Morgunblaðið - 05.04.2001, Page 13

FRÉTTIR
MORGUNBLAÐIÐ FIMMTUDAGUR 5. APRÍL 2001 15
TÆPLEGA þrítugum karlmanni
hefur með svonefndri viðurlaga-
ákvörðun Héraðsdóms Reykjavík-
ur verið gert að greiða 300 þúsund
krónur í sekt fyrir kynferðisbrot.
Hann játaði að hafa dreift 59
myndum til fréttahóps á Netinu,
sem sýna börn á kynferðislegan og
klámfenginn hátt.
Hann játaði einnig að hafa haft í
vörslu sinni 3.257 myndir sem
sýna börn á kynferðislegan og
klámfenginn hátt, 46 hreyfimyndir
sem sýna börn á slíkan hátt og 16
myndir sem sýna börn í kynferð-
isathöfnum með dýrum.
Brotin, sem teljast varða við 2.
og 4. mgr. 210 gr. almennra hegn-
ingarlaga, áttu sér stað þrisvar
sinnum á tímabilinu 1998 til 1999
og lagði lögregla hald á tölvubúnað
mannsins á heimili hans í Reykja-
vík í september 1999. Ríkissak-
sóknari gaf út ákæru á hendur
manninum og lagði til að málinu
yrði lokið fyrir dómi skv. 1. mgr.
124. gr. laga um meðferð opin-
berra mála, með viðurlagaákvörð-
un dómara með því að ákærði
greiddi umrædda sekt.
Málinu lauk hinn 26. mars og
var tölvubúnaður ákærða gerður
upptækur samkvæmt ákvörðun
héraðsdóms.
Viðurlagaákvörðun
ígildi dóms
Viðurlagaákvörðun er ekki dóm-
ur, en er ígildi dóms. Í 1. mgr. 124.
gr. laga um meðferð opinberra
mála segir m.a. að ef ákærði sækir
þing og játar brot má ákærandi
gefa honum kost á að ljúka máli
með því að hann gangist undir
sekt sem greiðist innan tiltekins
tíma að viðlagðri vararefsingu,
ásamt sakarkostnaði. „Fallist
ákærði skriflega á slík málalok
…1) og dómari telur viðurlög hæfi-
leg getur dómari lokið máli með
ákvörðun sinni um þau viðurlög og
hefur hún sama gildi og dómur,
þar á meðal um ítrekunaráhrif ef
því er að skipta.“
Í gær barst tölvupóstur til allra
alþingismanna frá þremur konum
sem lýsa yfir vanþóknun sinni á
umræddum málalyktum fyrir
dómi. Bréfritarar vitna til umræðu
um nýútkomna skýrslu dómsmála-
ráðuneytisins um vændi á Íslandi
þar sem komið var inn á kynferð-
islegt ofbeldi gagnvart börnum.
Bréfritarar lýsa þeirri skoðun
sinni að hörð viðurlög eigi að vera
fyrir því að eiga og dreifa barna-
klámi og ekki eigi að skipta máli
hvort brotamenn játi umyrðalaust
eða ekki.
Sekt fyrir að eiga og
dreifa barnaklámi
FRAMKVÆMDIR við nýja þjón-
ustumiðstöð og baðhús í Nauthóls-
vík eru langt komnar en byggingin
á að þjóna gestum á ylströndinni og
svæðinu í kring. Gert er ráð fyrir
að húsið verið tekið í notkun í júní
næstkomandi og að sögn Gísla Árna
Eggertssonar, aðstoðarfram-
kvæmdastjóra Íþrótta- og tóm-
stundaráðs Reykjavíkur, er nú lögð
nótt við dag til að ljúka fram-
kvæmdum á réttum tíma.
Um er að ræða 530 fermetra
byggingu þar sem verður bað- og
búningsaðstaða, salernis- og hrein-
lætisaðstaða, upplýsingamiðlun,
eimbað og heitur pottur á verönd
fyrir framan húsið. Ekki eru eig-
inlegir fataskápar í búningsaðstöð-
unni heldur munu baðgestir setja
fatnað sinn í körfur og skila í af-
greiðslu. Það gerir það að verkum
að ekki er hægt að gefa upp
ákveðna tölu fyrir fjölda manns
sem miðstöðin á að þjóna. Að sögn
Gísla er þetta gert í hagkvæmn-
isskyni og þannig hugsað að hægt
sé að þjónusta fleiri samtímis en
ella.
