Morgunblaðið - 27.04.2001, Blaðsíða 36
UM langan tíma hafa stóru
kórarnir og aðalkirkjukórarnir í
Reykjavík verið þeir einu sem tekið
hafa til meðferðar stóru kirkjulegu
verkin en með vaxandi söngmennt
eru landsbyggðakórarnir að finna
meira til sín og það á við um Skál-
holtskórinn sem Hilmar Örn Agn-
arsson hefur stjórnað í nokkuð ár
og stefnt til átaka við sífellt erfiðari
verkefni. þannig hefur Hilmar Örn
unnið gott starf og alið upp nokkuð
góðan sönghóp og eru t.d. sópr-
anraddirnar nokkuð góðar og altinn
fallega hljómandi. Karlana í heild
vantar meiri og dýpri hljómgun
(resonance). Söngur kórsins var
nokkuð öruggur og ljóst að vel hafði
verið æft, svo að öruggur söngur
bætti upp það sem á vantaði. Tón-
leikar Skálholtskórsins, sl. miðviku-
dag í Fossvogskirkju, hófust á Ave
Maríu, eftir Sigurð Þórðarson, sem
Sigrún Hjálmtýsdóttir söng mjög
vel við undirleik Kára Þormars. Sig-
rún söng ein og með kórnum í verk-
unum eftir Fauré, Bizet og Mozart
og var söngur hennar í Agnus Dei
(Bizet) og Lautate Dominum (Moz-
art) mjög góður. Ave verum, eftir
Fauré, var hér flutt í umskrift eftir
hljómplötu og er haft eftir kórstjór-
anum að hvergi sé að finna neitt um
þetta verk í tónlistarbókum. Þeim
sem umritaði verkið, Skarphéðni
Hjartarsyni, hefur líklega sést yfir
nokkra endahljóma, þar sem bassa-
tónninn er fimmundin í hljómnum
og verður það að teljast ólíklegt að
Gabríel Fauré, prófessor í tónsmíði
við tónlistarháskólann í París, hafi
endað tónhendingar í þrígang á fe-
sexundarhljómi og einu sinni notað
hann sem upphafshljóm. Má vera að
þarna hafi bassinn átt að vera tví-
skiptur en rót hljómsins ekki verið
greinanleg vegna styrkleika bass-
ans í hljómsveitinni. Þá er skondin
samstíg áttund í 32. takti, svo að
þarna munar ef til vill einhverju í
umritun Skarphéðins og verki
Fauré. Hvað sem þessu líður er
þetta fallegt verk og vel þess vert
að leita eftir upplýsingum um rétta
gerð þess hjá Dómkórnum í Riga
og ættu bréfaskriftir ekki að vera
vandamál til lausnar þessu máli.
Sigrún Hjálmtýsdóttir söng með
kórnum á sinn frábæra máta. Verk-
ið var endurtekið í lok tónleikanna
og er víst að það venst vel enda var
það mjög vel flutt. Hallelújakórinn,
úr Messias eftir Handel, var nokk-
uð vel fluttur og þar átti sópraninn
góð tilþrif með hækkandi tónstöðu
við textann „King of Kings and
Lord of Lords“. Meginverk tón-
leikanna var Gloria eftir Vivaldi og
sungu Sigrún Hjálmtýsdóttir og
Anna Sigríður Helgadóttir ein-
söngsaríurnar, fyrst saman dúett-
inn Laudamus te. Sigrún söng af
glæsibrag aríuna Domine Deus en
þar átti Kristján Stephensen vel
leikna óbósóló. Víxlsöngur Önnu og
kórsins í Domine Deus var fallega
mótaður en Anna mætti opna meir
hljóm raddarinnar sem er fallegur
en einum of þvingaður. þetta var
nokkuð áberandi í alt aríunni, Qui
sedes, en á móti henni átti Bryndís
Halla sérlega fallega leikna selló-
sóló. Kórinn í heild var nokkuð góð-
ur þó aðkarlaraddirnar væru ekki
nægilega hljómtraustar, vantaði á
köflum þéttleika í hljóman. Hilmar
Örn er þarna á réttri leið í að ala
upp vel syngjandi kór, sérstaklega
með því að takast á við erfið við-
fangsefni og það sem vantað á
flutninginn var bætt upp með góðri
tónlist og öruggum söng. Í glímu
við slík verkefni næst aðeins árang-
ur með tíð og tíma og með mark-
vissri vinnu kórstjórans, svo sem
hér var gert, svo að vel horfir til
framtíðar hjá Skálholtskórnum.
