Morgunblaðið - 09.08.2001, Blaðsíða 31

UMRÆÐAN
MORGUNBLAÐIÐ FIMMTUDAGUR 9. ÁGÚST 2001 31
sínar aftur í stríðslok þegar ekki var
lengur þörf á breskum hernaðar-
mannvirkjum í borginni og komin á
lögformleg ríkisstjórn Íslendinga?
Hvað hefur íslenska ríkið haft miklar
tekjur af þessu illa fengna landi frá
stríðslokum og til dagsins í dag? Af
hverju í ósköpunum er fólkinu ekki
fengið landið sitt aftur núna þegar
yfirvöld hafa loksins ákveðið að
leggja gamla herflugvöllinn niður?
Landstjórnin getur þá hirt aftur
„skaðabæturnar“ sínar í skiptimynt.
Og hvernig dettur Reykjavíkurlist-
anum í hug að hann geti vaðið inn á
lendur manna og lóðir til að reisa þar
einhver hús eftir eigin höfði?
Vatnsmýrin og Magnús
Leópoldsson
Margt hefur breyst frá stríðslok-
um og öldin er önnur á Íslandi. Lögin
um upptöku gamalla mála sem
kennd eru við Magnús Leópoldsson
eru góð vísbending um nýtt og betra
hugarfar í stjórnsýslu landsins og
sáttastreng í hjörtum manna. Lögin
eru bæði dómsmálaráðherra og rík-
isstjórn landsins til sóma. Eignar-
námið í Vatnsmýrinni er hins vegar
ofbeldi gegn friðhelgi heimilisins af
verstu tegund þótt málavextir séu
aðrir en Magnús mátti þola. Niður-
læging fjölskyldunnar nær hámarki
þegar hún má horfa á eftir heimili
sínu undir erlendan herflugvöll eða á
vörubílspalli á leið út í bæ. Andblær
nýrrar aldar hvetur eindregið til að
gerðar séu upp gamlar sakir frekar
en grafa þær áfram í jörðu. Leysa
fjölskyldurnar úr ánauð og gömlu
landstjórnina úr herfjötrum. Nú-
tímaviðhorf bjóða að fólkið fái lendur
sínar aftur ef því býður svo við að
horfa og getur þá ráðstafað þeim
sjálft undir húsbyggingar ef það vill.
Stríðsglæpir falla ekki á tíma eins og
sagan kennir okkur á hverjum degi.
Höfundur er fyrrverandi
varaborgarfulltrúi og þingmaður
Reykvíkinga.