Kostnaður við bygginguna með
lóðinni og lögnum sem tengjast yl-
ströndinni er 145 milljónir króna en
sú tala er fyrir utan búnað fyrir
húsið. Hönnun hennar var í hönd-
um Arkibúllunnar ehf. en verktaki
er Völundarverk ehf.
Nýtt baðhús tekið í notkun í júní
Morgunblaðið/Jón Svavarsson
Frá framkvæmdasvæðinu í Nauthólsvík.
HÉRAÐSDÓMUR Norðurlands
vestra hefur dæmt rúmlega
fimmtugan karlmann í fjögurra
mánaða fangelsi fyrir tvö um-
ferðarlagabrot. Verjandi manns-
ins fór fram á að maðurinn verði
ekki látinn sæta fangelsisvist en
hann hefur átt við geðræn vanda-
mál að stríða á undanförnum ár-
um.
Brotin sem maðurinn var
dæmdur fyrir voru framin í
Húnavatnssýslum í fyrrasumar. Í
annað skiptið ók maðurinn á 122
km hraða þar sem hámarkshraði
er 90 km/klst undir áhrifum
áfengis og sviptur ökurétti. Í
seinna skipti sem lögreglan
stöðvaði manninn var hann undir
áhrifum áfengis og deyfandi efna.
Í dómnum kemur fram að frá
árinu 1991 hefur maðurinn þrí-
vegis verið dæmdur fyrir ölvun
við akstur og einu sinni dæmdur
í fangelsi fyrir akstur án ökurétt-
inda. Með hliðsjón af sakarferli
mannsins komi ekki til álita að
refsing hans verði sekt eða skil-
orðsbundinn dómur sem eru
vægari viðurlög en réttarreglur
heimila. Þá sé það ekki dómstóla
að mæla fyrir um hvar, hvernig
eða hvenær refsing er afplánuð.
Yfirvöld fangelsismála verði að
ákveða hvort ákærði afpláni refs-
ingu sína með samfélagsþjónustu
eða á stað sem setur andlega
heilsu hans ekki í hættu.
Auk fangelsisvistar var mað-
urinn dæmdur til að greiða allan
sakarkostnað, þ.m.t. málsvarna-
laun verjanda síns, Stefáns Ólafs-
sonar héraðsdómslögmanns,
60.000 krónur.
Halldór Halldórsson dómstjóri
kvað upp dóminn.
4 mánaða fang-
elsi fyrir umferð-
arlagabrot
ÁTTA tilboð bárust í losun olíu úr
flaki El Grillo í Seyðisfirði. Aðeins
eitt tilboðanna var frá íslenskum
aðilum, frá Gesti Valgarðssyni fyr-
ir hönd Bólholts og hljóðaði það
upp á 225 milljónir kr. og 100.000
kr. fyrir hvert tonn umfram 2.000
tonn.
Lægsta tilboðið kom frá norska
fyrirtækinu Riise Underwater
Engineering og hljóðaði það upp á
90,5 milljónir kr. og 7.767 kr. fyrir
hvert tonn umfram 2.000 tonn.
Norska fyrirtækið Dykkerselska-
bet Viking A/S og A.G.V., sem Ís-
lendingar eiga aðild að, bauð tæp-
ar 150 milljónir kr. í verkið og
35.674 kr. fyrir hvert tonn umfram
2.000 tonn.
Birgir Guðmundsson, verkefnis-
stjóri hjá Ríkiskaupum, segir að
þótt lægstbjóðandi hljóti að telja
líklegastur til að hreppa hnossið
þurfi að skoða tilboðið út frá
mörgum forsendum áður en geng-
ið verði til samninga. Kostnaðar-
áætlun var á bilinu 100–200 millj-
ónir kr. eftir aðferðum sem beitt
verður. Hæsta boðið sem barst var
upp á 368 milljónir kr. frá Titan
Maritime Industries í Bandaríkj-
unum.
Hreinsun á að hefjast strax í
sumar og á að vera lokið fyrir
októberlok. Í útboðsgögnum var
miðað við að um 2.000 tonn væru í
tönkum skipsflaksins en þó er ekki
vitað fyrir víst hve mikið magn ol-
íu er þar. Talið hefur verið að allt
að 4.000 tonn séu þar.
