Morgunblaðið - 17.07.2001, Síða 19

UM 12 þúsund gestir heimsóttu
gamla bæinn í Laufási við Eyja-
fjörð síðasta sumar og er búist við
að þeir verði síst færri í ár.
Þær breytingar hafa verið gerð-
ar að Minjasafnið á Akureyri hefur
tekið við rekstri gamla bæjarins í
Laufási, en hann er í eigu Þjóð-
minjasafnsins. Héraðsnefnd Eyja-
fjarðar hefur keypt gamla
prestsbústaðinn að Laufási og af-
hent hann Minjasafninu, sem gert
hefur á honum breytingar þannig
að þar er nú rekin veitingastofa.
Ingibjörg Siglaugsdóttir staðar-
haldari í Laufási sagði að gamli
bærinn væri opin frá 15. maí ár
hvert til 15. september. Hún hefur
verið í Laufási í 10 ár og segir að á
þeim tíma hafi gestum fjölgað
jafnt og þétt. Þjónusta við ferða-
menn hafi einnig sífellt orðið
meira og nú séu mál komin í gott
horf þegar möguleiki varð á að
reka veitingastofu í gamla prest-
setrinu.
Þar er í boði þjóðlegt kaffibrauð
allan daginn og hópar (6-8 manns
minnst) geta með fyrirvara pantað
íslenska kjötsúpu sem og einnig
skyr og brauð. Alls tekur salurinn
um 40 manns í sæti og þá er einnig
hægt að njóta veitinga í garðinum
framan við húsið þegar til þess
viðrar. Unnt verður að leigja sal-
inn til mannamóta í vetur.
Bryddað hefur verið upp á ýms-
um nýjungum í starfseminni á síð-
ustu árum, m.a. að efna til starfs-
dags í júlí sem notið hefur mikilla
vinsælda og nú í lok ágúst verður
uppskerudagur þar sem unnið
verður úr slátri, berjum og fjalla-
grösum og loks er í gamla bænum
í Laufási unnið að undirbúningi
jólanna þegar að þeim dregur.
„Það er fjölmargir möguleikar
fyrir hendi hér,“ sagði Ingibjörg.
Hún sagðist ánægð með gestakom-
ur það sem af er þessu sumri, „og
mér sýnist að þær muni ekki verða
færri en í fyrra þegar hingað
komu um 12 þúsund manns.“ Af
þeim fjölda voru um 4000 farþegar
með skemmtiferðaskipum sem
hafa viðdvöl á Akureyri. „Það er
nokkuð jöfn skipting milli Íslend-
inga og útlendinga, en landsmenn
eru meira á ferðinni yfir hásum-
arið en útlendingarnir koma á öll-
um tíma, allt frá maí og fram í
september. Á þeim tíma fáum við
líka fjölda skólabarna í heimsókn,“
sagði Ingibjörg.
Gamli bærinn í Laufási við Eyjafjörð
Veitingastofa í gamla
prestsbústaðnum
Morgunblaðið/Rúnar Þór
Í veitingastofunni í gamla prestssetrinu býðst þjóðlegt kaffibrauð allan daginn og hópar
geta með fyrirvara pantað íslenska kjötsúpu.
TENGLAR
.....................................................
 Gamli bærinn í Laufási er opin frá
15. maí til 15. september frá kl. 10
til 18 daglega. Hægt er að koma og
skoða á öðrum tímum í samráði við
staðarhaldara ef haft er samband
fyrirfram. Upplýsingar má finna á
heimasíðu Minjasafnsins á Akureyri -
http://akureyri.to.museum/
FERÐALÖG
MORGUNBLAÐIÐ ÞRIÐJUDAGUR 17. JÚLÍ 2001 19
FYRRUM skólastjórabústaður á
Blönduósi hýsir nú kaffihúsið við
Árbakkann sem vakið hefur athygli
undanfarið fyrir listsýningar og
ýmsar uppákomur.
Erla Evensen eigandi ásamt Guð-
mundi Haraldssyni, segir aðsókn
hafa verið góða í sumar, útlend-
ingar gefi sér tíma til að stoppa og
en of margir Íslendingar þeysi
framhjá himinbláa kaffihúsinu á
leið norður eða suður.
Mánaðarlega eru settar upp
myndlistarsýningar í Kaffihúsinu
við Árbakkann, nú stendur yfir sýn-
ing Rebekku Gunnarsdóttur og í
ágúst verður sýning á olíukrít-
armyndum eftir Rut Rebekku Sig-
urjónsdóttur.
Meðan gestir njóta verkanna er
upplagt að gæða sér á kaffi og
köku, heimagerðum ís, brauðrétti
eða jafnvel kjarngóðri súpu dags-
ins.
Morgunblaðið/HM
Kaffihúsið við Árbakkann er opið alla daga og þar eru haldnar
ýmsar uppákomur og myndlistarsýnigar.
Kaffisopi á Blönduósi
mbl.isFRÉTTIR