Morgunblaðið - 12.02.2002, Side 4

FRÉTTIR
4 ÞRIÐJUDAGUR 12. FEBRÚAR 2002 MORGUNBLAÐIÐ
Til sölu VW Caravella
nýskráður 31.01.1996,
disel, framdrifinn, ekinn 149.000
km, 9 manna,
Ásett verð 1.090.000.
Nánari upplýsingar hjá
Bílaþingi.
Opnunartímar: Mánud. - föstud.
kl. 10-18 og laugard. kl. 12-16.
Laugavegur 170-174 • Sími 590 5000 • Heimasíða: www.bilathing.is
Netfang: bilathing@hekla.is
HÆSTIRÉTTUR hefur staðfest
niðurstöðu Héraðsdóms Reykja-
víkur frá 14. janúar um að Samtök
um kvennaathvarf verði borin út
úr húsinu Bárugötu 2 í Reykjavík
sem samtökin keyptu af St. Jós-
efssystrum árið 2000. Kemst rétt-
urinn að þeirri niðurstöðu að þar
hafist Kvennaathvarfið nú við í
húsi sem það eigi engan rétt til og
í óleyfi eiganda.
Jóna Sigurlín Harðardóttir,
framkvæmdastjóri Kvennaat-
hvarfsins, segir að samtökin hafi
góða von um að komast í bráða-
birgðahúsnæði þar til þau fá nýtt
hús afhent. „Það er mjög mik-
ilvægt að það komi fram að
Kvennaathvarfið heldur sinni
starfsemi áfram.“
Málið sé að öðru leyti í höndum
sýslumannsins í Reykjavík sem
muni kalla saman sáttafund. Á
þeim fundi verði leitað samkomu-
lags um hvenær Kvennaathvarfið
þurfi að fara út úr húsinu.
Jóna segir ekki ljóst hvað
Kvennaathvarfið þurfi langan tíma
til að rýma húsið. Byrjað sé að
undirbúa flutninga en þar sem
konur og börn þeirra hafi dvalið í
húsinu hafi ekki verið hægt að
ganga frá húsgögnum. Kvennaat-
hvarfið hefur keypt annað hús í
Reykjavík en fyrri eigendur höfðu
gert leigusamning sem rennur
ekki út fyrr en 1. júní. Vonir
standa þó til að leigendurnir geti
losað húsið fyrr.
Forsaga málsins er sú að erf-
ingjar Einars Sigurðssonar, út-
gerðarmanns í Vestmannaeyjum,
töldu að forkaupsréttur þeirra
hefði ekki verið vitur þegar St.
Jósefssystur seldu húsið. Höfðuðu
þau mál af því tilefni og féll dómur
þeim í vil í Hæstarétti hinn 20.
september 2001 og sneri Hæsti-
réttur þar með við dómi Héraðs-
dóms Reykjavíkur. Lögmaður erf-
ingjanna lýsti því yfir við mál-
flutning í Hæstarétti að Kvenna-
athvarfinu yrði veittur sanngjarn
frestur til að finna sér nýtt hús-
næði. Ágreiningur varð um hversu
langur tími væri sanngjarn frestur
og lyktaði þeim deilum með því að
erfingjarnir lögðu fram útburð-
arkröfu. Á hana féllst Héraðs-
dómur Reykjavíkur hinn. 4. febr-
úar sl.
Yfirlýsing með
óákveðnu orðalagi
Kvennaathvarfið kærði úrskurð-
inn stuttu síðar til Hæstaréttar
sem staðfesti hann að öðru leyti en
því að aðilar voru hvor um sig
látnir bera málskostnað.
Í dómi Hæstiréttar segir að
Kvennaathvarfinu sé ekki fært að
líta svo á að yfirlýsing sem gefin
var með óákveðnu orðalagi um að
það fengi sanngjarnan frest til að
finna sér nýtt húsnæði hafi falið
falið í sér skuldbindingu um að
Kvennaathvarfið fengi að halda
umráðum fasteignarinnar lengur
en þá tvo mánuði, sem liðu frá
uppsögu dóms Hæstaréttar fram
til þess að eigendur hússins kröfð-
ust fyrst heimildar til að fá
Kvennaathvarfið borið út úr því.
Kvennaathvarfið hafi öðlast rétt til
að hafast við á eigninni með kaup-
um hennar. Þegar þau kaup urðu
að engu var um leið liðinn undir
lok réttur þess til umráða yfir
henni án heimildar ættingjanna.
