Morgunblaðið - 27.04.2001, Blaðsíða 62
62 FÖSTUDAGUR 27. APRÍL 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100 Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
EF ég hef skilið það orð rétt þá þýð-
ir það að einhver einstakur maður,
eða hópur manna, selur land sitt og
þjóð í hendur erlends ríkis eða
ríkjasambands. Alþingi samþykkti
inngöngu Íslands í EES án und-
angenginnar þjóðaratkvæðagreiðslu
þrátt fyrir að skrifleg áskorun hafi
komið um það frá yfir 36.000 manns.
Ég ákvað þá að segja mig úr Fram-
sóknarfélaginu hér. Ég hafði alltaf
stutt Framsóknarflokkinn og greitt
frambjóðendum hans atkvæði utan
einu sinni. Ég er ekki flokksbundinn
nú og mun neyta atkvæðis míns eins
og samviskan býður mér við næstu
kosningar til Alþingis. Ég er ein-
dreginn andstæðingur þess að Ís-
lendingar gangi í ESB. Með inn-
göngu okkar í EES glötuðum við
meira en helmingi sjálfstæðis þjóð-
arinnar eins og skýrt kom fram í til-
kynningu EFTA í dag að ef Íslend-
ingar hefðu veitt landsbyggðastyrki
á síðasta ári yrðu þeir látnir end-
urgreiða þá á þessu ári. Er hægt að
bjóða sjálfstæðri þjóð upp á svona?
Jón Baldvin Hannibalsson barðist
með allra manna mestu offorsi fyrir
því að EES samningurinn var sam-
þykktur á meðan hann sat í stjórn
með Sjálfstæðismönnum og síðan
fyrir inngöngu í ESB.
Þegar núverandi ríkisstjórn tók
við völdum voru nokkrir sem ætluðu
að halda áfram baráttu fyrir því að
við gengjum sem fyrst í ESB, og
eru ennþá nokkrir sem róa af öllum
kröftum á bæði borð þó sumir
þeirra sem fastast sækja róðurinn
kjósi að láta sem minnst á sér bera.
Svo eru það ungliðasamtök flokk-
anna sem gala sem hæst eins og oft
vill verða. Þar eru fremstir í flokki
þeir sem hafa aflað sér nokkurrar
menntunar. Ég er hræddur um að
skólakerfið sé æði gloppótt, að
minnsta kosti hvað varðar kennslu í
sögu Íslands og þá menn sem börð-
ust mest og árangursríkast fyrir
fullu sjálfstæði þjóðarinnar. Ein-
hvers staðar virðist vera pottur
brotinn.
Nú nýlega fór forsætisráðherra
Íslands til Frakklands og Brussel til
að ræða þessi mikilvægu mál, og
samkvæmt því sem hann sagði frá
töldu æðstu menn þeirra ríkja enga
þörf á því að Ísland gengi í ESB og
vona ég að þetta sé rétt frá skýrt, ég
kann Davíð bestu þakkir fyrir þessa
ferð. Auðvitað á ríkisstjórnin að
undirbúa allar tillögur sem máli
skipta varðandi sjálfstæði landsins,
en ekki Pétur og Páll úti í bæ. Eitt
sinn kom tilskipun frá EFTA um að
leyfa ekki börnum innan 16 ára að
vinna. Ég er þeirrar skoðunar að
brýna nauðsyn beri að venja börn
eftir að þau hafa náð 10 ára aldri, að
vísu byrja rólega fyrst stað en smá-
auka svo lengd vinnutímans eftir því
sem börn eldast. En mikið atriði er
að þau fái hollan og góðan mat og
nóga hvíld. Þessi börn ná meiri og
betri þroska en þau, sem sitja eða
liggja inni og glápa á sjónvarpið eða
fara í tölvuleiki. Og sumir krakkar
eru að þvælast á götunni.
SIGURÐUR LÁRUSSON,
Árskógum 20B, Egilsstöðum.
Hvað eru
landráð?
Frá Sigurði Lárussyni:
NÚ HAFA þær fregnir borizt frá
Noregi, að geislamengun í hafinu út
af ströndum landsins hafi sexfaldazt
frá árinu 1996. Orsakanna er að
leita til kjarnorkuúrgangs frá Sella-
field-stöðinni í Skotlandi. Verk-
smiðjan hefur verið þyrnir í augum
umhverfisverndarmanna á Bret-
landseyjum og nærliggjandi lönd-
um, enda hefur vítavert gáleysi í
meðferð efnanna og það ábyrgðar-
leysi að sturta þessum úrgangi í
hafið, eitt aðal-næringarforðabúr
Evrópu, gefið ærið tilefni til mót-
mæla úr öllum áttum, m.a. frá rík-
isstjórnum Noregs og Danmerkur.
Það er sennilega erfitt að benda á
nokkurt eitt mál, sem talizt geti
jafnaugljóst hagsmunamál fyrir ís-
lenzkan sjávarútveg, þegar til lengri
tíma er litið, eins og þetta umhverf-
isverndarmál í Norður-Atlantshafi.
Með sama áframhaldi er fiskistofn-
um stefnt í þá hættu að verða óhæf-
ir til manneldis, og það sjá allir hví-
líkar afleiðingar það mundi hafa
fyrir þjóðarbú okkar, sem erum
háðari fiskveiðum en flestar aðrar
þjóðir. Það almenna andvaraleysi,
sem hefur ríkt í þessu mengunar-
máli hér á landi, er allsendis ótrú-
legt, eins og sést t.d. af því, að nán-
ast ekkert hefur verið fjallað hér um
fyrrnefnda frétt frá Noregi. Vissu-
lega hefur núverandi umhverfisráð-
herra áður komið sjónarmiðum okk-
ar skelegglega á framfæri við brezk
stjórnvöld, en miklu betur má, ef
duga skal. Íslendingar ættu að nota
hvert tækifæri sem býðst, m.a. á
vettvangi Sameinuðu þjóðanna, al-
þjóða-sjávarútvegs- og matvælaráð-
stefnum, á EES-fundum og víðar, til
að mótmæla fráleitu og skammar-
legu framferði brezku stjórnarinnar
í máli þessu. Einhvern tímann var
gerð alþjóðasamþykkt um að banna
losun eiturefna út í geiminn, en ég
fæ ekki betur séð en að það væri
skaðlaust að skjóta þessum efnum
til sólar í samanburði við þá ósvinnu
að eitra fyrir sér einhverjar heil-
næmustu matvælaauðlindir mann-
kyns.
Ég vil svo láta í ljós þá von, að
fleiri kveði upp raust sína um þetta
mál, t.d. læknar, næringarfræðingar
og fiskifræðingar. En málið snertir
alla, ekki sízt börnin okkar og kom-
andi kynslóðir.
JÓN VALUR JENSSON,
cand.theol., forstöðum. Ætt-
fræðiþjónustunnar.
Mótmælum Sellafield
Frá Jóni Vali Jenssyni: