Morgunblaðið - 27.04.2001, Blaðsíða 18
SUÐURNES
18 FÖSTUDAGUR 27. APRÍL 2001 MORGUNBLAÐIÐ
SAMNINGANEFND sveitarfélag-
anna á Suðurnesjum hefur náð sam-
komulagi við Bandaríkjamenn um
uppbyggingu og rekstur nýrrar
sorpbrennslustöðvar. Stöðin verður í
Helguvík en sú gamla er við Hafna-
veg, inni á varnarsvæði.
Sveitarfélögin á Suðurnesjum
hafa rekið sorpbrennslustöð við
Hafnaveg frá 1979. Að sögn Guðjóns
Guðmundssonar, framkvæmda-
stjóra Sambands sveitarfélaga á
Suðurnesjum, er stöðin orðin gömul
og lúin og tæknilega úrelt miðað við
þær umhverfiskröfur sem gerðar
eru nú. Leitað hefur verið nýrra
lausa. Sorpi frá varnarliðinu á Kefla-
víkurflugvelli er brennt í stöðinni og
hún er inni á varnarsvæði. Undan-
farin ár hafa farið fram viðræður við
Bandaríkjamenn sem eigendur
flotastöðvarinnar um samvinnu við
uppbyggingu og rekstur nýrrar
stöðvar.
500 milljóna kr. fjárfesting
Í upphafi var við það miðað að
stöðin yrði áfram á núverandi stað
svo að sú aðstaða sem þar er nýttist
áfram. Ábyrgðarmenn herstöðvar-
innar gátu ekki sætt sig við það og
varð niðurstaðan að byggja nýja
sorpbrennslustöð á iðnaðarlóð við
Helguvík í Reykjanesbæ.
Nú hefur náðst samkomulag við
Bandaríkjamenn um að þeir greiði
hluta af fjárfestingarkostnaði og
rekstrarkostnað við takt við aðra
notendur stöðvarinnar. Ekki hefur
verið gengið formlega frá samning-
um en það verður gert í síðari hluta
maímánaðar.
Kostnaður við byggingu sorp-
brennslustöðvarinnar, hús til mót-
töku og flokkunar á sorpi og annað
sem til þarf er áætlaður um 500
milljónir króna. Guðjón leggur
áherslu á að hér sé um heildarlausn á
sorpmálum svæðisins að ræða.
Hann segir að brennsla hafi orðið
fyrir valinu vegna þess að erfitt væri
að finna góða urðunarstaði á Reykja-
nesi, bæði vegna náttúrulegra að-
stæðna og vatnsverndar. Hins vegar
verður dregið mjög úr brennslu með
því að flokka sorpið meira en gert
hefur verið og auka endurvinnslu.
Sorpeyðingarstöð Suðurnesja hef-
ur tekið við um 16 þúsund tonnum af
sorpi á ári, raunar 18 þúsund á síð-
asta ári, og hafa 10–11 þúsund tonn
verið brennd. Ljóst er að nýja
brennslan þarf að geta annað 6–10
þúsund tonnum á ári.
Áform eru uppi um að nýta orkuna
frá brennsluofninum, í samvinnu við
Hitaveitu Suðurnesja, en ekki er enn
ljóst hvernig það verður útfært.
Þá bindur Guðjón vonir við að að-
staða verði til að brenna ýmsum teg-
unum spilliefna, til dæmis olíu- og
hreinsivörum, en það fari eftir þeim
búnaði sem keyptur verður svo og
starfsleyfi.
Samkomulag hefur
náðst við varnarliðið
Helguvík
Ný sorpbrennslustöð Suðurnesja verður byggð upp í Helguvík
GERVIUGLUM hefur verið komið
fyrir á nokkrum stöðum í Flugstöð
Leifs Eiríkssonar. Er notkun
þeirra tilraun til að fæla frá stara
sem gert hafa hreiður á húsinu og
valdið starfsfólki óþægindum.
Starar hafa undanfarin ár gert
sér hreiður á nokkrum stöðum á
flugstöðvarbyggingunni, ekki síst
við loftristar ofan við glugga
hennar. Fló fylgir staranum gjarn-
an og hefur starfsfólk orðið fyrir
flóabiti. Starfsmenn flugstöðv-
arinnar hafa með ærnum tilkostn-
aði, krönum, prikum og vatni,
reynt að flæma starann í burtu.