Með tíð og tíma
og markvissri vinnu
TÓNLIST
F o s s v o g s k i r k j a
Skálholtskórinn, Sigrún Hjálm-
týsdóttir, Anna Sigríður Helgadótt-
ir, kammersveit undir stjórn Hilm-
ars Arnar Agnarssonar fluttu
kirkjuleg tónverk eftir Sigurð
Þórðarson, Fauré, Bizet, Mozart,
Handel og Vivaldi. Miðvikudag-
urinn 25. apríl 2001.
KÓRTÓNLEIKAR
Jón Ásgeirsson
LISTIR
36 FÖSTUDAGUR 27. APRÍL 2001 MORGUNBLAÐIÐ
EVELYN Müürsepp er eistnesk
og hefur dvalið um skeið sem gesta-
listamaður fyrir norðan. Verk henn-
ar eru dæmigerð fyrir þá fágun og
yfirlegu sem einkennir gjarnan
austur-evrópska listamenn. Ein-
þrykk hennar eru af fjölskyldu-
myndum sem teknar voru á árunum
1936 og fram til aldamóta. Efnið
sem hún þrykkir myndirnar á eru
gömul lök og dúkar; í sumum til-
vikum úr fórum þeirra sem birtast í
myndum hennar.
Frammi fyrir myndum Müürsepp
er okkur varpað aftur í fortíðina,
tíma sem eistneska þjóðin þreyði í
blíðu og stríðu, oft með miklum
sársauka. Gildi þrykkmynda Müürs-
epp er einmitt fólgið í þeirri þétt-
ingu sögulegs bakgrunns sem óhjá-
kvæmilega umbreytir svona
persónulegum fjölskyldumyndum í
glefsur úr sögu allrar eistnesku
þjóðarinnar. Frá þeim örlagaríku
árum skömmu fyrir stríð til síðasta
áratugar þegar Eistlendingar voru
að átta sig á spánnýjum aðstæðum
fetar sýningin sig frá einni mynd til
annarrar að viðbættum rauðum lín-
um sem virka eins og undir í mynd-
unum.
Þótt ekki sé um stóra sýningu að
ræða nær Evelyn Müürsepp að
miðla okkur þeim dramatíska þunga
sem liggur að baki þessu ljósmynd-
ræna einþrykki. Það eru áhrif sem
ekki eru órafjarri bókmenntalegum
töfrum því ólíkt því að skoða mynd-
list í ljósi líðandi stundar er á stund-
um sem áhorfandinn sé að skyggn-
ast í persónuleg fjölskylduleyndar-
mál sem geymd hafa verið eins og
forboðnir helgigripir í sængurfata-
skápnum innan um lök og dúka.
Skyldi það ekki einmitt vera tilfinn-
ing margra Balta sem gægjast í
fyrsta sinn í þjóðaralbúmið frá síð-
ustu sex áratugunum? Skyldi þeim
ekki mörgum verða innanbrjósts
eins og Müürsepp, sem finnst sem
hún væri að drýgja helgispjöll?
Þannig er máttur heimilda frá við-
sjárverðum tímum.
Minningar á lök og dúka
MYNDLIST
D e i g l a n , K a u p v a n g s -
s t r æ t i , A k u r e y r i
Til 29. apríl. Opið daglega
frá kl. 14–17.
EINÞRYKKSMYNDIR
EVELYN MÜÜRSEPP
Morgunblaðið/Halldór B. Runólfsson
Frá sýningu Evelyn Müürsepp í Deiglunni, í Listagili Akureyrarbæjar.
Halldór Björn Runólfsson
BURTFARARPRÓF Ragnars Em-
ilssonar gítarleikara frá djassdeild
FÍH verða í kvöld, föstudagskvöld,
kl. 20, í sal skólans. Á efnisskránni
eru djasslög frá ýmsum tímum auk
tveggja frumsaminna. Með Ragnari
leika Davíð Þór Jónsson á hljóm-
borð, Helgi Svavar Helgason á
trommur og Jón Rafnsson á bassa.
