Morgunblaðið - 26.04.2001, Side 50
Safnaðarstarf
Áskirkja. Opið hús fyrir alla aldurs-
hópa kl. 14–17. Söngstund kl. 14 í
neðri safnaðarsal. Kristján Sig-
tryggsson organisti leiðbeinir og
stýrir hópnum. Allir hjartanlega vel-
komnir til að syngja eða hlusta. Boðið
upp á kaffi á eftir. Mikið spjallað og
stundum tekið í spil.
Dómkirkjan. Opið hús fyrir alla ald-
urshópa í safnaðarheimilinu kl. 14–
16.
Hallgrímskirkja. Kyrrðarstund kl.
12:00. Orgelleikur, íhugun. Léttur
málsverður í safnaðarheimili að
stundinni lokinni.
Háteigskirkja. Foreldramorgunn kl.
10:00. Fræðsla: Svefn og svefnvenjur
barna. Anna Björg Eyjólfsdóttir-
hjúkrunarfræðingur. Stúlknakór kl.
16:00. Jesúbæn kl. 20:00. Taizé-
messa kl. 21:00. Þangað sækir maður
frið og kyrrð, staldrar við í asa lífsins,
tekur andartak frá til þess að eiga
stund með Guði. Lifandi ljós og reyk-
elsi bjóða mann velkomin. Tónlistin
fallin til að leiða mann í íhugun og
bæn. Allir velkomnir.
Laugarneskirkja. Morgunbænir kl.
6:45–7:05. Kyrrðarstund í hádegi kl.
12:00. Gunnar Gunnarsson leikur á
orgel. Samvera eldri borgara kl.
14:00. Leikfélagið Snúður og Snælda
heimsækja með list sína og leik.
Þjónustuhópur kirkjunnar, kirkju-
vörður, sóknarprestur og organisti
annast stundina. Kaffiveitingar.
Langholtskirkja. Foreldra- og dag-
mömmumorgunn er kl. 10–12. Svala
djákni les fyrir eldri börnin. Söng-
stund með Jóni organista. Lang-
holtskirkja er opin til hljóðrar bæna-
gjörðar í hádeginu.
Neskirkja. Unglingastarf Nes- og
Dómkirkju kl. 20 í safnaðarheimili
Neskirkju.
Seltjarnarneskirkja. Starf fyrir 9–10
ára börn kl. 17.
Breiðholtskirkja. Mömmumorgunn
föstudag kl. 10–12.
Digraneskirkja. Foreldramorgnar
kl. 10–12. Helgistund kl. 11. Kvöld-
bænir kl. 18.
Fella- og Hólakirkja. Starf fyrir 11–
12 ára drengi kl. 17–18.
Grafarvogskirkja. Foreldramorgnar
kl. 10–12. Fræðandi og skemmtilegar
samverustundir, heyrum guðs orð og
syngjum með börnunum. Kaffisopi
og spjall, alltaf brauð og djús fyrir
börnin. Æskulýðsfélag í Grafarvogs-
kirkju fyrir 8.–9. bekk kl. 20–22.
Hjallakirkja. Kirkjuprakkarar. Starf
fyrir 7–9 ára kl. 16.30.
Kópavogskirkja. Samvera eldri
borgara í dag kl. 14.30–17 í safnaðar-
heimilinu Borgum. Kyrrðar- og
bænastund í dag kl. 17. Fyrirbæna-
efnum má koma til sóknarprests eða
kirkjuvarðar.
Seljakirkja. Fundir fyrir 9–12 ára
stráka kl. 17 í umsjá KFUM.
Hafnarfjarðarkirkja. Opið hús fyrir
ung börn og foreldra þeirra kl. 10–12
í Vonarhöfn, Strandbergi. Opið hús
fyrir 8-9 ára börn í Vonarhöfn,
Strandbergi, kl. 17–18.30.
Fríkirkjan í Hafnarfirði. Opið hús
fyrir 10–12 ára kl. 17–18.30.
Víðistaðakirkja. Opið hús fyrir 9–12
ára krakka kl. 17–18.30.
Vídalínskirkja. Æskulýðsfélag
Garðakirkju heldur fundi kl. 19.30-
20.30. Unglingar hvattir til þátttöku.
Umræðu og leshópur, fræðslustarf
fyrir alla í Bræðrastofu kl. 21-22.
