Morgunblaðið - 09.08.2001, Blaðsíða 20

ERLENT
20 FIMMTUDAGUR 9. ÁGÚST 2001 MORGUNBLAÐIÐ
ÞRÍR menn létust í hörðum árekstri
í jarðgöngum í Austurríki í gær. Þá
voru ekki liðnir nema tveir dagar frá
öðrum sams konar árekstri sem
kostaði fimm manns lífið.
Áreksturinn varð á milli fólks-
flutningabifreiðar með aldrað fólk
og lítils vörubíls í Amberg-jarð-
göngunum milli Bregenz og Inns-
bruck. Létust tveir menn í fólks-
flutningabifreiðinni og einn í
vörubílnum. Að minnsta kosti 12
manns slösuðust og þar af tveir al-
varlega. Talið var að allt fólkið væri
Austurríkismenn.
Eftir áreksturinn rákust tvær bif-
reiðar og eitt vélhjól á fyrstu bílana
tvo en þó án þess að alvarleg slys
hlytust af því.
Samkvæmt bráðabirgðarannsókn
á slysinu stafaði það af því, að öku-
maður vörubílsins sveigði af ein-
hverjum ástæðum yfir á rangan
vegarhelming. Báðir ökumennirnir
létust.
Síðastliðinn mánudag létust fimm
manns og fjórir slösuðust í líkum
árekstri í jarðgöngum fyrir norðan
borgina Graz og þá kviknaði í
nokkrum bifreiðum. Fólkið sem lést
var allt úr sömu fjölskyldu.
Hafa þessi óhöpp vakið áhyggjur
af öryggi í austurrískum jarðgöng-
um enda hafa slys í þeim verið mjög
tíð. 1999 týndu 12 manns lífi er eldur
kom upp í bifreið í Tauern-göngun-
um og 155 fórust í fyrra er kviknaði í
lest eða kláfi sem dreginn var upp
göng við Alpabæinn Kaprun.
Jarðgöng í Austurríki eru samtals
um 250 km löng og þau lengstu
meira en fimm kílómetrar. Skoðana-
kannanir sýna, að 77% Austurrík-
ismanna kvíða gangaakstrinum og
sumir ökumenn sýna einkenni, sem
minna mest á innilokunarkennd. Í
göngunum fer umferðin í báðar áttir
og yfirleitt er ekkert, sem skilur ak-
reinarnar. Að því er þó unnið í Am-
berg-göngunum.
Ýmsir umferðarsérfræðingar
segja, að gangaakstur sé ekkert
hættulegri en annar að því tilskildu,
að menn átti sig á því hvar þeir eru
staddir. Mestu skipti að aka hægar
og hafa hæfilegt bil á milli bíla.
Enn slys í austurrískum jarðgöngum
Þrír létust
og margir
slösuðust
Vín. AFP.
TVÖ börn létust í bænum
Hiroo í Norður-Japan í gær er
maður braust inn á heimili
þeirra og stakk þau með hnífi.
Þriðja barnið er á sjúkrahúsi en
ekki hafði verið skýrt frá líðan
þess.
Börnin tvö sem létust voru
systkin, tveggja ára drengur og
fimm ára stúlka, en maðurinn
lagði einnig til sex ára gamallar
systur þeirra. Að ódæðisverk-
inu loknu flýði maðurinn af
vettvangi en nokkru síðar
skýrði lögreglan svo frá að
maður nokkur hefði gefið sig
fram við hana. Var þar líklega
um að ræða ódæðismanninn án
þess að það væri tekið fram.
Glæpir af þessu tagi hafa
lengi verið fátíðir í Japan en á
því hefur orðið nokkur breyting
á síðustu misserum landsmönn-
um til mikillar hrellingar. Er
skemmst að minnast árásar á
skólabörn í bænum Ikeda í júní
sl. en þá voru átta börn stungin
til bana.
Japan
Tvö börn
stungin
til bana
Tókýó. AFP.
