Morgunblaðið - 27.04.2001, Blaðsíða 63
BRÉF TIL BLAÐSINS
MORGUNBLAÐIÐ FÖSTUDAGUR 27. APRÍL 2001 63
Dagskrá fundarins:
1. Störf og stefna Samfylkingarinnar.
Framsaga: Össur Skarphéðinsson, formaður
Samfylkingarinnar. Umræður.
2. Lýðræðismál.
Framsaga: Bryndís Hlöðversdóttir, formaður þingflokks
Samfylkingarinnar. Umræður og afgreiðsla álytkturnar.
3. Umhverfismál – vinnan framundan.
Framsaga: Stefán Jón Hafstein. Umræður.
4. Niðurstöður kvennaþings Samfylkingarinnar.
Framsaga: Sigrún Jónsdóttir, bæjarfulltrúi. Umræður.
5. Önnur mál.
Kl. 18.30 er móttaka í nýju húsnæði flokksins
Austurstræti 14-4. hæð. Allir velkomnir.
Samfylkingarinnar
Flokksstjórnarfundur
Laugardaginn 28. apríl
verður flokksstjórnarfundur
Samfylkingarinnar haldinn á
Hótel Loftleiðum og hefst hann
kl. 13.00 og stendur til 18.00.
www.samfylking.is
Fundurinn er opinn öllu Samfylkingarfólki.
ÚTI er vor í lofti, farfuglar eru sem
óðast að koma til okkar, sól fer
hækkandi , vorið og sumarið á næsta
leyti. Páskar eru nýafstaðnir. Á um-
liðnum páskum sýndi Ríkissjónvarp-
ið okkar hið merka leikrit Sjálfstætt
fólk, og er það vel, og fyrir það vil ég
þakka. Ég sat, eins og margir aðrir,
horfði á og hreifst með. En hvað
skyldi nú þetta góða leikrit hafa með
garðyrkju að gera? Jú orð Bjarts í
Sumarhúsum, „Því er mér síðan stirt
um stef“ vöktu mig til umhugsunar
hver ég er. Kannski líður mér soldið
eins og honum þessa dagana, hann
var brúnaþungur er hann mælti
þessi fleygu orð. Ég er nefnilega
garðyrkjubóndi. Já, garðyrkjubóndi.
Um garðyrkjuna hefur verið margt
rætt og ritað undanfarið, og allt of
margt af því hefur verið bæði nei-
kvætt og hreinlega ekki sannleikan-
um samkvæmt. Mig langar í þessum
pistli mínum að deila soldið með ykk-
ur, lesendur góðir, hugrenningum
mínum, og miðla til ykkar dálítilli
þekkingu. Ég ætla ekki að fjalla hér
um skýrslu samkeppnisstofnunar
eða verðmyndun á grænmeti, það
ætla ég öðrum.
Garðyrkubændur á Íslandi eru
alls um 200, blómaræktendur eru 42
talsins, garðplöntuframleiðendur
eru um 30, kartöflubændur eru 60 og
grænmetisframleiðendur eru 72.
Bein og óbein störf sem tengjast
þessari grein eru alls u.þ.b. 1500,
hart nær allir íbúar Dalvíkur. Þegar
ég tala um bein störf meina ég bænd-
urna sjálfa og maka þeirra. Óbein
störf eru öll þau þjónustustörf tengd
greininni og störf á garðyrkjubýlunu
sjálfum yfir vor- og sumarmánuðina,
í verslunum, rafvirkjar, bílstjórar
flutningabíla, prentsmiðir, bókarar
o.fl. Allt þetta telur. Allmörg þessara
starfa eru úti á landi.
Garðyrkjubýli eru víðsvegar um
landið, má þar nefna t.d. Kleppjárns-
reyki í Borgarfirði, Laugarás í Bisk-
upstungum, Flúðir í Hrunamanna-
hreppi, Þykkvabæinn, Hveravelli í
Þingeyjarsýslu, sem er stærsta
garðyrkjustöð landsins, 2 í Eyja-
fjarðarsveit, í Skagafirði o.fl. Flúðir í
Hrunamannahreppi er um 250
manna byggðakjarni og þar og í
nærsveitum hafa menn aðallega lífs-
viðurværi sitt af garðyrkju.
Og hvað erum við svo að gera. Jú ,
við erum að framleiða hágæða úr-
valsvörur, blóm og grænmeti. Þær
eru framleiddar í vistvænu umhverfi
og notaðir til þess vistvænir orku-
gjafar, heita vatnið okkar og raf-
magnið. Grænmetið okkar er að
mestu laust við eiturefni, er ljúf-
fengt, ferskt og fallegt. Ég þori að
fullyrða að það er eitt hið besta í
heimi. Einhverjum kann að þykja
þetta sjálfshól, en svona er þetta
bara. Einu sinni kom til mín Dani og
sá hafði gert víðreist um heiminn.
Hann sagðist hvergi hafa fengið
jafnbragðmikið og gott grænmeti og
hér á landi. Megum við ekki vera
stolt af því? O jú. Þegar þið, neyt-
endur góðir, sjáið fallega íslenska
papriku, tómata eða agúrkur í búð-
inni ykkar, liggur að baki margra
mánaða vinna, heilmikil verkþekking
og kunnátta, húsakostur allnokkur
og talsvert mikill tækjabúnaður.
Þetta má alls ekki glatast. Það verð-
ur alltaf dýrara íslenska grænmetið
okkar, samanborið við grænmeti í
Evrópu.
Það er einfaldlega dýrara að fram-
leiða það hér á landi. En á móti kem-
ur að það er miklu miklu betra, og
hollara.
