Morgunblaðið - 05.04.2001, Page 33
LISTIR
MORGUNBLAÐIÐ FIMMTUDAGUR 5. APRÍL 2001 35
KARLAKÓRINN Fóstbræður
heldur upp á 85 ára afmæli sitt um
þessar mundir með fernum tónleik-
um í Langholtskirkju. Fyrstu tón-
leikar kórsins, á þriðjudagskvöldið,
ollu nokkrum vonbrigðum þar sem
kórinn var auðheyrilega að syngja
talsvert undir getu og ekki af sama
krafti og undanfarin misseri. Vera
má að á fyrsta konsert af fjórum gæti
meiri sviðsskrekks en ella, og að kór-
inn sæki í sig veðrið næstu daga.
Verkefnavalið á tónleikunum var líka
„of“ fjölbreytt – fátt eitt sem batt
efnið saman, þannig að prógrammið
var samhengislaust og vantaði heild-
arsvip. Þá var verkefnavalið enn-
fremur dauft og litlaust, og fá veru-
lega spennandi verk fyrr en undir
lok tónleikanna. Þjóðlagaútsetning-
ar Árna Harðarsonar, söngstjóra
Fóstbræðra, í upphafi tónleikanna
eru reyndar undantekning þar á.
Þessi þrjú smálög, skínandi vel út-
sett, voru mjög fallega sungin, þótt
fyrsti tenór væri of lágur í fyrsta lag-
inu, Ókindarkvæði. Húmar að mitt
hinsta kvöld var mildilega sungið og
afar músíkalskt mótað hjá Árna, og í
þriðja laginu, Tíminn líður, trúðu
mér, tók kórinn vel á og söng með
rytmískri snerpu og krafti. Jóhann
Friðgeir Valdimarsson söng næst
fjögur lög með kórnum; Sjá dagar
koma eftir Sigurð Þórðarson, Áfram
eftir Árna Thorsteinsson, Heimi eft-
ir Sigvalda Kaldalóns og Tárið eftir
Óliver Kentish. Jónas Ingimundar-
son lék með kórnum í þessum lögum.
Það var mikil upplifun að heyra í Jó-
hanni Friðgeiri. Þessi ungi tenór hef-
ur skínandi góða rödd og mikinn
sviðssjarma. Eitthvað vantar upp á
tæknilega hlið raddbeitingarinnar,
til dæmis er samfella milli efsta og
miðraddsviðs ekki alveg hnökralaus
svo eitthvað sé tínt til. En músíkalsk-
ur söngur og geislandi sönggleði
glöddu mjög. Það sem best var hjá
Jóhanni voru Sjá dagar koma og
Heimir. Frumflutningurinn á Tárinu
eftir Óliver Kentish tókst ekki sem
skyldi; – ef til vill beitti Jóhann Frið-
geir sér um of í þessu látlausa lagi.
Einhvern tíma hefði það nú þótt höf-
uðsynd hjá íslenskum karlsöngvara
að kunna ekki Áfram eftir Árna
Thorst., en þrátt fyrir seina innkomu
og hnökra í byrjun náði Jóhann Frið-
geir sér á strik og tókst að ljúka lag-
inu með glæsibrag. Vögguvísa eftir
Ragnar Björnsson og Á Sprengi-
sandi eftir Kaldalóns komu næst, tvö
saman í syrpu. Það var einkennilegt
að þurfa að gefa tóninn með píanói
eftir fyrra lagið, þar sem Vögguvísan
endar á nákvæmlega sama tónbili og
Sprengisandurinn hefst á. Almennt
séð getur það verið mjög krítískt að
gefa tóninn með píanói, sérstaklega
þegar fyrsti tenór á erfitt með að
koma hreint inn á háum tónum. Það
myndi örugglega hjálpa tenórunum
að fá tóninn sunginn inn, til að fá
betri tilfinningu fyrir samhljómnum.
