Morgunblaðið - 19.06.2001, Side 13
HÖFUÐBORGARSVÆÐIÐ
14 ÞRIÐJUDAGUR 19. JÚNÍ 2001 MORGUNBLAÐIÐ
Menntaskólanum Reykjavík, hefur
spilað á píanó frá níu ára aldri. Þór-
unn er meðal annars að æfa etýðu
eftir Lutoslawsky um þessar mundir
og verk eftir Ravel. Hún segist taka
píanóleikinn í skorpum þótt sjálfsagt
hafi hún aldrei spilað jafn mikið og
hún gerir nú.
„Ég finn mikinn mun á mér,“ segir
hún. Píanónámið segir hún vera eins
og hverja aðra íþrótt. Maður setji
sér ákveðin markmið, til dæmis að
komast yfir nokkar síður af nótum á
dag, og síðan sé stefnt að þessu
markmiði og ekki gefið eftir fyrr en
því er náð. Þá setji maður sér önnur
markmið og svo koll af kolli.
Vill auka vægi fastra æfinga
Ólafur Elíasson, píanóleikari og
kennari við Tónlistarskóla Garða-
bæjar, rekur píanóskóla í sumar en
hann hefur umsjón með nemendun-
um og fylgist með því að þeir standi
sig í „vinnunni“. Auk Þórunnar og
Arngríms er Ólafur með um tíu nem-
endur í sumarskólanum sem starfar
á þann hátt að nemendur æfa sig
hver í sínu æfingaherbergi undir eft-
irliti Ólafs sem gengur á milli stofa
til að hvetja menn áfram. Auk þess
hefur hann tvo viðtalstíma á hverjum
GARÐABÆR réð á dögunum tvo af-
bragðsnemendur í píanóleik sem fá
greidd laun fyrir að æfa sig á píanó í
Tónlistarskóla bæjarins í sumar.
Nemendurnir eru Arngrímur Ei-
ríksson og Þórunn Árnadóttir.
Arngrímur er 18 ára nemandi í
Fjölbrautaskólanum í Garðabæ.
Hann byrjaði að spila á píanó 12 ára
gamall og þykir mjög efnilegur.
Arngrímur mætir alla virka daga í
tónlistarskólann um hálfellefuleytið
þar sem dagskráin er ákveðin og
dagurinn undirbúinn. Að því búnu
tekur alvara lífsins við og tekið er til
við að spila. Arngrímur var að æfa
Flug hunangsflugunnar í útgáfu
Rakhmaninovs þegar blaðamaður
fór þangað í heimsókn á dögunum.
Hver æfingartími er 40 mínútur með
hléum á milli en síðdegis segir hann
að stundum sé skroppið í sund áður
en tekið til við æfingar að nýju.
Þegar hann er spurður hvort hann
geti hugsað sér að leggja píanóleik
fyrir sig verður fátt um svör. Arn-
grímur segist hins vegar stefna á há-
skólanám en segir framtíðina alveg
óráðna í þeim efnum.
Þórunn Árnadóttir, 18 ára nemi í
degi þar sem nemendur geta leitað
til hans og beðið um aðstoð.
Ólafur líkir píanónáminu við hefð-
bundna íþróttaiðkun, til dæmis sund
eða frjálsar íþróttir.
„Það er ekki nóg bara að segja
krökkunum að fara sjálf niður á völl
og æfa sig. Það þarf að fylgja því eft-
ir að æft sé rétt og sama gildir auð-
vitað um píanónám. Markvissar æf-
ingar eru lykilinn að árangri.“
Hann segir andrúmsloftið sem
skapast við hópæfingar mjög gott.
Krakkarnir eigi miklu auðveldara
með að æfa sig þegar þeir vita hver
af öðrum í næstu herbergjum.
„Ég reyni að æfa mig jafn mikið
og þau. Ég er sjálfur að fara að taka
upp tvo píanókonserta með hljóm-
sveit í London í sumar,“ segir hann.
Ólafur leggur mikla áherslu á að
nemendur hans byrji fljótt að takast
á við „alvöru tónlist“ í píanónáminu
og spili erfið og metnaðarfull verk.
