Morgunblaðið - 03.04.2001, Page 66

KIRKJUSTARF
66 ÞRIÐJUDAGUR 3. APRÍL 2001 MORGUNBLAÐIÐ
skrefi framar
oroblu@sokkar.is www.sokkar.is
Kynning í Hringbrautarapóteki í dag
þriðjudag 3. apríl frá kl.14-18. 20% fermingartilboð
á öllum OROBLU sokkabuxum
Tilboðið gildir einnig í Borgarapóteki.
Hringbrautarapótek,
Hringbraut 119,
sími 511 5070
Borgarapótek
Álftamýri 1-3,
sími 585 7700
Safnaðarstarf
Áskirkja. Opið hús fyrir alla aldurs-
hópa í neðri safnaðarsal kl. 10–14 í
umsjá Þórönnu Þórarinsdóttur.
Skemmtiganga kl. 10.30. Júlíana
Tyrfingsdóttir leiðir gönguhópinn.
Bæna- og fyrirbænastund í kirkj-
unni kl. 12 í umsjá Guðrúnar K.
Þórsdóttur djákna. Léttur hádegis-
verður á vægu verði eftir stundina.
Samvera foreldraungra barna kl.
14–16 í neðri safnaðarsal. Tólf spora
hóparnir hittast kl. 19 í neðri safn-
aðarsal.
Dómkirkjan. Föstumessa kl. 20.30.
Altarisganga. Sr. Jakob Ág. Hjálm-
arsson.
Grensáskirkja. Kyrrðarstund í há-
degi kl. 12.10. Orgelleikur, ritning-
arlestur, altarisganga, fyrirbænir.
Léttur málsverður í safnaðarheim-
ilinu eftir stundina. Æfing barna-
kórs kl. 17–19.
Hallgrímskirkja. Fyrirbænaguðs-
þjónusta í dag kl. 10.30. Beðið fyrir
sjúkum. Passíusálmalestur kl. 12.15.
Háteigskirkja. Fundur í æskulýðs-
félaginu Vináttu kl. 20. Páskasam-
vera. Fundur í Kvenfélagi Háteigs-
kirkju kl. 20.
Langholtskirkja. Kirkjan er opin til
hljóðrar bænagjörðar í hádeginu.
Endurminningafundur karla í Guð-
brandsstofu kl. 14–15.30. Nærhópur
um úrvinnslu sorgar kl. 20.
Laugarneskirkja. Morgunbænir kl.
6.45–7.05. Fullorðinsfræðsla kl. 20.
Hirðisbréf herra Karls Sigurbjörns-
sonar biskups til umfjöllunar. Allir
velkomnir. Gengið inn um dyr á
austurgafli. Þriðjudagur með Þor-
valdi kl. 21. Lofgjörðarstund þar
sem Þorvaldur Halldórsson leiðir
söng við undirleik Gunnars Gunn-
arssonar. Sr. Bjarni Karlsson flytur
guðsorð og bæn. Fyrirbænaþjónusta
kl. 21.30 í umsjón bænahóps kirkj-
unnar.
Neskirkja. Tíðasöngur kl. 12. Litli
kórinn, kór eldri borgara, kl. 16.30–
18. Stjórnandi: Inga J. Backman.
Foreldramorgunn miðvikudag kl.
10–12. Fræðsla: Tónlist fyrir ung
börn og foreldra. Ólöf María Ingólfs-
dóttir.
Seltjarnarneskirkja. Foreldra-
morgunn kl. 10–12. Kaffi og spjall.
Verið öll hjartanlega velkomin.
Fríkirkjan í Reykjavík. Bænastund
í kapellunni í safnaðarheimilinu 2.
hæð kl. 12. Koma má bænarefnum á
framfæri áður en bænastund hefst
eða með því að hringja í síma 552-
7270 og fá bænarefnin skráð. Safn-
aðarprestur leiðir bænastundirnar.
Að bænastund lokinni gefst fólki
tækifæri til að setjast niður og
spjalla. Allir eru hjartanlega vel-
komnir til þátttöku.
Árbæjarkirkja. Foreldramorgunn í
safnaðarheimilinu kl. 10–12. Páska-
föndur. Hittumst, kynnumst, fræð-
umst.
Breiðholtskirkja. Bænaguðsþjón-
usta með altarisgöngu kl. 18.30.
Bænarefnum má koma til sóknar-
prests í viðtalstímum hans. Æsku-
lýðsstarf á vegum KFUM&K og
kirkjunnar kl. 20.
Digraneskirkja. Kirkjustarf aldr-
aðra. Leikfimi ÍAK kl. 11.20. Sam-
vera, léttur málsverður, kaffi.
