Morgunblaðið - 05.04.2001, Qupperneq 16

HÖFUÐBORGARSVÆÐIÐ
18 FIMMTUDAGUR 5. APRÍL 2001 MORGUNBLAÐIÐ
ÍBÚAR í Safamýri og
Hvassaleiti hafa í rúm tvö ár
barist fyrir því að göngubrú
verði byggð yfir Miklubraut á
móts við gamla Framheimilið,
þar sem Tónabær er nú til
húsa. Í bréfi sem íbúarnir
sendu borgaryfirvöldum í síð-
asta mánuði er spurt hvort
fleiri slys þurfi að verða á
staðnum áður en göngubrú
verði reist. Sjálfstæðisflokks-
ins lagði fram tillögu í borg-
arráði í gær um að nú þegar
verði unnið að tillögu um
breytingu á aðalskipulagi, þar
sem gert verði ráð fyrir
göngubrú á þessum stað, en
tillögunni var vísað frá.
Brýnt að tryggja
eðlileg göngutengsl
Í frávísunartillögu sem
borgarstjóri lagði fram segir:
„Eins og sjálfstæðismönnum
er kunnugt er unnið að hönn-
un göngutengsla og breytingu
á aðalskipulagi vegna fyrir-
hugaðrar göngubrúar yfir
Miklubraut og er stefnt að því
að ljúka verkhönnun og
skipulagi á þessu ári þannig
að framkvæmdir verði mögu-
legar á því næsta.“
Inga Jóna Þórðardóttir,
oddviti Sjálfstæðisflokksins,
sagði að foreldrar og hags-
munaaðilar á þessu svæði
hefðu ítrekað farið þess á leit
við borgaryfirvöld að sett yrði
göngubrú yfir Miklubrautina
til þess að tryggja eðlileg
göngutengsl á milli svæðanna.
Inga Jóna, sem situr í skipu-
lagsnefnd, sagði að í nefndinni
væri ekki unnið að breytingu
á aðalskipulagi vegna fyrir-
hugaðrar göngubrúar.
„Aðalskipulagi var breytt í
fyrra út af breikkun Miklu-
brautarinnar og við vonuðum
að í kjölfarið kæmi tillaga um
göngubrú, en það hefur ekki
gerst ennþá,“ sagði Inga
Jóna. „Þess vegna erum við
að knýja á um að það verði
gert núna og bíði ekki eftir
heildarendurskoðun aðal-
skipulagsins. Það eru rúm tvö
ár liðin síðan Ólafur F. Magn-
ússon, borgarfulltrúi Sjálf-
stæðisflokks, flutti tillögu um
þetta í borgarstjórn en það
hefur ekkert gerst síðan.
Þetta verk er búið að bíða í
nokkur ár og ég skil ekki
seinagang borgaryfirvalda í
málinu. Þetta er dæmigert
mál sem enginn hefur mátt
vera að því að sinna eða hugsa
um, enda hefur orka alls kerf-
isins farið í kosningarnar um
flugvöllinn. Þetta er hálfdap-
urlegt því í flugvallarmálinu
var verið að greiða atkvæði
um eitthvað sem gæti hugs-
anlega gerst eftir 16 ár, en
hér erum við bara að fást við
vandamál dagsins í dag og að-
stæður fólksins í dag.“
Ungur drengur
varð fyrir bíl
Í byrjun síðasta mánaðar
sendu foreldrafélög Álfta-
mýrarskóla og Hvassaleitis-
skóla bréf til borgaryfirvalda,
samgönguráðherra og þing-
manna þar sem bent var á
mikilvægi þess að byggja
göngubrú til að tryggja ör-
yggi gangandi vegfarenda. Í
bréfinu segir að fyrir tveimur
og hálfu ári hafi ungur dreng-
ur lent fyrir bíl á Miklubraut á
móts við bensínstöð Skelj-
ungs og slasast mjög alvar-
lega og eins og kom fram að
ofan er í bréfinu spurt hvort
fleiri alvarleg slys þurfi að
verða á staðnum áður en
göngubrú verði reist.
