Morgunblaðið - 27.04.2001, Blaðsíða 67
FÓLK Í FRÉTTUM
MORGUNBLAÐIÐ FÖSTUDAGUR 27. APRÍL 2001 67
verður haldin í ÁSGARÐI, Glæsibæ við
Álfheima, laugardagskvöldið 28. apríl
og hefst kl. 20.15 með tónleikum.
Dansað frá kl. 22.30.
Allir velkomnirNánar auglýst í Mbl. á laugardaginn.
HÁTÍÐ HARMONIKUNNAR,
Vesturgötu 2, sími 551 8900
Hunang
spilar frá miðnætti
Í KVÖLD kl. 20 heldur Ragnar
Emilsson gítarleikari útskriftar-
tónleika frá Tónlistarskóla FÍH í
sal skólans í Rauðagerði 27. Hann
leikur tvö lög eftir sjálfan sig og
fimm önnur lög. „Það eru þau
djasslög sem hafa gripið mig hvað
mest í náminu,“ segir gítaristinn.
En auk Ragnars eru þrjú skóla-
systkini hans að útskrifast. Úlf-
hildur Guðmundsdóttir, klassískur
píanóleikari, heldur sína tónleika 5.
maí kl. 17, Þorgrímur Jónsson
bassaleikari heldur sína tónleika
18. maí kl. 17, en Davíð Þór Jóns-
son djasspíanisti hélt sína tónleika
7. apríl sl. og hlaut að launum
hæstu einkunn sem gefin hefur
verið við skólann.
Gengur ekki upp
peningalega séð
„Ég spilaði aðallega mitt efni
fyrir utan tvö lög sem voru eftir
Keith Jarret og Dave Douglas,“
segir Davíð Þór. „Það var mjög
gaman á tónleikunum, og verður
gaman hjá ykkur hinum ef margir
koma og ef þið eruð búin að ákveða
hvað þið ætlið að spila.“
– Já, fyrsta lagið hjá þér var
snarstefjun.
Davíð Þór: Já, ég hafði það
óundirbúið, því þá getur ekkert
farið verr eftir það á tónleikunum.
Smásálfræði. En þetta gekk vel og
allir voru glaðir og ánægðir.
– En er eitthvert líf eftir tónlist-
arskólann?
Þorgrímur: Er ekki áframhald-
andi líf innan fleiri tónlistarskóla í
öðrum heimsálfum? Ég set a.m.k.
stefnuna á það að fara til útlanda.
Ragnar: Ég er ekki búinn að
áforma að fara í annan tónlistar-
skóla strax. En ég tek mér eitt-
hvað tónlistartengt fyrir hendur,
kenna, spila og blanda þessu sam-
an.
Davíð Þór: Ég var í sundi um
daginn og velti því fyrir mér hvort
það væri eitthvert líf að hanga inni
í tónlistarskóla og æfa sig allan
daginn, koma svo út eftir sjö ár,
orðinn geðveikur á æfingum og
lestri, og fara svo beint í launa-
flokk þrettán og kenna krökkum
að spila á hljóðfæri. Ef maður ætl-
ar að hugsa út frá hagsýnissjón-
armiðum þá gengur þetta engan
veginn upp. En það er alltaf mikið
líf í tónlistarskóla og eftir það.
Úlfhildur: Ég ætla að sækja um
í LHÍ næsta vetur, en ég veit ekki
hvernig það verður. Það er ekki
búið að ráða neina kennara og
óvíst hvað verða margir nemendur.
Þetta er þriggja ára nám sem mið-
ar að því að maður fái BA-próf í
tónlist, og maður verður að vera
með áttunda stig til að komast inn.
– Er ekki erfiðara að vinna fyrir
sér eftir klassískt nám en
ryþmískt?
Úlfhildur: Nei, það er fullt fyrir
klassíska að gera líka, spila undir
hjá kórum og einsöngvurum, á org-
el í messum og í kennslu.
