Morgunblaðið - 06.01.2002, Síða 29

LISTIR
MORGUNBLAÐIÐ SUNNUDAGUR 6. JANÚAR 2002 29
Námskeið í hugleiðslu
„New Year, New Life“
Enski búddamunkurinn Venerable Kelsang Drubchen mun hefja nýtt námskeið um
hugleiðslu og hvernig nota má hana til að útrýma stressi úr nútíma lífstíl.
Gjald fyrir hvert skipti er 1.000 kr. en námsmenn og öryrkjar greiða 500 kr.
Almennar upplýsingar: 568 3417, 554 0937 eða www.karuna.is
Á þriðjudögum 15. janúar—29. janúar
frá kl. 20.00—21.30
í stofu 101, Odda, Háskóla Íslands
Í LJÓÐABÓKINNI Sagði
mamma eftir Hal Sirowitz í íslenskri
þýðingu Aðalsteins Ásbergs Sig-
urðssonar eru allmörg ljóð sem
verða að teljast heldur óvenjuleg.
Þar er fjallað um sérkennilegt sam-
band móður og sonar sem einkennist
af ísmeygilegri meinfýsi. Ímynd
hinnar fórnfúsu, hjálpsömu og ást-
ríku móður er hvergi nærri. Mörg
ljóðin hefjast á því að móðir varar
son sinn við eða bannar honum eitt-
hvað og rökstyður það heldur
skringilega.
Svo virðist sem móðirin sé ofur-
beisk, síþreytt og tuðandi og annað-
hvort eru ræður hennar farnar að
hljóma fáránlega í eyrum „sonarins“
eða hún er snarklikkuð. Honum er
bannað að synda í sjónum, setja
handlegginn út um gluggann, stinga
fingrunum í rafmagnsinnstungu og
sveifla regnhlíf inni í búð vegna þess
að afleiðingarnar geta verið hrika-
legar og fáránlegar. Móðirin brýtur
son sinn markvisst niður, í sumum
ljóðunum talar hún um hversu einsk-
is nýtur hann sé, að engin kona muni
vilja eiga hann og að hann hafi gjör-
samlega brugðist vonum hennar.
Ljóðin eru mörg hver skemmtileg og
kaldhæðnin grípandi meðan móðirin
lætur gamminn geisa. Rödd föðurins
heyrist stundum, hann er hjáróma,
nískur og ófullnægður gyðingur á
miðjum aldri. Þegar sonurinn fær
orðið kemur í ljós feiminn og óörugg-
ur maður sem á erfitt með að fóta sig
í tilverunni. Hann lýsir
m.a. samskiptum sín-
um við konur, kynlífs-
reynslu sinni og höfn-
un. Greinilegt er að
niðurrifsstarfsemi
móðurinnar um árabil
hefur skilað sér, sjálfs-
traust hans er í molum.
Og þar sem móðirin
hættir taka kynsystur
hennar við:
Ekki í kvöld
Hún sagði að ég gæti ekki
farið aftur
heim með henni, vegna
þess
að hún yrði að læra fyrir
próf. Og
að ég væri ekki fær um að hjálpa henni,
af því að ég væri ekki góður í stærðfræði.
Það eina sem ég væri góður í væri
að klæða hana úr fötunum, en
hún kynni það nú þegar.
(91)
Ljóð Sirowitz eru ekki bara
óvenjuleg vegna efnisins; hins furðu-
lega og baneitraða sambands mæðg-
inanna. Formið er líka sérstakt;
mjög lítið er um myndmál en þeim
mun meira um óvæntar tengingar og
niðurstöður. Ljóðin einkennast yfir-
leitt af hálfkæringi, eru
talmálsleg og stundum
fyndin en oftar geigar
grínið:
Að koma vel fyrir
Ég fróaði mér tvisvar
sinnum
áður en við fórum á
stefnumótið,
svo ég virkaði ekki grað-
ur.
(66)
Ljóðin í Sagði
mamma eru afar mis-
tæk. Firring og bæling
amerísks gyðingasam-
félags á sjöunda og átt-
unda áratugnum er
undir yfirborðinu en ratar ekki alveg
til fólks sem notið hefur hins lút-
erska, frjálsa og agalausa íslenska
uppeldis. Broddurinn og sársaukinn
er stundum fyrir hendi en fer víðar
forgörðum og eftir situr mestmegnis
innihaldsleysi og stöku brandari.
Þetta er ekki þýðandanum að kenna.
Kannski höfðar þessi bók mest til
unglingsdrengja sem munu eflaust
kunna betur að meta sína eigin móð-
ur að lestri loknum.
Baneitrað samband …
BÆKUR
Ljóðabók
Eftir bandaríska rithöfundinn Hal Sirowitz
(f. 1949). Aðalsteinn Ásberg Sigurðsson
íslenskaði, sennilega úr frummálinu. 94
bls. Dimma, 2001.
SAGÐI MAMMA
Steinunn Inga Óttarsdóttir
Aðalsteinn Ásberg
Sigurðsson
Gjafavara – matar- og kaffistell .
All ir verðflokkar.
- Gæðavara
Heimsfrægir hönnuðir
m.a. Gianni Versace.
VERSLUNIN
Laugavegi 52, s. 562 4244.