
Magnús Pétursson, forstjóri Landspítalans,
sendi framkvæmdastjórn Landspítalans minn-
isblað 22. janúar sl. þar sem lögð er fram stefna
um hvernig standa eigi að ráðningu yfirlækna,
deildarstjóra og annarra yfirmanna á spítalan-
um. Áður hafði Magnús leitað eftir lögfræði-
legri greinargerð um málið og rætt hafði verið
um málið í læknaráði og hjúkrunarráði. Enn-
fremur hafði málið verið kynnt fyrir Lækna-
félagi Íslands og Félagi íslenskra hjúkrunar-
fræðinga.
Lagt til að sumar
stöður verði auglýstar
Í minnisblaðinu segir að almennt sé það við-
horf stéttarfélaganna og ráðanna að eðlilegast
sé að segja yfirmönnum upp og auglýsa störfin
að nýju. Þannig sé jafnræðis best gætt. Í bréf-
inu segir að það sjónarmið hafi einnig komið
fram að óþarft sé að auglýsa stöður á sviðum
þar sem engar eða óverulegar breytingar eigi
sér stað. Nauðsynlegt sé hins vegar að auglýsa
störf þegar grundvallarbreytingar hafi verið
gerðar á starfsemi í kjölfar sameiningar spít-
alanna.
„Sú skoðun nýtur einnig fylgis að spítalinn
eigi að marka sér stefnu um ráðningu yfir-
manna. Á það er bent að forstjórar allra rík-
isstofnana eru ráðnir tímabundið, yfirleitt til
fimm ára, framkvæmdastjórar LSH eru einnig
ráðnir til fimm ára og sviðsstjórar valdir til
starfans til fjögurra ára í senn. Rök standa
einnig til þess að yfirmenn sérgreina og deilda
séu ráðnir tímabundið, en að um endurráðningu
geti síðan verið að ræða. Jafnframt kemur til
álita að starfsmenn gegni yfirmannsstöðu að til-
teknum aldri. Um þetta hefur hvorki verið
fjallað lögfræðilega né rætt við stéttarfélög
starfsmanna. Spítalinn hlýtur hins vegar að
íhuga hvort slík stefna sé ekki vænleg fyrir
starfsemina, ekki síst að teknu tilliti til starfs-
álags og krafna sem gerðar eru til yfirmanna.“
Í minnisblaðinu er lagt til að spítalinn móti
sér stefnu um ráðningu yfirlækna og deildar-
stjóra í samráði við læknaráð, hjúkrunarráð og
að hún verði kynnt stéttarfélögum lækna og
hjúkrunarfræðinga.
Í minnisblaðinu er síðan lagt til að fylgt verði
þeirri meginreglu að auglýsa stöður yfirmanna.
Lagt er til að stöður yfirmanna á kvennasviði, í
öldrunarþjónustu, í endurhæfingarþjónustu og
Blóðbanka verði ekki auglýstar enda breytist
starfsemi þessara sviða ekki. Við sameiningu
spítalanna verði hins vegar nokkrar breytingar
á geðsviði, barnasviði, lyflæknissviði I, lyflækn-
issviði II, skurðlæknasviði, svæfingar- og gjör-
gæslusviði, klínísku þjónustusviði, slysa- og
bráðasviði og á rannsóknarstofnunum. Lagt er
til að lækningaforstjóri, hjúkrunarforstjóri og
viðkomandi sviðsstjórar meti í hverju tilfelli og
ákveði hvort slík breyting hafi orðið á sérgrein-
um að rök hnígi að því að auglýsa beri stöð-
urnar. Sé sannanlega um breytingu á starfsemi
er lagt til að stöður verði auglýstar.
Þá segir í minnisblaðinu að þar sem það geti
hentað með tilliti til starfseminnar verði leitað
samkomulags við yfirlækna og deildarstjóra um
starfslok. Vísað er í því sambandi sérstaklega til
aldurs yfirmanna.
Stjórnendur Landspítalans byrjuðu fyrir
nokkrum vikum að hrinda þessari stefnu í fram-
kvæmd. Nýlega voru stöður tveggja yfirlækna
á Landspítalanum auglýstar lausar til umsókn-
ar. Undirbúningur að uppsögnum yfirmanna
var hafinn og viðræður um starfslok tiltekinna
lækna voru að hefjast.
Í lok síðustu viku boðaði Magnús Pétursson,
forstjóri Landspítans, til fundar með læknum til
að ræða við þá um ráðningu yfirlækna á spít-
alanum og fleira. Á fundinum söfnuðu læknar á
spítalanum undirskriftum þar sem þess var
krafist að stjórn læknaráðs boðaði til fundar um
málið. Fundurinn var haldinn í gær og var hann
mjög fjölmennur.
