Morgunblaðið - 21.10.2001, Qupperneq 6

FRÉTTIR
6 SUNNUDAGUR 21. OKTÓBER 2001 MORGUNBLAÐIÐ
VIKAN 14/10 – 20/10
ERLENT
INNLENT

UM 100 börn af bág-
stöddum heimilum þurftu
vistun í Reykjavík á síð-
asta ári. Aðallega er um
að ræða börn fíkniefna-
neytenda.

Sjávarútvegsráðherra
hefur lagt fram frumvarp
á Alþingi um stjórn fisk-
veiða. Frumvarpið gerir
ráð fyrir að krókaaflahá-
marksbátar fái 3000 tonn
af ýsu, 3.100 tonn af
steinbít og 600 tonn af
ufsa umfram það sem þeir
fengu samkvæmt lög-
unum sem tóku gildi 1.
september sl.

EYÞÓR Arnalds, for-
stjóri Íslandssíma, mun
láta af því starfi um ára-
mót. Við starfinu tekur
Óskar Magnússon, lög-
maður og fyrrum for-
stjóri Hagkaups. Eyþór
hefur áhuga á að hasla
sér völl í borgarpólitík.

Alþingismennirnir
Magnús Stefánsson og
Tómas Ingi Olrich og Ein-
ar Farestveit, starfs-
maður Alþingis, voru í
skrifstofubyggingu
bandaríska þingsins í
Washington þegar milt-
isbrandur greindist í
byggingunni. Ekki er tal-
ið að þeir hafi komist í
snertingu við sjúkdóminn.

LÝBÍUMAÐUR var
handtekinn á Keflavík-
urflugvelli með skartgripi
og um eina milljón í pen-
ingum. Hann er grunaður
um peningaþvætti. Reikn-
ingum á nafni mannsins
var lokað í framhaldi af
rannsókn málsins, en á
þeim voru um 1,7 millj-
ónir króna.
Sjálfstæðisflokkurinn
samþykkti veiðigjald
LANDSFUNDUR Sjálfstæðisflokks-
ins samþykkti ályktun þess efnis að
áfram skuli byggt á aflamarkskerfinu
en að útgerðin greiði hóflegt gjald fyr-
ir afnot á aflaheimildum. Gjaldið á ann-
ars vegar að taka mið af kostnaði hins
opinbera vegna stjórnunar fiskveiða
og hins vegar af afkomu sjávarútvegs-
ins á hverjum tíma. Tillaga nokkurra
fulltrúa á landsfundinum um að farin
yrði svokölluð fyrningarleið var felld
með 520 atkvæðum gegn 121 atkvæði.
Ávöxtun lífeyrissjóð-
anna neikvæð um 0,7%
RAUNÁVÖXTUN lífeyrissjóðanna
var neikvæð um 0,7% á síðasta ári.
Þetta eru mikil umskipti frá því sem
var árin þar á undan. Meðalávöxtun
sjóðanna árið 1999 var 12%. Hreinar
eignir lífeyrissjóðanna um síðustu ára-
mót námu 566 milljörðum og jukust
þær um 49 milljarða á árinu. Gjald-
færður lífeyrir var 18,9 milljarðar í
fyrra en var 16,3 milljarðar árið á und-
an. Þrír sjóðir voru reknir með meira
en 10% afgangi og þurftu því að huga
að aukningu réttinda sjóðsfélaga.
Ríkisábyrgð
framlengd
RÍKISSTJÓRNIN hefur ákveðið að
framlengja ríkisábyrgð vegna stríðs-
og hryðjuverkatrygginga íslensku
flugfélaganna til áramóta. Ábyrgðin
var veitt eftir hryðjuverkin í Banda-
ríkjunum 11. september og hljóðar
upphæðin upp á 2.700 milljarða vegna
alls flugflota Íslands. Upphaflega var
ábyrgðin veitt til 25. október en var
framlengd þar sem sýnt þótti að ekki
næðist samkomulag fyrir þann tíma á
milli alþjóðlegra tryggingafélaga og
flugfélaganna. Flugvélum er óheimilt
að fljúga nema að hafa tryggingar.
Fulltrúadeildinni lokað
FUNDUM í fulltrúadeild Bandaríkja-
þings var frestað á miðvikudaginn, og
allir starfsmenn deildarinnar voru
sendir heim fram yfir helgi. Átti að
nota tímann til að rannsaka hvort milt-
isbrandsgró leyndust í húsakynnun-
um. Skýrt hafði verið frá því að 33
starfsmenn á skrifstofum Toms
Daschlers, forseta öldungadeildarinn-
ar, hefðu greinst með miltisbrands-
vírus, en duft, sem innihélt vírusinn,
hafði borist í pósti til skrifstofu deild-
arforsetans.
Hófsamir talibanar
kunna að verða með
BANDARÍKJAMENN og Pakistanar
eru sammála um að ekki beri að útiloka
að „hófsamir“ liðsmenn talibanahreyf-
ingarinnar í Afganistan verði með í
nýrri ríkisstjórn í landinu. Kom þetta
fram í viðræðum Colins Powells, utan-
ríkisráðherra Bandaríkjanna, við pak-
istanska ráðamenn í Islamabad á
þriðjudaginn. Þá lofaði Powell því, að
Bandaríkjamenn myndu ekki styðja
nýja stjórn í Afganistan nema hún yrði
vinsamleg í garð „allra nágrannaríkja,
þar á meðal Pakistans“.
Forystumaður Fatah-
hreyfingarinnar féll
EINN af forystumönnum Fatah-
hreyfingar Yassers Arafats, og tveir
aðrir meðlimir hennar, féllu þegar Ísr-
aelar beittu herþyrlum til sprengju-
árása á Betlehem á fimmtudaginn.
Sögðu palestínskir embættismenn að
Fatah-mennirnir þrír hefðu fallið þeg-
ar sprengja hefði lent á bíl þeirra. Ísr-
aelar neituðu því að hafa orðið mönn-
unum að bana, og kváðu líklegast að
mennirnir hefðu verið með sprengju í
fórum sínum og ætlað að nota hana á
ísraelskt skotmark, en hún hefði
sprungið í höndum þeirra.

