Morgunblaðið - 29.12.2001, Qupperneq 55

FRÉTTIR
MORGUNBLAÐIÐ LAUGARDAGUR 29. DESEMBER 2001 55
FRIÐRIK Ómar syngur jóla-
lög í bland við eigið efni á heim-
ilislegri kvöldstund í leikhúsinu
á Dalvík, Ungó, annað kvöld,
sunnudagskvöldið 30. desem-
ber, kl. 20.30. Aðeins þessir
einu tónleikar! Allir velkomnir
og aðgangur er ókeypis.
Tónleikar
á Dalvík
LANDSSAMBAND slökkviliðs-
manna hefur sent frá sér eftirfarandi
leiðbeiningar til landsmanna um ára-
mótin:
Flugeldar og skoteldar hvers kon-
ar eru órjúfanlegur hluti af áramóta-
gleðinni. Þeir eru hins vegar vand-
meðfarnir og óvarleg meðferð þeirra
eða fikt veldur slysum um hver ára-
mót. Oft eru það börn sem slasast. Al-
gengustu áverkarnir eru bruni í and-
liti, augnskaðar og í einstaka tilfellum
dauði. Áverkarnir eru oft varanlegir.
Til að fyrirbyggja slys af völdum
flugelda er ráðlegt að:
 Geyma flugelda á öruggum stað.
 Lesa vel leiðbeiningar sem fylgja
flugeldum og blysum og fara eftir
því sem þar stendur.
 Hafa undirstöðu skotelda trygga.
 Nota hanska og hlífðargleraugu.
 Leyfa ekki litlum börnum að bera
eld að blysum eðs flugeldum.
Árlega kemur fjöldi fólks á slysa-
og bráðamóttökur með brunasár.
Meðal þeirra eru mörg börn.
Brunasárum er skipt í þrjú stig:
1. stig: Ysta lag húðarinnar roðnar og
það svíður undan.
2. stig: Ysta og næsta undirlag húð-
arinnar brennur og blöðrur myndast.
3. stig: Bruninn nær gegnum alla
húðina, jafnvel í vöðva, bein og líf-
færi.
Skyndihjálp við bruna:
Hringið í neyðarnúmerið 112
 Kælið með 15-20°C vatni til að
minnka sviðann.
 Ef stór svæði líkamans verða fyrir
bruna er hægt að kæla með blautum
lökum.
 Bleytið í fötum og fjarlægið, t.d.
með því að klippa þau.
 Fjarlægið skó, skartgripi og því
um líkt af hinum brennda.
Æfðu flóttaáætlun á vefsíðuleik
LSS “lsssamtok.is
Á heimasíðu LSS er hægt að æfa
flótta í gegnum völundarhús þar sem
jafnframt birtast nokkur grundvall-
arheilræði þ.a.l.
Forvarnablaðinu „Slökkviliðsmað-
urinn“ var dreift til landsmanna við
upphaf Eldvarnaviku, þ.e. 24. nóv. sl.
og er minnt á að ýmsar hagnýtar
upplýsingar og heilræði eru þar varð-
andi eld og eldsvoða.
Slökkviliðsmenn hvetja
til varkárni um áramótin
HINN 25. desember sl. milli kl.
14 og 20 var ekið á hægri hlið
bifreiðarinnar JM-078, sem er
Nissan Micra-fólksbifreið, þar
sem hún stóð kyrr og mannlaus
við Miklubraut 30. Tjónvaldur
fór hins vegar af vettvangi án
þess að tilkynna það hlutaðeig-
andi eða lögreglu. Því er hann,
eða aðrir, sem geta gefið frek-
ari upplýsingar beðnir að snúa
sér til umferðardeildar lögregl-
unnar í Reykjavík.
Lýst eftir
vitnum
HIÐ árlega Nýársmót Skelj-
ungs og Taflfélags Reykjavík-
ur verður haldið sunnudaginn
30. desember nk. og hefst
mótið kl. 13. Teflt verður í
höfuðstöðvum Skeljungs við
Suðurlandsbraut 4 – efstu
hæð.
Flestir af sterkustu skák-
mönnum landsins munu leiða
saman hesta sína og eru 8
stórmeistarar og 2 alþjóðlegir
meistarar í 20 manna kepp-
endahópnum. Tefldar verða 5
mínútna hraðskákir og tefla
allir við alla – alls 19 umferð-
ir. Aðgangur er ókeypis.
Sterkasta hrað-
skákmót ársins
BSRB hefur sent frá sér álykt-
un þar sem mótmælt er harð-
lega hækkun komugjalda í heil-
brigðisþjónustunni og aukinni
hlutdeild sjúklinga í lyfjakostn-
aði.
„Með þessum hækkunum
hyggst ríkisstjórnin bæta stöðu
ríkissjóðs um allt að hálfum
milljarði króna. Jafnframt
þessum hækkunum eru breyt-
ingar á endurgreiðslum til
tekjulágra fjölskyldna og er
mjög brýnt að fólk kynni sér
þær reglur sem um þetta gilda.
Í úttekt BSRB á kostnaðar-
þátttöku sjúklinga í heilbrigð-
isþjónustu kom fram að hlutur
sjúklinga hefur margfaldast á
undanförnum áratug. Í stað
þess að hækka kostnaðarhlut
sjúklinga nú væri nær að vinda
ofan af þessari þróun og lækka
þau gjöld sem sjúklingum er
ætlað að bera,“ segir BSRB.