Hann segir æfingarnar sem nem-
endur hans fylgi í sumarskólanum
mjög erfiðar, sérstaklega hjá eldri
nemendum sem fylgja sömu æfinga-
áætlun og hann.
Má ekki vera hræddur
við að skapa fordæmi
Að sögn Ásdísar Höllu Bragadótt-
ur bæjarstjóra Garðabæjar átti Ólaf-
ur frumkvæðið að hugmyndinni um
sumarskólann.
„Hann leitaði til Garðabæjar um
að við kæmum að verkefninu og
styrktum með þeim hætti að við
borguðum laun fyrir þessa nemend-
ur í sumar við að æfa sig á píanó.
Sömuleiðis fengi hann að hafa tón-
listarskólann opinn til þess að hafa
fleiri nemendur þarna í æfingum í
sumar,“ segir Ásdís Halla.
Hún tekur fram að flestir nemend-
urnir séu í tónlistarnámi og einungis
Þórunn og Arngrímur þiggi laun frá
Garðabæ.
„Okkur fannst feikilega spennandi
og gaman að sjá hvað það er mikill
kraftur í skólanum og brugðumst vel
við og gerðum samning við þessa tvo
nemendur og greiðum þeim mánað-
arlaun í tvo mánuði í sumar,“ segir
Ásdís Halla.
Hún segir ákveðin skilyrði felast í
samningnum. „Í staðinn ætla þau að
spila fyrir Garðbæinga og halda all-
marga tónleika í stofnunum Garða-
bæjar,“ segir Ásdís en nemendurnir
munu hvor um sig halda að minnsta
kosti 20 tónleika.
Ásdís Halla viðurkennir fúslega að
launagreiðslur vegna píanónáms geti
skapað fordæmi. „Auðvitað getur
þetta skapað fordæmi. Hins vegar
má maður aldrei að vera svo hrædd-
ur við fordæmi að maður þori ekki að
fara í neinar nýjungar. Við treystum
okkur til þess að gera þetta núna
gagnvart þessum tveimur nemend-
um. Um framhaldið þori ég hins veg-
ar ekki að segja,“ segir hún.
Afbragðsnemendur fá greidd laun í sumar fyrir að æfa sig á píanó undir leiðsögn kennara
Spilað allt
árið um kring
Morgunblaðið/Billi
Þórunn Árnadóttir og Arngrímur Eiríksson píanónemendur ásamt
kennara sínum, Ólafi Elíassyni píanóleikara (fyrir miðju).
Morgunblaðið/Billi
Einn af nemendum Ólafs nýtur leiðsagnar í hóptíma þar sem árangur hvers og eins er metinn.
Garðabær
Lögreglan kvartar undan stöðumælasektum á lögreglubíla
Rukkun komin í inn-
heimtu lögfræðings
LÖGREGLAN í Reykjavík hefur
lagt fram kvörtun til borgaryfirvalda
vegna framferðis starfsmanna Bíla-
stæðasjóðs gagnvart lagningu
merktra lögreglubifreiða í gjald-
skyld bifreiðastæði í borginni. Brögð
hafa verið að því að stöðumælaverðir
skrifi sektarmiða á merktar lög-
reglubifreiðar.
Geir Jón Þórisson yfirlögreglu-
þjónn tók málið fyrir á fundi sam-
starfsnefndar um lögreglumálefni.
„Við höfnum því alfarið að lögregl-
an þurfi að greiða í stöðumæla á
merktum lögreglubílum,“ segir Geir
Jón.
Hann segir stöðumælasektir einn-
ig hafa verið gefnar út á ómerkta bíla
lögreglunnar en í þeim tilfellum séu
sektirnar leiðréttar eftir á og þær
felldar niður í þeim tilfellum sem það
á við.
Geir Jón segir afar mikilvægt að
lögreglan geti lagt bifreiðum sínum
eins nálægt vettvangi og unnt er.
„Það hljóta allir að vita að lögregl-
an þarf að komast á þá staði þar sem
óskað er eftir henni. Það ætti ekki að
fara fram hjá neinum um hvaða öku-
tæki er þar að ræða,“ segir hann.