ARIEL Sharon, for-
sætisráðherra Ísraels,
lýsti á miðvikudaginn yf-
ir „miskunnarlausu stríði
gegn hryðjuverkamönn-
um“ í kjölfar þess að
Rehevam Zeevi, ferða-
málaráðherra í rík-
isstjórninni, var myrtur á
miðvikudaginn. Sagði
Sharon að Yasser Arafat,
forseti heimastjórnar
Palestínumanna, bæri í
raun ábyrgð á morðinu.
Alþýðufylking fyrir frels-
un Palestínu hefur lýst
morðinu á hendur sér.

TONY Blair, forsætis-
ráðherra Bretlands, og
Yasser Arafat, forseti
heimastjórnar Palest-
ínumanna, áttu fund í
London á mánudaginn.
Voru þeir sammála um
nauðsyn þess að end-
urvekja friðarumleitanir
fyrir botni Miðjarðarhafs.
Kvaðst Blair ennfremur
vera fylgjandi því að
stofnað yrði sjálfstætt
ríki Palestínumanna.

AL-QAEDA, hryðju-
verkasamtök Osama bin
Ladens, reyndu með
hjálp rússnesku mafíunn-
ar að koma höndum yfir
efni sem nota mætti til að
smíða kjarnorkuvopn, að
því er greint var frá á
mánudaginn.

