Morgunblaðið - 09.08.2001, Side 4

FRÉTTIR
4 FIMMTUDAGUR 9. ÁGÚST 2001 MORGUNBLAÐIÐ
SAMKVÆMT nýrri könnun Gallup,
sem gerð var í júlí, helst fylgi stjórn-
málaflokkanna nokkuð stöðugt ef frá
er talið fylgi Sjálfstæðisflokksins
sem eykst eftir niðursveiflu síðasta
mánaðar og mælist nú 41%. Fylgi
Framsóknarflokksins mælist 14%
sem er prósenti minna en í júní sl.
Stuðningur við ríkisstjórn Davíðs
Oddssonar fer úr 57% í júnímánuði
niður í 55% nú.
Samfylkingin hefur stuðning 20%
kjósenda, sem er hið sama og í fyrri
könnun, og Vinstri hreyfingin –
grænt framboð hefur stuðning 23%
kjósenda. Frjálslyndi flokkurinn
mælist með 2% fylgi líkt og áður.
Málefni Árna
höfðu áhrif
Í Þjóðarpúlsi Gallups kemur fram
að fyrirtækinu hafi leikið forvitni á
að vita hvort umræðan um fjárreiðu-
mál Árna Johnsen, fyrrverandi þing-
manns Sjálfstæðisflokksins, hefði
áhrif á fylgi flokksins. Í ljós kom að
fylgi flokksins var meira áður en um-
fjöllun um mál Árna birtist í fjölmiðl-
um en meðan á umræðunni stóð,
munaði þar fjórum prósentustigum.
Fylgi VG jókst hins vegar er leið á
júlímánuð og telja könnuðir Gallups
bein tengsl ekki þurfa að vera þarna
á milli. Fylgi annarra flokka var
jafnt allan mánuðinn.
Gallup mældi jafnframt ánægju
landsmanna með störf ráðherra
Framsóknarflokksins. Í ljós kom að
ánægjan jókst með alla ráðherrana,
nema hvað að Jón Kristjánsson heil-
brigðisráðherra var „mældur“ í
fyrsta sinn. Hafnaði hann í þriðja
sæti þar sem 46% kjósenda sögðust
vera ánægð með störf Jóns. Sem fyrr
varð Halldór Ásgrímsson, utanríkis-
ráðherra og formaður flokksins,
efstur í ánægjumælingunni með
57%, sem er nokkur aukning frá síð-
ustu mælingu í desember í fyrra
þegar 51% kjósenda lýsti sig ánægt
með störf Halldórs. Næstur kom
Guðni Ágústsson landbúnaðarráð-
herra í röðinni en 51% kjósenda
sagðist ánægt með hann. Á eftir Jóni
Kristjánssyni koma Siv Friðleifs-
dóttir umhverfisráðherra (42,4%),
Valgerður Sverrisdóttir iðnaðar- og
viðskiptaráðherra (41,8%) og minnst
ánægja er með störf Páls Pétursson-
ar félagsmálaráðherra, eða 32,4%.
Ánægja framsóknarmanna með Pál
hefur þó aukist verulega frá því í
fyrra, eða úr 28% í 56,5%.
Könnun Gallup í júlí
Sveiflur í
fylgi Sjálf-
stæðis-
flokksins
SIV Friðleifsdóttir, umhverfisráð-
herra, heimsótti í gær þjóðgarðinn í
Jökulsárgljúfrum, þar sem hún
kynnti sér þá þjónustu, sem þar er
boðið upp á og starf landvarða, en í
ár heldur landvarðafélagið upp á 30
ára afmæli sitt. Stóð meðal annars til
að ganga um Ásbyrgi, að Hljóða-
klettum og skoða Dettifoss. Siv hef-
ur ekki fyrr komið í þjóðgarðinn í
Jökulsárgljúfrum í embætti um-
hverfisráðherra, en hún hefur þegar
sótt Skaftafell heim og í fyrra ferð-
aðist hún um friðlýst svæði á hálend-
inu og hitti landverði þar. Segir hún,
að sem umhverfisráðherra vilji hún
koma á öll friðlýst svæði og hitta
starfsfólk þar og einnig vilji hún
vegna afmælis landvarðafélagsins
hitta landverði og kynna sér störf
þeirra.
Þjónustugjald stendur
undir rekstrinum
Siv er nýkomin frá Kanada, en
þangað fór hún í boði David And-
erson, umhverfisráðherra Kanada,
til að kynna sér starf Kanadamanna í
málefnum þjóðgarða. Í ferðinni
heimsótti hún fjóra þjóðgarða, Pacif-
ic Rim á Vancouver eyju á vestur-
strönd Kanada, Jasper og Banff í
Klettafjöllum og Gros Morne á Ný-
fundnalandi. Banff er elsti þjóðgarð-
ur Kanada, stofnaður 1885, en í land-
inu eru nú 39 þjóðgarðar.