SADDAM Hussein, forseti Íraks,
varaði Breta og Bandaríkjamenn við
í gær og sagði að hann myndi svara
árásum þeirra af fullri hörku. Skor-
aði hann jafnframt á þá að flytja allt
sitt herlið frá Persaflóa.
Saddam sagði í sjónvarpsávarpi í
tilefni af því, að 13 ár eru frá lokum
styrjaldarinnar milli Íraka og Írana,
að Írakar og leiðtogar þeirra ætluðu
sér ekki að láta árásum breskra og
bandarískra orrustuvéla ósvarað.
„Ef þið viljið hlífa flugmönnum
ykkar og flugvélum við skothríð
hinna hugrökku Íraka verðið þið að
hætta árásum á landið og hypja ykk-
ur burt með allt ykkar hafurtask,“
sagði Saddam en bandarískar flug-
vélar réðust gegn flugskeytastöð
skammt frá borginni Mosul sl.
þriðjudag. Talsmaður íraska hersins
sagði að einnig hefði verið ráðist á
„borgaraleg mannvirki“ en nefndi
ekki mannfall.
George W. Bush, forseti Banda-
ríkjanna, sagði að árásirnar hefðu
verið nauðsynlegar og lýsti Írak sem
ógnun við heimsfriðinn.
Saddam hótar
fullri hörku
Bagdad. AFP.
ÁTTA erlendir hjálparstarfsmenn
sem teknir hafa verið höndum í Af-
ganistan, sakaðir um að boða kristna
trú, eiga ekki yfir höfði sér dauða-
dóma, en gætu hlotið fangelsidóm eða
verið reknir úr landi, að því er sagði í
gær í fregnum fréttastofunnar Afgh-
an Islamic Press, sem starfrækt er í
Pakistan.
Þá sagði ennfremur að samkvæmt
strangri túlkun talíbanastjórnarinnar
í Afganistan á lagabókstafnum mætti
dæma Afgani til dauða fyrir að pred-
ika kristna trú, en útlendingar geti
ekki sætt þeirri refsingu. Hafði
fréttastofan eftir ótilgreindri yfirlýs-
ingu frá upplýsingamálaráðuneytinu,
að útlendingar sem fundnir væru sek-
ir um umræddan glæp ættu yfir höfði
sér að vera dæmdir í þriggja daga til
eins mánaðar fangelsisvistar, eða að
verða reknir úr landi.
Hjálparstarfsmennirnir – tveir
Bandaríkjamenn, tveir Ástralir og
fjórir Þjóðverjar – voru handteknir
um sl. helgi ásamt 16 öðrum starfs-
mönnum þýskra, sjálfstætt starfandi
hjálparsamtaka er nefnast Shelter
Now. Hafa hjálparstarfsmennirnir
verið sakaðir um að hafa reynt að
snúa afgönskum múslímum til krist-
innar trúar.
Tilskipun sem leiðtogi talíbana-
hreyfingarinnar, sem fer með völdin í
Afganistan, gaf út fyrr á þessu ári
hefur yfirleitt verið talin kveða á um
að taka skuli af lífi hvern þann sem
staðinn sé að því að reyna að snúa af-
gönskum múslímum til annarrar trú-
ar, og einnig hvern þann Afgana sem
afneitar Islam. Ströng túlkun talí-
banastjórnarinnar á lagabókstaf Is-
lams á sér ekki hliðstæðu í öðrum mú-
hameðstrúarlöndum.
Bandarískir, ástralskir og þýskir
stjórnarerindrekar hafa krafist þess
að fá að hafa samband við hjálpar-
starfsmennina. En tilraunir þeirra til
að beina málinu í „hefðbundinn dipló-
matafarveg“ hafa lítinn árangur borið
og neita afgönsk yfirvöld að leyfa
heimsóknir til fólksins á meðan rann-
sókn á meintum glæpum þess standi
yfir.