Einhverjum datt í hug að koma
fyrir gerviuglum og var það reynt
síðastliðið vor. Að sögn Stefáns
Jónssonar fjármálastjóra virtist
það duga þótt fuglinn hafi verið
byrjaður á hreiðurgerð. Nú er lát-
ið reyna á þetta aftur og uglur
settar í öll horn flugstöðvarinnar
og við skyggni fyrir ofan brott-
farar- og komudyr. „Þetta er
ákaflega ódýr leið, það er að segja
ef hún virkar,“ segir Stefán.
Uglur á
verði
Keflavíkurflugvöllur
Ljósmynd/Hilmar Bragi Bárðarson
STOFNFUNDUR Saltfiskseturs
Íslands í Grindavík var haldinn í sal
bæjarstjórnar Grindavíkur í fyrra-
dag. Hugmyndin er að setja upp
saltfisksýningu og helst að opna
hana á sjómannadaginn að ári.
Markmiðið með sýningunni er
meðal annars að safna saman og
varðveita muni og myndir sem
tengjast sögu saltfisksins, sinna
fræðslustarfi fyrir ungviði landsins
og veita afþreyingu fyrir ferðamenn
sem heimsækja Grindavík auk þess
að kynna þeim saltfiskinn, bragð
hans og fjölbreytta valmöguleika í
matargerð.
Myndum og munum
safnað saman
Einar Njálsson, bæjarstjóri í
Grindavík, rakti aðdragandann und-
anfarið eitt og hálft ár eða frá því
Róbert Ragnarsson var ráðinn
ferða- og atvinnumálafulltrúi. Þeir
tveir komust að því fljótlega við
skoðun á þessum málum að menn í
samfélaginu höfðu verið að safna
myndum og munum tengdum fisk-
vinnslu og staðháttum í Grindavík í
langan tíma.
Þeir veltu því fyrir sér hvort ekki
væri hægt að koma í gagnið sem
fyrst einhverju þannig að ferða-
menn gætu staldrað við og skoðað.
Kostnaður við nýtt
hús 22–25 milljónir
Að sögn Einars voru fjármál
slíkra hugmynda líka í umræðunni
og lengi vel var ætlunin að nota
hlutafélagsformið en eftir miklar
vangaveltur var fallið frá þeirri hug-
mynd og ákveðið að um sjálfseign-
arstofnun yrði að ræða. Fljótlega
einfölduðust þessar hugmyndir og
menn urðu ákveðnir í því að segja
sögu saltfisksins.
Ekki er búið að ganga frá stað-
setningu en hugmyndir hafa verið
uppi um að nýta fyrrverandi áhalda-
hús og teikningar þær sem lágu fyr-
ir fundinum byggðust á þeirri stærð
af húsi eða um 400 fermetrum.
Fundarmönnum sýndist þó hug-
myndin um nýbyggingu sem hægt
væri að reisa fyrir 22–25 milljónir
vænlegri kostur því þá væri hægt
að ráða staðnum og komu margar
hugmyndir fram um staðsetningu.
Saltfisksýning á
sjómannadag 2002
„Mér finnst eðlilegt að stefna að
því að opna sýningu á næsta ári og
þá helst á sjómannadaginn 2002.
Hægt verður að gerast stofnfélagi
til 1. júní en í dag hafa m.a. Spari-
sjóður Keflavíkur, Vísir hf., Stakka-
vík, Samherji, Hóp, Grindin, Ísfélag
Grindavíkur, SÍF, Bílaleigan Rás og
Þorbjörn – Fiskanes gerst stofn-
félagar,“ sagði Einar Njálsson en
auk þeirra kemur Grindavíkurbær
myndarlega að málum með krónu á
móti hverri krónu annarra stofn-
félaga.
Fram kom í máli Einars að kostn-
aðurinn við slíka sýningu ætti að
vera um 15 milljónir en þá er eftir
að gera klárt húsnæði en það er
fyrsta verkefni stjórnar að finna
húsnæði.
