Morgunblaðið - 03.04.2001, Qupperneq 4

FRÉTTIR
4 ÞRIÐJUDAGUR 3. APRÍL 2001 MORGUNBLAÐIÐ
Audi A6 1.8 bensín, 150 hö,
sept. 2000, ekinn 5 þ. km, 4ra
dyra, rauður, sóllúga, leður-
innréting, bsk.
Verð 3.190.000 kr. Nr 8495
HAGKAUP sendi Samkeppnisstofn-
un erindi í gær þar sem óskað er eft-
ir því að rannsókninni, sem landbún-
aðarráðherra bað um vegna
verðmyndunar á papriku, verði
hraðað eins og kostur er. Með er-
indinu fylgdi staðfesting frá KPMG
Endurskoðun hf. um að verðútreikn-
ingar á rauðri og grænni papriku,
sem birtust m.a. í Morgunblaðinu sl.
laugardag, væru réttir. Óskað er eft-
ir því í erindinu til Samkeppnisstofn-
unar að send verði sem fyrst út yf-
irlýsing um að málið hafi verið
kannað af samkeppnisyfirvöldum og
ekkert óeðlilegt hafi komið í ljós við
þá athugun.
Finnur Árnason, framkvæmda-
stjóri Hagkaups, ritar erindið til
Samkeppnisstofnunar, sem hljóðar
svo:
„Í síðustu viku var talsverð um-
fjöllun um verðmyndun á papriku á
smásölumarkaði. Starfsmaður land-
búnaðarráðuneytisins gaf út til fjöl-
miðla (Mbl. 30. mars) að græn papr-
ika komin hingað til lands með
flutningskostnaði kostaði um 330 kr.
m. vsk. Út frá þeirri tölu áætlaði
hann að álagning í smásölu væri um
85%. Undir þessar fullyrðingar tók
síðan yfirmaður hans, Guðni Ágústs-
son landbúnaðarráðherra, og gaf út
þá yfirlýsingu að hann myndi leggja
fyrir Samkeppnisstofnun erindi þess
efnis að smásöluálagning á papriku
yrði rannsökuð. Guðni lét síðan hafa
eftir sér í fjölmiðlum að hann hefði
þegar sent bréf til Samkeppnisstofn-
unar og óskað eftir þessari rann-
sókn.
Innkaupsverð Hagkaups í síðustu
viku, þegar orrahríðin gekk yfir, var
á grænni papriku kr. 561,68 kr. pr.
kg. án vsk. og á rauðri papriku kr.
710,60 pr. kg. án vsk., en útsöluverð
beggja þessara tegunda var kr. 682,4
án vsk. eða kr. 778 pr. kg. m.vsk.
Smásöluálagning Hagkaups var því
21,3% á grænni papriku og (-) 4% á
rauðri papriku.
Hagkaup óskaði eftir niðurbroti á
kostnaðarverði vörunnar frá Ávaxta-
húsinu, þar sem paprikan var keypt.
Fylgir það niðurbrot með þessu
bréfi, staðfest og áritað af Endur-
skoðun KPMG, sem er endurskoð-
andi Hagkaups og Ávaxtahússins.
Þar sem í þessu máli hafa verið
færðar fram þungar ásakanir í garð
smásöluverslunarinnar í landinu af
ráðherra í ríkisstjórn Íslands er þess
hér með óskað að málið hljóti fljóta
afgreiðslu hjá samkeppnisyfirvöld-
um og send verði út yfirlýsing eins
fljótt og auðið er að málið hafi verið
kannað af samkeppnisyfirvöldum og
ekkert óeðlilegt hafi komið í ljós við
þá athugun.“
Ekki náðist í Guðna Ágústsson
landbúnaðarráðherra vegna máls-
ins.
Ósk landbúnaðarráðherra um könnun á verðmyndun papriku
Hagkaup vill flýtimeðferð
DJÚPSPRENGJA
kom í dragnót Sæljóns
RE rétt utan við
Grindavík fyrir viku og
gerði skipstjórinn
Landhelgisgæslunni
viðvart. Sendi hún
sprengjusérfræðing til
móts við bátinn. Í frétt
frá Landhelgisgæsl-
unni segir að áhöfn
bátsins hafi verið
heppin því verulegar
líkur séu á að sprengj-
ur sem þessar springi
við meðhöndlun.