Aðstoðaryfirmaður trúarlögregl-
unnar, Mohammad Salim Haqqani,
neitaði því ekki að útlendingarnir
gætu hlotið dauðadóma. „Við höfum
ekki gert þeim neitt, en þessir útlend-
ingar hafa brotið reglur íslamska em-
írsdæmisins og afganskrar menning-
ar,“ sagði hann við fréttastofuna
AFP. Fæst ríki í heiminum hafa við-
urkennt stjórn talíbana í Afganistan.
Að því er fram kemur á fréttavef
BBC í gær hafa talíbanar greint frá
því að þeir hafi fundið mikið af mynd-
böndum og hljóðsnældum með
kristnum boðskap í fórum útlendu
hjálparstarfsmannanna, og biblíur
þýddar á afgönsk tungumál. Sam-
kvæmt upplýsingum stofnunarinnar
sem fólkið vinnur fyrir hafði það þetta
efni meðferðis einungis til einkanota.
Erlendir hjálparstarfsmenn í Afganistan handteknir
Ekki taldir eiga dauða-
refsingu yfir höfði sér
Islamabad, Kabúl. AFP.
Reuters
Sohail Shaheen, aðstoðarsendiherra Talíbanastjórnarinnar í Pakistan,
sagði að erlendu hjálparstarfsmennirnir í Afganistan hefðu verið búnir
að fá aðvörun um að hætta trúboði, áður en þeir hafi verið handteknir.
NEMENDUR horfa út um aftur-
rúðuna á gulum skólastrætó, eins
og þeim sem vel eru þekktir frá
Norður-Ameríku, en þessi vagn er á
ferðinni í sveitum Yorkshire í Bret-
landi, þar sem hann er notaður til
að flytja nemendur í barnaskólum
og forskólum. Er þetta í fyrsta sinn
sem breskum skólabörnum er ekið í
skólann á þennan „ameríska“ máta.
Reuters
Amerísk áhrif
EINMITT þegar breska stjórnin
hefur nýlega lýst áhuga sínum á
frekari einkavæðingu í heilbrigð-
isþjónustunni kemur á óvart að
bresk heilbrigðisyfirvöld hafa lýst
yfir að þau séu að kaupa einka-
sjúkrahús í London fyrir 27,5 millj-
ónir punda. Kaupin eru gerð til að
draga úr bið eftir hjartaaðgerðum,
ekki aðeins í London, heldur um
allt land.
Þjóðvæðing einkaspítala hefur
ekki átt sér stað síðan að breska
heilbrigðiskerfið í núverandi mynd
var sett upp eftir stríð á tímum
Clement Attlee forsætisráðherra
og leiðtoga Verkamannaflokksins.
Um er að ræða sjúkrahús í mið-
borg London, skammt frá Harley-
stræti, þar sem eftirsóttustu
læknar borgarinnar hafa lækna-
stofur. Formlega séð er það Uni-
versity College-spítalinn sem
kaupir og tekur yfir Heart Hospit-
al.
Spítalinn sagður fást
fyrir mjög gott verð
Spítalinn hefur lengi verið sér-
hæfður á sviði hjartalækninga og
var hluti þess spítala, þar sem
fyrst var skipt um hjarta í manni í
Bretlandi 1968, en sjúkrahúsið var
selt einkaaðilum á síðasta áratug.
Spítalinn hefur verið gerður upp
nýlega og um leið allur tækjakost-
ur hans. Þeir sem standa að kaup-
unum segja að miðað við búnað fá-
ist spítalinn fyrir mjög gott verð.
Við sjúkrahúsið starfa um 170
manns, sem öllum verður boðið
starf innan opinbera kerfisins, en
ekki er ljóst hversu margir kjósa
að starfa undir nýjum eigendum.
Bresk heilbrigðisyfirvöld eru undir
miklum þrýstingi fyrir langa bið-
lista og þá einnig í hjartaaðgerð-
um. Breska stjórnin hefur lofað að
fjölga aðgerðum svo hámarksbið
eftir hjartaaðgerðum 2005 verði
sex mánuðir.
Bretland
Ríkið
kaupir
einka-
spítala
London. Morgunblaðið.