Á fundinum var stjórn spítalans gagnrýnd og
því m.a. haldið fram að ekki væri farið að lögum
við ráðningar, illa hafi verið staðið að vali yf-
irmanna og ekki hefði verið haft nægilegt sam-
starf við lækna.
Forstjóri Landspítalans sagði á fundinum að
hann væri tilbúinn til að skoða betur lagalega
þætti málsins. Hann vísaði gagnrýninni að öðru
leyti á bug. Ef læknar teldu hins vegar að
stjórnendur spítalans stæðu ekki rétt að málum
væri hægt að fara þá leið að segja öllum yf-
irlæknum á spítalanum upp störfum og auglýsa
stöðurnar.
Á fundinum var borin upp ályktun þar sem
skorað er á læknaráð spítalans að tryggja að
staðið verði faglega og lagalega rétt að ráðn-
ingu yfirlækna við spítalann. Tillaga kom fram á
fundinum um að vísa ályktuninni frá, en hún var
felld.
Páll Torfi Önundarson, sem bar upp álykt-
unina á fundinum, sagði í samtali við Morgun-
blaðið að við sameiningu spítalanna tveggja
kæmu upp mörg álitamál varðandi skipulag
spítalans og starfshætti. Það skipti miklu máli
að starfshættir við stjórnun væru faglegir og að
sjónarmið sérgreinanna væru virt. Þessi sjón-
armið kæmu m.a. fram í gildandi lögum um heil-
brigðisþjónustu. Páll Torfi sagði að fundurinn í
gær hefði fjallað um þetta. Fundurinn hefði ver-
ið málefnalegur, en menn hefðu skipst opin-
skátt á skoðunum við stjórnendur spítalans.
„Læknaráðið hefur fengið mjög ákveðið um-
boð frá læknum spítalans til þess að koma mál-
um í þann farveg sem muni hugnast flestum
læknum og verði starfseminni, sjúklingunum og
Háskólanum til framdráttar,“ sagði Páll Torfi.
Ekki náðist í Sverri Bergmann, formann
læknaráðs Landspítalans.
Fjölmennur fundur lækna á Landspítala-háskólasjúkrahúsi ályktar um ráðningu yfirlækna
Krafa gerð um að
staðið verði fag-
lega að ráðningum
Morgunblaðið/ÁsdísFundur lækna á Landspítalanum var mjög fjölmennur.
SKÍÐAMENN á Suðvesturlandi eru
flestir orðnir eirðarlausir enda
hafa skíðasvæði í nágrenni höf-
uðborgarinnar verið lokuð það sem
af er vetri að undanskildum fáein-
um dögum.
Snjór sem fallið hefur síðustu
daga nægir hvergi til þess að hægt
sé að opna skíðasvæði, hvorki í Blá-
fjöllum, Skálafelli né á Heng-
ilssvæðinu. Skíðamenn og bretta-
fólk verða því að bíða enn um sinn.
Morgunblaðið/Vilhelm
Enn lokað á skíðasvæðum
sunnanlands
HÉRAÐSDÓMUR Reykjaness
sýknaði á fimmtudag hjón af kröfu
Ríkisútvarpsins um greiðslu afnota-
gjalda. Dómurinn taldi að Ríkisút-
varpinu hefði ekki tekist að sýna
fram á að hjónin ættu sjónvarps- eða
útvarpstæki og því væri ekki hægt að
krefja þau um afnotagjöld.
Ríkisútvarpið hafði krafist þess að
hjónin greiddu um 50.000 krónur auk
dráttarvaxta vegna vangoldinna af-
notagjalda. Ríkisútvarpið bar að
samkvæmt lögum um Ríkisútvarpið
bæri stofnuninni að annast inn-
heimtu afnotagjalda hjá þeim sem
eiga útvarp eða sjónvarp. Til að upp-
fylla þessar skyldur hafi starfsmenn
Ríkisútvarpsins þrívegis heimsótt
heimili hjónanna, fyrst 14. febrúar
1993, aftur í ágúst sama ár og síðast í
maí 1994. Í framhaldi af því hafi verið
ákveðið að skrá sjónvarp á nafn kon-
unnar. Sú ákvörðun hafi byggst á
ótryggum og misvísandi svörum
heimilismanna. Því hefði m.a. verið
borið við að sjónvarp væri einungis í
láni á heimilinu en einnig hafi sonur
hjónanna sagt þau greiða áskriftar-
gjald vegna útsendinga Stöðvar tvö.