Að sögn Sivjar fékk hún í öllum
þjóðgörðunum mjög góðar upplýs-
ingar frá þjóðgarðs- og landvörðum
og fræðslu um stefnumótun í þjóð-
görðunum og hvernig þeir stýra um-
ferð fólks um þá, en hún hafði óskað
sérstaklega eftir því að fá upplýsing-
ar um það. Það, sem að sögn Sivjar
var hvað athygliverðast varðandi
rekstur þjóðgarða í Kanada, er að
krafist er aðgangseyris eða þjón-
ustugjalds. Einnig verða þeir, sem
bjóða upp á þjónustu fyrir gesti þjóð-
garðanna, að greiða fyrir „leigu“ á
rekstrarleyfi, en hægt er að gera
samning um slíkt leyfi til mislangs
tíma. Innheimta aðgangseyrisins og
greiðslna fyrir rekstrarleyfi gerir
stóru þjóðgörðunum, eins og Jasper
og Banff, kleift að standa undir sér
rekstrarlega. Hvor tekjuliðurinn um
sig dekkar um helming rekstrar-
kostnaðar garðanna. Minni þjóð-
garðar, eins og Pacific Rim og Gros
Morne verða hins vegar einnig að fá
framlög frá stjórnvöldum.
Aðspurð kvaðst Siv ekki velkjast í
vafa um að í framtíðinni muni inn-
heimt þjónustugjald af gestum þjóð-
garða á Íslandi. „Það er alveg ljóst í
mínum huga, að við munum taka upp
þjónustugjald, til dæmis á þeim stöð-
um, sem mikill fjöldi fer um, til þess
að geta sinnt betur rekstri slíkra
svæða,“ sagði Siv. Hún bendir á, að í
nýlegri skýrslu OECD um umhverf-
ismál á Íslandi sé lögð áhersla á mik-
ilvægi þess að taka upp þjónustu-
gjöld á fjölsóttum ferðamannasvæð-
um.
„Þetta var skoðað fyrir stuttu síð-
an í nefnd á okkar vegum, en það var
ekki samstaða um að taka upp slík
þjónustugjöld að sinni. Það var tals-
verð andstaða, til dæmis hjá ferða-
þjónustunni. En við munum skoða
þetta í framtíðinni.“
Viss vandkvæði eru fylgjandi
gjaldtöku hér á landi, sem ekki eru
til staðar í Kanada. Til dæmis nefnir
Siv nauðsyn þess að girða viðkom-
andi svæði af, til að geta haft stjórn á
umferð fólks um þau. Á okkar bera
landi séu slíkar girðingar mörgum
þyrnir í auga en í Kanada sé hægur
vandi að fela þær í skóglendi.
Markaðstækifæri
í náttúruvernd
Þjóðgarðurinn Snæfellsjökull var
opnaður 28. júní sl. og á næsta ári,
sem SÞ hafa lýst alþjóðaár fjalla,
mun gervöll jökulhetta Vatnajökuls
verða lýst þjóðgarður og verða
stærsti þjóðgarður í Evrópu. Siv er
þeirrar skoðunar að t.d. það, að lýsa
Vatnajökul þjóðgarð styrki ferða-
þjónustuna, menn muni geta nýtt sér
það í markaðssetningu, að Vatnajök-
ull verði stærsti þjóðgarður í Evrópu
og eini staðurinn á jörðinni, sem
sameinar jökul og virkar gosstöðvar.
Siv segir, að Íslendingar standi á
krossgötum í málefnum þjóðgarða
og náttúruverndar á Íslandi. Það
mikilvægasta, sem hún hafi lært í
ferð sinni til Kanada hafi verið, að
það gangi vel, að láta fólk greiða fyr-
ir aðgang að þjóðgörðunum og gestir
telji það sjálfsagt, enda fái það að-
stöðu til að ganga um svæðið, þjón-
ustu og fræðslu, og vel sé hugað að
öryggismálum. Hún er þeirrar skoð-
unar, að hér á Íslandi þurfi breiðari
samstarfsvettvang um málefni þjóð-
garðanna og friðlýstra svæða. „Og
ég mun sérstaklega skoða það mál í
framhaldi af þessari ferð, með hvaða
hætti við munum skapa þennan
breiða samstarfsvettvang, til að geta
eflt ferðaþjónustu og bæði hagsmuni
náttúrunnar og heimamanna.“
Siv Friðleifsdóttir umhverfisráðherra í Jökulsárgljúfrum
Þjónustugjald í þjóðgörð-
um lagt á í framtíðinni
Morgunblaðið/Hafþór Hreiðarsson
Siv Friðleifsdóttir umhverfisráðherra hitti m.a. Kára Kristjánsson land-
vörð á ferð sinni í Jökulsárgljúfur í gær.