Hækkunum
í heilbrigðis-
þjónustunni
mótmælt
EFTIRTALDIR aðilar eru í
fyrstu sjö sætum B-listans í
Húnaþingi vestra í næstu sveit-
arstjórnarkosningum:
1. Elín R. Líndal Lækjamóti,
2. Þorleifur Karl Eggertsson
Hvammstanga, 3. Sigtryggur
Sigurvaldason Litlu-Ásgeirsá, 4.
Þorbjörn Gíslason Hvamms-
tanga, 5. Guðmundur H. Krist-
jánsson Jaðri, 6. Dóra Valdi-
marsdóttir Laugarbakka, 7.
Bára Garðarsdóttir Hvamms-
tanga, samkvæmt fréttatilkynn-
ingu frá Framsóknarfélaginu í
Vestur-Húnavatnssýslu.
Húnaþing vestra
Framboðslisti
Framsóknar
ÁSGEIR Eiríksson, framkvæmda-
stjóri Strætó bs., og Einar Bene-
diktsson, forstjóri Olíuverzlunar Ís-
lands, undirrituðu í gær
olíukaupasamning til þriggja ára. Í
útboði, sem Innkaupastofnun
Reykjavíkur hafði umsjón með,
bauð Olís 87,1 milljón króna miðað
við núgildandi útsöluverð og var
það 28% lægra en hæsta tilboðið.
Rekstrarkostnaður Strætó nemur
alls um tveimur milljörðum króna. Í
fréttatilkynningu kemur fram að
samningurinn þýðir tuga milljóna
króna lækkun rekstrarkostnaðar
hjá Strætó á samingstímanum, en
olíukaupin eru einn stærsti liðurinn
í rekstrarkostnaði fyrirtækisins fyr-
ir utan launakostnað.
Strætó bs. er byggðasamlag í
eigu sjö sveitarfélaga á höfuðborg-
arsvæðinu og var fyrirtækið stofn-
að um mitt þetta ár við sameiningu
SVR og Almenningsvagna. Eitt af
markmiðum þess er að auka hag-
kvæmni í rekstri almennings-
samgangna og var útboðið þáttur í
þeirri stefnu. Í fréttatilkynningunni
segir ennfremur að áfram verði
allra leiða leitað til að lágmarka
rekstrarkostnaðinn, m.a. með út-
boðum.
Morgunblaðið/Ásdís
Frá undirritun samningsins. Sitjandi frá vinstri: Einar Benediktsson, forstjóri Olís, Sjöfn Kristjánsdóttir, for-
stjóri Innkaupastofnunar Reykjavíkurborgar, og Ásgeir Eiríksson, framkvæmdastjóri Strætó bs. Standandi frá
vinstri: Kristinn Leifsson, forstöðumaður eldsneytis- og smurolíudeildar hjá Olís, Jón Ólafur Halldórsson, fram-
kvæmdastjóri markaðssviðs stórnotenda hjá Olís, og Hörður Gíslason, aðstoðarframkvæmdastjóri Strætó bs.
Olíukaupa-
samningur
undir-
ritaður
HINN 23. desember sl. lauk uppboði á einu af málverk-
um Heklu Guðmundsdóttur í Galleríi Landsbankans-
Landsbréfa á Vefnum. Hæsta boð í málverkið Við tjörn
var 121.000 kr. Hekla ánafnaði Krafti, stuðningsfélagi
fyrir ungt fólk sem greinst hefur með krabbamein og að-
standendur þess, andvirði kaupverðsins.
Landsbankinn-Landsbréf og Hekla óskuðu eftir að
koma á framfæri þakklæti fyrir góða þátttöku.
Kraftur fékk andvirði málverks
BORGARRÁÐ samþykkti í
gær að breyta rekstrarformi
Vélamiðstöðvar Reykjavíkur-
borgar í hlutafélag og er gert
ráð fyrir að hlutafélagið taki við
rekstrinum í síðasta lagi 1. júlí
á næsta ári.
Vélamiðstöðin hefur frá
stofnun verið rekin sem borg-
arfyrirtæki með sjálfstæðan
fjárhag í eigu borgarsjóðs og
veitufyrirtækja. Stjórn Véla-
miðstöðvarinnar samþykkti í
fyrri mánuði að leggja til við
borgarráð að fyrirtækinu yrði
breytt í hlutafélag frá 1. janúar
nk. með óbreyttri eignaraðild,
þ.e. að borgarsjóður eigi 67%
og Orkuveitan 33%, og var til-
lagan send borgarstjórn 26.
nóvember.
Fjárhagsleg staða
fyrirtækisins sterk
Helstu forsendur tillögunnar
voru að ekki þyrfti að segja upp
starfsmönnum, að á næstu
mánuðum yrði gjaldskrá fyrir-
tækisins breytt og aðlöguð bet-
ur þörfum notenda, að veruleg-
ur hluti viðskipta borgarfyrir-
tækja við fyrirtækið yrði boðin
út og það gert í áföngum á
næstu misserum og að þannig
yrði gengið frá stofnun fyrir-
tækisins að fjárhagsleg staða
þess yrði sterk til að auka sam-
keppnishæfni þess.
Vélamið-
stöðinni
breytt í
hlutafélag
Borgarráð
KVENFÉLAGIÐ Baldursbrá
á Akureyri heldur sitt árlega
jólaball í dag, laugardaginn 29.
desember, kl. 16 í safnaðarsal
Glerárkirkju.
Allir eru hjartanlega vel-
komnir.
Aðgangseyrir er enginn
Jólaball í
Glerárkirkju