Skipstjóra Sæljóns-
ins var leiðbeint um
hvað hann ætti að gera
og héldu sprengjusér-
fræðingar Landhelgisgæslunnar
áleiðis til Grindavíkur. Um leið var
haft samband við lögreglu og hafn-
arstjóra og þeim gerð grein fyrir
málinu. Bauð hafnarstjóri hafn-
sögubátinn og fóru sprengjusér-
fræðingarnir um borð í Sæljónið
fyrir utan Grindavíkurhöfn. Kom í
ljós að þetta var svonefnd Mk 11-
djúpsprengja sem varpað hefur
verið úr flugvél. Inniheldur hún 125
kg af TNT-sprengiefninu. Við at-
hugun kom í ljós að forsprengjan
var á sínum stað en kveikibúnaður-
inn hafði dottið úr þegar hún kom
úr veiðarfærinu. Í frétt Landhelg-
isgæslunnar segir að sjaldgæft sé
að finna djúpsprengju af þessari
tegund. „Ástæðan er sú að þessi
sprengja eins og aðrar sprengjur
sem varpað er úr flugvélum er full-
virk áður en hún lendir í sjónum.
Þegar hún sekkur á vatnsþrýsting-
ur að sjá til þess að hún springi en
þó svo að það virki ekki á hún að
springa engu að síður eftir nokkurn
tíma í sjó.“ Fram kemur einnig að
eftir að sprengjan var fjarlægð úr
bátnum var henni eytt með spreng-
ingu og gerði hún gíg sem var fjórir
metrar í þvermál og 1,5 metrar á
dýpt.
Skipstjórinn brást rétt við
Í frétt Landhelgisgæslunnar seg-
ir einnig að skipstjórinn hafi brugð-
ist rétt við með því að hafa samband
og fara nákvæmlega eftir leiðbein-
ingum Landhelgisgæslunnar. Oft sé
erfitt að bera kennsl á hluti sem
legið hafi á hafsbotni í áratugi og
séu orðnir tærðir og þaktir gróðri.
Segir að aldurinn hafi ekki áhrif á
sprengiefnið eða sprengibúnaðinn
nema að því leyti að sprengiefnið
verður viðkvæmara.
„Ef skip fá hluti í veiðarfærin
sem taldir eru vera sprengjur eða
ekki er hægt að þekkja þá á hik-
laust að hafa samband við stjórn-
stöð Landhelgisgæslunnar. Slíkum
hlutum á alls ekki að henda aftur í
sjóinn því að verulegar líkur eru á
að sprengjan springi við það.“
Djúpsprengja
í dragnót
Landhelgisgæslan segir mikilvægt að sjó-
menn hafi strax samband verði þeir varir við
torkennilega hluti sem gætu verið sprengjur.
SIV Friðleifsdóttir umhverfisráð-
herra hefur staðfest þann úrskurð
skipulagsstjóra ríkisins að sjókvía-
eldi á laxi í Reyðarfirði skuli sæta
mati á umhverfisáhrifum.
Fram kemur í úrskurði umhverf-
isráðuneytisins að vegna eðlis fram-
kvæmdarinnar, staðsetningar henn-
ar og eiginleika hugsanlegra áhrifa
framkvæmdarinnar skuli sjókvíaeld-
ið fara í umhverfismat.
Samherji hf. er framkvæmdaaðili
fyrirhugaðs sjókvíaeldis í Reyðar-
firði og kærði fyrirtækið úrskurð
skipulagsstjóra til umhverfisráð-
herra, sem nú hefur fellt úrskurð
sinn.