Losun olíu úr El Grillo á Seyðisfirði
Lægsta tilboðið
frá Noregi
FYLGI Sjálfstæðisflokksins mælist
nú 42% samkvæmt könnun Gallups
á fylgi stjórnmálaflokka. Í síðustu
könnun mældist fylgi flokksins
38%. Stuðningur við ríkisstjórnina
eykst að sama skapi eða úr 54% í
57%.
Stuðningur við Vinstrihreyf-
inguna – grænt framboð minnkar
eftir uppsveiflu í síðustu könnun og
mælist nú 22% í stað 26% áður.
Samfylkingin og Framsóknarflokk-
urinn hafa sama fylgi og í könn-
uninni sem birt var í mars; Sam-
fylkingin er sem fyrr með 19% fylgi
og Framsóknarflokkurinn með
14%.
Fylgi Frjálslynda flokksins
mælist 2% en var 4% í síðustu
könnun.
Fleiri konur styðja
Samfylkinguna og VG
Niðurstöðurnar eru fengnar úr
símakönnun sem Gallup gerði dag-
ana 28. febrúar til 27. mars sl. Úr-
takið var 2.164 manns á aldrinum
18 til 75 ára. Ríflega 22% voru ekki
viss um hvað þau myndu kjósa eða
neituðu að svara og sjö af hundraði
sögðust munu skila auðu eða kjósa
ekki yrði kosið nú.
Samkvæmt könnuninni sækir
Sjálfstæðisflokkurinn fylgi sitt frek-
ar til karla en kvenna og Samfylk-
ingin og VG njóta frekar stuðnings
hjá konum en körlum. Framsóknar-
flokkurinn sækir fylgi sitt jafnt til
beggja kynja.
Fylgi Sjálfstæðis-
flokks og ríkis-
stjórnar eykst
LÖGREGLAN á Keflavíkurflugvelli
stöðvaði í nóvember för karlmanns
og ungrar stúlku við komuna frá
Amsterdam en lögreglan taldi líkur
til þess að hennar biði kynlífsþrælk-
un í Bandaríkjunum.
Samkvæmt upplýsingum frá lög-
reglunni í Keflavík millilentu þau á
Keflavíkurflugvelli á leið sinni til
New York. Starfsfólk Flugleiða leit-
aði þar til lögreglu þar sem þau töldu
að sitthvað athugavert væri við ferðir
þeirra.
Stúlkan er kínversk en var með
hollenskt vegabréf. Hún talaði þó
ekki hollensku og aðeins hrafl í
ensku. Í vegabréfinu kom fram að
stúlkan væri tvítug en lögreglan taldi
hana varla mikið eldri en 14 ára.
Rúmlega fertugur asískur karlmað-
ur sem var með stúlkunni gat ekki
gefið trúverðugar útskýringar á ferð-
um þeirra en hann kvaðst hafa þekkt
stúlkuna í skamman tíma. Þau væru
á leið í skemmtiferð til Bandaríkj-
anna en vinur hans hefði keypt mið-
ana.
Eftir yfirheyrslur var karlmaður-
inn sendur aftur til Amsterdam, þar
sem hollensk lögregluyfirvöld tóku
við honum.
Læknir mat hins vegar ástand
stúlkunnar þannig að hún væri ekki
ferðafær en hún var talin vannærð.
Ferð hennar til Amsterdam var því
frestað um sólarhring. Hollensk lög-
regluyfirvöld tóku við stúlkunni í
Amsterdam en lögreglan á Keflavík-
urflugvelli hefur ekki fengið fregnir
af afdrifum hennar þar.
Halldór Rósmundur Guðjónsson,
aðstoðaryfirlögregluþjónn hjá lög-
reglunni á Keflavíkurflugvelli, segir
sterkar líkur á því að stúlkunnar hafi
beðið kynlífsþrælkun í Bandaríkjun-
um. Hann bendir á að smygl á fólki
færist sífellt í aukana og algengt sé
að glæpamenn selji ungar stúlkur til
kynlífsþrælkunar. Þá er talið algengt
að þeir sem smygla fólki stundi einn-
ig eiturlyfjasmygl. Halldór segir lög-
regluna á Keflavíkurflugvelli vinna
náið með lögregluyfirvöldum í öðrum
löndum til þess að reyna að koma í
veg fyrir slíkt enda sé slík glæpa-
starfsemi alþjóðleg. Hann vonast til
þess að upplýsingakerfi Schengen
muni styrkja þessa baráttu.
Lögreglan á Keflavíkurflugvelli stöðvaði för karlmanns og stúlku
Kynlífsþrælkun
var talin bíða
stúlkunnar