Morgunblaðið - 12.01.2002, Page 21

LANDIÐ
MORGUNBLAÐIÐ LAUGARDAGUR 12. JANÚAR 2002 21
HÚNVETNSKT tónlistarfólk
efndi til tónlistarveislu í Félags-
heimilinu á Blönduósi yfir hátíð-
arnar. Verkefnið var Söngva-
keppni evrópskra sjónvarpsstöðva
í gegn um tíðina. Flutt voru 25 lög
sem komið hafa við sögu þessarar
keppni, hvort heldur þau hafa
sigrað í keppninni eður ei, lög sem
hafa lifað. Tíu söngvarar komu
fram og undir lék níu manna
hljómsveit, allt húnvetnskir lista-
menn. Þessu framtaki var vel tekið
og má segja að nær uppselt hafi
verið á allar fimm sýningarnar
sem haldnar voru. Fagnaðarlætin
voru slík að „margan setti hljóð-
an“. Skarphéðinn Húnfjörð Ein-
arsson á Blönduósi annaðist hljóm-
sveitarstjórn og taldist honum að
fimmti hver Húnvetningur hefði
séð sýninguna.
Morgunblaðið/Jón Sig.
Stefán Ólafsson, Guðmundur Karl Ellertsson og Bryndís Fanný Hall-
dórsdóttir. Skarhéðinn H. Einarsson var hljómsveitarstjóri.
Hjalti Jónsson og Árdís Ólöf Vík-
ingsdóttir. Kjóllinn er sá sem Sig-
ríður Beinteinsdóttir klæddist 1990.
Blönduós
Fimmti hver Húnvetn-
ingur í sjöunda himni
Vel heppnuð Evróvisjónsýning á Blönduósi um jólin
EKKI hefur enn verið gengið til
samninga við eigendur fjögurra hús-
eigna við Dísarland og Traðarland í
Bolungarvík vegna fyrirhugaðra
framkvæmda við varnargarð ofan
byggðarinnar. Húseigendurnir voru
ósáttir við þær forsendur verðlagn-
ingar sem fyrir lágu, þ.e. stað-
greiðsluverð með hliðsjón af mark-
aðsverði á húsum í Bolungarvík og í
nágrannabyggðarlögum, að því er
fram kemur í Bæjarins besta á Ísa-
firði.
Búið er að fara fram á eignarnám
þessara húsa og er matsnefnd eign-
arnámsbóta að störfum. Fram-
kvæmdir við varnargarðinn eiga að
hefjast í vor.
Bolungarvík
Farið fram
á eignar-
nám fjög-
urra húsa
GRÍMUR Gíslason, fréttaritari
Ríkisútvarpsins á Blönduósi, er 90
ára í dag og af því tilefni sam-
þykkti bæjarstjórn Blönduóss að
gera hann að fyrsta heiðursborg-
ara Blönduóssbæjar.
Þrátt fyrir háan aldur tekur
Grímur enn þátt í margskonar fé-
lagsmálum og má þar nefna að
hann syngur í kór Blönduósskirkju
og er virkur í félagsstarfi Lions-
klúbbs Blönduóss. Hestamennska
er honum hugfólgin og sinnir hann
hestum sínum dag hvern.
Hinn níræði Grímur Gíslason,
sem talar frá Blönduósi, er ótrú-
lega ern og tekur veðrið dag
hvern. Menn hafa á orði að hvar
sem Grímur fer geisli af honum
gleðin og lífsþrótturinn.
Myndin sem hér fylgir er tekin
af honum í ferð með félögum sín-
um í Lionsklúbbnum og má glögg-
lega sjá að hann er hrókur alls
fagnaðar.
Morgunblaðið/Jón Sig.
Hallbjörn Kristjánsson, Grímur Gíslason og Hávarður Sigurjónsson.
Útnefndur
fyrsti heið-
ursborgari
Blöndu-
óssbæjar
Blönduós
MENNINGARMÁL