Ragnar Emilsson
Burtfararpróf
í gítarleik
Fyrirlestur
um japanskan
arkitektúr
ARKITEKTINN Michael Ander-
son heldur fyrirlestur á vegum
umhverfis- og byggingarverk-
fræðiskorar Háskóla Íslands í dag,
föstudag, kl. 16, í húsi verkfræði-
deildar, Hjarðarhaga 2-6, í stofu
158.
Fyrirlesturinn, sem er á ensku,
nefnir hann „Extreme Contrasts:
Traditional Japanese Strategies
for Connecting the Human, the
Natural and the Divine in
Architecture, Building & Land-
scape“.
Michael er sérfræðingur í jap-
önskum arkitektúr og mun í fyr-
irlestrinum fjalla um hina nær
2000 ára japönsku hefð bygginga
úr viði og hvernig hinir hefð-
bundnu byggingarhættir ná að
tengja hið manngerða við náttúru-
heiminn. Fjallað verður um Shinto
og helgisiði búddista sem tengjast
byggingum. Þetta kemur m.a.
fram í ákveðnum þjálfunarkerfum
fyrir smiði og aðra iðnaðarmenn.
Michael Anderson lærði sjálfur
hjá kunnum japönskum trésmíða-
meistara og hefur rekið arkitekta-
stofu í Osaka. Hann hefur einnig
starfað víða um lönd og verið
kennari vid Berkeley- og Cam-
bridge-háskóla.
Michael vill gjarnan hitta áhuga-
fólk um handverkið á fyrirlestr-
inum og hægt væri að koma á sér-
stakri kynningu á japönskum
smíðaaðferðum. Fundarstjóri er
Trausti Valsson, arkitekt og skipu-
lagsfræðingur.
Sýning á
nýrri hönnun
borðbúnaðar
„BORÐUM saman við fallega búið
borð og verum lengi að því“ er yf-
irskrift sýningarinnar Borðleggj-
andi sem opnuð verður á morgun,
laugardag, kl. 16, hjá Handverki og
hönnun í Aðalstræti 12.
Þar sýna þrjár leirlistakonur og
þrír textílhönnuðir verk sín og leggja
sameiginlega á borð. Allur borðbún-
aðurinn er ný hönnun og gerður sér-
staklega af þessu tilefni.
Þær sem sýna eru: Guðlaug Hall-
dórsdóttir, Helga Pálína Brynjólfs-
dóttir, Kristín Sigfríður Garðars-
dóttir, Margrét Jónsdóttir, Ólöf Erla
Bjarnadóttir og Ragna Fróðadóttir.
Sýningin stendur til 20. maí og er
opið alla daga nema mánudaga frá
kl. 12-17. Aðgangur er ókeypis.
♦ ♦ ♦
Leiðsögn
um sýn-
ingar
Listasafn Reykjavíkur –
Hafnarhús
Sýningu breska listamanns-
ins John Isaacs í Listasafni
Reykjavíkur – Hafnarhúsi lýk-
ur á sunnudag. Viðbrögð
áhorfenda við innsetningum
Isaacs hafa jafnan verið marg-
blendin en í umræddri inn-
setningu, sem ber yfirskriftina
Eruð þið enn reið við mig?,
gefur m.a. að líta nákvæma
sjálfsmynd listamannsins, sem
þar skyggnist undir eigið yf-
irborð í orðsins fyllstu merk-
ingu. Um er að ræða högg-
mynd úr plasti þar sem bæði
húð og bein hafa verið fjar-
lægð að hluta og eftir stendur
opinn líkaminn sem virðist í
fyrstu eiga meira sameiginlegt
með læknisfræði og vísindum
en list. Leiðsögn er um sýn-
inguna á sunnudaginn kl. 16 og
jafnframt um aðrar sýningar
Hafnarhússins sem eru
Heimskaustslöndin unaðslegu:
Arfleifð Vilhjálms Stefánsson-
ar, stórsýning á verkum eftir
Bandaríkjamanninn John Bal-
dessari og sýning á verkum úr
eigu safnsins.
Steinaspil í Listasafni
Reykjavíkur –
Ásmundarsafni
Senn líður að lokum sýning-
arinnar Fjöll rímar við tröll í
Listasafni Reykjavíkur – Ás-
mundarsafni en síðasti sýning-
ardagur er 6. maí. Af því tilefni
verður boðið upp á leiðsögn og
hljóðfæraleik í safninu á morg-
un, laugardag kl. 14.