Bæna- og kyrrðarstund í kirkjunni
kl. 22. Koma má bænarefnum til
presta og starfsfólks safnaðarins.
Allir velkomnir.
Landakirkja Vestmannaeyjum. Kl.
10 Foreldramorgun, Katrín Harðar-
dóttir kynnir ungbarnasund kl. 17.30.
TTT tíu til tólf ára krakkar í góðri
sveiflu.
Aðaldeild KFUM heimsækir sumar-
búðirnar í Kaldárseli. Þar verður
fundur í umsjón sumarbúðanna.
Rútuferð frá Holtavegi kl. 19:30. All-
ir karlmenn velkomnir.
Morgunblaðið/Gísli SigurðssonLandakirkja í Vestmannaeyjum.
UMRÆÐAN
50 FIMMTUDAGUR 26. APRÍL 2001 MORGUNBLAÐIÐ
KIRKJUSTARF
GUÐMUNDUR Kjartansson er
efstur á Voratskákmóti Hellis með
fullt hús þegar fjórum umferðum
af sjö er lokið. Alls
taka 15 keppendur
þátt í mótinu, eða
nær tvöfalt fleiri en í
fyrra. Skákstarf hef-
ur reyndar gengið
vel hjá Helli í ár og
frá áramótum hefur
nær undantekning-
arlaust verið fjölgun
á skákmótum félag-
ins frá síðasta ári.
Staðan á Voratskák-
mótinu er nú þessi:
1. Guðmundur
Kjartansson 4
v.
2.-4. Halldór Garð-
arsson, Vigfús
Ó. Vigfússon
og Jón Árni Halldórsson 3 v.
5.-6. Benedikt Egilsson og Sig-
urður Ingason 2½ v.
7.-10. Finnur Kr. Finnsson, Helgi
Brynjarsson, Pétur Jóhann-
esson og Björgvin Krist-
bergsson 2 v. o.s.frv.
Skákstjóri er Vigfús Ó. Vigfús-
son. Seinni hluti Voratskákmótsins
verður tefldur 30. apríl.
Bikarmót Striksins
í skák á ICC
Strik.is, Taflfélagið Hellir og
ICC standa sameiginlega að röð tíu
skákmóta sem hefst á sunnudags-
kvöld og lýkur með Íslandsmótinu í
netskák undir lok ársins. Glæsileg
verðlaun verða í boði. Mótaröðin
kallast Bikarkeppni
Striksins í skák. Áætl-
uð dagsetning fyrstu
mótanna er þessi:
Fyrsta mót 29. apríl
Annað mót 27. maí
Þriðja mót 10. júní
o.s.frv.
Rétt er að taka
fram, að þessi dagskrá
getur breyst, bæði
vegna viðburða innan-
lands og eins á ICC.
Bikarkeppni Striks-
ins í skák verður
keppni um það hver
fær flesta vinninga
samtals í 8 af þessum
10 mótum. Vinningar í
landsliðsflokki Ís-
landsmótsins telja tvöfalt en vinn-
ingar í öðrum mótum sem og í opn-
um flokki Íslandsmótsins telja
einfalt.
Alls munu 20 skákmenn vinna
sér rétt til að taka þátt í landsliðs-
flokki Íslandsmótsins í netskák
sem verður hápunktur Bikar-
keppninnar. Þeir 18 skákmenn
sem flesta vinninga fá samanlagt í
Bikarkeppni Strikins í skák og svo
tveir keppendur tilnefndir af móts-
höldurum. Aðrir skákmenn geta
tekið þátt í opnum flokki.
Keppt verður í fimm flokkum og
eru sigurvegarnir í hverjum flokki
jafnframt bikarmeistarar Striksins
í skák í viðkomandi flokki. Flokk-
arnir eru opinn flokkur, undir
2100, undir 1800, undir 1500 og
stigalausir. Stigaflokkar miðast við
stig 1. apríl 2001. Mótshaldið verð-
ur nánar kynnt næstu daga og vik-
ur.
Mánaðarmót
TG í kvöld
Taflfélag Garðabæjar stendur
fyrir svokölluðu mánaðarmóti
fimmtudaginn 26. apríl kl. 20 í
Hofsstaðaskóla. Tefldar verða
fimm mínútna hraðskákir. Að-
gangur er ókeypis og allir eru vel-
komnir.