Ný stjórn félagsins var kosin á
fundinum. Hana skipa: Petrína
Baldursdóttir, Dagbjartur Einars-
son, Einar Njálsson, Guðmundur
Einarsson og Björn Haraldsson.
Saltfisksetur Íslands
setur upp sýningu
Morgunblaðið/Garðar P. Vignisson
Einar Njálsson bæjarstjóri sýnir hugmyndir að skipulagi Saltfiskseturs.
Grindavík
SEES ehf. átti lægsta tilboð í tvö
gatnagerðarverk sem Reykjanes-
bær bauð út. Í báðum tilvikum var
tilboð fyrirtækisins um 80% af
kostnaðaráætlun tæknideildar
bæjarins. Bæjarráð samþykkti á
fundi sínum í gær að taka tilboð-
unum.
Tilboð SEES ehf. í endurbygg-
ingu Baldursgötu hljóðar upp á
rúmar 5 milljónir. Þá mun fyr-
irtækið leggja A-götu sem liggur
milli Suðurgötu og Hafnargötu
fyrir rúmar 5,6 milljónir.
SEES ehf.
bauð best
Reykjanesbær
LIÐLEGA eitt þúsund Bretar
koma í dagsferð til Reykjaness
á morgun, laugardag. Flestir
fara í hvalaskoðunarferðir frá
Keflavík.
Kynnisferðir sf. hafa und-
anfarin tvö ár tekið á móti
dagsferðalöngum frá bresku
ferðaskrifstofunni Super Lat-
ive Travel en hún sérhæfir sig
í dagsferðum frá Bretlandi. Á
síðasta ári komu hingað á
þriðja þúsund farþegar á henn-
ar vegum. Boðið var upp á
hvalaskoðun frá Keflavík og
ferð að Gullfossi og Geysi.
Kristján Jónsson, fram-
kvæmdastjóri Kynnisferða,
segir að hvalaskoðunin hafi
mælst sérstaklega vel fyrir og
sífellt fleiri hafi valið hana.
Flestir fara í hvalaskoðun
Ljóst er að mikil aukning
verður á þessum ferðum í sum-
ar og býst Kristján við að taka
á móti 8-9 þúsund farþegum.
Fyrsti hópurinn kemur á morg-
un, laugardag, rúmlega 1.000
manns. Síðan koma gestir í
dagsferðir frá þessari ferða-
skrifstofu hverja helgi fram í
miðjan júlí. Farþegunum er
áfram boðið upp á hvalaskoðun
frá Keflavík þar sem siglt er út
í Garðsjó og nýta flestir sér
það, eða 750-800 manns úr
hópnum um helgina, en aðrir
fara að Gullfossi og Geysi. Seg-
ir Kristján að næstu helgar
fari nánast allir í hvalaskoð-
unina. Farið er með fólkið í
Bláa lónið, borðað um hádegið
í Grindavík, komið við í Krísu-
vík um leið og Reykjaneshring-
urinn er ekinn og komið við í
Reykjavík.
Fólkið kemur með 4-5 flug-
vélum frá London um morg-
uninn og er á ferðinni fram á
kvöld. Kynnisferðir verða með
21 rútu í ferðum með fólkið.
Gestirnir fara með hvalaskoð-
unarbátunum Brimrúnu og
Hafsúlunni en þetta eru tví-
bytnur og taka hvor um sig
160 farþega. Borðað er í
félagsheimilinu Festi í Grinda-
vík en það er sjómannastofan
Vör sem sér um veitingarnar.
Kristján er ánægður með
hvað það vorar snemma. „Það
er eins og náttúran hafi gengið
í lið með okkur. Sjórinn er líka
iðandi af lífi og fullt af hval,“
segir hann.
Ljósmynd/Snorri Snorrason
Tvö hvalaskoðunarskip, sem hvort um sig tekur 160 manns, verða í
förum frá Keflavík og út í Garðsjó á laugardag. Annað skipið er
Brimrún frá Ólafsvík, sem hér sést ásamt systurskipi sínu, Særúnu,
en hitt skipið, sem notað verður um helgina, heitir Hafsúlan og er
sömu gerðar, en gert út frá Keflavík.
Þúsund Bretar
í dagsferð
Reykjanes