Morgunblaðið - 05.04.2001, Qupperneq 7

FRÉTTIR
8 FIMMTUDAGUR 5. APRÍL 2001 MORGUNBLAÐIÐ
Námskeið um MS-sjúkdóminn
Ætlað þeim
nýgreindu
UM ÞESSARmundir stenduryfir í húsi MS-
félagsins, Sléttuvegi 5 í
Reykjavík, námskeið fyrir
fólk sem nýlega hefur
greinst með MS-sjúkdóm.
Námskeið þetta stendur í
átta vikur og hófst 27.
mars sl. Margrét Sigurð-
ardóttir félagsráðgjafi
hefur skipulagt þetta
námskeið ásamt félags-
ráðgjöfunum Auðbjörgu
Ingvarsdóttur og Sigríði
J. Guðmundsdóttur.
Margrét var spurð um
hvað fjallað væri um á
þessu námskeiði.
„Við ræðum mjög
margt sem snýr að sjúk-
dómnum og helstu við-
fangsefni námskeiðsins
eru fræðsla, stuðningur og um-
ræður.“
– Hafa orðið umtalsverðar
breytingar á meðferð fólks með
MS-sjúkdóminn að undanförnu?
„Rannsóknir á MS hafa leitt til
þróunar meðferðar sem ætlað er
að tefja framvindu sjúkdómsins.
Nú eru mörgum þessum sjúk-
lingum gefin ný lyf. Á sama tíma
hafa orðið miklar framfarir í
meðhöndlun einkenna svo draga
má úr áhrifum þeirra á daglegt
líf fólks og þróun fötlunar.“
– Hvers vegna þarf að halda
námskeið fyrir þá sem eru ný-
greindir með MS-sjúkdóm?
„Ástæðan fyrir því er að ný-
greindir MS-sjúklingar eru undir
gífurlegu álagi fyrst eftir sjúk-
dómsgreiningu. Þeir sjá sjúk-
dóminn í sinni verstu mynd, að
fólk sé mjög líkamlega fatlað og
þurfi á hjólastól að halda. Þetta
er hins vegar röng mynd. Mikill
meirihluti fólks með MS hefur
mjög væg einkenni eða lítil. Í
Svíþjóð er talið að 80% af þeim
sem greinast með MS lifi venju-
legu lífi án verulegrar fötlunar.
Rannsóknir hér á Íslandi styðja
þetta og er jafnvel talað um
meira góðkynja form sjúkdóms-
ins hér á landi en víða erlendis,
ef litið er til sjúklingahópsins
alls.“
– Hvað ætlið þið að fjalla um á
námskeiðinu, nánar til tekið?
„Fagfólk kemur til okkar og
fræðir okkur um ýmis atriði.
Þetta fagfólk er í fagteymi á veg-
um MS-félags Íslands. John
Benedikz læknir kemur og svar-
ar spurningum. Sama gildir um
annað fagfólk, Þuríði Sigurðar-
dóttur hjúkrunarfræðing, Elsu
Þorvaldsdóttur iðjuþjálfa og
Guðlaugu Kristjánsdóttur og
Ragnar Friðbjarnarson sjúkra-
þjálfara. Þau halda ekki beina
fyrirlestra en verða með fræðslu-
innlegg. Námskeiðið stendur í
átta vikur og þar mun fólk hitta
aðra sem eru í sömu sporum og
það sjálft og getur rætt málin
auk þess sem það fræðist um
sjúkdóminn. Það er mikilvægt að
fá stuðning á þessu fyrsta skeiði
þegar fólk er ný-
greint.“
– Hvenær er fólk
tibúið að koma á svona
námskeið?
„Í fyrsta lagi sex
mánuðum eftir grein-
ingu en algengt er að það komi
ekki fyrr en ári eftir greiningu.
Eftir að hafa gengið með sjúk-
dóminn í um það bil tvö ár telst
fólk ekki lengur nýgreint sam-
kvæmt okkar skilgreiningu sem
höldum þetta námskeið.“
– Er þetta í fyrsta sinn sem
svona námskeið er haldið?
„Nei, við höfum haldið tvö
svona námskeið áður en reyndar
er ein breyting núna. Áður voru
það eingöngu konur sem sóttu
námskeiðin en nú eru karlar
með. Skýringin á þessu er m.a.
að það greinist aðeins einn karl á
móti 2,2 konum, ef svo má segja
(þetta er meðaltal).“
– Hvernig er meðferð háttað
yfirleitt?