Úr mótaáætlun
Skáksambandsins
26.4. SA. 45 ára og eldri. 10-mín.
26.4. TG. Mánaðarmót
27.4. Hellir. Uppskeruhátíð
28.4. SÍ. Íslandsm. barnask.sveita
28.4. SÍ. Helgarskákmót
29.4. SA. 45 ára og e. gegn yngri
29.4. Hellir. Netskákmót Striksins
Guðmundur Kjartansson
efstur á voratskákmóti
SKÁK
T a f l f é l a g i ð H e l l i r
VORATSKÁKMÓT
HELLIS
23.–30.4. 2001
Guðmundur
Kjartansson
Daði Örn Jónsson
ÞANN 23. desember
birti ég grein í Mbl.
þar sem ég gerði grein
fyrir endurgjalds-
(karma) og endurburð-
arkenningu Biblíunn-
ar. Hún merki að menn
uppskeri sem þeir sái
eða m.ö.o. séu sinnar
eigin gæfu smiðir. Af
mildi sinni veiti Guð
mönnum fleiri jarð-
nesk líf svo að þeim
gefist tóm til yfirbóta
og öðlist fyrirgefningu
synda sinna. Sam-
kvæmt heimildum mín-
um er – þótt undarlegt
megi virðast – samhljómur á milli
þessara kenninga og kennisetningar
kirkjunnar að Guð hafi fórnað syni
sínum Jesú Kristi fyrir syndir
mannkyns.
Fyrir fæðingu Jesú voru menn
komnir í þrot sökum vangoldinna
syndabyrða og líf manna á jörðu
stefndi í glötun. Sem Kristur holdi
klæddur hafði Jesús umboð til að
taka á sínar herðar syndabyrðar
mannkynsins tímabundið þar til það
hefði öðlast nógan trúarstyrk og
þroska til að geta greitt skuldir sín-
ar að fullu í þjónustu við Guð og
menn, svipað og bankastjóri sem
veitir mönnum skuldbreytingu til að
bjarga fallandi víxli, sbr.: „Ef dagar
þessir hefðu ekki verið styttir, kæm-
ist enginn maður af“ (Mt 24.22). Jes-
ús hafði sem sagt vald til að fyr-
irgefa syndir manna innan marka
lögmálsins þannig að fræðimennirn-
ir ásökuðu hann ranglega um guð-
last (sjá Mt 9.1–7; Jh 5.14). Hann
fyrirgaf mönnum syndir með því að
gera byrðina léttbærari: „Komið til
mín, allir þér sem erfiði hafið og
þungar byrðar og ég mun veita yður
hvíld... Því að mitt ok er ljúft og
byrði mín létt“ (Mt 11.28,30). Með
fordæmi sínu gaf Jesús mönnum
reisn og innblástur heilags anda til
að feta í fótspor hans og standa eig-
in reikningsskil: „Því að sérhver
mun verða að bera sína byrði“ (Gl
6.5). „Hver sem vill fylgja mér... taki
kross sinn daglega og fylgi mér“ (Lk
9.23; 14.27).
Jafnvel þó að Jesús væri allur af
vilja gerður gæti hann ekki „þurrk-
að út syndaskrá mannkynsins með
einu pennastriki“, syndir sem ná
milljón ár aftur í tímann. Ekki einu
sinni skírðir trúmenn sem taka við
Jesú og játa honum syndir sínar fá
sjálfkrafa syndaaflausn. Til þess er
mannkynið of bundið við karma sitt
sem hefur mótað sjálfsvitund þess.
„Þess vegna ætti ekki að tína ill-
gresið því að þá gæti hveitið verið
slitið upp um leið. Þegar gróður-
setning orðsins, er frelsað getur sál-
ina, ber fullan ávöxt má safna ill-
gresinu og brenna því“ (sbr. Mt
13.24–30; Jk 1.21).
Sú kvöð fylgir lögmálinu að frels-
arinn verður að sjá til þess að synd-
arinn, sem hann greiðir skuldina
fyrir, læri þá lexíu sem karmalög-
málið átti að kenna
syndaranum. Hann
þarf að iðrast synda
sinna og að endingu
endurgreiða lífinu náð-
argjöf fyrirgefningar-
innar með þjónustu,
íhugunum og bænum –
þetta uppfyllti Jesús.
Áherslumunur er á
milli lúthersk-evngel-
ísku og katólsku kirkj-
unnar varðandi hvort
maðurinn réttlætist
fyrir trú eða verknað.
