Morgunblaðið - 09.08.2001, Blaðsíða 2

Viðskiptavinum Fiskbúðarinnar
Varar býðst að kaupa hrefnukjöt
á 200 krónur kílóið, en verslunin
festi í gærmorgun kaup á eins og
hálfs tonns hrefnu sem veiddist
við Grindavík í fyrrinótt. Hrefnan
eyðilagði sex netatrossur þegar
verið var að fanga hana. Hrefnan,
sem var um sex metra löng, var
verkuð í fiskbúðinni.
Morgunblaðið/Kristinn Ingvarsson
Hrefnu-
kjöt til sölu
FRÉTTIR
2 FIMMTUDAGUR 9. ÁGÚST 2001 MORGUNBLAÐIÐ
Fylgstu
með
nýjustu
fréttum
www.mbl.isDamon Johnson á ný
með Keflavík/B1
Stórsigur hjá Liverpool
í Finnlandi/B6
8 SÍÐUR12 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
Á FIMMTUDÖGUM
FJÓRIR útlendingar sem hingað
hafa komið sem burðardýr vegna
fíkniefnainnflutnings afplána nú
dóm hér á landi. Mennirnir sem um
ræðir koma víða að, frá Danmörku,
Ítalíu, Þýskalandi og Grænhöfða-
eyjum. Að auki eru þrír í gæslu-
varðhaldi vegna fíkniefnainnflutn-
ings, Breti, Pólverji og Portúgali.
Þá luku nýlega afplánun tvær
ítalskar stúlkur og ein hollensk
vegna samskonar mála. Að sögn Jó-
hanns R. Benediktssonar, sýslu-
manns á Keflavíkurflugvelli, hefur
viðlíka fjöldi erlendra fíkniefna-
smyglara aldrei áður afplánað dóm
eða setið í gæsluvarðhaldi á sama
tíma.
Jóhann segir að sjaldan hafi
komið upp jafn mörg stór fíkniefna-
mál á sama tíma sem ekki eru
tengd innbyrðis. Hins vegar hafi
menn oft áður náð stórum send-
ingum af eiturlyfjum og einhverju
minna magni í tengslum við sömu
mál. Síðast á föstudag fundust við
hefðbundið tolleftirlit í Leifsstöð
2500 e-töflur, sem rúmlega tvítugur
Portúgali hafði falið innanklæða.
Maðurinn var úrskurðaður í þriggja
vikna gæsluvarðhald og hefur fíkni-
efnadeild lögreglunnar í Reykjavík
tekið yfir rannsókn málsins. Ásgeir
Karlsson, yfirlögregluþjónn og yf-
irmaður fíkniefnadeildarinnar, sagði
að mál Portúgalans væri í skoðun
en varðist allra fregna af gangi
rannsóknarinnar.
Gríðarlegt magn af
eiturlyfjum gert upptækt
Í lok júlímánaðar var tuttugu og
tveggja ára pólsk kona handtekin
með 1600 e-töflur. Þá fundust sex
kíló af hassi í ferðatösku bresks
karlmanns er hann kom til landsins
frá Ósló um miðjan júlímánuð. Í vor
var Þjóðverji handtekinn með fimm
kíló af hassi í Leifsstöð.
„Ég veit ekki hvort fólk áttar sig
á því hvað þetta er gríðarlegt magn
af eiturlyfjum. Það er almennt talað
um að það sé góður árangur hjá
tollgæslu og lögreglu að ná 5 til
10% af eiturlyfjum í umferð,“ sagði
Jóhann.
Jóhann segir að fíkniefnadeild
Tollgæslunnar á Keflavíkurflugvelli
hafi lagt hald á hátt í 20 kíló af
hassi það sem af er þessu ári og yf-
ir 26 þúsund e-töflur. Hann segir að
sum málanna hafi verið upplýst í
samstarfi við fíkniefnadeild lögregl-
unnar í Reykjavík og að gott sam-
starf sé á milli hennar og Tollgæsl-
unnar.