Æskulýðsstarf KFUM&K og Digra-
neskirkju fyrir stúlkur (10–12 ára)
kl. 17.30.
Fella- og Hólakirkja. Foreldra-
stundir kl. 10–12. Starf fyrir 11–12
ára stúlkur kl. 17–18.
Grafarvogskirkja. Opið hús fyrir
eldri borgara kl. 13.30. Helgistund,
handavinna, spil og spjall. Alltaf eitt-
hvað gott með kaffinu. Kirkjukrakk-
ar í Rimaskóla kl. 18–19 fyrir börn á
aldrinum 7–9 ára.
Hjallakirkja. Bæna- og kyrrðar-
stund kl. 18.
Kópavogskirkja. Foreldramorgunn
í dag kl. 10–12 í safnaðarheimilinu
Borgum.
Seljakirkja. Foreldramorgnar. Opið
hús milli kl. 10–12. Kaffi og spjall.
Víðistaðakirkja. Aftansöngur og
fyrirbænir kl. 18.30.
Hafnarfjarðarkirkja. Opið hús fyrir
10–12 ára börn í Vonarhöfn, Strand-
bergi, kl. 17–18.30.
Fríkirkjan í Hafnarfirði. Opið hús
kl. 17–18.30 fyrir 7–9 ára börn.
Vídalínskirkja. Helgistund í
tengslum við félagsstarf aldraðra kl.
16. Starf fyrir stúlkur 10–12 ára í
samstarfi við KFUK kl. 17.30 í safn-
aðarheimilinu.
Lágafellskirkja. Fjölskyldumorg-
unn í safnaðarheimili Þverholti 3, 3.
hæð, kl. 10–12. Fundur hjá kirkju-
krökkum kl. 17.15–18.15. Safnaðar-
heimilið opnað kl. 17.
Keflavíkurkirkja. Kirkjulundur op-
inn kl. 13–16 með aðgengi í kirkjunni
og Kapellu vonarinnar eins og virka
daga vikunnar. Gengið inn frá
Kirkjuteig. Starfsfólk kirkjunnar
verður á sama tíma í Kirkjulundi.
Grindavíkurkirkja. Foreldramorg-
unn kl. 10–12.
Borgarneskirkja. TTT-starf, tíu til
tólf ára, alla þriðjudaga kl. 17–18.
Helgistund í kirkjunni sömu daga kl.
18.15–19.
Útskálakirkja. Safnaðarheimilið
Sæborg. NTT-starf (9–12 ára) er
hvern þriðjudag í vetur kl. 17. Allir
krakkar 9–12 ára hvattir til að mæta.
Hvalsneskirkja. Safnaðarheimilið
Sandgerði. NTT-starf (9–12 ára) er
hvern þriðjudag í vetur kl. 17 í safn-
aðarheimilinu. Allir krakkar 9–12
ára hvattir til að mæta.
Þorlákskirkja. Mömmumorgnar á
þriðjudögum kl. 10–12.
Landakirkja í Vestmannaeyjum. Kl.
16.30 KKK, Kirkjuprakkarar, 7–9
ára.
Hvammstangakirkja. Æskulýðs-
fundur í kvöld kl. 20 í Hrakhólum.
Lífshlaupið 2001. Kristniboðsvika.
Samkoma kl. 20.30 á Háaleitisbraut
58. Nýtt líf. Skúli Svavarsson fjallar
um efnið. Einnig heyrist rödd frá
Eþíópíu. Valgerður Gísladóttir
fjallar um efnið „Að fræðast í Afríku,
siðir og vandi Afríkukvenna“. Allir
velkomnir.
Fíladelfía. Samvera eldri borgara
kl. 15. Allir velkomnir.
Krossinn. Almenn samkoma kl.
20.30 í Hlíðasmára 5. Allir velkomn-
ir.
Frelsið, kristileg miðstöð. Biblíu-
skóli í kvöld kl. 20.
Morgunblaðið/Arnaldur
Árbæjarkirkja
SVEITIR Þriggja frakka, La
Café, Skeljungs, Jacqui McGreal,
Ferðaskrifstofu Vesturlands,
Tryggingamiðstöðvarinnar, Subaru,
Boga Sigurbjörnssonar, Herðis og
SPRON unnu sér rétt til þátttöku í
10 sveita úrslitakeppni um Íslands-
meistaratitilinn sem fram fer nú um
bænadagana. Keppnin um helgina
var skemmtileg og hörkuspennandi
í nokkrum riðlanna en spilað var í
fimm riðlum.
Um miðbik mótsins leit út fyrir
að um mikla uppstokkun yrði að
ræða í úrslitakeppninni en „gömlu
brýnin“ skiluðu sér flest í höfn í
lokaumferðunum eftir feiknarleg
átök.
