Morgunblaðið - 27.10.2001, Page 21

LANDIÐ
MORGUNBLAÐIÐ LAUGARDAGUR 27. OKTÓBER 2001 21
KIRKJUKÓR Ólafsvíkur stóð ný-
lega fyrir miklum kleinubakstri
þar sem alls voru bökuð um 200
kíló af kleinum. Forsvarsmenn
fyrirtækja í bænum jafnt sem ein-
staklingar voru fljótir að renna á
lyktina og gripu með sér einn eða
fleiri poka af glóðvolgum klein-
um. Má því búast við að kleinur
verði víða á boðstólum næstu vik-
urnar, bæði í heimahúsum og á
kaffistofum út um bæinn.
Allir kórfélagar tóku þátt í
bakstrinum sem stóð frá morgni
til kvölds og eins og nærri má
geta var mikið sungið yfir steik-
arpottunum. Kleinubaksturinn er
liður í fjáröflun kirkjukórsins sem
stefnir á tónleikaferð til Færeyja
næsta vor.
Tæplega 200 kíló af klein-
um hjá kirkjukórnum
Morgunblaðið/Elín Vala
Afköstin voru mikil í kleinubakstri kirkjukórs Ólafsvíkur um síðustu helgi.
Ólafsvík
FIMM menn sem fóru í eftirleit á
Hrunamannaafrétt um síðustu
helgi fundu á með lambi í Kisu-
gljúfri sem er í suðaustanverðum
Kerlingarfjöllum. Ærin varðist vel
á syllu í gljúfrinu er hún varð vör
mannaferða. Varð að klifra upp
kaðal til að koma henni niður á
jafnsléttu þar sem þessi öræfagála
náðist með hundi. Betur gekk að ná
lambinu enda ekki alveg hjá móður
sinni.
Þessi fríska kind reyndist vera
frá Sigtryggi Vagnssyni bónda á
Hriflu í S.-Þingeyjarsýlu. Var henni
ekið á afrétt, þá tvílembdri, upp
með vestanverðu Skjálfandafljóti
fyrripart sumars. Það eru því ófá
sporin sem hún hefur gengið en erf-
iðust hefur henni þó sennilega
reynst Þjórsá. Ekki átti hún aft-
urkvæmt heim vegna sauð-
fjárveikivarnanna.
Minnist fréttaritari þess ekki að
fé úr Þingeyjarsýslu hafi fundist
fyrr á Hrunamannaafrétti. Hins-
vegar er fjárstofn okkar ættaður
þaðan þar sem lömb voru keypt úr
Mývatnssveit í fjárskiptunum 1952.
Alls fundust fimm kindur í þess-
ari eftirleit en sextán helgina áður
þegar farið var í afréttinn. Vitað er
að lömb sem sáust fyrir nokkru úr
bíl eru eftir innfrá, sennilega sunn-
an í Kerlingarfjöllum. Það er venja
hér í sveit að leita af sér allan grun
um fé og verður svo gert nú.
Töluverð umferð er um hálendið,
einkum af rjúpnaskyttum, í þeirri
góðu veðráttu sem verið hefur að
undanförnu enda færð sem á sum-
ardegi. Er ætlast til að menn láti
vita af sauðfé sem þeir verða varir
við á hálendinu. Það verður aldrei
of vel smalað.
Morgunblaðið/Sigurður Sigmundsson
Eiríkur Kristófersson á Grafar-
bakka og Stefán Jónsson í
Hrepphólum með Móru hina
þingeysku og lamb hennar sem
þeir gómuðu í Kisugljúfri.
Kindur að
norðan í
Kerlingar-
fjöllum
Hrunamannahreppur