Fjármálaráðherrar í
Evrópusambandsríkj-
unum samþykktu á
þriðjudaginn víðtækar
aðgerðir gegn pen-
ingaþvætti og öðrum að-
ferðum sem beitt er til að
fjármagna hryðjuverk.
PÁLL Pétursson félagsmála-
ráðherra skýrði frá því á ráð-
stefnu Þroskahjálpar um at-
vinnumál í gær, að hann hefði
ákveðið að leggja fram frum-
varp til laga um breytingu á lög-
um um vinnumarkaðsaðgerðir.
Fæli það í sér að atvinnumál
fatlaðra færu til Vinnumála-
stofnunar og verður fólki með
fötlun þar með veitt þjónusta á
sama stað og aðrir fá hana.
Kristján Valdimarsson for-
stöðumaður Örva, starfsþjálfun-
arstöðvar fatlaðra, fagnaði yfir-
lýsingu ráðherra í erindi sínu,
enda væru atvinnumál fatlaðra í
Evrópu almennt staðsett í
stjórnkerfinu á sama stað og at-
vinnumál annarra þjóðfélags-
þegna.
Gissur Pétursson, forstjóri
Vinnumálastofnunar, sagði að
tilflutningur atvinnumála fatl-
aðra til Vinnumálastofnunar
kallaði á mikla undirbúnings-
vinnu og endurskipulagningu
málaflokksins, en sú vinna væri
hafin með skipan sérstaks
vinnuhóps undir stjórn Eggerts
Jóhannessonar hjá félagsmála-
ráðuneytinu. Gissur sagði að
hópnum væri ætlað að fara yfir
starfsemi verndaða vinnustaða
og dagvistarstofnana fatlaðra.
Sagði hann að vinnuhópurinn
yrði að skoða launamál og stétt-
arlega stöðu starfsfólksins.
„Það, hversu mismunandi verk-
lag hefur verið á launagreiðslum
og hversu kjaraleg staða starfs-
fólks á vernduðum vinnustöðum
er óljós, er ólíðandi þó ekki væri
nema fyrir þá ástæðu eina að
málaflokkurinn heyrir undir
áhrifasvið vinnumálaráðuneyt-
isins og framkvæmdin ætti því
að vera öðrum fyrirmynd en
ekki öfugt,“ sagði Gissur.
Hann sagði að fyrirhuguðum
tilflutningi málaflokksins hefði
verið mætt með nokkurri tor-
tryggni hjá stjórn Vinnumála-
stofnunar. Sú tortryggni byggð-
ist þó ekki á því að framlag
fatlaðra til vinnumarkaðarins
væri vanmetið, heldur væri tor-
tryggnin einkum fjárhagslegs
eðlis.
Atvinnumál
fatlaðra fari
undir
Vinnumála-
stofnun
BÍLABÚÐ Benna hefur ákveðið
að bjóða viðskiptavinum sínum allt
að einnar milljónar króna vaxta-
laus lán til kaupa á Daewoo-bif-
reiðum. Lánin eru óverðtryggð.
Benedikt Eyjólfsson framkvæmda-
stjóri segist ekki trúa öðru en að
vextir á Íslandi verði lækkaðir
mjög fljótlega enda séu þeir að
fara illa með bæði fyrirtæki og ein-
staklinga.
„Mér er farið að ofbjóða þetta
vaxtarugl sem viðgengst hér á
landi,“ sagði Benedikt. Hann sagði
að lánastofnanir væru búnar að
fara illa með fólk. Lán sem fyrir
nokkrum árum hefðu borið rúm-
lega 6% vexti bæru í dag vexti sem
væru eitthvað á annan tuginn og
afborganir hefðu hækkað í sam-
ræmi við það. Vaxtamunur milli Ís-
lands og Ameríku væri yfir 10%.
Þetta hefði þau áhrif að bæði fólk
og fyrirtæki héldu að sér höndum
við fjárfestingar og fyrirtæki væru
farin að segja upp fólki.
Benedikt sagðist hafa þá trú á
þeim sem stjórnuðu efnahags- og
peningamálum þjóðarinnar að þeir
áttuðu sig fljótlega á þessu og að
vextir yrðu lækkaðir. Auglýsingar
Bílabúðarinnar í Morgunblaðinu í
gær hefðu verið birtar í trausti
þess að það gengi eftir.
Bílgreinasambandið er að fara af
stað með átak til að kynna kosti
bílsins. Benedikt sagði að auglýs-
ingar Bílabúðarinnar tengdust
átakinu ekki á nokkurn hátt. Hann
sagði að viðbrögð við auglýsing-
unni hefðu verið góð.
Stöðugt leitað
nýrra leiða
Erna Gísladóttir, formaður Bíl-
greinasambandsins, sagði að bíla-
umboðin væru stöðugt að finna
nýjar leiðir til að örva sölu á bíl-
um. Þessi leið Bílabúðar Benna
væri ekki verri en hver önnur.
Hún kvaðst vona að hún yrði til að
skapa umræðu. Hún sagði að sér
væri ekki kunnugt um að bílaum-
boð hefðu áður boðið vaxtalaus lán
á nýjum bílum en það hefði stund-
um verið gert varðandi notaða bíla.
Býður vaxtalaus
lán til kaupa á
nýjum bílum
ÁRATUGIR eru síðan eins hlýtt hefur verið í veðri
fram eftir októbermánuði og undanfarið. Þessi maður
var einn þeirra fjölmörgu sem nýttu sér veðurblíðuna
til útiverka í Reykjavík í vikunni.
Morgunblaðið/Ásdís
Viðrar vel til útiverka