Rannveig Fríða Bragadóttir söng
næst þrjú lög með kórnum og Jónasi;
Draumalandið eftir Sigfús Einars-
son, Ständchen eftir Schubert og
Um Mitternacht eftir Anton Bruckn-
er. Draumalandið var sérdeilis fal-
lega flutt, þótt Jónas væri aðeins á
undan söngnum í upphafi. Hin
draumkennda sumarsæla ljóðsins
skilaði sér vel og enn einu sinni fékk
maður sting í hjartað yfir fegurð
þessa lags allra laga. Seinni tvö lögin
sem Rannveig Fríða söng ollu von-
brigðum, ekki fyrir slakan söng
hennar eða kórsins, heldur fyrst og
fremst fyrir það hve þetta eru
óspennandi tónsmíðar. Ständchen
var sungið með litlum kór, og þar
áttu tenórar enn í vanda með hæð-
ina, og sungu almennt flatt og dauf-
lega. Óvandaður þýskuframburður
kórsins var áberandi þegar Rann-
veig Fríða söng á sinni fínu þýsku:
Leise, leise, en kórinn tók undir:
Læse, læse – svo hvein í rammís-
lenskum essunum. Lögin Ave Maria
eftir Bruckner, Bæn Frans frá Assisí
eftir Poulenc, Kvöldljóð eftir Kodaly
og Matona mia cara eftir Lasso
mynduðu næstu syrpu. Ekkert í
söng karlakórsins í þessum fjórum
lögum var illa gert og söngurinn
jafnan músíkalskt mótaður af söng-
stjórans hálfu. Hins vegar var söng-
urinn óvenju daufur og allt að því lit-
laus, og allt öðru vísi en maður á að
venjast hjá hinum kraftmiklu Fóst-
bræðrum. Fyrst og fremst þarfnast
fyrsti tenór fleiri ungra radda og
fleiri skólaðra radda. Fyrsti tenór er
óvenju daufur og slappur, og inn-
komur eru of oft of lágar eins og í
þjóðlagaútsetningunum í upphafi
tónleika í Kvöldljóði Kodalys og í
Matona mia cara eftir Lasso.
Glansnúmer tónleikanna voru ein-
söngs- og samsöngsatriði Rannveig-
ar Fríðu og Jóhanns Friðgeirs með
Jónasi Ingimundarsyni. Rannveig
söng cavatinu Rosinu úr Rakaranum
í Sevilla, Una voce poco fa, og gerði
það feiknavel. Hún sveiflaði sér létti-
lega upp og niður tónstigann í brillj-
ant kóloratúr og túlkaði hina ást-
föngnu Rosinu fjarska vel. Jóhann
Friðgeir söng aríu Cavaradossis, E
lucevan le stelle, úr Toscu. Jóhann
Friðgeir sýndi sanna tenórtakta í
þessum söng og gaf fyrirheit um að
mikils verði af honum að vænta í
framtíðinni. Saman sungu þau Lipp-
en Schweigen úr Kátu ekkjunni og
leystu það verkefni vel af hendi eins
og hin fyrri.
Loks var nú komið að því að kór-
inn fengi að sýna sínar bestu hliðar.
Fenja úhra eftir Hjálmar H. Ragn-
arsson við ljóð Karls Einarssonar
Dunganons hefur oft heyrst í útsetn-
ingu fyrir blandaðan kór, en hér var
frumflutt útsetning þess fyrir karla-
kór. Ég er ekki frá því að lagið fari
jafnvel betur í flutningi karla. Þarna
fundu Fóstbræður sig og gáfu allt
sitt í sérlega skemmtilegan flutning
á þessari slungnu og rytmísku pólý-
fóníu Hjálmars. Lokaatriði efnis-
skrárinnar var frumflutningur Al-
þingisrapps eftir Atla Heimi
Sveinsson, samið fyrir kórinn. Atli
hefur nú samið þónokkur verk í
rapp-seríu sinni, en ég held að hér sé
komið það alsmellnasta og skemmti-
legasta. Alþingisrappið er samið við
kvæði og kviðlinga nokkurra alþing-
ismanna okkar og er eins og fyrri
rappverk Atla samið í kringum takt-
skiptamunstrið 1-2-3-4 1-2-3 1-2-3-4
1-2 eins og í Hani, krummi, hundur,
svín. Fóstbræður nutu þess augljós-
lega að láta gamminn geisa í þessu
gleðiverki og sungu það með miklum
ágætum.
FóstbræðrarappTÓNLISTL a n g h o l t s k i r k j a
Karlakórinn Fóstbræður og ein-
söngvararnir Rannveig Fríða
Bragadóttir og Jóhann Friðgeir
Valdimarsson fluttu íslensk og er-
lend lög; píanóleikari var Jónas
Ingimundarson og stjórnandi Árni
Harðarson. Þriðjudagur kl. 20.30.
KÓRTÓNLEIKAR
Morgunblaðið/Þorkell
Karlakórinn Fóstbræður tekur lagið á æfingu fyrir tónleikana.
Bergþóra Jónsdótt ir