Vera athvarfsins á eigninni á því
tímamarki hafi ekki ein og sér get-
að skapað því rétt til að halda
áfram umráðum hennar, hvorki
svo sem húsaleigusamningur hefði
verið gerður um hana né á öðrum
grunni gerður. Sé því óhjá-
kvæmilegt að líta svo á að
Kvennaathvarfið hafist nú við í
húsi sem það eigi engan rétt til í
ólofi eiganda, samanber ákvæði
VI. bókar 14. kapítula 6. gr.
norsku laga Kristjáns V. frá 15.
apríl 1687.
Málið dæmdu hæstaréttardóm-
ararnir Markús Sigurbjörnsson,
Árni Kolbeinsson og Gunnlaugur
Claessen. Lögmaður Kvennaat-
hvarfsins var Jón Steinar Gunn-
laugsson hrl. en Vilhjálmur H. Vil-
hjálmsson hrl. flutti málið fyrir
hönd erfingjanna.
Hæstiréttur samþykkir útburð Kvennaathvarfsins
Kvennaathvarfið í
bráðabirgðahúsnæði
Rétturinn vísar
til norskra laga
frá 1687
FLUGFÉLAG Íslands, FÍ, samdi í
gær við grænlensku heimastjórnina
um áætlunarflug frá Íslandi til aust-
urstrandar Grænlands. Samningur-
inn, sem gildir til loka september
2003, tryggir flugfélaginu um 240
milljóna króna tekjur og eykur veltu
þess um 5 til 6%. Búist er við hátt í 10
þúsund farþegum á þessum leiðum
yfir árið.
Flugfélag Íslands tók þátt í útboði
grænlensku heimastjórnarinnar á
þessu flugi og sendi inn tilboð ásamt
Grænlandsflugi og fleirum. Jón Karl
Ólafsson, framkvæmdastjóri FÍ,
sagði við Morgunblaðið að samning-
urinn væri mjög mikilvægur fyrir fé-
lagið og einnig íslenska ferðaþjón-
ustu.
„Framlegðin af samningnum er
líka mjög góð. Hann passar vel inn í
annan rekstur okkar og við náum að
nýta betur mannskap og þau tæki
sem við höfum. Við getum sinnt
þessu flugi um miðjan dag, utan
mestu anna hjá okkur í innanlands-
fluginu á morgnana og kvöldin,“
sagði Jón Karl.
Að hans sögn verður Grænlands-
flugið með svipuðum hætti og áður
hjá FÍ, áfangastaðir hinir sömu, líkt
og tíðni ferða. Félagið var áður með
samning við grænlensku heima-
stjórnina sem rann út um áramótin
en upphæðir í þeim samningi voru
lægri en nú.
Fljúga á allt árið um kring frá
Reykjavík til Kulusuk og Nerlerit
Inaat á austurströnd Grænlands.
Farnar verða tvær ferðir í viku, ann-
ars vegar á Fokker-vél á laugardög-
um og hins vegar á Metró-vél á
fimmtudögum. Flugið tryggir sam-
göngur fyrir íbúa austurstrandar til
vesturstrandarinnar í tengslum við
flug Grænlandsflugs til Kulusuk, en
engar aðrar samgöngur eru til
Nerlerit Inaat nema skipakomur á
sumrin.
Jón Karl sagði að fyrir utan þenn-
an samning myndi Flugfélag Íslands
fara með ferðamenn til Kulusuk í
sumar líkt og áður – á eigin reikning.
Morgunblaðið/Sverrir
Samningur FÍ og Grænlandsstjórnar var undirritaður á Hótel Loftleið-
um í gærkvöldi af Sturlu Böðvarssyni samgönguráðherra, Jóni Karli
Ólafssyni framkvæmdastjóra, Jörgen Waever Johansen, ráðherra
grænlensku heimastjórnarinnar, og Jens K. Lyberth ráðuneytisstjóra.
Tryggir félaginu 240
milljóna króna tekjur
Flugfélag Íslands semur við grænlensku heimastjórnina
„ÉG vonast til að ná allt að 250
kílóum af sniglum á ári, þegar
framleiðslan verður komin í full-
an gang,“ segir Jakob Narfi
Hjaltason, bóndi í Laugargerði í
Biskupstungum. Hann hefur
fengið leyfi til að flytja snigla til
landsins frá Danmörku og ætlar
að sjá veitingahúsum og almenn-
ingi fyrir þessu hnossgæti í kom-
andi sniglaveislum.
