Morgunblaðið - 29.12.2001, Side 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 29. DESEMBER 2001 VERÐ Í LAUSASÖLU 190 KR. MEÐ VSK.
VIÐSKIPTI með hlutabréf á Verð-
bréfaþingi Íslands drógust verulega
saman á árinu 2001. Úrvalsvísitala
aðallista VÞÍ lækkaði um 11,2% á
árinu samanborið við 19% lækkun
vísitölunnar á síðasta ári. Skv. upp-
lýsingum sem fengust hjá VÞÍ eftir
lokun í gær á síðasta viðskiptadegi
ársins nam heildarvelta hlutabréfa á
innlendum hlutabréfamarkaði á
árinu um 137 milljörðum króna, en
veltan var 199 milljarðar á síðasta
ári. Er það um þriðjungs samdráttur
á milli ára.
,,Þetta var að ýmsu leyti erfitt ár,“
segir Finnur Sveinbjörnsson, fram-
kvæmdastjóri VÞÍ. ,,Úrvalsvísitalan
hélt áfram að falla á árinu eftir mikið
fall í fyrra og náði lágmarki í ágúst er
hún fór undir 1.000 stig. Síðan þá hef-
ur hún hægt og bítandi rétt úr kútn-
um, sem er vonandi vísbending um
að umskipti hafi átt sér stað á mark-
aðinum,“ segir hann. ,,Þess má geta
að helstu hlutabréfavísitölur í öðrum
NOREX-kauphöllum lækkuðu meira
en sú íslenska. Lækkunin nam 13,2%
í Danmörku, 14,7% í Ósló og um 20%
í Stokkhólmi,“ segir Finnur.
Þrátt fyrir erfitt árferði á hluta-
bréfamarkaði fór hlutabréfaverð í
einstökum atvinnugreinum upp á við
á árinu. Þannig hækkaði vísitala
lyfjagreina um 38%, sjávarútvegs um
16% og olíudreifingar um 4% á árinu.
Einstaklingar nánast horfnir
út af hlutabréfamarkaði
Edda Rós Karlsdóttir, forstöðu-
maður greiningardeildar Búnaðar-
bankans, segir miklar sviptingar
hafa verið á hlutabréfamarkaði í ár.
Viðskipti með hlutabréf voru 18%
minni að nafnvirði í ár en síðasta ár
og er þetta í fyrsta skipti frá upphafi
sem viðskipti dragast saman á milli
ára, að hennar sögn.
Edda Rós bendir á að ákveðin
grundvallarbreyting hafi átt sér stað
á þessu ári, því einstaklingar séu
nánast horfnir út af hlutabréfamark-
aðinum. ,,Þetta er bæði vegna þess
að áhættan sem felst í hlutabréfum
er orðin mönnum mjög ljós, en einnig
vegna þess að reglur um verðbréfa-
viðskipti hafa verið hertar,“ segir
hún.
Ásmundur Tryggvason, sérfræð-
ingur hjá greiningardeild Íslands-
banka, bendir á að hlutabréfaverð nú
hafi hækkað um 16% frá því að botn-
inum var náð í ágúst og velta farið
vaxandi. Útflutningsfyrirtækin hafa
farið fyrir hækkunum á markaði
enda hefur gengisþróun krónunnar
skilað sér í bættri afkomu félaganna.
Heildarvelta á hlutafjármarkaði nam 137 milljörðum króna árið 2001
Úrvalsvísitalan lækk-
aði um 11,2% á árinu