Á sýningunni gefur að líta
höggmyndir eftir Pál Guð-
mundsson frá Húsafelli sem
hann hefur hoggið úr grjótinu í
bæjargilinu við Húsafell ásamt
verkum Ásmundar Sveinsson-
ar en þeir listamenn eiga það
m.a. sameiginlegt að sækja
efnivið sinn í brunn þjóðsagna.
Ásamt leiðsögn um sýninguna
mun Páll segja gestum frá eig-
in hugmyndum og útfærslu
verka sinna, m.a. steinhörp-
unni sem verið hefur í smíðum
og stöðugri þróun í mörg ár. Í
lok leiðsagnarinnar munu
hljóðfæraleikararnir Steef Van
Oosterhaut og Herdís Jóns-
dóttir leika verk fyrir stein-
hörpu og víólu sem Áskell
Másson samdi nýlega og einn-
ig þjóðlög í eigin útsetningu.
Vortónleikar
Árnesinga-
kórsins
ÁRLEGIR vortónleikar Árnes-
ingakórsins í Reykjavík verða
haldnir í Ými, Skógarhlíð 20, á
laugardag kl. 17. Á efnisskrá kórs-
ins má m.a. sjá íslensk þjóðlög í út-
setningu Jóns Ásgeirssonar, ljóð
eftir Tómas Guðmundsson við lög
eftir ýmsa lagahöfunda, lag og ljóð
eftir Loft S. Loftsson og syrpu af
lögum úr söngleiknum Porgy og
Bess.
Einsöngvarar, úr röðum kórsins,
eru Árni Sighvatsson, Davíð Við-
arsson, Njáll Þorgeirsson og Þor-
steinn Þorsteinsson.
Kórinn hefur starfað í rúm þrjá-
tíu ár. Starfsemin hefur farið ört
vaxandi með hverju ári og kórinn
líklega aldrei komið eins oft fram
og á þessu starfsári sem er senn að
ljúka, segir stjórnandinn Sigurður
Bragason. Undirleikari er Bjarni
Þ. Jónatansson.
Ljósmyndir
hjá Ófeigi
BERGLIND Björnsdóttir ljós-
myndari opnar einkasýningu á ljós-
myndum sínum í Listhúsi Ófeigi á
Skólavörðustíg 5, á laugardag kl. 16.
Berglind hélt sína fyrstu einkasýn-
ingu vorið 2000 í Gallerí Alexie á
Manhattan í New York borg. Áður
hefur hún tekið þátt í nokkrum sam-
sýningum bæði á Íslandi og í Banda-
ríkjunum. Hún útskrifaðist árið 1994
með BA gráðu í ljósmyndun frá Ariz-
ona State University-School of Art.
Sýningin nefnist 2001 Space
Odyssey (Geimferðin 2001) og
myndinar eru bæði svart-hvítar og í
lit. Áhorfendum er boðið í ferð um
geiminn og tilgangur fararinnar er
að kanna áður óþekktar plánetur,
tungl og stjörnur. Myndinar sýna
okkur hversdagslega hluti samfélags
okkar í nýju ljósi. Sýningin stendur
til 16. maí og er opin virka daga frá
klukkan 10–18, laugardaga frá 11–16
og sunnudaga frá 13–17.
Freyjukórinn
syngur í Reyk-
holtskirkju
FREYJUKÓRINN heldur sína ár-
legu vortónleika í Reykholtskirkju á
morgun, laugardag, kl. 16. Með kórn-
um koma fram Dagný Sigurðardóttir
sópran, Halldóra Björk Friðjónsdótt-
ir sópran, Kristín M. Ágústsdóttir
sópran, Ella Björt Daníelsdóttir klar-
inett, Þorsteinn Gauti Sigurðsson
píanó. Undirleik kórsins annast þau
Steinunn Árnadóttir píanóleikari og
Haukur Gíslason kontrabassaleikari.
Stjórnandi kórsins er Zsuzsanna
Budai. Miðaverð er kr. 1000, frítt fyr-
ir börn yngri en 12 ára.
♦ ♦ ♦
♦ ♦ ♦