„Mjög misjafnt er hvað hentar
hverjum og einum. Fólk getur
leitað til fagteymis MS-félagsins
og fengið ráðgjöf. MS-félagið
sinnir nú einnig fólki af lands-
byggðinni. Nýlega tók MS-félag-
ið á leigu íbúð á Sléttuvegi 9 og
er hún ætluð fyrir þennan hóp.
Þá getur fólk utan af landi fengið
ráðgjöf frá fagteyminu og þjálf-
unarmeðferð meðan það dvelur í
höfuðborginni.“
– Eru margir á hverju nám-
skeiði hjá ykkur?
„Við miðum við átta manns og
höfum hvern fund í tvær klukku-
stundir í senn og eru fundir einu
sinni í viku. Mjög mikill áhugi er
hjá fagteyminu á að halda helg-
arnámskeið fyrir fólk utan af
landi með MS-sjúkdóm. Fólk
sem hefur áhuga á slíku ætti að
snúa sér til MS-félags Íslands í
síma 568-8630, til þess að fá upp-
lýsingar um þetta atriði. Við hjá
MS-félaginu höfum auk þessara
námskeiða boðið upp á námskeið
fyrir maka fólks með MS-sjúk-
dóm. Einnig hef ég tekið þátt í
að skipuleggja sjálfshjálparhópa
fyrir fólk með MS-sjúkdóm, bæði
nokkra í Reykjavík og einn á Ak-
ureyri, einnig fór af stað nýlega
slíkur hópur á Ísafirði.
Með sjálfshjálparhópn-
um er í þrjú til fjögur
skipti manneskja sem
sjálf er með MS-sjúk-
dóminn. Hafdís Hann-
esdóttir félagsráðgjafi
hefur stýrt flestum hópunum.
Þess má geta að þegar nám-
skeiðinu sem nú stendur yfir lýk-
ur er þátttakendum boðið upp á
að stofna sjálfshjálparhóp. Í slík-
um hópum kemur fólk saman og
ræðir sjúkdóminn og hvernig það
tekst á við ýmsa erfiðleika, miðl-
ar reynslu sinni og fær styrk
hvert af öðru.“
Margrét Sigurðardóttir
 Margrét Sigurðardóttir fædd-
ist í Reykjavík 1945. Hún lauk
stúdentsprófi 1982 frá öld-
ungadeild Menntaskólans við
Hamrahlíð og lauk námi í félags-
ráðgjöf frá Háskóla Íslands árið
1987. Hún hefur starfað á Land-
spítalanum í ellefu ár og nú vinn-
ur hún á taugalækningadeild á
Grensás. Margrét er gift Þóri
Haraldssyni flugumferðarstjóra
og eiga þau eitt uppkomið barn.
Miklar fram-
farir hafa orð-
ið í meðhöndl-
un einkenna
Nú getum við sko aldeilis stungið niður penna og ob, ob, obbað á þetta kommapakk.
MÁLI Rafmagnsveitu ríkisins gegn
manni sem sagður er skulda fyrir-
tækinu tæplega 74.000 kr. með
dráttarvöxtum hefur verið vísað frá
dómi í Héraðsdómi Norðurlands
vestra. Í niðurstöðu dómsins kemur
fram að póstmanni hafi verið falið að
birta manninum stefnuna.
Í vottorði póstmannsins kemur
fram að hann hafi farið á lögheimili
mannsins til að birta honum stefn-
una. Þar hitti hann fyrir bróður
mannsins sem neitaði að taka við
stefnunni. Í vottorðinu kemur fram
að maðurinn sé fluttur en ekki sé vit-
að hvert. Af vottorðinu að dæma
virðist póstmaðurinn ekki annað
hafa gert til að leitast við að ljúka
birtingu. Hann lét hvorki af hendi af-
rit stefnunnar né greindi bróður
mannsins frá því að stefnubirting
færi þar fram án tillits til mótþróa
hans og sagði honum ekki frá skyld-
um hans í því sambandi.
Dómurinn taldi því að ekki hefði
farið fram lögmæt birting stefnunn-
ar. Málinu var því vísað frá dómi en
málskostnaður var felldur niður.
Halldór Halldórsson dómsstjóri
kvað upp úrskurðinn.
Stefna var ekki birt
með lögmætum hætti
Bótakröfu vísað frá dómi í Héraðsdómi Norðurlands vestra