Morgunblaðið - 09.08.2001, Blaðsíða 19

FERÐALÖG
MORGUNBLAÐIÐ FIMMTUDAGUR 9. ÁGÚST 2001 19
Bíldshöfða 18 567 1466
opið til kl. 22:00
www.menntun.is


Árið 2015 er búist við að
EIN MILLJÓN
ferðamanna komi til Íslands.
Búðu þig undir það !!!
 Alþjóðlegt ferðamálanám IATA/UFTAA.
 Alþjóðleg ferðamarkaðsfræði IATA/UFTAA.
 Leiðsögunám, leiðsögn erlendra ferðamanna.
ÍSLAND hefur upp á ótalmargt að
bjóða þegar kemur að spennandi og
öðruvísi ferðum. Eitt af því sem
hægt er að gera er að bregða sér
upp á Langjökul og fara í útsýnis-
ferð á hundasleða.
Farið var upp á jökulinn með opn-
um jöklabíl um hádegi á sunnudegi
frá skála Ævintýraferða. Þegar á
jökulinn var komið fór að rigna
nokkuð og skyggni var fremur
slæmt. Keyrt var upp í um 1100
metra hæð þar sem búðir hunda-
sleðamannanna eru. Á svæðinu voru
fjórir sleðar og yfir 40 hundar sem
geltu og spangóluðu hver í kapp við
annan.
Hundar og sleðar eru í eigu Dan-
ans Denis Pedersens sem hefur rek-
ið hundasleðaleigu hér á landi frá
árinu 1998. Denis var áður hermað-
ur í danska hernum og var einn af
eftirlitsmönnum með stórum þjóð-
garði á Grænlandi þar sem eftirlits-
ferðir voru farnar á hundasleðum.
Denis er sjálfur með í för þennan
dag enda er hann að fylgjast með
þegar nýr sleðamaður fer sína fyrstu
ferð einn með ferðamenn.
Leiðin liggur út á ísinn
Lagt er af stað með sleðanum
þegar hundarnir eru tilbúnir og
haldið lengra út á jökulinn. Ferðin
liggur um flatlendi að þessu sinni
þar sem ný sprunga hefur opnast á
venjulegri leið neðar á jöklinum. Það
er gaman að fylgjast með hundunum
þegar þessi sterklegu dýr draga
sleðann með tvær manneskjur inn-
anborðs og Dennis ásamt sleða-
manninum okkar í eftirdragi á skíð-
um. Hundarnir þurfa mikið aðhald
og sleðamaðurinn er sífelt að hrópa
hvatningar og skammir til forystu-
hundsins. Hann trúir okkur fyrir því
að hundarnir skilji oft bara nafnið
sitt, skipanirnar eru hrópaðar í mis-
munandi tónhæð til að hundarnir viti
hvort sleðamaðurinn er ánægður
með frammistöðu þeirra eða ekki.
Sterkustu hundarnir eru hafðir aft-
ast svo þeir sem veikari eru troði
niður snjóinn og þeir sterku nái
betri spyrnu. Fremsti hundurinn er
þannig ekki endilega sá sterkasti
heldur sá sem hefur reynslu til að
velja leiðina og hlýðir skipunum vel.
Hundarnir eru allir fastir með stutt-
um þverböndum við eitt langt band
sem bundið er við sleðann. Það er
ólíkt þeim aðferðum sem margir
Grænlendingar nota á ferð um haf-
ísinn þegar hundarnir eru hafðir
hver í sínu bandi. Denis segir þetta
fyrirkomulag henta betur á löngum
beinum ferðum um jökulinn, ólíkt
ferðum um hafís þar sem oftar þurfi
að sveigja til og frá eða snúa við.
Gæfir sleðahundar
Hundarnir hans Denis eru ekki
grimmir eins og sleðahundar al-
mennt á Grænlandi. Ferðamenn
voru hvattir til að klappa hundunum
og láta vel að þeim og segja þjálf-
ararnir að það sé ódýrt þjórfé fyrir
góða ferð. Denis segir grimmd
grænlenskra sleðahunda koma til af
uppeldinu og segir aðrar áherslur
hjá sér heldur en hjá flestum Græn-
lendingum. Hundarnir hans eru í
raun líkastir stórum og sterklegum
eintökum af íslenska fjárhundinum
þegar þeir draga sleðann viljugir
síðasta spölinn heim á leið með
skottin hringuð til að sýna gleði sýna
yfir því að vera að komnir aftur heim
í búðirnar.
Ferðin var í alla staði hin besta þó
að þungbúið veður og stanslaus
rigning hafi skemmt talsvert fyrir.
Kunnugir segja að í ferðum sem
þessum sé það helmingurinn af upp-
lifuninni að sjá fagurt útsýni og
njóta útiverunnar og því miður vant-
aði þann hluta á ferðina. Þá er ekki
annað að gera en skella sér aftur
seinna þegar veðurspáin er
skemmtilegri.
Á hundasleða
um Langjökul
Morgunblaðið/Brjánn Jónasson
Sleðinn rennur af stað eftir ísnum.Hundarnir njóta þess að slaka á eftir snarpann sprett að búðunum.
Sleðinn rennur af stað eftir ísnum.Hundarnir njóta þess að slaka á eftir snarpan sprett að búðunum. NETVERSLUN Á mbl.is
Brusi
aðeins kr.400