Ásgeir Karlsson tekur undir orð
Jóhanns og segir samstarfið gott.
Hann segir að aukningu á magninu
sem tekið er úr umferð megi bæði
rekja til þess að innflutningur sé að
aukast en ekki síður að menn nái
betri árangri. Hann segir að fíkni-
efnainnflutningur sé betur skipu-
lagður nú en áður auk þess sem al-
gengt sé að erlendir aðilar komi
hingað sem burðardýr. Þessir aðilar
séu oft á tíðum lítt fúsir til sam-
starfs og taki á sig þungar refs-
ingar í stað þess að upplýsa um
aðra aðila sem málinu tengjast.
Æ fleiri útlendingar eiga aðild að fíkniefnamálum hér á landi
Sjö útlendingar
eru í varðhaldi
STARFSMÖNNUM Reykjagarðs á
Hellu var tilkynnt síðdegis í gær að
ákveðið hefði verið að flytja kjúkl-
ingaslátrun og -pökkun fyrirtækis-
ins, sem starfrækt hefur verið á
Hellu, í kjúklingastöð Ferskra kjúkl-
inga í Mosfellsbæ. Ráðgert er að
flutningurinn eigi sér stað seinni
hluta þessa mánaðar.
Í fréttatilkynningu frá Reykja-
garði segir að um 70 stöðugildi séu
nú hjá fyrirtækinu á Hellu, þar með
taldir um 20 sumarstarfsmenn og er-
lendir starfsmenn sem hafa fengið
tímabundið starfsleyfi hér á landi.
Öllum ætti að bjóðast starf
Guðmundur Guðmundsson,
stjórnarformaður Reykjagarðs, seg-
ir að ákveðið hafi verið að bjóða um
20 starfsmannanna starf við slátr-
unina í Mosfellsbæ og að samninga-
viðræður séu langt komnar við fjár-
festa úr röðum heimamanna um
kaup á húsnæði og vélum fyrirtæk-
isins á Hellu til að starfrækja kjöt-
vinnslu, þar sem 20–25 starfsmönn-
um ætti að bjóðast starf. Guðmundur
segir að Sláturfélag Suðurlands á
Hvolsvelli hafi boðið öllum starfs-
mönnum Reykjagarðs sem vilja
vinnu, þannig að öllum ætti að bjóð-
ast starf á svæðinu.
Guðmundur segir að meginástæða
þess að ákveðið var að flytja starf-
semina hafi verið sú að þurft hefði að
ráðast í miklar fjárfestingar og end-
urbætur á húsnæði fyrirtækisins á
Hellu sem er ríflega 20 ára. Einnig
hefði þurft að endurnýja tækjabúnað
sem ekki hefði verið hagkvæmt.
Ennfremur segir hann að með til-
komu kjúklingastöðvarinnar í Mos-
fellsbæ hafi Reykjagarðsmenn misst
verkefni frá Móum og öðrum fyrir-
tækjum sem þeir hafi haft í tólf ár.
Eins og fyrr segir eru viðræður
við heimamenn um kaup á húsnæð-
inu og búnaðinum langt komnar og
stendur til að reka þar kjötvinnslu.
Það kann að virðast öfugsnúið að
kjúklingi sé slátrað og kjötinu pakk-
að í Mosfellsbæ en kjötið unnið á
Hellu. Guðmundur segir að aðeins
vinnsluefni, þ.e. læri og annað sem til
fellur, verði flutt austur þar sem
kjúklingaálegg, pylsur og annað
þess háttar verði framleitt. „Þetta er
í rauninni deild sem hefur mátt búa
við lítið rými og fá tækifæri. Menn
hafa miklar væntingar til kjötvinnsl-
unnar.“
Um 50–60 starfsmenn mættu á
fundinn á Hellu í gær. Guðmundur
segir að fólk hafi tekið þessum frétt-
um misjafnlega og sumir hafi verið
mjög óánægðir. Hann segist þó telja
að fólk sé ánægt með að nú sé búið að
létta af því óvissuástandi um framtíð
fyrirtækisins sem ríkt hefur í nokkur
misseri. Hann bendir á að áður hafi
verið hugmyndir um að flytja starf-
semina, jarðskjálftarnir í fyrrasum-
ar hafi sett strik í reikninginn og
margir starfsmenn hafi aðeins verið
með örugga vinnu mánuð fram í tím-
ann um langt skeið.