Í bréfinu kemur fram að 20.
október árið 1999 hafi for-
eldraráð Álftamýrarskóla
sent borgarstjóra bréf, þar
sem bent hafi verið á nauðsyn
þess að setja göngubrú yfir
Miklubraut. Í svari frá Stef-
áni Hermannssyni borgar-
verkfræðingi 23. nóvember
sama ár hafi komið fram að
ekki hafi verið gert ráð fyrir
brú á þessu svæði en að hann
myndi beita sér fyrir því að
þær athuganir sem þar hafi
legið að baki yrðu yfirfarnar
og jafnframt myndi hann óska
eftir meiri fjárveitingum til
göngubrúa yfir þjóðvegi.
„Nú hefur þörf fyrir göngu-
brú á þessu svæði aukist enn
frekar vegna breikkunar göt-
unnar, með tilkomu Félags-
miðstöðvarinnar Tónabæjar í
hverfinu og vegna samstarfs
barna í Álftamýrarskóla við
eldri borgara í VR-húsinu við
Kringluna,“ segir í bréfinu,
sem sent var í síðasta mánuði.
„Mikill fjöldi barna okkar
þarf að fara yfir Miklubraut-
ina allan ársins hring, til að
komast í kirkjuna og sækja
íþróttaæfingar hjá íþrótta-
félagi Fram, auk þess sem áð-
ur er talið. Einnig bentum við
á að við Kringluna er starf-
rækt leikhús og kvikmynda-
hús og nú stendur til að opna
útibú frá Borgarbókasafninu.
Í ljósi alls þessa langar okkur
að minna ennfrekar á mikil-
vægi þess að göngubrú verði
sett yfir Miklubrautina á móts
við Framheimilið.“
Íbúar hafa í rúm 2 ár barist fyrir því að fá göngubrú yfir Miklubraut á móts við Kringluna
Borgarstjóri
segir málið
í vinnslu
Sjálfstæðisflokkur gagnrýnir
seinagang borgaryfirvalda
Morgunblaðið/Jim Smart
Í bréfi sem íbúar í Safamýri og Hvassaleiti sendu borgaryfirvöldum er spurt hvort fleiri slys þurfi að verða áður en göngubrú
verði reist yfir Miklubrautina á milli Kringlunnar og Framheimilisins.
Miklabraut
LEIKSKÓLAR Mosfellsbæj-
ar hafa ákveðið að nota ein-
göngu umhverfismerktar
ræstivörur í framtíðinni, og
er gert ráð fyrir að aðrar
stofnanir bæjarins fylgi í kjöl-
farið. Í gær tóku leikskóla-
stjórar í Mosfellsbæ á móti
fyrstu sendingu frá Rekstrar-
vörum og Jóhanni Sigurjóns-
syni bæjarstjóra var kennt
hvernig á að nota umræddar
vörur. Hin táknræna athöfn
fór fram í leikskólanum
Huldubergi.
Það var að frumkvæði Dav-
íðs B. Sigurðssonar, umsjón-
armanns fasteigna Mosfells-
bæjar, að gengið verður til
samstarfs við umrætt fyrir-
tæki um kaup á umhverfis-
vænum ræstivörum. Auk þess
að skuldbinda sig til að hafa
vörurnar á boðstólnum mun
fyrirtækið sjá um fræðslu um
notkun efnanna.
„Þetta eru vörur sem eru
nýjar á markaðnum hér á
landi, og eru með Norræna
svansmerkingu,“ sagði Jó-
hanna B. Magnúsdóttir, verk-
efnisstjóri Staðardagskrár 21
í Mosfellsbæ, í samtali við
Morgunblaðið, aðspurð hvað
þar væri á ferðinni. „Það sem
er í raun og veru sérstakt í
þessu, og ég er svo glöð yfir,
er hvernig þetta kom til.
Þarna er Staðardagskrár-
starfið eins og það gerist best.
Þessi hugmynd varð nefni-
lega ekki til inni hjá verkefn-
isstjórn eða verkefnisstjóra,
heldur úti í samfélaginu. Dav-
íð kom og bankaði hjá mér, og
spurði hvort ekki væri rétt að
fara út í þetta.“
Þarf bara ákveðinn
skammt
Þegar Jóhanna var spurð
að því, hvers vegna þurft hafi
að kenna bæjarstjóra á,
hvernig nota ætti hinar nýju
vörur, svaraði hún því til, að
það hvernig þessar vörur
væru notaðar væri hluti af
umhverfisvænleikanum. „Það
þarf að nota bara ákveðinn
skammt, og ekki minna eða
meira, til þess að þær virki
sem umhverfisvænar.“
Í janúar síðastliðnum sam-
þykkti bæjarstjórn Mosfells-
bæjar markmið um sjálfbæra
þróun. Eitt af markmiðunum
sem þar koma fram er að
stofnanir, fyrirtæki og íbúar
hagi innkaupum sínum á um-
hverfisvænan hátt. Þá er lagt
til að bærinn setji sér um-
hverfisvæna innkaupastefnu
fyrir árslok 2001. Það eru því
leikskólar bæjarins sem ríða
á vaðið með því að stefna á að
kaupa einungis umhverfis-
merktar ræstivörur.
