Morgunblaðið - 09.08.2001, Blaðsíða 14

AKUREYRI
14 FIMMTUDAGUR 9. ÁGÚST 2001 MORGUNBLAÐIÐ
JÓN M. Ragnarsson versl-
unarstjóri í Joe’s á Akureyri mátti
spretta úr spori til að hafa uppi á
ungu pari sem staðið var að því að
stela vörum í verslun hans sl.
þriðjudag. Jón hljóp fólkið uppi og
tókst að ná af þeim vörum sem það
hafði tekið ófrjálsri hendi.
Þessa dagana stendur yfir út-
sala í verslun Joe’s og hefur tölu-
verðu af útsöluvörum verið stillt
upp á pallinum fyrir utan sjálfa
verslunina. Jóhann Norfjörð for-
svarsmaður Borgarbíós starfar í
næsta húsi við Joe’s og hann var
að tala í síma á skrifstofu sinni og
fylgjast með fólki skoða vörurnar
á pallinum út um gluggann. Þá tók
hann eftir því að konan stakk
skyrtu í tösku sína sem hún hafði
áður lagt á manninn, svona rétt að
athuga hvort stærðin væri rétt.
Einnig hafði hann séð konuna fara
með tvær skyrtur í bíl sem þau
skötuhjú voru á og lagt hafði verið
skammt frá versluninni. Jóhann sá
til þess að Jón verslunarstjóri
fengi að vita af framferði kon-
unnar og gekk Jón með símann út
á pallinn og fékk greinargóða lýs-
ingu á konunni. Jón gekk strax að
bílnum úti á bílastæði og kíkti inn
um rúðurnar í leit að þýfi.
Sá hann þá hvar konan fór að
ókyrrast á pallinum og fljótlega
kallaði hún á manninn og saman
tóku þau á rás fyrir hornið á versl-
uninni. „Ég hljóp á eftir þeim í átt
að Sjallanum og fann þar eina
skyrtu á bak við ruslagám. Ég
hljóp svo áfram á eftir þeim suður
Geislagötu og niður hjá Stjörnusól
þar sem mér tókst að stöðva þau.
Þar vildi ég fá að skoða í tösku
konunnar og eins í bílinn en þau
neituðu því. Ég sagði þá konunni
að sést hefði til hennar á pallinum
og þar sem ég var enn með símann
í höndunum hótaði ég að hringja á
lögregluna. Ég sagði þeim jafn-
framt að ef ég fengi mínar vörur
aftur myndi ég ekki leggja fram
kæru.
Skyrtur og stakkur í bílnum
Þá loks fékk ég að skoða í
töskuna og bílinn og þar komu í
ljós tvær skyrtur til viðbótar undir
handklæði í aftursætinu og þessi
fíni stakkur í skottinu.“
Jón sagðist hafa staðið við orð
sín og ekki lagt fram kæru en til-
kynnt um atburðinn til lögreglu
og m.a. gefið upp númer bílsins
sem skráður er á höfuðborgar-
svæðinu.
Bíræfnir þjófar á útsölu í fataverslun á Akureyri
Morgunblaðið/Kristján
Jón M. Ragnarsson með stakkinn góða sem stolið var úr verslun hans.
Verslunar-
stjórinn
hljóp þjóf-
ana uppi
ÞAÐ verður mikið um að vera á Dal-
vík laugardaginn 11. ágúst nk. en þá
ætla fiskverkendur og tengdir aðilar
í Dalvíkurbyggð að halda Fiskidag-
inn mikla og bjóða öllum í mat.
Markmiðið með deginum er að fá
sem flesta landsmenn til bæjarins,
borða fisk og eyða góðum degi sam-
an.
Hátíðin fer fram á Ránarbrautinni
á Dalvík og stendur frá kl. 11.00 til
17.00. Þar verður komið upp sviði og
mun skemmtidagskrá í höndum
heimamanna rúlla þar allan daginn.
Yfirkokkur Fiskidagsins mikla verð-
ur Úlfar Eysteinsson, kokkur á
Þremur frökkum í Reykjavík, en
honum til aðstoðar verður 30 manna
grillsveit.
Skemmtidagskrá með
óvæntum leyninúmerum
Júlíus Júlíusson framkvæmda-
stjóri hátíðarinnar sagði að viðbrögð
landsmanna hafi verið góð og hann á
von á miklum fjölda gesta til bæj-
arins og þá ekki síst brottfluttum
Dalvíkingum. „Við munum bjóða
upp á sjö fiskrétti og þar af Afríku-
súpuna sem ekki hefur boðist áður
og rétt með lúðu frá Fiskeldi Eyja-
fjarðar. Auk þess munum við bjóða
upp á skemmtidagskrá allan daginn
og þá m.a. með óvæntum leyninúm-
erum.“
Júlíus sagði að jafnframt yrði boð-
ið upp á siglingu um Eyjafjörðinn
með ferjunni Sæfara á hálftíma
fresti, Sæplast byði upp á 1.000 kerja
völundarhús fyrir börnin á lóð sinni
og þá myndu alls kyns fígúrur heim-
sækja svæðið. Júlíus sagði að öll dag-
skráin væri ókeypis og einnig væri
frítt á tjaldsvæðið fyrir þá sem vilja
stoppa lengur. Sérstakt lag hefur
verið samið og heitir það „Fiskidag-
urinn mikli“ og er eftir Friðrik Ómar
Hjörleifsson skemmtanastjóra há-
tíðarinnar en textinn er eftir Gunnar
Þór Þórisson.
Veðrið verður
gott um helgina
Þá verður ýmislegt annað um að
vera á Dalvík um helgina, knatt-
spyrnuleikur í 1. deild á föstudags-
kvöld sem og leiksýning á Kaffi
Menningu. Á laugardag fer fram
knattspyrnumót í 6. flokki og árlegt
kvennamót í golfi. Sýning er opin á
Grund í Svarfaðardal, Byggðasafnið
verður opið lengur um helgina og
sundlaugin mun skarta sínu feg-
ursta.
Júlíus, sem hefur umsjón með hin-
um landsfræga Veðurklúbbi á
Dalbæ, sagði aðspurður um veðrið:
„Veðrið verður mjög gott um
helgina. Ég er bæði búinn að ræða
við mína menn í Veðurklúbbnum
sem segja útlitið gott og aldrei þessu
vant segir Veðurstofan það líka.“
Fiskidagurinn mikli verður haldinn á Dalvík á laugardag
Fiskverkendur bjóða öll-
um gestum sínum í mat