Takmörkuð auðlind
Í niðurstöðu ráðuneytisins segir
m.a. að þegar ráðuneytið fjallaði um
kærur vegna fyrirhugaðs sjókvíaeld-
is í Mjóafirði og Berufirði hafi legið
fyrir það álit veiðimálastjóra að ekki
væri ástæða til þess að þær fram-
kvæmdir yrðu ákvarðaðar mats-
skyldar. Varðandi eldið í Reyðarfirði
telji hann hins vegar nauðsynlegt að
fram fari mat á umhverfisáhrifum
vegna þeirra sammögnunaráhrifa,
sem það hefði í för með sér, að teknu
tilliti til þess sjókvíaeldis sem þegar
hafi verið heimilað í Mjóafirði og
Berufirði. Ráðuneytið tekur undir þá
skoðun veiðimálastjóra að sjókvía-
eldi í fjörðum séu skorður settar með
tilliti til náttúru og umhverfis. Því
beri að líta á slíkt eldi sem takmark-
aða auðlind. Samkvæmt því telji
ráðuneytið að það feli ekki í sér ólög-
mæta mismunun í garð Samherja
þótt fyrirtækið verði að sæta því að
fyrirhugað sjókvíaeldi þess verði
ákvarðað matsskylt, vegna sam-
mögnunaráhrifa þess með sjókvía-
eldinu í Mjóafirði og Berufirði,
vegna þess að Samherji tilkynnti
Skipulagsstofnun um fyrirhugaða
framkvæmd sína eftir að hinar fram-
kvæmdirnar höfðu verið tilkynntar
henni.
Sjókvíaeldi í Reyðarfirði
skal í umhverfismat
FRÉTTAVEFUR Morgunblaðsins,
mbl.is, mun framvegis bjóða upp á
nýja þjónustu fyrir eigendur GSM
með áskrift hjá Íslandssíma. Í þjón-
ustunni felst að hægt er að fá sendar
fréttir af mbl.is með SMS-skila-
boðum. Engin sérstök kort þarf.
Kaupendur geta skráð sig á frétta-
vef Morgunblaðsins, mbl.is. Á skrán-
ingarsíðunni er hægt að velja milli
fréttaflokka. Einnig er hægt að fá
sendar svokallaðar stórfréttir sem
berast öllum notendum GSM-þjón-
ustunnar. Stórfréttir eru yfirleitt
sendar út sjaldan og margir dagar
geta liðið á milli þeirra. Hver skila-
boð kosta 6 kr.
Áður hefur verið gerður samsvar-
andi samningur við Símann og TAL.
Fréttir með
SMS í samvinnu
við Íslandssíma
MJÖG hefur ræst úr snjó og
skíðafæri á skíðasvæði Ísfirðinga
síðustu daga og með tilkomu
nýrrar skíðalyftu efst í Tungu-
dalnum, nýrra snjótroðara og nýs
skíðaskála er nú aðstaðan með
því besta sem gerist til skíðaiðk-
ana að sögn Rúnars Karlssonar,
ferðamálafulltrúa Ísafjarð-
arbæjar. Rúnar segist því bjart-
sýnn á góða aðsókn á skíðaviku
Ísfirðinga um páskana, dagana
11. til 15. apríl. Ný skíðalyfta var
tekin í notkun í síðustu viku. Er
hún ofarlega í Tungudalnum og
nær upp á Hauganes undir Mið-
felli. Jónas Gunnlaugsson, sem á
sæti í stjórn Skíðafélags Ísfirð-
inga, segir að með tilkomu henn-
ar megi nýta lyfturnar sem
standa lægra til að komast í nýju
lyftuna. Snjó hefur verið ýtt að
eldri lyftunum til að þær nýtist
betur en til þessa hefur verið
fremur erfitt um skíðaiðkun
vestra í vetur. Þá er verið að
taka í notkun nýjan skíðaskála í
Tungudal og snjótroðarar eru
einnig nýir.
Rúnar Karlsson segir aðsókn á
skíðavikuna jafnan hafa verið
góða og mikið sé um brottflutta
Ísfirðinga sem sæki í skíðalöndin
en auk þess sem hægt er að vera
á svigskíðum eru göngubrautir
um Seljalandsdal. Þá segir Rúnar
að auk þess að stunda skíða-
íþróttir og aðra útivist sé margt í
boði á skíðaviku á sviði tónlistar,
leiklistar og annarra skemmtana.
Morgunblaðið/Halldór Sveinbjörnsson
Ný skíðalyfta Ísfirðinga hefur verið tekin í notkun í Tungudal og er hún efst í dalnum og nær uppá Hauganes.
Ný skíðalyfta í notkun í Tungudal