Í framhaldi af því voru hjónin kraf-
in um afnotagjöld sem þau ekki
greiddu og var því farið fram á fjár-
námskröfu. Því máli lauk fyrir Hér-
aðsdómi Reykjaness í desember 1995
með því að konan gaf út yfirlýsingu
um að á heimilinu væri ekkert sjón-
varpstæki en þar væri hinsvegar
móttökubúnaður til að taka á móti
sjónvarpsútsendingum.
Fjárnámskrafan var felld niður en
Ríkisútvarpið ætlaðist í staðinn til
þess að konan hæfi greiðslu afnota-
gjalda í samræmi við yfirlýsingu
hennar.
Deilur í tíu ár
Hjónin sögðust hafa átt í deilum
við Ríkissjónsvarpið í hartnær tíu ár.
Þann tíma hefðu þau rekið fyrirtæki
og viðvera þeirra á heimilinu hafi ver-
ið svo lítil að þau töldu ekki ástæðu til
að hafa sjónvarp eða útvarp á heim-
ilinu. Þessu hafi Ríkisútvarpið neitað
að trúa og gert ítrekaðar innheimtu-
tilraunir og sent þeim greiðsluáskor-
anir og stefnur. Aldrei hafi hinsvegar
sannast að þau hafi átt sjónvarps- eða
útvarpstæki enda hafi slíkt tæki aldr-
ei verið skráð í eigu þeirra. Þeim sé
því óskylt að greiða afnotagjald af út-
sendingum Ríkisútvarpsins.
Fyrir dómi bar maðurinn að hann
kæmi af og til með tölvur í eigu fyr-
irtækis síns inn á heimilið. Í þeim
væri búnaður til að tengjast Netinu.
Sjálf ættu þau ekki heimilistölvu.
Varðandi yfirlýsingu konunnar frá
árinu 1995 um að búnaður til að taka
á móti sjónvarpsútsendingum væri á
heimilinu sagði konan að um mis-
skilning hefði verið að ræða hjá sér.
Þá hefði verið búið að setja upp net-
tengingu á heimilinu og hún taldi að í
því fælist „móttökubúnaður til að
taka á móti sjónvarpsútsendingum“.
Hjónin sögðust aldrei hafa verið
áskrifendur að Stöð tvö eins og haft
var eftir syni þeirra árið 1994.
Héraðsdómur komst að þeirri nið-
urstöðu að Ríkisútvarpinu hefði ekki
tekist að sanna að hjónin ættu sjón-
varps- eða útvarpstæki. Engu breyti
þótt þau noti tölvubúnað fyrirtækis
síns tímabundið enda hafi ekkert
komið fram í málinu um að Ríkisút-
varpið sendi út sjónvarps- eða út-
varpsefni um Netið sem hægt er að
taka við með tölvunum.
RÚV var dæmt til að greiða hjón-
unum 50.000 kr. í málskostnað.
Héraðsdómur Reykjaness sýknar hjón af kröfu um greiðslu afnotagjalda
Ekki sannað að þau ættu
sjónvarps- eða útvarpstæki
TVEIR voru fluttir á slysadeild
Landspítala – háskólasjúkrahúss í
Fossvogi eftir harðan árekstur á
Vesturlandsvegi til móts við Blika-
staði snemma í gærmorgun. Fjórir
bílar skemmdust í árekstrinum.
Beita þurfti klippum til að ná öku-
manni einnar bifreiðarinnar út. Sá
hlaut áverka á andliti og fótbrotnaði
illa. Samkvæmt upplýsingum frá
lögreglunni í Reykjavík var slysið til-
kynnt til Neyðarlínu kl. 7.50 í gær-
morgun. Tildrög slyssins voru þau að
fólksbifreið sem ekið var norður
Vesturlandsveg var ekið yfir á rang-
an vegarhelming. Þar lenti hún fyrst
á vinstri hlið fólksbifreiðar sem ekið
var suður Vesturlandsveg og síðan
framan á aðra bifreið sem hafnaði ut-
an vegar. Fjórða bifreiðin fékk á sig
brak úr þeirri bifreið.
Vesturlandsvegur var lokaður í
um 1½ klukkustund vegna slyssins.
Dráttarbifreið dró tvo bíla á braut
en þeir eru báðir taldir ónýtir.
Morgunblaðið/Jón Svavarsson
Beita þurfti klippum til að ná ökumanni út úr bifreiðinni.
Harður
árekstur á
Vestur-
landsvegi