Morgunblaðið - 12.06.2001, Blaðsíða 6
Mikinn reyk lagði frá Strýtu fyrst eftir að eldurinn kom upp á laugardagskvöldið og lagði
reykinn raunar langt inn Eyjafjörð. Myndin er tekin úr Vaðlaheiði austan Akureyrar.
Séð inn í austari frystigeymsluna sem verst fór í brunanum í Strýtu á Akureyri á laug-
ardagskvöldið. Í geymslunni voru hátt í 300 tonn af óunninni rækju ásamt öðru hráefni.
Knutsen, varðstjóri hjá slökkviliðinu
sem var með þeim fyrstu á staðinn,
sagði geysimikinn eld og þykkan
reyk hafa blasað við slökkviliðinu
þegar það kom, „og það var ótrúlegt
hve eldurinn og reykurinn náðu að
magnast hratt,“ sagði hann við
Morgunblaðið.
Fjórir menn eru á vakt hjá
Slökkviliðinu á Akureyri í einu. Þeir
fóru rakleiðis á brunastað en Tómas
Búi Böðvarsson, slökkviliðsstjóri,
sagði ekki hafa verið nægan mann-
skap á staðnum í upphafi til að sækja
vatn í sjóinn og talsvert hefði þurft
að hafa fyrir því að ná í vatn. „Það
eru 200 metrar í fyrsta brunahanann
og 400 metrar í þann næsta og það
tekur talsverðan tíma að leggja
slöngurnar. Seinna fórum við með
tvær dælur niður að sjó en það tók
sinn tíma að koma þeim í gang. En
ég tel að við höfum unnið vel að ná að
hemja eldinn svona vel.“
Niðurlögum eldsins var ráðið á
rúmri klukkustund.
Aðeins eru um 30 metrar frá þeim
stað þar sem eldurinn kom upp og að
olíutönkum á athafnasvæði Essó.
Jón Knutsen sagði næsta tank við
eldinn sem betur fer hafa verið fullan
af bensíni, en það vissu slökkviliðs-
menn að vísu ekki fyrr en mesta
hættan var liðin hjá. „Hefði tankur-
inn verið hálftómur hefði hann hitn-
að mun fyrr, þrýstilokar getað opn-
ast og þá hefðum við ekki verið í
góðum málum vegna þess að neista-
flugið stóð beint í áttina að honum.“
En menn á vettvangi voru engu að
síður sammála um að norðan hafgol-
an hefði komið sér vel að þessu sinni.
Slökkviliðsstjóri sagði verulegar lík-
ur á því að mun verr hefði farið hefði
vindátt verið önnur og Aðalsteinn
Helgason tók í sama streng. „Hefði
ekki verið norðangola þá væri húsið
allt farið. Hafgolan bjargaði húsinu,“
sagði hann við Morgunblaðið á vett-
vangi á laugardagskvöldið, skömmu
eftir að slökkviliðið hafði náð tökum
á eldinum.
Hátt í 300 tonn af óunninni rækju
var í austari frystigeymslunni, sem
brann til kaldra kola, og gjöreyði-
lagðist rækjan vitaskuld. Útflutn-
ingsverðmæti þessa hefði líklega
orðið um 50 milljónir króna.
Talsvert af laxi var einnig í
geymslu í frystiklefanum, svo og
nokkuð af þorski og karfa.
Um 50 manns vinna nú í rækju-
vinnslu Samherja, en unnið er í 16
klukkustundir á sólarhring um þess-
ar mundir, á tveimur 25 manna vökt-
um.
ALLT BENDIR til þess,
að sögn Daníels Snorrason-
ar, lögreglufulltrúa hjá
rannsóknarlögreglunni á
Akureyri, að kviknað hafi í
af mannavöldum þegar
tugmilljónatjón varð í
Strýtu, landvinnslu Sam-
herja hf. á Akureyri, á
laugardagskvöldið. Þrátt
fyrir eldsvoðann var
rækjuvinnsla í fullum gangi
í gær. Fersk rækja barst til
fyrirtækisins fyrir helgi og
von er á meiri rækju til
vinnslu í vikunni.
Eldur kom upp í plast-
kössum, plastkerjum og
trépöllum austan við hús-
næði Strýtu og barst þaðan
í húsið með þeim afleiðing-
um að einn frystiklefi gjör-
eyðilagðist, mikill reykur
komst í annan en verk-
smiðjuhúsið sjálft slapp, þó
litlu hafi mátt muna, að
sögn Aðalsteins Helgason-
ar, framkvæmdastjóra fyr-
irtækisins, sem sýndi
blaðamanni aðstæður þar í
gær. „Þarna er ekkert raf-
magn eða neitt annað sem
gæti komið eldi af stað
þannig að allt bendir til
þess að hann hafi kviknað
af manna völdum. En meira get ég
ekki sagt að svo stöddu. Málið er í
rannsókn,“ sagði Daníel Snorrason
við Morgunblaðið í gær. Fulltrúar
Tryggingamiðstöðvarinnar, trygg-
ingafélags Samherja, hafa einnig
skoðað aðstæður en of snemmt er að
segja til um hve mikið tjón er að
ræða.
400 tonnum af fullunninni og
pakkaðri rækju var bjargað úr
stærri frystiklefanum, á meðan
slökkviliðið barðist við eldinn. Afurð-
unum var komið fyrir í frystigámum
hér og þar á Akureyri og á Sval-
barðseyri. Vonast er til að þær séu
óskemmdar en það kemur ekki end-
anlega í ljós fyrr en seinna í vikunni
eftir að þær hafa verið rannsakaðar
nákvæmlega.
Tilkynnt var um eldinn til Slökkvi-
liðsins á Akureyri kl. 18.49 á laug-
ardagskvöld og var það komið á stað-
inn um þremur mínútum síðar. Jón
„Hafgolan
bjargaði
húsinu“
Morgunblaðið/Skapti Hallgrímsson
Gríðarlegur hiti var í húsnæði Strýtu á meðan slökkviliðsmenn Slökkviliðsins á Akureyri börðust við eldinn á
laugardagskvöld. Hér sprautar einn þeirra á eldinn en lítur undan um stund vegna hitans.
Akureyri. Morgunblaðið.
Rækjuvinnsla hafin á ný í Strýtu
eftir tugmilljónatjón í brunanum
á laugardagskvöldið
Rækja fór hratt um færibönd í Strýtu í
gærmorgun, eins og ekkert hefði í skorist,
og starfsstúlkur fylgdust grannt með öllu.
FRÉTTIR
6 ÞRIÐJUDAGUR 12. JÚNÍ 2001 MORGUNBLAÐIÐ