Þýðir ekki að spila
fyrir sjálfan sig
Davíð Þór: Hvað sem maður
spilar þá er maður fyrst og fremst
tónlistarmaður. Þetta snýst um að
koma fram, flytja tónlist eftir okk-
ur sjálf eða einhvern annan, gera
það sem best og ná til fólksins.
Þetta snýst um kunnáttu og vilja.
– Er þetta þá spurning um að
vera „performer“?
Ragnar: Já, og fólk leggur mis-
mikla áherslu á það hvort tónlistin
eða framkoman eða jafnvel fötin
nái til fólksins.
Úlfhildur: Framkoman lætur oft
tónlistina ná til fólksins. Það þýðir
ekkert að spila fyrir sjálfan sig.
Það þarf að spila vel hér og nú.
– Mælið þið með þessu tónlist-
arnámi?
Ragnar: Já, þetta djassnám nýt-
ist mjög vel, t.d. í popptónlist. Ég
hef verið hvattur af kennaranum
mínum til að semja mína eigin tón-
list, og nota það sem ég hef lært í
rokki. Það er ekki verið að byggja
mann upp frá grunni.
Davíð Þór: Það er svo gott
hversu margir starfandi tónlistar-
menn kenna við skólann. Þeir hafa
reynslu af því að spila með öðrum
og leika alls konar tónlist. Það eru
til kennarar sem spila aldrei neitt.
Ragnar: Þetta er ekki fullkom-
inn skóli frekar en einhver annar
en ef maður leggur sig fram þá
getur maður fengið mikið út úr
þessu námi.
Davíð Þór: Það kennir manni
enginn neitt, maður lærir bara
sjálfur. Því betri sem aðstæður eru
og betra fólk er til að ræða við því
meiri eru möguleikarnir auðvitað.
Tími fyrir tónlistina
– Hver er draumurinn?
Davíð Þór: Ég sé mig heima að
elda með son minn sitjandi uppi á
borði og dóttur mína hangandi í
svuntunni og síðan kemur konan
mín heim af æfingu og ég er búinn
að elda og leggja á borð og setja
góða músík á fóninn, plötu sem ég
er nýbúinn að taka upp. Ha, ha!
Æi, ég veit það ekki. Stóri draum-
urinn? Það er a.m.k. ekki hrút-
fullur uppi á sviði klukkan háftvö
að spila danstónlist. Það er að spila
sem mest og semja.
Úlfhildur: Ég hef ekki mikla trú
á því að maður geti lifað á því að
vera tónlistarmaður. Það þarf að
vinna svo mörg störf til að geta
framfleytt sér almennilega. Ég
vona að þegar ég er ekki að vinna
að tónlistinni beint hafi ég tíma til
að sinna tónlistinni fyrir mig.
Ég hef þegar samið tónlist við
myndlistarsýningu og er í rokk-
sveitinni Fúgu sem gefur út disk í
sumar.
Ragnar: Ég hef getað dregið
fram lífið hingað til og það verður
áreiðanlega svipað þótt maður sé
ekki lengur í skólanum. En ég
reyni að vinna sem minnst með til
að geta stússað í músík.
Þorgrímur: Mig langar að fara
til útlanda og finna góðan kennara
sem getur leiðbeint mér áfram í
því sem ég er að gera. Mig langar
svo til að kynnast nýju umhverfi
og komast inn í fjölbreytilegra
mannlíf.
Úlfhildur: Ég held að allir
lengra komnir tónlistarnemendur
þurfi að kynnast einhverju öðru en
þessu litla samfélagi hér. Það er
líka nauðsynlegt fyrir íslenskt tón-
listarlíf.
Þorgrímur: Það skiptir miklu að
kynnast fleira fólki sem er inni á
sömu stefnu og maður sjálfur. Það
er ekki að kennararnir úti séu
betri en hér heima.