Mikla athygli vakti frábær út-
koma sveitar Þriggja frakka sem
skiluðu nær fullu húsi, fengu 174
stig af 175 stigum mögulegum sem
er hreint ótrúlegur árangur og hefir
aldrei náðst áður í undankeppninni.
Það verður gaman að fylgjast með
þeim félögum í úrslitunum enda
þótt sagan segi að þær sveitir sem
spila best í undanúrslitum eigi ekki
möguleika í úrslitunum þá leyfi ég
mér að spá þeim verðlaunasæti.
Ef litið er yfir lokastöðuna í riðl-
unum og byrjað er á A-riðli en þar
spilaði sveit Þriggja frakka og varð
langefst eins og áður sagði. Keppn-
in um annað sætið var milli sveita
La Café og Þróunar. Báðar sveit-
irnar fengu 122 stig en Þróun tapaði
innbyrðisleiknum 14-16 og sat því
eftir. Sveit Frímanns Stefánssonar
varð svo í 4. sæti með 101 stig.
Í B-riðli byrjaði sveit Jacqui
McGreal mjög vel og vann sveit
Skeljungs í fyrstu umferðinni. Leið
Skeljungs var öll uppávið eftir
þetta. Þeir unnu þrjá leiki með
mesta mun og gerðu tvö jafntefli og
sigruðu í riðlinum með 140 stigum.
Sveit Jacqui fékk 132 stig en síðan
komu sveitir Sigfúsar Þórðarsonar
með 112 stig og sveit Málningar
einnig með 112 stig.
Í C-riðli var búist við skemmti-
legri baráttu fyrirfram sem og varð
raunin. Flugleiðir Frakt byrjaði á
því í fyrstu umferð að leggja Ferða-
skrifstofu Vesturlands 21-9 í fyrsta
leik en fyrirfram var búist við því að
Ferðaskrifstofan yrði á lygnum sjó í
riðlinum. Þar með var tónninn gef-
inn. Sveit Tryggingamiðstöðvarinn-
ar vildi vera með í slagnum og leiddi
riðilinn framanaf og Suðurnesja-
menn í Sparisjóðnum í Keflavík
voru einnig inni í myndinni.
Ferðaskrifstofa Vesturlands átti
besta lokasprettinn og vann riðilinn
örugglega með 141 stigi. Trygginga-
miðstöðin og Flugleiðir Frakt urðu
jafnar með 127 stig en eins og í
A-riðlinum hafði Tryggingamiðstöð-
in unnið innbyrðis viðureignina 16-
14 og spilar þar með í úrslitunum.
Sparisjóðurinn sat einnig eftir með
120 stig.
Í D-riðlunum vann Subarusveitin
alla leiki sína nokkuð örugglega og
fékk fyrir það 157 stig. Sveit Boga
Sigurbjörnssonar frá Siglufirði náði
þar öðru sætinu nokkuð sannfær-
andi, hlaut 133 stig. Sveit Roche
varð þriðja með 119 stig og Bún-
aðarbankinn Hellu fékk 100 stig.
Í E-riðli leit lengi út fyrir að
„sterkustu“ sveitirnar yrðu að sitja
heima. Þar hófst darraðardansinn
strax í fyrstu umferð þegar aust-
firðingarnir í sveit Herðis skelltu
sveit SPRON með 24-6. Lengst af
leit út fyrir að SPRON ætlaði ekki
að ná sér en reynslan tryggði þeim
annað sætið í riðlinum í lokaumferð-
unum. Sveitir Herðis hélt aftur á
móti sínu striki allt mótið og vann
riðilinn með 131 stigi þrátt fyrir 5
stiga sekt. Slökkvitækjaþjónusta
Austurlands var með 118 stig en
SPRON með 121. Sveit Glerborgar
var svo í fjórða sæti með 111 stig.
Mótið var að venju friðsælt í
styrkri stjórn keppnisstjórans
Sveins Rúnars Eiríkssonar og Stef-
aníu Skarphéðinsdóttur mótsstjóra.
Sterkustu sveitirnar skil-
uðu sér á lokasprettinum
BRIDS
B r i d s h ö l l i n
Þ ö n g l a b a k k a
UNDANKEPPNI
ÍSLANDSMÓTSINS
Fjörutíu þátttökusveitir –
30. marz–1. apríl
Arnór G. Ragnarsson
Morgunblaðið/Arnór Ragnarsson
Frá undankeppni Íslandsmótsins í sveitakeppni sem spiluð var um helgina. Bjarni Einarsson og Sigurjón
Tryggvason spila gegn Ólafi Steinasyni og Sigfinni Snorrasyni.