  



 
      
 
    
  ! "  
#
      !
$%# & %! $ ! 
'() 
 $ #  * +  ,  - ## .%
/ 01   %   ),2 444!! ) %      
 
 5 2 67     89& &6!
+     &! %/!
    :- 
  ### 0%&9
&!
2 !
Á SJÖUNDA Tuborg-djassi í
Deiglunni á Heitum fimmtudegi 9.
ágúst, kl. 21.30, leikur djasstríó
skipað þeim Jóni Páli Bjarnasyni á
gítar, Birki Frey Matthíassyni á
trompet og flugelhorn ásamt Ólafi
Agli Stolzenwald kontrabassa
Tríóið heitir „Jasstríó Óla Stolz“
og í því koma saman og spila þrjár
kynslóðir djassleikara. Þeirra
þekktastur er sá elsti, gítarleikar-
inn Jón Páll Bjarnason, sem starf-
að hefur um árabil í Bandaríkj-
unum og verið í fremstu röð
djassgítarleikara í heiminum.
Yngstur er Birkir Freyr sem er að
öðlast meiri og meiri viðurkenn-
ingu sem okkar skærasta stjarna á
djasstrompetinn. Sá sem leiðir og
tríóið er kennt við, Óli Stolzenwald,
er mikilsmetinn sem kontrabassa-
leikari.
Hrært verður í súpu sígildra
djassnúmera og lög leikin eftir
ólíka höfunda svo sem Benny Gol-
son, Clifford Brown, Charlie Park-
er og fleiri. Tríóið varð til í kring-
um þorra og lék á Múlanum
djassklúbbi sl. vor.
Styrktaraðilar Jazzklúbbs Akur-
eyrar eru: Akureyrarbær, Café
Karolína, Sparisjóður Norðlend-
inga, Útgerðarfélag Akureyringa,
Menningarsjóður FÍH, Norður-
mjólk, Kristján Víkingsson, Bún-
aðarbankinn á Akureyri og Ís-
landsbankinn á Akureyri.
Aðgangseyrir er kr. 500.
Jasstríó Óla Stolz
spilar í Deiglunni
Á SUNNUDAGINN var helgistund í
hraunhvelfingu þeirri sem kennd er
við kirkju í Dimmuborgum. Sóknar-
presturinn okkar, Sr. Örnólfur, stóð
fyrir athöfninni en þar komu fram
auk hans Margrét Bóasdóttir söng-
kona, Ásmundur Kristjánsson sem
las ritningarorð og Valmar Valjaots
sem lék á fiðlu.
Um 80 gestir voru við athöfnina.
Þetta er annað árið sem boðið er upp
á athöfn sem þessa í Dimmuborgum
um verslunarmannahelgi og er
ánægjulegur atburður. Á laugardag-
inn var messa á Víðirhóli sem er ein af
sóknarkirkjum Sr. Örnólfs. Þar fékk
fámennur söfnuður Fjöllunga sína ár-
legu guðsþjónustu og gefin voru sam-
an ein hjón. Fjölmenni var við athöfn-
ina þar sem Laufey Sigurðardóttir
lék á fiðlu en Kristín Axelsdóttir í
Grímstungu og Hlín Torfadóttir á
Dalvík léku á orgelið, söfnuðurinn
söng. Brúðkaupsveisla var í tjaldi á
túninu á Víðirhóli að athöfn lokinni.
Helgihald í Dimmuborgum
Mývatnssveit