– Kvíðið þið fyrir tónleikunum?
Þorgrímur: Nei, alls ekki, ég er
frekar spenntur, þetta verður gam-
an, a.m.k. eftir á.
– Á að toppa einkunnina hans
Davíðs Þórs?
Úlfhildur: Mér finnst umsögnin
mikilvægari en einkunnin þar sem
prófdómarinn segir hvað var vel
eða illa gert. Maður gerir sér ekki
alltaf grein fyrir því.
Ragnar: Ég er ekki að spila fyir
einkunn, ég er að spila fyrir fólk.
Morgunblaðið/Þorkell
Þorgrímur, Ragnar, Úlfhildur og Davíð Þór standa á tímamótum.
Alltaf mikið líf í tónlist
Leiðir liggja til allra
átta eftir nám í tónlist-
arskóla FÍH, einsog
Hildur Loftsdóttir
komst að þegar hún hitti
útskriftarnemana í ár.
ANNAÐ kvöld kl. 20 verður Lands-
lagskeppni Bylgjunnar haldin á
Broadway. Auglýst var eftir þátt-
takendum fyrir allnokkrum vikum
og bárust tæplega 400 lög til að-
standenda, hvorki meira né minna.
Tíu lög keppa svo til úrslita í kvöld.
Að sögn Jóhanns Arnar Ólafssonar
kynningarstjóra hefur undirbún-
ingur fyrir keppnina gengið vel.
„Fimm manna dómnefnd valdi tíu
lög,“ upplýsir Jóhann. „Höfundar
fengu svo fjármagn og tíma til þess
að fullvinna lögin“. Hann segir að á
sjálfu kvöldinu verði undirspil lags-
ins svo flutt við lifandi söng kepp-
enda. „Þetta var unnið svona af því
að það þurfti hvort eð er að fullvinna
lögin því þau verða öll gefin út á
diski sem kemur út núna fljótlega
eftir keppnina.“
Mikið til eru þetta lög í rólegri
kantinum. „Starf dómnefndar fólst í
því að velja tíu bestu melódíurnar,“
útskýrir Jóhann. „Upp úr stóðu þessi
lög og meirihluti þeirra er rólegur.
Ég myndi samt ekki segja að þetta
væru allt ballöður. Það er suðrænn
taktur í einu þeirra, eitt er með mjög
sterku gospelívafi og annað er með
rokkaðri undiröldu; öflugt lag þótt
það sé ekki hratt. Það sem einkennir
þessi lög þó umfram allt annað er að
þetta eru einfaldega góð lög.“
Jóhann bætir því við að um kvöld-
ið verði og veitt sérstök heið-
ursverðlaun og óvænt atriði verði
svo flutt í kjölfarið. Höfundar laga í
keppninni eru t.a.m. Alda Björk
Ólafsdóttir, Grétar Örvarsson og
Þórir Úlfarsson en af flytjendum má
t.d. nefna Pál Rósinkranz, Einar
Ágúst og Heru Björk. Dómnefndina
skipa þau Eiður Arnarsson og Að-
alsteinn Magnússon, fulltrúar Skíf-
unnar, Ágúst Héðinsson og Bjarni
Arason, fulltrúar Bylgjunnar, og
Védís Hervör Árnadóttir söngkona.
Kynnar verða þeir Jón Axel Ólafs-
son og Gunnlaugur Helgason.
Í leit að
Landslagi
Morgunblaðið/Þorkell Þorkelsson
Hér má sjá nokkra af lagahöfundunum stilla sér upp ásamt flytjendum.
&'
(
)
*
+
(
,&
!
"
- ) .)
!"
# $ ! % &! & #
/
0,1
#$ %&
'
!$
(
)
!
2
3.)
%
!
"
4) +052
.6
' (" $ ) *+ )
!$ +
71*
#$ %&
,
%
) + 89 3
%
Landslag Bylgjunnar á Broadway