ÁTTA ára strákur, Sverrir Krist-
insson, gerði sér lítið fyrir og setti í
18 punda hæng í Dagmálahyl á
efsta svæði Stóru-Laxár í Hrepp-
um fyrir fáeinum dögum. Laxinn
var svo sterkur og lét svo ófriðlega
að faðir drengsins, Kristinn Sæ-
mundsson, þurfti að grípa í taum-
ana. Yfirleitt er það öfugt, þ.e.a.s.
foreldri setur í laxinn sem ungviðið
síðan þreytir og landar. Þetta er í
annað skipti í sumar sem krakkarn-
ir snúa dæminu við, en fyrr í sumar
setti sjö ára drengur í 20 punda lax
í Svalbarðsá.
„Þetta var jólagjöf Sverris, hann
fór með mér fyrir þremur árum og
var alveg bergnuminn yfir þessu
svæði. Talaði alltaf um að fá að fara
aftur, þannig að draumurinn var
látinn rætast núna. Við fengum tvo
aðra laxa, 12 punda í Heimahyljum
og 10 punda á Horni. Sá stóri tók
maðk og var veiddur með flotholti,
löngum taumi og sökku,“ sagði
Kristinn, faðir stórveiðimannsins, í
samtali við Morgunblaðið.
Fín veiði var í Bíldsfelli í Soginu
síðastliðinn sunnudag, átta laxar
komu á land og voru sjö þeirra grá-
lúsugir. Einn þessara laxa var 19
punda hængur sem tók rauða
Frances númer 10 á Neðra-Horni.
Stærsti laxinn úr Soginu í sumar.
Góður gangur í Langá
„Við kvörtum ekki, það voru
komnir 840 laxar á land á hádegi í
dag og 330 hafa farið um teljarann.
Allar tölur stemma við sumarið
1999 þegar áin náði 1.600 laxa
heildarveiði. Það var stórstreymt
um helgina og það kom slatti af nýj-
um laxi, engar stórgöngur, en það
voru að koma lúsugir laxar víða á
land. Það er mikill lax í ánni og
horfur góðar, enda erum við enn
með gott vatn þótt langt sé orðið
síðan síðast rigndi að gagni,“ sagði
Ingvi Hrafn Jónsson, leigutaki
Langár, í gærdag.
Fréttir úr ýmsum áttum
Þær fregnir berast að Blanda sé
að losa 1.000 laxa og er það með
ólíkindum í ljósi þess hve slakar
aðrar ár á Norðurlandi hafa verið í
sumar.
Álftá er komin yfir 100 laxa að
sögn Dags Garðarssonar, eins
leigutaka árinnar, og er talsvert af
laxi og sæmilegt vatn enn sem kom-
ið er.
Gljúfurá er í hægagangi, þar
voru komnir 58 laxar á land eftir
helgina, holl sem þá var í ánni særði
upp tvo laxa, en tvö síðustu hollin á
undan „núlluðu“ eins og veiðimenn
komast að orði og þarf vart þýð-
ingar við.
Um 250 laxar eru komnir úr Hít-
ará og er það nokkuð gott. Besta
hollið náði tæplega 40 löxum, en
önnur holl hafa verið talsvert lægri,
en með prýðisafla þó.
Feðgarnir Sverrir Kristinsson t.v. og Kristinn Sæmundsson, með lax-
ana þrjá úr Stóru Laxá. Sverrir er að vonum stoltur með feng sinn.
Átta ára setti í
18 punda lax
ERU
ÞEIR AÐ
FÁ’ANN?
REYKJAVÍKURLISTINN, R-list-
inn, hefur marktækt meira fylgi með-
al kjósenda í Reykjavík en D-listinn
ef marka má niðurstöðu nýrrar könn-
unar Gallup, sem gerð var í júlí sl. Þá
mældist R-listinn með 54% fylgi en
Sjálfstæðisflokkur með 46%.
Þegar Gallup gerði sambærilega
könnun í maí sl. var nokkuð mjótt á
mununum en þó R-listanum í hag,
sem þá var með 50,9% fylgi og Sjálf-
stæðisflokkurinn 49,1%. Í júníkönn-
uninni fór fylgi R-lista í 53,3% og D-
lista niður í 46,7%. Samkvæmt upp-
lýsingum frá Gallup sækir D-listi
fylgi sitt nú frekar til karla en kvenna
og hefur sterkastan stuðning hjá
yngsta hópnum en minnstan stuðn-
ing í hópi elstu kjósenda. R-listinn
hefur aftur á móti meiri stuðning
meðal kvenna en karla og hefur mest-
an stuðning í elsta hópnum en minnst
fylgi hjá yngstu kjósendunum.
Gallupkönnun
R-listinn með
54% fylgi
í borginni
♦ ♦ ♦