Hann ítrekar að eingöngu sé verið að
mótmæla stöðumælasektum á
merkta bíla.
Geir Jón segir málið hafa marg-
sinnis verið borið upp við Bílastæða-
sjóð. Að eigin sögn hafi honum
blöskrað þegar greiðsluseðill vegna
lögreglubifreiðar var kominn í inn-
heimtu hjá lögfræðingi í kjölfar
ítrekunar á kröfu um greiðslu.
Geir Jón segir rétt lögreglunnar
til að leggja í gjaldskyld stæði, eða
eins nálægt vettvangi og unnt er án
þess að fá sektarmiða, ótvíræðan og
vill að borgaryfirvöld leiðrétti þann
miskilning sem virðist gæta meðal
starfsmanna Bílastæðasjóðs varð-
andi þann rétt.
Má leggja á gangstéttum
Að sögn Leifs Eiríkssonar, full-
trúa framkvæmdastjóra Bílastæða-
sjóðs, lítur Bílastæðasjóður svo á að
lögreglunni beri að greiða í gjald-
skyld bílastæði enda sé um að ræða
þjónustugjald fyrir notkun á bíla-
stæðunum. Auk þess hafi þeir ekki
fengið fyrirmæli um annað.
„Það er í sjálfu sér ekkert sem
segir að þeir eigi ekki að greiða
þetta. Það hefur svona gegnum-
gangandi ekki verið lagt gjald á þá.
Hins vegar virðist það fara í taug-
arnar á hinum almenna borgara ef
stöðumælavörður gengur fram hjá
merktri lögreglubifreið við gjald-
mæli sem er fallinn og leggur svo
gjald á þann næsta. Það pirrar fólk.“
Leifur segir hins vegar að tiltekið
sé í 29. gr. umferðarlaga að lögregla
sé undanþegin sektum ef lagt er í
ómerkt stæði, eins og til að mynda
upp á gangstéttir. Í þeim tilfellum
séu sektirnar leiðréttar eftir ábend-
ingu frá lögreglu.
„Þetta er orðið flóknara núna. All-
ar lögreglubifreiðar eru í eigu emb-
ættis ríkislögreglustjóra en ekki
sérstakra embætta. Ítrekanir vegna
stöðumælasekta eru sendar út sjálf-
virkt. Nú eru þær fyrst sendar til
ríkislögreglustjóra og síðan til emb-
ættanna,“ segir Leifur. Hann segir
að vegna þessa séu ítrekanir lengur
á leiðinni og þar af leiðandi taki
lengri tíma en áður að leiðrétta
stöðumælasektir. Hins vegar sé það
tilfinning Bílastæðasjóðs að ómerkt-
um lögreglubílum hafi fjölgað sem
aftur eykur á óanægju lögreglunnar
þegar slíkir bílar séu sektaðir.
Reykjavík
ÞETTA myndarlega álftapar var á
sundi með sex unga sína rétt ofan
við stífluna í Elliðaánum á dög-
unum. Faðirinn lét ófriðlega og
hvæsti þegar mannfólkið nálgaðist
enda ungviðið viðkvæmt á þessum
tíma árs.
Að sögn Jóhanns Óla Hilmars-
sonar fuglafræðings verpa álftir að
meðaltali 2–6 eggjum í einu en að
hans sögn eru þess dæmi að níu eða
tíu ungar hafi ungast út í einu
varpi. Stofninn er á bilinu 16–20
þúsund fuglar og þar af eru varp-
pör um 2.500. Jóhann segir varp-
land fuglsins ekki bundið við
ákveðna staði heldur verpi hann
þar sem aðstæður eru fyrir hendi.
Að hans sögn getur álftin átt það
til að ráðast á sauðfé og stundum
einnig á menn en slíkt sé mjög
sjaldgæft. Þegar sá gállinn er á
henni er þó vissara að vera ekki
fyrir því hún vegur um 10 kíló full-
þroska og vænghafið er tveir til
tveir og hálfur metri.
Morgunblaðið/Þuríður
Fiðruð fjölskylda
í Elliðaárdalnum
Elliðaárdalur