Sniglarnir, sem heita því
virðulega tegundarheiti Helix
Pomatia, eru mun stærri en ís-
lenski brekkusnigillinn. Skelin
er um tvær tommur í þvermál,
eða svipuð að stærð og hring-
urinn sem myndast þegar O er
myndað með því að leggja góma
vísifingurs og þumalfingurs sam-
an. „Ég stefni á að fá um 1.500-
2.000 snigla til landsins í júní eða
júlí,“ segir Jakob Narfi. „Þeim
verður komið fyrir í vermireitum
í gróðurhúsum og þar el ég þá á
káli, njóla, kúrbít, gúrku og
ýmsu öðru.“
Sniglarnir eru tvíkynja og sér
því hver og einn sjálfur um að
tímgast. „Ég hefði því getað látið
mér nægja að flytja inn einn, en
þá hefði ég þurft að bíða ansi
lengi eftir að stofninn stækkaði.
Hver snigill gefur af sér 40-60
egg í einu,“ segir Jakob Narfi,
sem hikar þó við að taka sér orð-
ið „varp“ í munn og talar fremur
um „got“ þótt honum þyki það
líka sérkennilegt. „Í Danmörku
ná þeir goti tvisvar á ári, en ég er
að vonast til að hérna verði það
þrisvar á ári, því ég get hæglega
stjórnað hitanum í gróðurhúsinu.
Auðvitað verða töluverð afföll og
þykir gott ef 20-50% nær slát-
urstærð.“
Jakob Narfi reiknar með að
leiða fyrstu sniglana til slátrunar
eftir þrjú ár, en hann neitar því
hins vegar að hann verði eins og
fjárbóndi og nefni alla sniglana
sína. Flestir enda sniglarnir lík-
lega á borðum veitingahúsa, en
sniglabóndinn efast ekki um að
almenningur komist á bragðið.
Sniglar eru oftast bornir fram
í skelinni með hvítlaukssmjöri.
Jakob Narfi segir hins vegar að
urmull sé til af sniglaupp-
skriftum og sjálfur kunni hann
einar 20-30 mismunandi upp-
skriftir.
Sniglar væntan-
legir frá Dan-
mörku í sumar
Ræktun fer
fram í Bisk-
upstungum
RÍKISSÁTTASEMJARI lagði í gær
fram miðlunartillögu í kjaradeilu
flugumferðarstjóra við ríkið þar sem
þriggja daga samningalota um
helgina bar engan árangur. „Það var
reynt til þrautar að höggva á hnútinn
en helgin dugði ekki til. Þess vegna
lagði ég tillöguna fram,“ sagði Þórir
Einarsson ríkissáttasemjari í samtali
við Morgunblaðið en hvorki hann né
deiluaðilar sögðust mega tjá sig opin-
berlega um innihald tillögunnar þeg-
ar eftir því var leitað í gær.
Að lokinni kynningu meðal flugum-
ferðarstjóra hófst atkvæðagreiðsla
um tillöguna síðdegis í gær á skrif-
stofu ríkissáttasemjara og heldur
áfram í dag til klukkan 17. Önnur
kynning á tillögunni fer einnig fram í
dag fyrir flugumferðarstjóra.
Fljóttalið verður öðrum megin
borðsins um tillöguna þar sem fjár-
málaráðherra greiðir einn atkvæði
fyrir hönd ríkisins. Hinum megin hafa
106 flugumferðarstjórar atkvæðisrétt
en fjölgun um þrjá varð í Félagi ís-
lenskra flugumferðarstjóra um
helgina, að sögn Lofts Jóhannssonar,
formanns félagsins.
Flugumferðarstjórar á lands-
byggðinni hafa heimild til að sím-
senda atkvæði sitt til sáttasemjara.
Búist er við að niðurstaða atkvæða-
greiðslunnar liggi fyrir síðdegis í dag,
eða í síðasta lagi fyrir klukkan sjö í
kvöld þegar taka á rafmagn af nýja
„Karphúsinu“ vegna viðgerða.
Verði tillagan felld eru líkur taldar
á því að ríkisstjórnin leggi fram laga-
frumvarp á Alþingi um stöðvun yfir-
vinnubannsins og skipan gerðardóms
til að úrskurða um kjör flugumferð-
arstjóra. Samkvæmt upplýsingum
Morgunblaðsins er einnig sá mögu-
leiki uppi að miðlunartillaga sátta-
semjara verði sett í lög. Fyrir því eru
fordæmi í kjaradeilum fyrri ára, eink-
um hjá sjómönnum.
Atkvæði talin í dag
um miðlunartil-
lögu sáttasemjara
Ekkert gekk um helgina í viðræðum
flugumferðarstjóra og ríkisins