Þungt hljóð í mönnum
Guðmundur I. Gunnlaugsson,
sveitarstjóri Rangárvallahrepps,
segir að þungt hljóð sé í heimamönn-
um þótt fréttirnar hafi ekki verið al-
veg óvæntar. „Það eru talsverðar að-
gerðir í gangi til að milda áfallið eins
og hægt er fyrir það fólk sem í lend-
ir. Maður vonar að það takist bæri-
lega,“ segir hann. Fyrir skemmstu
sagði Goði upp öllu starfsfólki sínu á
Hellu, um tíu manns. „Þetta hefur
allt dunið yfir á sama tíma og gerir
það ástandið ekki betra,“ segir Guð-
mundur. Hann segir að heimamenn
séu einnig að kanna möguleika á að
kaupa sláturhúsið af Goða og halda
áfram starfsemi eins og í Reykja-
garði. „Það er verið að vinna í hvoru
tveggja og við vonum að eitthvað
rætist úr,“ sagði Guðmundur.
Reykjagarður flytur slátrun og pökkun til Mosfellsbæjar
Starfsemi fyrirtækis-
ins lögð niður á Hellu
ÖKUMAÐUR
vélhjóls, sem slas-
aðist alvarlega í
slysi á Vestur-
landsvegi við Brú-
artorg í Borgar-
nesi 24. júní
síðastliðinn, lést á
gjörgæsludeild
Landspítalans í
Fossvogi í gær af
völdum áverka er
hann hlaut í slysinu. Hinn látni hét
Sigurður Árni Sigurbergsson, til
heimilis á Háaleitisbraut 30 í Reykja-
vík. Sigurður var 44 ára að aldri, vél-
virki að mennt. Hann lætur eftir sig
eiginkonu og fjögur börn á aldrinum
9–23 ára. Sonur Sigurðar var með
honum á hjólinu þegar slysið átti sér
stað en slasaðist ekki alvarlega.
Lést eftir
vélhjólaslys
Sigurður Árni
Sigurbergsson
♦ ♦ ♦
Vörubíll sleit
rafstreng
RAFMAGN fór af fjórum bæjum
skammt vestan Borgarness eftir að
vörubíll sleit þar loftlínustreng síð-
degis í gær. Engan sakaði og vöru-
bíllinn skemmdist ekki, að sögn lög-
reglunnar í Borgarnesi. Viðgerð á
strengnum lauk í gærkvöldi og raf-
magn komst á að nýju á bæjunum.
Vegaframkvæmdir standa yfir við
bæinn Þursstaði og slitnaði línan við
það að vörubíllinn rak pallinn í lín-
una. Annar endi línunnar fór í jörð-
ina og við það kviknaði eldur í jarð-
vegi, sem slökkvilið slökkti.
Fallist
á höfn í
Reyðarfirði
SKIPULAGSSTOFNUN hefur
fallist á fyrirhugaða byggingu hafn-
ar við iðnaðarsvæði á Hrauni í
Reyðarfirði en höfnin tengist fyr-
irhugaðri byggingu álvers í firð-
inum. Telur stofnunin að höfnin
muni ekki hafa í för með sér um-
talsverð umhverfisáhrif. Hægt er
að kæra úrskurð Skipulagsstofnun-
ar til umhverfisráðherra og er
kærufrestur til 12. september.
Í úrskurði Skipulagsstofnunar
segir að höfnin verði byggð í tveim-
ur áföngum, en markmiðið með
framkvæmdum er að skapa aðstæð-
ur til uppskipunar á hráefni og
vörum fyrir fyrirhugað álver í
Reyðarfirði og til útskipunar á full-
unnum afurðum.
♦ ♦ ♦