Samband garðyrkjubænda lét
gera markaðskönnun ekki alls fyrir
löngu. Í henni kom fram að um 40%
aðspurðra héldu að garðyrkjan væri
ríkisstyrkt, en svo er ekki, bara svo
þið vitið það.
Garðyrkjubændur! Stöndum nú
saman, eflum íslenska garðyrkju,
höldum áfram að framleiða fyrsta
flokks úrvalsvöru. Látum það ekki
gerast að einhvertíma verði það að
veruleika að enginn veit hvað átt hef-
ur fyrr en misst hefur.
„Því hvað er auður og afl og hús
ef engin jurt vex í þinni krús?“
Með virðingu og vinsemd,
ANNA SIGRÍÐUR
PÉTURSDÓTTIR,
Brúnalaug, Eyjafjarðarsveit.
Hugleið-
ingar garð-
yrkjubónda
Frá Önnu Sigríði Pétursdóttur:
Í Reykjavík hefur síðustu 10 árin
verið unnið markvisst að gerð
göngu- og hjólreiðastíga meðfram
strandlengjunni. Nú er svo komið að
samfelldur göngu- og hjólreiðastígur
liggur með svo til
allri strandlengju
Reykjavíkur öll-
um unnendum
náttúru og úti-
vistar til mikils
yndis. Á góðviðr-
isdögum, hvort
sem er að sumri
eða vetri, er ávallt
fjöldi fólks á
tveimur jafnfljót-
um, reiðhjólum eða á línuskautum að
viðra sig og njóta útiveru á göngu- og
hjólastígum við sjávarsíðuna í
Reykjavík. Allir þekkja svipmyndir
af mergð fólks á ferð við Ægisíðuna í
Reykjavík enda vinsælt myndefni
sjónvarpsstöðva er sýna líflegt
mannlíf á góðviðrisdögum í borginni.
Frá Mosfellsbæ um Reykjavík
og nágrenni
Nú þegar gerð göngu- og hjól-
reiðastígs með sjávarsíðu Reykja-
víkur er að mestu lokið er kominn
tími til að tengja saman stíga á höf-
uðborgarsvæðinu með það að augna-
miði að hægt verði að ferðast með-
fram allri strandlengju þess og að
allir eigi stutta og greiða leið í
göngu- og hjólareiðastíg. Tilvalið er
að tengja saman með stígum alla
strönd Skerjafjarðar frá Reykjavík
um Kópavog, Garðabæ og Álftanes
til Hafnarfjarðar. Úr hinni áttinni
gæti Mosfellsbær lagt stíg sem
tengdist stígum Reykjavíkur við
Korpu. Slík tenging væri mikil lyfti-
stöng fyrir alla þá sem stunda útivist
á höfuðborgarsvæðinu, göngu- og
trimmhópa og hjólreiðamenn. Þessi
hópur er ört vaxandi enda ávallt
fleiri sem vilja geta notið góðrar og
heilbrigðrar útivistar.
Auðvelt í framkvæmd
Verkefnið er ekki mjög viðamikið
miðað við þá miklu bót sem af því
hlýst og sums staðar eru þegar
komnir stígar sem aðeins þarf að
tengja saman. Leiðin frá Reykjavík
um Kópavog yfir í Garðabæ er auð-
veld í framkvæmd. Göngu- og hjól-
reiðastígur hefur þegar verið teikn-
aður um Arnarnes og auðvelt að taka
þær tillögur upp aftur. Um hluta
Arnarnesvogar liggur þegar stígur
og gert er ráð fyrir góðum stígum og
útivistarmöguleikum í framtíðartil-
lögum um nýtingu vogsins. Leiðin
áfram út á Álftanes er mjög falleg en
fara verður varlega vegna við-
kvæmrar náttúru.
Ljóst er að ef göngu- og hjólreiða-
stígar á þessu svæði verða tengdir
þá opnast gríðarmiklir og skemmti-
legir möguleikar fyrir útivistarfólk á
höfuðborgarsvæðinu. Þá myndi
verða til „höfuðborgarsvæðishring-
ur“ sem gæti verið vettvangur
keppni, æfinga og útivistar. Þessir
stígar eru þó fyrst og fremst ætlaðir
til útivistar og tengingar bæjar-
félaga en leysa ekki það aðstöðuleysi
sem þeir hjólreiðamenn sem nota
hjólið sem samgöngutæki búa við í
dag.
JÓHANN LEÓSSON,
áhugamaður um
bættar samgöngur,
Austurbrún 27, Reykjavík.
Göngu- og hjólreiðastígar
á höfuðborgarsvæðinu
Frá Jóhanni Leóssyni:
EFTIRTALDIR leikskólar
verða með opið hús laugardag-
inn 28. apríl n.k. frá kl.11-13.
Ásborg Dyngjuvegi 18
Brákarborg v/ Brákasund
Hlíðarendi v/ Laugarásveg
Hof Gullteig 19
Holtaborg Sólheimum 21
Laugaborg v/ Leirulæk
Lækjarborg v/ Leirulæk
Sunnuborg Sólheimum 19
Þar gefst fólki tækifæri til að
skoða leikskólana og kynna sér
starfsemi þeirra.
Leikskólarnir starfa allir
samkvæmt lögum um leikskóla,
en hver þeirra hefur mismun-
andi áherslur. Það getur því
verið áhugavert að kynna sér
mismunandi leiðir leikskól-
anna.
Vonandi sjá sem flestir sér
fært á að mæta og eru nýir
nemendur og foreldrar sér-
staklega boðnir velkomnir.
Opið hús