Á hægfara/6
Á MEÐAN flestir landsmenn
snæddu hangikjöt og aðrar kræs-
ingar á jóladag fannst Gunnbirni
Steinarssyni tilvalið að sigla kaj-
aknum sínum út í Viðey. Á speg-
ilsléttum sjónum gat hann virt fyrir
sér borgina og grýlukertin, sem
hafa fundið sér stað víða á klettum í
eynni.
Ljósmynd/Haukur Snorrason
Á kajak á jólunum
NÝJAR reglur sem taka gildi 1.
janúar næstkomandi um kostnað-
arhlut þeirra sem leita þurfa til
heilsugæslulækna, sérfræðilækna
og kaupa lyf hafa í för með sér
hækkun útgjalda á þessum svið-
um. Þannig hækka komugjöld á
heilsugæslustöðvar úr 700 kr. í
850, gjald hjá sérfræðingi hækkar
úr 1.800 í 2.100 kr. og hækkun
vegna lyfjaávísana er á bilinu 1 til
10%.
Jón Kristjánsson, heilbrigðis- og
tryggingaráðherra, segir ástæður
þessara hækkana vera þær að þar
sem nokkur ár séu síðan komu-
gjöldin hækkuðu síðast hafi verið
ákveðið að hækka þau í takt við
verðþróun, kostnaður í heilbrigð-
isþjónustunni hafi aukist mjög síð-
ustu árin og eins og staða rík-
issjóðs sé um þessar mundir hafi
þurft að finna leiðir til að unnt
væri að taka upp nauðsynleg ný
verkefni í heilbrigðiskerfinu.
Stefnt að því að stytta
biðlista á næsta ári
Þessi nýju verkefni segir ráð-
herra vera á sviði heilsugæslu,
geðheilbrigðismála og til að stytta
biðlista.
Jafnframt þessum hækkunum
taka gildi nýjar reglur vegna
kostnaðar við læknisheimsóknir
langveikra barna og tekjulágra
fjölskyldna. Rýmka nýju reglurnar
endurgreiðslurétt beggja þessara
hópa og lækka útgjöld langveikra
barna vegna lækniskostnaðar.
Þá hækka gjöld fyrir glasa-
frjóvgun frá áramótum. Fyrir
fyrstu meðferð þarf þá að greiða
137 þúsund krónur en gjaldið hef-
ur verið 115 þúsund krónur frá því
í apríl 1997.
Komugjöld
til lækna og
hlutdeild í
lyfjakostn-
aði hækkuð

Hlutur sjúklinga/12
ÞYRPING hf. hefur kynnt hug-
myndir um byggingu tuttugu hæða
hótel- og skrifstofubyggingar við
verslunarmiðstöðina Kringluna.
Alls er gert ráð fyrir 18 þúsund
fermetra viðbótarbyggingarmagni
á Kringlusvæðinu vegna þessa.
Það er teiknistofa Halldórs Guð-
mundssonar arkitekts sem hefur
hannað tillögu að deiliskipulags-
breytingu vegna turnsins og kynnti
Halldór hugmyndirnar í skipulags-
og bygginganefnd Reykjavíkur
laust fyrir jól. Nefndin hefur ekki
tekið afstöðu til byggingarinnar.
Hugmyndir
um hótelturn
við Kringluna

Tuttugu/19
AFLAVERÐMÆTI fjölveiðiskips
Samherja hf., Vilhelms Þorsteins-
sonar EA, nam á árinu sem nú er að
líða um 1.340 milljónum króna. Það
er án efa verðmætasti afli sem ís-
lenskt fiskiskip hefur nokkru sinni
borið að landi á einu ári. Afli skipsins
á árinu var ríflega 54.000 tonn.
Alls báru ellefu skip Samherja um
148 þúsund tonna afla að landi á
árinu og nam verðmæti aflans ríflega
6,5 milljörðum króna. Þar af nam
aflaverðmæti sex vinnsluskipa fé-
lagsins, umreiknað í Cif-verðmæti,
um 5.240 milljónum króna en afli
þeirra var samtals 77.700 tonn.
Aflaverðmæti Vilhelms Þorsteins-
sonar EA á árinu er næstum jafn-
mikið og framleiðsluverðmæti frysti-
húss félagsins á Dalvík en það var
um 1.600 milljónir króna á árinu.
Framleiðsluverðmæti landvinnslu
Samherja nam alls á árinu um 5.560
milljónum króna. Þar af nam fram-
leiðsluverðmæti rækjuvinnslu fé-
lagsins á Akureyri um 1.800 millj-
ónum króna.
Fiskaði
fyrir 1,3
milljarða

Í takt við ýtrustu/26
♦ ♦ ♦