Leikskólar í Mosfellsbæ nota eingöngu
umhverfismerktar ræstivörur héðan í frá
Aðrar stofnanir munu
fylgja í kjölfarið
Morgunblaðið/Þorkell
Í gær tóku leikskólastjórar í Mosfellsbæ á móti fyrstu send-
ingu af umhverfisvænum ræstivörum. Fremst á myndinni
eru, talið frá vinstri, Davíð B. Sigurðsson, Þuríður Stef-
ánsdóttir, leikskólastjóri á Huldubergi, og Ólafur Haralds-
son hreinlætisráðgjafi.
Mosfellsbær
BÆJARSTJÓRN Hafnar-
fjarðar samþykkti á fundi
sínum í fyrradag deiliskipu-
lag, sem felur í sér algjört
bann við starfsemi nekt-
arstaða í miðbæ Hafnar-
fjarðar og er bærinn þar með
fyrsta sveitarfélagið til þess
að setja slíkt bann.
Tillaga um að banna nekt-
arstaði var upphaflega sam-
þykkt í jafnréttisnefnd Hafn-
arfjarðar í ágúst á síðasta
ári, en nefndin telur að starf-
semi nektarstaða samræmist
ekki þeirri stefnu bæjarins
að vera jafnréttissinnað og
fjölskylduvænt sveitarfélag.
„Það er svo margt nei-
kvætt við þessa staði,“ sagði
Svala Jónsdóttir, jafnrétt-
isráðgjafi Hafnarfjarðar.
„Það er nýbúin að koma út
skýrsla frá dómsmálaráðu-
neytinu um að það sé rekið
vændi á sumum af þessum
stöðum og síðan er þessi
starfsemi einfaldlega nið-
urlægjandi fyrir konur.“
Svala sagði að það væri
enginn nektarstaður í Hafn-
arfirði en að þeir væru víða
annars staðar, t.d. í Reykja-
vík, Kópavogi, Reykjanesbæ
og á Akureyri. Hún sagði að
það hefði verið eindregin
skoðun jafnréttisnefndar að
banna þessa staði.
Aðspurð sagðist Svala
ekki vita til þess að bæjaryf-
irvöldum hefði borist um-
sóknir um rekstrarleyfi fyrir
nektarstaði í bænum og
sagði hún að nú væri al-
gjörlega búið að loka fyrir
þann möguleika að slíkir
staðir yrðu opnaðir í mið-
bænum.
Að sögn Svölu nær bannið
eingöngu til miðbæjarins
eins og er en hún sagði að til-
laga jafnréttisnefndar kvæði
á um að bannið næði til allra
hverfa bæjarins þar sem
veitingahúsarekstur væri
leyfður.
„Þetta er bara fyrsta
skrefið en jafnréttisnefnd
mun vinna að því að þetta
fari inn í deiliskipulag ann-
ars staðar í bænum.“
Sveitarfélögum var gert
kleift að takmarka starfsemi
nektarstaða með breytingu á
lögum um veitinga- og gisti-
staði sem samþykkt var í maí
á síðasta ári. Sú breyting fól í
sér nákvæmari flokkun á
veitingastöðum og var hún
gerð samkvæmt tillögu við-
ræðunefndar Reykjavík-
urborgar, dómsmálaráðu-
neytis, félagsmálaráðuneytis
og samgönguráðuneytis um
aðgerðir til að sporna við
starfsemi nektarstaða.
Morgunblaðið/Jim Smart
Bæjaryfirvöld í Hafnarfirði hafa bannað starfsemi nektarstaða í miðbænum, en hún er ekki
talin samræmast þeirri stefnu bæjarins að vera fjölskylduvænt sveitarfélag.
Nektarstaðir bannaðir
í miðbæ Hafnarfjarðar
Hafnarfjörður