Jesús áminnti að ekki
væri nóg að taka trú,
það yrði að láta verkin
tala: „Ekki mun hver sá, sem við
mig segir: ’Herra, herra,’ ganga inn
í himnaríki, heldur sá einn, er gjörir
vilja föður mín.“ Jesús gefur því
næst til kynna að ekki sé nóg að
gera góð verk í Drottins nafni ef rétt
hugarfar (trú) er ekki fyrir hendi
(Mt 7.21–23). Einnig varar postulinn
Jakop við að trúin sé dauð án verka
(sjá Jk 2.26).
Í Fjallræðunni er réttlátum heitið
umbun og hinum óréttlátu hótað
refsingu (sjá Mt 5–7). Hún gefur til
kynna að menn komist ekki hjá því
að gera reikningsskil, þ.e. að bæta
fyrir syndir: „Þar til himinn og jörð
líða undir lok, mun ekki einn smá-
stafur eða stafkrókur falla úr lög-
mállinu, uns allt er komið fram“ (Mt
5.18). „Á yður eru jafnvel öll höf-
uðhárin talin“ (Mt 10.30) – og þau
eru talin eftir lögmáli orsaka og af-
leiðinga þar til öll kurl eru komin til
grafar. Endurgjaldslögmálið er
sambærilegt þriðja lögmáli Newtons
sem hermir að hverri hreyfingu
fylgi jafn öflug hreyfing í gagnstæða
átt – jafnt á himni sem jörðu.
Jesús segir skýrt að menn séu
ábyrgir gerða sinna því að „hvert
ónytjuorð, sem menn mæla, munu
þeir verða að svara fyrir á dóms-
degi“ (Mt 12.36). Slíkt uppgjör
ákvarðar framtíð viðkomandi ein-
staklings: hvort hann endurfæðist á
jörðu niðri eða hvort hann frelsast
til eilífs lífs á himnum uppi.
Jesús sagðist ekki vera kominn til
að afnema lögmálið heldur uppfylla
það (sjá Mt 5.17). Hann samsinnir
óskeikulleika og ófrávíkjanleika lög-
málsins: sbr. „Allir, sem sverði
bregða, munu fyrir sverði falla“ (Mt
26.52). Til þess að losna undan of-
urvaldi lögmálsins, þar sem „auga
fyrir auga og tönn fyrir tönn“ gildir,
bauð Jesús andstæðingnum að slá
einnig á hina kinnina (sjá Mt
5.38,39) þegar „eðlileg“ viðbrögð
væru að gjalda rauðan belg fyrir
gráan. Þannig kæmu menn í veg
fyrir að þeim yrði fyrr eða seinna
goldið í sömu mynt því að skuldin
fyrnist ei. Menn ættu að ástunda
náungakærleik, sáttfýsi og fyrir-
gefningu, þ.e. bæta fyrir og fyrir-
gefa sjálfum sér og öðrum sérhverja
misgjörð í fullri einlægni og auð-
mýkt og fela sig vilja Guðs á vald.
„Skuldbreytingin“ á syndum
mannkynsins sem Jesús tók á sínar
herðar var sérstök undanþága á
fiskatímabilinu sl. 2160 ár sem
kristnin er kennd við. Nú er komið
að aldahvörfum. Vatnsberaöld er að
taka við af fiskatímabilinu og því er
senn komið að skuldadögum. Gang-
ist menn og þjóðir ekki við skuldinni
mun lögmálið, „auga fyrir auga“, sjá
til þess að fæðingarhríðir hins nýja
gullna tímabils vatnsberans verði
sársaukafullar (sbr. Dn 11.40–12.12;
Jes; Mt 24). Andleg vakning síðustu
áratuga og barátta fyrir umhverfis-
og mannréttindamálum er órækur
vitnisburður þess að mannkynið sé
loks að vakna til vitundar um að
tímabært sé að létta af oki synd-
arinnar.
Dulspekilegt við-
horf til friðþæg-
ingarfórnar Jesú
Hartmann Bragason
Höfundur er menntaður í klíniskri
sálfræði og hagnýtri fjölmiðlafræði.
Trú
Samkvæmt heimildum
mínum, segir Hartmann
Bragason, er sam-
hljómur á milli endur-
gjalds- og endurburðar-
kenningar Biblíunnar
og kennisetningar kirkj-
unnar að Guð hafi fórn-
að syni sínum fyrir
syndir mannkyns.